ក្នុងសេចក្ដីព្រាងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០២២ បានបង្ហាញថា រាជរដ្ឋាភិបាលមានគម្រោងចំណាយថវិកាថ្នាក់ជាតិ ត្រូវបានគ្រោងក្នុងចំនួន ៣២ ៥៧៦,៩ប៊ីលានរៀល (ប្រមាណ ៨ ០១៣ លានដុល្លារអាម៉េរិក) ត្រូវជា ២៦,២៤ភាគរយ នៃផ.ស.ស. ដែលកើនឡើង ៦,៨ភាគរយធៀបនឹងឆ្នាំ២០២១ និងគម្រោងចំណូលថវិកាថ្នាក់ជាតិ ត្រូវបានគ្រោងក្នុងចំនួន ២៣ ៤៦២,៦ប៊ីលានរៀល (ប្រមាណ ៥ ៧៧១ លានដុល្លារអាម៉េរិក) ត្រូវជា ១៨,៩ភាគរយ នៃផ.ស.ស.ដែលកើនឡើង១៧,៧ភាគរយ ធៀបនឹងឆ្នាំ២០២១។ នេះបើយោងតាមសេចក្ដីប្រកាសព័ត៌មាន ស្ដីពីលទ្ធផលនៃសម័យប្រជុំពេញអង្គគណៈរដ្ឋមន្ត្រី ចេញផ្សាយថ្ងៃសុក្រ ១រោច ខែអស្សុជ ឆ្នាំឆ្លូវ ត្រីស័ក

អ្នករស់នៅទីក្រុង ម៊ែលបន ដែលជាទីក្រុងធំទីពីររបស់ប្រទេសអូស្ត្រាលី បានប្រមូលផ្តុំគ្នានៅហាងស្រា និងភោជនីយដ្ឋាននៅព្រឹកថ្ងៃសុក្រ នេះ បន្ទាប់ពីទីក្រុងបានដកការចាក់សោរ (Lock Down) រយៈពេលសរុបរហូតដល់ ២៦២ថ្ងៃ ដែលជា​រយៈពេលនៃការចាក់សោរទីក្រុងដ៏យូរបំផុតមួយនៅលើពិភពលោក។ សំឡេង​ហ៊ោកញ្ជ្រៀវ ទះដៃ និងសម្លេងស៊ីផ្លេ​រថយន្ត​បាន​បន្លឺ​ឡើង​ពេញ​ទីក្រុង ខណៈ​ដែល​ទីក្រុង ម៊ែលបន បាន​ដកចេញ​ពី​ការ​បិទ​ទ្វារ​នៅ​ម៉ោង ១១:៥៩ យប់។ កាលពីថ្ងៃព្រហស្បតិ៍ ប្រព័ន្ធផ្សព្វផ្សាយក្នុងស្រុកបានរាយការណ៍ថា ការដកការចាក់សោរនេះ គឺបន្ទាប់ពីរដ្ឋ Victoria ដែលក្នុងនោះមានទីក្រុង ម៊ែលបន ជារដ្ឋធានី បានទទួលការចាក់ថ្នាំបង្ការពេញលេញសម្រាប់អ្នកស្រុក ៧០% ដែលមានអាយុចាប់ពី ១៦ឆ្នាំឡើងទៅ។ លោក Daniel

យោងតាមការចុះផ្សាយរបស់ក្រសួងព័ត៌មានបានឱ្យដឹងថា កសិករដាំស្វាយកែវរមៀត ងាកមកបេះក្តឹបស្វាយលក់ដើម្បីបំពេញតម្រូវការទីផ្សារ។ លោកស្រី ឈិន ចម្រើន នាយកប្រតិបត្តិសហគមន៍កសិកម្មស្វាយកែវរមៀតគិរីរម្យ បានប្រាប់វិទ្យុជាតិកម្ពុជាថា កសិករដាំស្វាយមួយចំនួន ជាពិសេសកសិករ ដែលជាសមាជិករបស់សហគមន៍កសិកម្មស្វាយកែវរមៀតគិរីរម្យ បានងាកមកបេះក្តឹបស្វាយបំពេញតម្រូវការទីផ្សារម្ជូរក្នុងស្រុកវិញ ដែលចូលរួមកាត់បន្ថយការនាំចូលក្តឹបស្វាយពីក្រៅប្រទេស និងកាត់បន្ថយការធ្លាក់ចុះខ្លាំងនៃតម្លៃស្វាយ នៅរដូវប្រមូលផលស្វាយ ព្រមទាំងកាត់បន្ថយចំនួនស្វាយទុំជ្រុះ នៅរដូវខែជន់ស្វាយ ក្នុងចន្លោះខែកុម្ភៈដល់ខែមេសាផងដែរ។ លោកស្រីបានបន្តថា រយៈពេលក្រោយនេះ កសិករបានចាប់ផ្តើមប្រលេះ ក្តឹបស្វាយមួយផ្នែកចេញមកលក់ ដោយរក្សាទុកតែបរិមាណតិចតួច ក្នុងមួយទងសម្រាប់ខ្ចប់ ដើម្បីឱ្យស្វាយមានផ្លែធំល្អ និងមានគុណភាព លក់បានតម្លៃថ្លៃ។ លោកស្រី បានបន្តទៀតថា ក្តឹបស្វាយប្រើរយៈពេលតែ ៣៥ថ្ងៃប៉ុណ្ណោះ ក្នុងការទទួលបានផលយកមកលក់ ដែលធ្វើឱ្យអ្នកដាំចំណេញពេលវេលា ចំណេញដើមទុនក្នុងការផលិត

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ប្រជាសហគមន៍ព្រៃឈើប្រាំបីមុម រកចំណូលបានពីការដកផ្សិតកញ្ចូលនិងផ្សិតក្ងោកលក់លើទីផ្សារបានល្អប្រសើរ ដែលអាចទទួលបានប្រាក់ចំណូល សម្រាប់លើក ស្ទួយជីវភាពក្នុងគ្រួសារ ។ លោក លីវ សារ៉ុម គណៈកម្ម ការល្បាតនិងផ្សព្វផ្សាយនៅសហគមន៍ព្រៃឈើប្រាំបីមុមបានមានប្រសាសន៍ប្រាប់វិទ្យុជាតិកម្ពុជាថា ដោយសារបច្ចុប្បន្ននេះ មានភ្លៀងធ្លាក់ជាបន្តបន្ទាប់ បានធ្វើឲ្យផ្សិតក្ងោកនិងផ្សិតកញ្ជូល បានដុះដាលស្អេកស្កះ នៅតាមព្រៃរបោះក្នុងតំបន់ការពារធម្មជាតិសហគមន៍ព្រៃឈើប្រាំបីមុម។ លោកបន្តថា ផ្សិតក្ងោកនិងផ្សិតកញ្ជូល បានដុះដាលស្អេកស្កះ ធ្វើឲ្យប្រជាជនរស់នៅតំបន់នោះ បានចាប់យកមុខរបរដកផ្សិតនេះ សម្រាប់យកមកធ្វើម្ហូបអាហារ និងយកទៅលក់ ដើម្បីទទួលបានចំណូលបន្ថែមសម្រាប់លើកកម្ពស់ជីវភាពគ្រួសារ ដោយក្នុង ១គីឡូក្រាមមានតម្លៃ ចាប់ពី១ម៉ឺនរៀលទៅ១ ម៉ឺន២ពាន់រៀល។ «គិតទៅវាគួរសមដែរ ព្រោះផ្សិតក្ងោកដុះយូរដែរអាចកន្លះខែ តាមសមាជិកតាមគ្រួសាររបស់ពួកគាត់ អាចមួយរដូវៗគាត់អាចបានដោះស្រាយជីវភាពគាត់គ្រាន់បើដែរ ដោយសារទីមួយ

យោងតាមការចុះផ្សាយរបស់ក្រសួងព័ត៌មានបានឱ្យដឹងថា សម្តេចតេជោ ហ៊ុន សែន បញ្ជាក់ថា ចាប់ពីពេលនេះទៅពេលមានការឆ្លងជំងឺកូវីដ-១៩ មិនមានការបិទសាលារៀន ផ្សារ រោងចក្រ នឹងកន្លែងផ្សេងៗទៀតទេ។ គណៈរដ្ឋមន្ត្រីបានបើកសម័យប្រជុំពេញអង្គរបស់ខ្លួន នាព្រឹកថ្ងៃទី ២២ ខែតុលា ឆ្នាំ២០២១ នៅវិមានសន្តិភាព ក្រោមអធិបតីភាពដ៏ខ្ពង់ខ្ពស់ របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីពិនិត្យ ពិភាក្សា និងអនុម័តទៅលើរបៀបវារៈសំខាន់ៗមួយចំនួន ដែលក្នុងនោះក៏មានសេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២ ផងដែរ។ របៀបវារៈសំខាន់ៗទាំងនោះរួមមាន ១- សេចក្តីព្រាងច្បាប់ ស្តីពីហិរញ្ញវត្ថុសម្រាប់ការ គ្រប់គ្រងឆ្នាំ២០២២។ ២- សេចក្តីព្រាងច្បាប់

យោងតាមការចុះផ្សាយរបស់សារព័ត៌មាន Bangkok Post នាព្រឹកថ្ងៃទី២២ ខែតុលា ឆ្នាំ២០២១ នេះបានឱ្យដឹងថា នាយករដ្ឋមន្រ្តីថៃ លោក ប្រាយុធ ចានអូចា បានប្រកាសបើកទ្វារប្រទេសទទួលអ្នកទេសចរមកពី ៤៦ប្រទេស ដោយចាប់ផ្តើមពីថ្ងៃទី ១ ខែវិច្ឆិកាខាងមុខនេះតទៅ ជំនួសឱ្យការបើកទទួលអ្នកទេសចរមកពីប្រទេសមានហានិភ័យទាប ចំនួន ១០ ដែលបានប្រកាសកាលពីពេលមុន។ បើតាមសារព័ត៌មានដដែល អ្នកទេសចរមកពីប្រទេសចំនួន ៤៦ ដែលត្រូវបានចាត់ទុកថាជាក្រុមដែលមានហានិភ័យទាបដំបូងអាចចូលមកប្រទេសថៃតាមយន្តហោះដោយមិនចាំបាច់ធ្វើចត្តាឡីស័ក ប្រសិនបើពួកគេបានចាក់វ៉ាកសាំងពេញលេញ និងមានភស្តុតាងនៃលទ្ធផលតេស្តអវិជ្ជមានមុនពេលហោះហើរ ប៉ុន្តែពួកគេក៏ត្រូវតម្រូវឱ្យធ្វើតេស្តម្ដងទៀតនៅពេលមកដល់។ ជាមួយគ្នានេះដែរ បើទោះបីជាលោក ប្រាយុធ ចានអូចា មិនបានបង្ហាញពីបញ្ជីឈ្មោះប្រទេសទាំង ៤៦ ដែលនឹងបើកឱ្យចូល

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងលោកស្រី KAMEI Haruko ប្រធានទីភ្នាក់ងារសហប្រតិបត្តិការនៃប្រទេសជប៉ុនប្រចាំនៅកម្ពុជា (JICA Cambodia Office)នៅព្រឹកថ្ងៃទី២១ខែ តុលាឆ្នាំ២០២១បានចុះហត្ថលេខា តាមប្រព័ន្ធ Video Conference (VC) លើកិច្ចព្រមព្រៀងឥណទា​ន​សម្បទានបន្ថែម សម្រាប់គម្រោងពង្រីកសមត្ថភាពផ្គត់ផ្គង់ទឹកស្អាតសៀមរាប (Siem Reap Water Supply Expansion Project – II) ក្នុងទឹកប្រាក់ចំនួន ៦ ៣៣៦ លានយ៉េនជប៉ុន​ (ប្រមាណ​ ៥៨

ស្របពេលដែលតម្លៃប្រេងបានកើនឡើងជាគំហុកនៅតាមប្រទេសនានា គណៈរដ្ឋមន្រ្តីថៃ បានពិភាក្សា​ពីបញ្ហាតម្លៃ ក្នុងគោលបំណងរក្សាតម្លៃប្រេងសាំងនៅក្នុងប្រទេសក្រោម ៣០បាត (០.៩០ដុល្លារ) ក្នុងមួយលីត្រ។ លោកនាយករដ្ឋមន្រ្តី ប្រាយុទ្ធ ចាន់អូចា បានជួបជាមួយតំណាងរាស្ត្រ ៥ រូប និងរដ្ឋមន្ត្រីក្រសួងហិរញ្ញវត្ថុ និងកសិកម្មនិងសហករណ៍កាលពីថ្ងៃអង្គារ ដើម្បីពិភាក្សាពីដំណោះស្រាយចំពោះបញ្ហាតម្លៃប្រេងថ្លៃ។ នៅក្នុងជំនួបនោះ លោកនាយករដ្ឋមន្រ្តី និងតំណាងរាស្ត្រ បានពិភាក្សាអំពីបញ្ហានៃការឡើងថ្លៃប្រេង ដែលបានជះឥទ្ធិពលដល់វិស័យជាច្រើន ខណៈ សហព័ន្ធដឹកជញ្ជូនផ្លូវគោកនៃប្រទេសថៃ ក៏បានរៀបចំការតវ៉ាចំពោះបញ្ហាលើការចំណាយសម្រាប់ឡានដឹកទំនិញផងដែរ។ បន្ទាប់ពីការពិភាក្សាលោក Supattanapong បាននិយាយថា កិច្ចប្រជុំបានឯកភាពថា ពួកគេត្រូវតែគ្រប់គ្រងតម្លៃប្រេងម៉ាស៊ូត ដូច្នេះតម្លៃនឹងទាបជាង ៣០ បាតក្នុងមួយលីត្រ។ លោកក៏បន្ថែមថា ការសម្រេចចិត្តនេះនឹងត្រូវអនុម័ត