ការរស់នៅក្នុងប្រទេសជប៉ុន បានត្រលប់មកធម្មតាវិញហើយ ខណៈគ្រាអាសន្នត្រូវបានបញ្ចប់នៅក្នុងប្រទេសជប៉ុនអស់រយៈពេលពីរសប្ដាហ៍នេះបើយោងតាមការចុះផ្សាយរបស់សារព័ត៌មាន NHK។ ប្រភពដែលបានឱ្យដឹងថា ស្ថានភាពនៃភាពប្រក្រតីកំពុងវិលត្រឡប់មកវិញបន្តិចម្តងៗ នៅទូទាំងប្រទេស ដោយសារចំនួនករណីថ្មីនៃជំងឺកូវីដនៅក្នុងខេត្តភាគច្រើនបានធ្លាក់ចុះ។

ជាក់ស្ដែង ប្រជាពលរដ្ឋនៅទីក្រុងអូគូម៉ាក្នុងខេត្តហ្វូគូស៊ីម៉ា បានប្រារព្ធពិធីទិវាមនុស្សចាស់ ហើយនេះ គឺជាលើកទីមួយក្នុងរយៈពេល ១០ ឆ្នាំដែលពិធីមួយបានកើតឡើងនៅក្នុងទីក្រុង។ យុវជនដែលបានចូលរួមក្នុងទិវានោះ បានឱ្យដឹងថា មនុស្សខិតខំធ្វើការដើម្បីបង្កើតអ្វីៗតាមរបៀបដែលពួកគេមាន។

គួរឱ្យដឹងផងដែរថា រយៈពេល ៧ ថ្ងៃនៃករណីឆ្លងវីរុសកូរ៉ូណាថ្មីនៅទូទាំងប្រទេសមានចំនួនប្រហែល ៦៣០ ។ ចំនួននេះ គឺជាកម្រិតទាបមិនធ្លាប់មាននៅឆ្នាំនេះ ដោយតួលេខនេះបានធ្លាក់ចុះរយៈពេល ៧ សប្តាហ៍ជាប់ៗគ្នា។ ប៉ុន្តែទោះយ៉ាងណា ក៏ដោយអ្នកជំនាញនិយាយថា ការប្រុងប្រយ័ត្ន នៅតែសំខាន់ហើយត្រូវអនុវត្តកុំធ្វេសប្រហែស៕

អត្ថបទ៖ លីនី
ប្រភព៖ nhk