យោងតាមការចុះផ្សាយរបស់ក្រសួងព័ត៌មានបានឱ្យដឹងថា កសិដ្ឋានចិញ្ចឹមគោយកទឹកដោះដ៏ធំនៅកម្ពុជា គ្រោងពង្រីកការផលិតទឹកដោះឱ្យបាន ២ម៉ឺនលីត្រក្នុងមួយថ្ងៃ ដើម្បីកាត់បន្ថយការនាំចូលទឹកដោះស្រស់ពីក្រៅប្រទេស។ នេះគឺសកម្មភាពដែលបុគ្គលិករបស់កសិដ្ឋានចិញ្ចឹមគោយកទឹកដោះគិរីសួរគ៌ កំពុងតែមមាញឹក ក្នុងការបូមយកទឹកដោះពីគោ ដោយប្រើប្រាស់ប្រព័ន្ធបច្ចេកវិទ្យាទំនើប បន្ទាប់ពីគោទាំងអស់ បានងូតទឹកសម្អាតខ្លួនរយៈពេល ៤៥នាទី ដើម្បីធានាថាទឹកដោះគោដែលផលិតដោយកសិដ្ឋាននេះ មានអនាម័យ និងសុវត្ថិភាពសម្រាប់អ្នកបរិភោគ។ មានចម្ងាយប្រមាណ ៤០គីឡូម៉ែត្រពីរាជធានីភ្នំពេញ បើយើងធ្វើដំណើរតាមផ្លូវជាតិលេខ២ បត់ចូលតាមផ្លូវទៅកាន់រមណីយដ្ឋានភ្នំម៉ៅ ប្រមាណមួយគីឡូម៉ែត្រ នៅខាងស្តាំដៃយើងនឹងឃើញកសិដ្ឋានដ៏ធំមួយ។ កន្លែងនេះហើយ គឺជាកន្លែងចិញ្ចឹមគោយកទឹកដោះដ៏ធំមួយនៅកម្ពុជា មានផ្ទៃដីសរុប ៣០០ហិកតា ស្ថិតនៅក្នុងស្រុកបាទី ខេត្តតាកែវ។ កសិដ្ឋានគិរីសួរគ៌ ត្រូវបង្កើតឡើងដោយវិនិយោគិនខ្មែរសហការជាមួយជនជាតិអ៉ីស្រាអែល ដោយមានទុនវិនិយោគដំបូងជិត ២០លានដុល្លារ។ កសិដ្ឋានផលិតគោទឹកដោះគិរីសួរគ៌ របស់ក្រុមហ៊ុន Khmer

ក្រសួងវប្បធម៌ និងវិចិត្រសិល្បៈ មុននេះបន្តិចបានចេញសេចក្តីជូនដំណឹង ស្តីពីការបើកដំណើរការឡើងវិញនូវការចូលទស្សនាសារមន្ទីរ រោងភាពយន្ត និងរោងសម្តែងសិល្ប: ក្នុងរាជធានីភ្នំពេញ ចាប់ពីថ្ងៃទី៣០ ខែតុលា ឆ្នាំ២០២១ នេះ ដោយគោរពអនុវត្តតាមវិធានការគោលការណ៍ស្តង់ដាប្រតិបត្តិ SOP និងវិធានការនានារបស់ក្រសួងសុខាភិបាល ដើម្បីទប់ស្កាត់ការចម្លងរីករាលដាលជំងឺកូវីដ-១៩។ សូមអានសេចក្ដីជូនដំណឹងលម្អិតនៅខាងក្រោម៖ អត្ថបទ៖ លីនី

មន្ត្រីជាន់ខ្ពស់សមាគមសណ្ឋាគារថៃបាននិយាយកាលពីថ្ងៃពុធថា ការអញ្ជើញតារាស្រី K-pop គឺ Lalisa “Lisa” Manoban ដែលជាសមាជិកក្រុម Blackpink មកកាន់ការព្រឹត្តិការណ៍ឆ្លងឆ្នាំនៅភូកេត គឺជាការវិនិយោគដើម្បីជួយលើកកម្ពស់វិស័យទេសចរណ៍ នេះយោងតាមការចុះផ្សាយរបស់សារព័ត៌មាន Bangkok Post។ មន្រ្តីជាន់ខ្ពស់រូបនេះបានឱ្យដឹងបន្ថែមទៀតថា ការចំណាយពី ២០០-៣០០ លានបាត (ប្រហែល ៦ ទៅ ៩លានដុល្លារ) ដើម្បីជួល Lisa គឺសមនឹងការវិនិយោគព្រោះវានឹងទាក់ទាញភ្ញៀវទេសចរថៃ និងអន្តរជាតិរាប់ពាន់នាក់ ដែលម្នាក់ៗនឹងចំណាយយ៉ាងហោចណាស់ ២០,០០០-៣០,០០០ បាត (ប្រហែល ៦០០ ទៅ ៩០០ ដុល្លារ)

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ឯកឧត្តម ថោង ខុន រដ្ឋមន្រ្តីក្រសួងទេសចរណ៍ និងជាប្រធានក្រុមការងាររាជរដ្ឋាភិបាលនិងឯកជន ដើម្បីស្តារ និងលើកស្ទួយវិស័យទេសចរណ៍ក្នុង និងក្រោយវិបត្តិជំងឺកូវីដ-១៩ អះអាងថា ការបើកទទួលទេសចរណ៍វ៉ាក់សាំងពេញលេញនៅទូទាំងប្រទេស នឹងអនុវត្តក្រោយគម្រោងសាកល្បងទៅលើខេត្តព្រះសីហនុ និងតំបន់តារាសាគរនៃខេត្តកោះកុងនៅចុងខែវិច្ឆិកាខាងមុខនេះ ខណៈខេត្តសៀមរាប ត្រៀមអនុវត្តនៅក្នុងខែមករា ឆ្នាំ២០២២។ ថ្លែងក្នុងពិធីប្រកាសផ្សព្វផ្សាយ ដាក់ឱ្យអនុវត្ត “ផែនការយុទ្ធសាស្ត្រ ស្តីពី ការបើកទទួលទេសចរណ៍វ៉ាក់សាំង” ថ្ងៃទី២៨ ខែតុលានេះ ឯកឧត្តម រដ្ឋមន្រ្តី បញ្ជាក់ថា ការចាប់ផ្តើមទទួលទេសចរអន្តរជាតិឡើងវិញ នៅក្នុងខេត្តទាំង៣នេះ គឺជាជំហានទី១ មុនឈានទៅ ជំហានទី២ ទៅរកការបើកទទួលទេសចរអន្តរជាតិ មកតាមតំបន់ទេសចរណ៍សុវត្ថិភាពផ្សេងៗទៀត និងការបើកទទួលទេសចរណ៍

តម្លៃប្រេងឥន្ធនៈក្នុងប្រទេសវៀតណាមបានកើនឡើងជាង ៥២% ដែលជាកម្រិតខ្ពស់បំផុតក្នុងរយៈពេលប្រាំពីរឆ្នាំ ជាមួយនឹងអត្រានៅលើពិភពលោកក៏កើនឡើង។ ជាមួយគ្នានេះដែរ ការកើនឡើងនៃតម្លៃប្រេង គឺចំពេលដែលតម្រូវការប្រេងកើនឡើងក្នុងប្រទេស និងនៅក្នុងសេដ្ឋកិច្ចដែលកំពុងបើកដំណើរការឡើងវិញ។ បើយោងតាមការចុះផ្សាយរបស់សារព័ត៌មាន vnexpress បានឱ្យដឹងថា រដ្ឋាភិបាលបានដំឡើងថ្លៃប្រេងឥន្ធនៈកើនឡើងពី ៤០.២៣% ទៅ ៥២.៥៩% នៅឆ្នាំនេះ ជាមួយនឹងការកើនឡើងចុងក្រោយកាលពីថ្ងៃអង្គារ ដែលនាំឱ្យប្រេងឥន្ធនៈឡើងដល់ ២៤,៣៣០ ដុង (១.០៧ ដុល្លារ) ក្នុងមួយលីត្រ ដែលខ្ពស់បំផុតចាប់តាំងពីខែកញ្ញា ឆ្នាំ២០១៤។ ក្រសួងឧស្សាហកម្ម និងពាណិជ្ជកម្ម និងក្រសួងហិរញ្ញវត្ថុវៀតណាមបាននិយាយរួមគ្នាថា ចាប់តាំងពីខែមុនមក ប្រទេសវៀតណាមបានដំឡើងថ្លៃប្រេងឥន្ធនៈចំនួនបួនដង ប៉ុន្តែការកើនឡើងរួមគ្នានៅឆ្នាំនេះ នៅតែទាបជាងអត្រាពិភពលោក ដោយសារមូលនិធិស្ថិរភាពតម្លៃប្រេងឥន្ធនៈ។ គួរឱ្យដឹងផងដែរថា

យោងតាមការចុះផ្សាយរបស់ក្រសួងព័ត៌មាននាថ្ងៃទី២៨ ខែតុលា ឆ្នាំ២០២១នេះ បានឱ្យដឹងថា ទីភ្នាក់ងារស្វីសសម្រាប់ការអភិវឌ្ឍន៍ និងកិច្ចសហប្រតិបត្តិការ តាមរយៈកម្មវិធីអភិវឌ្ឍន៍សហគ្រាស នៃអង្គការសហប្រជាជាតិ ហៅកាត់ថា អង្គការ UNIDO បានផ្តល់ហិរញ្ញប្បទានចំនួនប្រមាណ ១លានដុល្លារអាមេរិក សម្រាប់អនុវត្តគម្រោងវិស័យកសិ-អាហារ និងវិស័យ ទេសចរណ៍នៅកម្ពុជា។ ថវិកានេះ គាំទ្រដល់ការអភិវឌ្ឍន៍សេដ្ឋកិច្ច និងការងារកម្ពុជា តាមរយៈការស្តារសហគ្រាសនៃវិស័យកសិ-អាហារ និងវិស័យទេសចរណ៍ ក្នុងបរិការណ៍កូវីដ-១៩ និងការបង្កើនភាពធន់ និងការស្តារឱ្យប្រសើរឡើងនូវសហគ្រាសធុនតូច និងមធ្យមក្នុងវិស័យកសិ-អាហារ និង ទេសចរណ៍ ក្នុងខេត្តបាត់ដំបង ពោធិ៍សាត់ និងកំពង់ឆ្នាំង។ លោក ជួប រតនា ប្រធាននាយកដ្ឋានផែនការអភិវឌ្ឍន៍ទេសចរណ៍

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជួននៅ ព្រឹកថ្ងៃទី២៦ ខែតុលា ឆ្នាំ២០២១នេះ បានជួបប្រជុំពិភាក្សាលើគម្រោងសាងសង់ហេដ្ឋារចនា សម្ព័ន្ធផ្លូវចំនួន៣៨ខ្សែនៅក្រុងសៀមរាប ខេត្តសៀមរាប ជាមួយអាជ្ញាធរខេត្ត អង្គភាព សាងសង់ សំដៅស្វែងរកដំណោះស្រាយចំពោះបញ្ហាប្រឈម សំណូមពរ ក៏ដូចជាផ្ដល់ អនុសាសន៍នានា ដើម្បីធានាឱ្យសំណង់មានគុណភាពខ្ពស់ស្របតាមបទដ្ឋានបច្ចេកទេស និងសៀវភៅបន្ទុកធ្វើឱ្យបានរឹងមាំជាប់គង់វង្សយូរអង្វែង។ ជាមួយគ្នានេះឯកឧត្ដមទេសរដ្ឋមន្ត្រី បានថ្លែងអំណរគុណ និងកោតសរសើរ យ៉ាងជ្រាលជ្រៅចំពោះអង្គភាពសាងសង់ទាំងអស់ ដែលបានខិតខំប្រឹងប្រែងបំពេញ ការងាររបស់ខ្លួនដោយយកចិត្តទុកដាក់ និងប្រកបដោយការទទួលខុសត្រូវខ្ពស់។ ឯកឧត្តមបានស្នើឱ្យភាគីពាក់ព័ន្ធទាំងអស់សហការ និងពិភាក្សាគ្នារិះរកបច្ចេកទេសល្អៗ ដើម្បីសាងសង់សង់ផ្លូវទាំង៣៨ខ្សែនេះឱ្យកាន់តែមានគុណភាពខ្ពស់ ហើយក្នុងករណី ការសាងសង់កន្លងមកមិនត្រឹមត្រូវតាមលក្ខណៈបច្ចេកទេស ត្រូវកែសម្រួលឱ្យត្រូវតាម

អនុរដ្ឋមន្ត្រីក្រសួងព័ត៌មាន វប្បធម៌ និងទេសចរណ៍ឡាវ លោក Ounthuang Khaophan បានបញ្ជាក់កាលនៅថ្ងៃទី២៧ ខែតុលា ឆ្នាំ២០២១ នេះថា ភ្ញៀវទេសចរមកពីប្រទេសជិតខាង ជាពិសេសវៀតណាម ចិន និងប្រទេសអាស៊ាន នឹងត្រូវបានពិចារណាសម្រាប់ការចូលប្រទេសឡាវមុនគេ។ លោក Ounthuang បាននិយាយថា អទិភាពបច្ចុប្បន្នរបស់ប្រទេសឡាវ គឺការចាក់វ៉ាក់សាំងយ៉ាងហោចណាស់ ៥០% នៃប្រជាជនរបស់ខ្លួនប្រឆាំងនឹងជំងឹ កូវីដ-១៩ នៅចុងឆ្នាំនេះ។ យ៉ាងណាមិញគិតត្រឹមថ្ងៃទី២៣ ខែតុលា មានតែ ៤៣.៥៥% នៃប្រជាជនឡាវប៉ុណ្ណោះ ដែលបានទទួលវ៉ាក់សាំងកូវីដ-១៩ ហើយ ៣៧.២៤% ត្រូវបានចាក់វ៉ាក់សាំងពេញលេញ។ អនុរដ្ឋមន្ត្រីរូបនេះបានបន្តថា