យោងតាមផែនការមេស្តីពីការអភិវឌ្ឍន៍អាកាសយានដ្ឋានក្នុងរយៈពេល ២០២១-២០៣០ ជាមួយនឹងចក្ខុវិស័យដល់ឆ្នាំ ២០៥០ ដែលត្រូវបានដាក់ជូនរដ្ឋាភិបាលដោយក្រសួងដឹកជញ្ជូន បានឱ្យដឹងថា វៀតណាមនឹងសាងសង់អកាសយានដ្ឋានថ្មីចំនួន ​៦ទៀត ក្នុងរយៈពេល ១០ឆ្នាំ ដែលបង្កើនចំនួនអាកាសយានដ្ឋានសរុបនៅក្នុងប្រទេសដល់ ២៨កន្លែង ដោយក្នុងចំនួននោះពាក់កណ្ដាលជាអាកាសយានដ្ឋានអន្តរជាតិ។ នៅក្រោមផែនការដែលបានស្នើឡើង អាកាសយានដ្ឋានទាំង២៨ នឹងមានសមត្ថភាពផ្ទុកអ្នកដំណើរ ២៧៨លាននាក់ ដើម្បីធានាថាជាង ៩៥% នៃចំនួនប្រជាជនអាចចូលទៅកាន់អាកាសយានដ្ឋានក្នុងចម្ងាយ ១០០គីឡូម៉ែត្រ ពោលគឹមិនចាំបាច់ចំណាយពេលធ្វើដំណើរយូរ។ ជាមួយគ្នានេះដែរ ផែនការនេះបានប៉ាន់ប្រមាណថា នឹងត្រូវចំណាយថវិកា ប្រហែល ៤០០ ទ្រីលានដុង (១៧.៦៨ ពាន់លានដុល្លារ) នឹងត្រូវការដើម្បីអភិវឌ្ឍប្រព័ន្ធព្រលានយន្តហោះរហូតដល់ឆ្នាំ២០៣០ ដែលស្មើនឹង ២២% នៃតម្រូវការដើមទុនសរុបនៃវិស័យទាំងមូល។

យោងតាមនាយកដ្ឋានគ្រប់គ្រងជំងឺ (DDC) បានរាយការណ៍កាលពីថ្ងៃអាទិត្យថា ចាប់តាំងពីប្រទេសថៃបានបើកប្រទេសឡើងវិញទទួលភ្ញៀវទេសចរដែលចាក់វ៉ាក់សាំងពេញលេញនៅថ្ងៃទី០១ ខែវិច្ឆិកា រហូតដល់ថ្ងៃទី៦ ខែវិច្ឆិកា ភ្ញៀវទេសចរសរុបចំនួន ២០,០៩២ នាក់បានចូលមកប្រទេសថៃ។ នៅក្នុងចំណោមភ្ញៀវដែលចូលមក រហូតមកដល់ពេលនេះ មានភ្ញៀវបរទេសចំនួន ១៥នាក់បានធ្វើតេស្តវិជ្ជមានជំងឺ កូវីដ-១៩ នៅពេលមកដល់ ឬស្មើ ០.០៧% នៃភ្ញៀវទាំងអស់។ ជាមួយគ្នានេះ ភ្ញៀវទេសចរបរទេសភាគច្រើនបានចូលប្រទេសថៃតាមអាកាសយានដ្ឋានសុវណ្ណភូមិចំនួន ១២,៩៧៨នាក់ (៥នាក់បានធ្វើតេស្តវិជ្ជមាន) បន្ទាប់មកអាកាសយានដ្ឋានភូកេតមានចំនួន ៦,៧២២នាក់ (១០នាក់បានធ្វើតេស្តវិជ្ជមាន) អាកាសយានដ្ឋានសាមុយចំនួន ៣០៩នាក់ និងអាកាសយានដ្ឋានឈៀងម៉ៃ ចំនួន ៨៣នាក់។ គួររម្លឹកផងដែរថា ក្រោមផែនការបើកដំណើរការឡើងវិញ ភ្ញៀវទេសចរដែលធ្វើដំណើរតាមផ្លូវអាកាសមកពីប្រទេសដែលមានហនិភ័យទាបចំនួន

តម្លៃអាហារ ស្រស់ ទឹកដោះគោ អង្ករ ប្រេងឆា និងទំនិញសំខាន់ៗផ្សេងៗទៀតបានកើនឡើងពី ១០ ទៅ ៣០% នៅទីក្រុង ហូជីមិញ ចាប់តាំងពីការផ្ទុះឡើងនៃជំងឺ កូវីដ-១៩ ចុងក្រោយបង្អស់ដែលបានចាប់ផ្ដើមនៅក្នុងខែមេសា។ សង្វាក់ផ្សារទំនើបធំមួយនៅក្នុងទីក្រុង ហូជីមិញ បាននិយាយថា ចាប់តាំងពីខែតុលា អ្នកផលិត និងអ្នកផ្គត់ផ្គង់ជាច្រើន បាននិងកំពុងស្វែងរកការដំឡើងតម្លៃទំនិញ ដែលភាគច្រើនជាទំនិញនាំចូល និងអាហារស្រស់ ហើយកំពុងពិចារណាពីការដំឡើង ២ ទៅ ៥%។ បើយោងតាមកម្មករ​នៅ​ក្រុមហ៊ុន​កាត់ដេរ​មួយ​នៅ​ស្រុក Binh Tan នៃ​ទីក្រុងហូជីមិញ បាន​និយាយ​ថា ​ការ​ចំណាយ​របស់​គ្រួសារ​នាង​គឺ​ខ្ពស់​ជាង​ធម្មតា ២០%

យោងតាមការចុះផ្សាយរបស់សារព័ត៌មាន Bangkok Post បានឱ្យដឹងថា សហរដ្ឋអាមេរិកបានសម្រេចបើកច្រកព្រំដែនគោក និងផ្លូវអាកាសឡើងវិញកាលពីថ្ងៃចន្ទ ដល់ភ្ញៀវបរទេសដែលបានចាក់វ៉ាក់សាំង កូវីដ-១៩ ពេញលេញ ដោយបញ្ចប់ការដាក់កំហិតរយៈពេល ២០ ខែ លើការធ្វើដំណើរពីជុំវិញពិភពលោក។ ការហាមឃាត់ដែលដាក់ដោយអតីតប្រធានាធិបតី Donald Trump នៅដើមឆ្នាំ២០២០ និងបន្តរដោយអ្នកស្នងតំណែងរបស់គាត់គឺលោក Joe Biden ត្រូវបានរិះគន់យ៉ាងទូលំទូលាយ និងក្លាយជានិមិត្តរូបនៃភាពចលាចលដែលបណ្តាលមកពីជំងឺរាតត្បាត។ ក្នុងកិច្ចខិតខំប្រឹងប្រែងដើម្បីពន្យឺតការរីករាលដាលនៃមេរោគនេះ ព្រំដែនសហរដ្ឋអាមេរិកត្រូវបានបិទបន្ទាប់ពីខែមីនាឆ្នាំ២០២០ សម្រាប់អ្នកធ្វើដំណើរមកពីផ្នែកជាច្រើននៃពិភពលោក រួមទាំងសហភាពអឺរ៉ុប ចក្រភពអង់គ្លេស និងចិន ឥណ្ឌា និងប្រេស៊ីល ក្នុងនោះភ្ញៀវទេសចរណ៍មកពីម៉ិកស៊ិក និងកាណាដាក៏ត្រូវបានហាមឃាត់ផងដែរ។ គួបញ្ជាក់ផងដែរថា អាជ្ញាធរអាមេរិកគ្រោងនឹងតាមដានយ៉ាងដិតដល់នូវស្ថានភាពចាក់វ៉ាក់សាំងរបស់អ្នកដំណើរ

យោងតាមការចុះផ្សាយរបស់សារព័ត៌មាន The Nation បានឱ្យដឹងថា កសិករចិញ្ចឹមសត្វថៃ ស្រែករកជំនួយ ខណៈតម្លៃចំណីសត្វឡើងថៃ។ ពាក់ព័ន្ធនឹងបញ្ហានេះ សហព័ន្ធបសុសត្វ និងវារីវប្បកម្មបានអំពាវនាវឱ្យរដ្ឋាភិបាលជួយជាបន្ទាន់ដល់កសិករចិញ្ចឹមសត្វ និងអាជីវកម្មចំណីអាហារ ដែលកំពុងជួបការលំបាកក្រោមតម្លៃចំណីសត្វដែលកើនឡើងពី ២០ ទៅ ៣០%។ ការកើនឡើងនៃតម្លៃចំណីសត្វនេះ គឺបណ្ដាលមកពីការខ្វះខាតវត្ថុធាតុដើមក្នុងស្រុកដូចជាពោត និងសណ្ដែកសៀង ដែលដាំដុះបានមិនគ្រប់គ្រាន់ទៅនឹងតម្រូវការផលិតចំណីសត្វ ដែលនេះជាហេតុតម្រូវឱ្យមានការនាំចូល។ ជាមួយគ្នានេះដែរ ដើម្បីដោះស្រាយបញ្ហាឡើងថ្លៃ សហព័ន្ធបានស្នើសុំឱ្យជួយដោះស្រាយទៅលើរឿង ៤ចំណុចជាបន្ទាន់ ក្នុងនោះរួមមាន៖ លុបចោលការយកពន្ធ ២% លើសណ្តែកសៀងនាំចូល, លុបចោលពន្ធ ៩% លើកន្ទុក និងគ្រាប់ធញ្ញជាតិស្ងួតដែលបានកិនរួច, កាត់បន្ថយសមាមាត្រនៃពោតដែលប្រើក្នុងចំណីសត្វ ហើយជំនួសដោយស្រូវសាលីនាំចូល

យោងតាមការចុះផ្សាយរបស់ក្រសួងទេសចរណ៍ បានឱ្យដឹងថា រុស្ស៊ីគាំទ្រយុទ្ធសាស្ត្រទេសចរវ៉ាក់សាំងរបស់កម្ពុជា ហើយនឹងរៀបចំឲ្យពលរដ្ឋ មកលេងក្នុងពេលឆាប់ៗនេះ។ ឯកឧត្ដម ថោង ខុន រដ្ឋមន្ត្រីក្រសួងទេសចរណ៍ នាថ្ងៃទី០២ ខែវិច្ឆិកា ឆ្នាំ២០២១នេះ បានទទួលជួបពិភាក្សាការងារជាមួយលោក អាណាតូលី បូរ៉ូវិក ឯកអគ្គរដ្ឋទូតវិសមញ្ញ និងពេញសមត្ថភាពនៃសហព័ន្ធរុស្ស៊ីប្រចាំកម្ពុជា នៅស្ថាតទូតរុស្ស៊ី ដើម្បីពង្រីកកិច្ចសហប្រតិបត្តិការទេសចរណ៍នៃប្រទេសទាំងពីរ។ ជំនួបនេះដែរសំដៅរៀបចំឲ្យមានការមកទស្សនារបស់ទេសចររុស្ស៊ីនៅកម្ពុជាឡើងវិញ ក្រោមយុទ្ធសាស្ត្របើកទេសចរវ៉ាក់សាំង ដែលរាជរដ្ឋាភិបាលបានប្រកាសនាពេលថ្មីៗនេះ ជាពិសេសការបើកតំបន់គោលដៅសុវត្ថិភាព ដូចជា ក្រុងព្រះសីហនុ កោះរុង និងតំបន់តារាសាគរ ចាប់ពីថ្ងៃទី៣១ ខែវិច្ឆិកា ឆ្នាំ២០២១ខាងមុខ ហើយតំបន់សៀមរាបអង្គរ ក្នុងអំឡុងខែមករា ឆ្នាំ២០២២ ខាងមុខ។

យោងតាមការចុះផ្សាយរបស់សារព័ត៌មាន NHK បានឱ្យដឹងថា ជប៉ុនបានសម្រេចអនុញ្ញាតឱ្យជនបរទេសដែលបានវ៉ាក់សាំងពេញលេញចូលក្នុងប្រទេស ប៉ុន្តែ​ព្រំដែន​នឹង​នៅ​តែ​បិទ​សម្រាប់​ភ្ញៀវ​ទេសចរ។ ច្បាប់តឹងរ៉ឹងរារាំងការចូល ត្រូវបានដាក់ឱ្យអនុវត្តកាលពី ១០ខែមុន ដែលជាផ្នែកមួយនៃកិច្ចខិតខំប្រឹងប្រែង ចំពោះវិធានការប្រឆាំងនឹងមេរោគរបស់ប្រទេសជប៉ុន។ នៅក្នុងសន្និសីទសារព័ត៌មានមួយកាលពីថ្ងៃសុក្រ អនុប្រធានខុទ្ទកាល័យជប៉ុនលោក Kihara Seiji បាននិយាយថា៖ “លើកនេះ វិធានការមិនត្រូវបានអនុវត្តចំពោះភ្ញៀវទេសចរទេ។ ប៉ុន្តែទោះជាយ៉ាងណា រដ្ឋាភិបាលកំពុងពិចារណាលើផែនការអនុញ្ញាតឱ្យភ្ញៀវទេសចរចូលប្រទេសជាដំណាក់កាល ដោយនឹងពិនិត្យមើលប្រសិទ្ធភាពនៃការត្រួតពិនិត្យ ការមកដល់ថ្មី និងស្ថានភាពជំងឺកូវីដ-១៩ នៅប្រហែលចុងឆ្នាំ “។ គួរឱ្យដឹងផងដែរថា ការរឹតបន្តឹងការចូលរបស់ប្រទេសជប៉ុន បានគ្របដណ្តប់ជនបរទេសភាគច្រើន លើកលែងតែករណីដែលប្រទេសហៅថា “កាលៈទេសៈពិសេសពិសេស” ក្នុងនោះមានអត្តពលិកអូឡាំពិក។ ជាមួយគ្នានេះអស់រយៈពេលជាច្រើនខែ ក្រុមឧស្សាហកម្ម និងនិស្សិត បាននឹងកំពុងធ្វើយុទ្ធនាការដើម្បីមើលឃើញច្បាប់ត្រូវបានបន្ធូរបន្ថយ

លោក ឃឹម ហ្វីណង់ អភិបាលស្រុកបន្ទាយស្រី បានឱ្យដឹងនាព្រឹកថ្ងៃទី០៥ ខែវិច្ជិកា ឆ្នាំ២០២១នេះថា សហគមន៍ភូមិព្រះដាក់ បានរៀបចំកម្មវិធីបង្ហាញពីរបៀបដាល់អំបុកស្រូវថ្មី នៅក្នុងបរិវេណមណ្ឌលបន្ទាយស្រីរយៈពេល៣ថ្ងៃ គឺចាប់ពីថ្ងៃទី០៥ ដល់ថ្ងៃទី០៧ ខែវិច្ឆិកា ឆ្នាំ២០២១ ហើយស្រូវថ្មីដែលបានយកមកដាក់អំបុកនេះ គឺជាស្រូវច្រូតកាត់ពីរង្វង់មូលបន្ទាយស្រី នៅក្នុងស្រុកបន្ទាយស្រី ខេត្តសៀមរាប។ យោងតាមផេកផ្ទាល់ខ្លួនអភិបាលស្រុកបន្ទាយស្រីរូបនេះ បានបង្ហាញរូបថតនៃកម្មវិធី និងភ្ជាប់មកជាមួយសារដូច្នេះថា៖ «តោះ! នាំគ្នាទៅមើលអ្នកភូមិដាល់អំបុកនៅបន្ទាយស្រីម្តង កុំឱ្យស្ត្រេសពេក! ធ្មេចបើកៗ ស្រូវនៅក្នុងបរិមណ្ឌលទុំល្មមដល់ពេលច្រូតបាត់។ បងប្អូនសហគមន៍ភូមិព្រះដាក់បានសុំរៀបចំ«ពិធីដាល់អំបុក» គ្រាន់បានបង្អួតបង្ហាញពីបវេណីចាស់បុរាណនៃរបៀបធ្វើអំបុកផង និងបានលក់អំបុកយកប្រាក់ចំណូលខ្លះដើម្បីជួយដល់សហគមន៍ដែលរងផលប៉ះពាល់ពីកូវីដផង។ ជួបគ្នានៅបរិមណ្ឌលបន្ទាយស្រីថ្ងៃចុងសប្តាហ៍នេះ តែកុំភ្លេចវិធានសុវត្ថិភាពសុខាភិបាលទាំងអស់គ្នាផង! [សហគមន៍រៀបចំឡើងរយៈពេល ៣ថ្ងៃ៖ សុក្រ

លោក Chalermchai Sri-on រដ្ឋមន្ត្រីក្រសួងកសិកម្ម និងសហករណ៍ បាននិយាយថា នាយករដ្ឋមន្ត្រី ប្រាយុធ ចានអូចា បានស្នើឱ្យភ្នាក់ងាររដ្ឋ ស្វែងរកជំនួយពីយោធា ក្នុងការដាំដុះដំណាំ ជីវ៉ាន់ស៊ុយ សម្រាប់ចែកចាយ បន្ទាប់ពីតម្លៃបន្លែនេះ បានកើនឡើងដល់ ៤០០បាត (១២ ដុល្លារ) ក្នុងមួយគីឡូក្រាម។ លោក Chalermchai បាននិយាយកាលពីថ្ងៃព្រហស្បតិ៍ថា នាយករដ្ឋមន្ត្រីមានការព្រួយបារម្ភអំពីការកើនឡើងនៃតម្លៃបន្លែ ជាពិសេស ជីវ៉ាន់ស៊ុយ ដែលត្រូវបានគេប្រើយ៉ាងទូលំទូលាយនៅក្នុងម្ហូបថៃ។ បើតាមលោក រដ្ឋមន្ត្រី​ តម្លៃ​បាន​ហក់​ឡើងខ្ពស់ ​ដោយ​សារ​បញ្ហាទឹក​ជំនន់ ប៉ុន្តែ​គេ​រំពឹង​ថា​នឹង​ធ្លាក់​ចុះវិញ ខណៈបច្ចុប្បន្ន ខាងទាហាន​បាន​ចាប់​ផ្តើម​ដាំ​ដុះបន្លែប្រភេទអស់នេះ​រួច​ហើយមាន​ដូច​ជា

យោងតាមការចុះផ្សាយរបស់សារព័ត៌មាន nhk បានឱ្យដឹងថា ខណៈពេលដែលតម្លៃប្រេងកំពុងកើនឡើង ប្រទេសផលិតប្រេងធំៗរបស់ពិភពលោកបានបើកកិច្ចប្រជុំថ្នាក់រដ្ឋមន្ត្រីនៅថ្ងៃព្រហស្បតិ៍ ដើម្បីពិភាក្សា។ រដ្ឋមន្ត្រីមកពីអង្គការនៃប្រទេសនាំចេញប្រេង ឬ OPEC ដឹកនាំដោយអារ៉ាប៊ីសាអូឌីត និងប្រទេសមិនមែន OPEC រួមទាំងរុស្ស៊ី បានធ្វើកិច្ចពិភាក្សាតាមអ៉ីនធឺណិត។ នៅក្នុងកិច្ចពិភាក្សា​ ប្រទេសទាំងនោះ ពិភាក្សាថា តើត្រូវពិនិត្យមើលផែនការបច្ចុប្បន្ន ឬ យ៉ាងណា ដើម្បីបង្កើនទិន្នផលប្រេង ៤០០,០០០ បារ៉ែលក្នុងមួយថ្ងៃជារៀងរាល់ខែ។ នៅក្នុងបទសម្ភាសន៍ជាមួយ NHK កាលពីចុងខែមុន រដ្ឋមន្ត្រីថាមពលរបស់ប្រទេសអារ៉ាប៊ីសាអូឌីត បានបង្ហាញពីជំហរប្រុងប្រយ័ត្នអំពីការកើនឡើងនៃទិន្នផល ដោយបានលើកឡើងថា “យើងមិនទាន់ផុតពីកូវីដនៅឡើយទេ”។ យ៉ាងណាមិញ ជប៉ុន អាមេរិក និង​ប្រទេស​ដទៃ​ទៀត​បាន​ជំរុញ​ឱ្យ​ប្រទេស​ផលិត​ប្រេង​បង្កើន​ទិន្នផល​ប្រេង​បន្ថែម​ទៀត