ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យនៃក្រសួងកសិកម្ម រុក្ខាប្រមាញ់ និងនេសាទ បានលើកឡើងថា៖ «ចង់ដាំបន្លែក្នុងស្រុកជំនួសឱ្យបន្លែនាំចូល ទាមទារឱ្យមានការរៀបចំខ្លួនទុកជាមុនសិន ដាំហើយលក់ចេញឱ្យបានធូរថ្លៃជាងមុន គុណភាពអាចទទួលយកបាន និងបរិមាណផ្គត់ផ្គង់មានស្ថេរភាពកុំឱ្យដាច់» តាមរយៈបណ្តាញទំនាក់ទំនងសង្គមហ្វេសប៊ុក នាព្រឹកថ្ងៃទី៤ ខែមិថុនានេះ ឯកឧត្តម ឃឹម ហ្វីណង់ បានគូសបញ្ជាក់ថា៖ «​ ចង់ដាំបន្លែក្នុងស្រុកជំនួសឱ្យបន្លែនាំចូលពីក្រៅ ទាមទារឱ្យមានការរៀបចំខ្លួនទុកជាមុនសិន បើមិនអញ្ចឹងទេ មិនខុសអ្វីពីធ្វើបាបអ្នកទិញរបស់យើងយ៉ាងដូច្នោះដែរ ជាពិសេសសម្រាប់អ្នកនៅមានជីវភាពខ្វះខាតនៅឡើយ។ ហេតុដូច្នេះហើយ បានជាអាទិភាពចម្បងនៅពេលនេះ គឺការប្រមូលផ្តុំកសិករអ្នកដាំបន្លែតូចៗ និងចងក្រងពួកគាត់ឱ្យទៅជាសហគមន៍កសិកម្មទំនើបដ៏ធំមួយ ដើម្បីធ្វើយ៉ាងណា«ដាំហើយលក់ចេញឱ្យបានធូរថ្លៃជាងមុន គុណភាពអាចទទួលយកបាន និងបរិមាណផ្គត់ផ្គង់មានស្ថេរភាពកុំឱ្យដាច់ ម្តងមានម្តងអត់»។

យោងតាមការចុះផ្សាយរបស់ ទីភ្នាក់ងារសារព័ត៌មានកម្ពុជា បានឱ្យដឹងថា គិតត្រឹមខែឧសភាឆ្នាំ២០២៤នេះ រមណីយដ្ឋានអង្គរ រកបានប្រាក់ចំណូលជាង ២២លានដុល្លារអាមេរិក កើនឡើងខ្ពស់ប្រមាណ ៣៨% នឹងពេលដូចគ្នាកាលពីឆ្នាំមុន។ បើយោងតាម សេចក្តីប្រកាសព័ត៌មាន របស់ គ្រឹះស្ថានអង្គរ បានបញ្ជាក់ឲ្យដឹងថា រយៈពេល ៥ខែដំបូង ឆ្នាំ ២០២៤ រមណីយដ្ឋានអង្គរ ទទួលបានភ្ញៀវអន្តរជាតិជាង ៤៧ម៉ឺននាក់ ដែលរកប្រាក់ចំណូលបានជាង ២២លានដុល្លារអាមេរិក ហើយក្នុងនោះទឹកប្រាក់ជាង ៩សែនដុល្លារអាមេរិក ត្រូវបរិច្ចាគជូន មន្ទីរពេទ្យគន្ធបុប្ផា។ ក្នុងខែឧសភា ឆ្នាំ ២០២៤នេះ ការលក់សំបុត្រចូលទស្សនា រមណីយដ្ឋានអង្គរ សម្រេចបានជាង

ក្រសួងសេដ្ឋកិច្ច និងហិរញ្ញវត្ថុ បានចេញសេចក្ដីប្រកាស ស្តីពី ការលើកទឹកចិត្តពន្ធលើប្រាក់ចំណូល ចំពោះគម្រោងពង្រីកនៃគម្រោងវិនិយោគមានលក្ខណសម្បត្តិគ្រប់គ្រាន់។ នេះបើយោងតាមការចុះផ្សាយរបស់ អគ្គនាយកដ្ឋានពន្ធដារ នៅថ្ងៃទី០៣ ខែមិថុនា ឆ្នាំ២០២៤ នេះ។ ការប្រកាសនេះ ត្រូវបានធ្វើឡើងក្នុងគោលបំណងណែនាំអនុវត្តការលើកទឹកចិត្តពន្ធលើប្រាក់ចំណូលចំពោះគម្រោងពង្រីកនៃគម្រោងវិនិយោគមានលក្ខណៈសម្បត្តិគ្រប់គ្រាន់ “គ.ព.គ.ល.គ” ដូចមានចែងក្នុងមាត្រា១៦ នៃអនុក្រឹត្យលេខ១៣៩ អនក្រ.បក ចុះថ្ងៃទី២៦ ខែមិថុនា ឆ្នាំ២០២៣ ស្ដីពីការអនុវត្តច្បាប់ស្ដីពីវិនិយោគនៃព្រះរាជាណាចក្រកម្ពុជា។ សូមអានសេចក្ដីប្រកាសលម្អិតនៅខាងក្រោម៖

យោងតាមការចុះផ្សាយរបស់ ក្រសួងសាធារណការ និងដឹកជញ្ជូន បានឱ្យដឹងថា​ កាលពីថ្ងៃអាទិត្យ ទី២ ខែមិថុនា ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់គម្រោងកែលម្អគ្រប់គ្រងបរិស្ថានក្រុងជុំវិញបឹងទន្លេសាប ជំហាន១ អនុគម្រោងសាងសង់ប្រព័ន្ធលូ និងស្ថានីយប្រព្រឹត្តកម្មទឹកកខ្វក់ក្រុងពោធិ៍សាត់ ក្រោមកម្ចីឥណទានធនាគារអភិវឌ្ឍន៍អាស៊ី (ADB)។ ពិធីនេះមានការអញ្ជើញចូលរួមពីឯកឧត្តម អភិបាលរង នៃគណ:អភិបាលខេត្តពោធិ៍សាត់ លោក Anthony Gill តំណាងធនាគារអភិវឌ្ឍន៍អាស៊ី (ADB) នាយកគម្រោង តំណាងក្រុមហ៊ុនទីប្រឹក្សា

តម្លៃអង្ករនាំចេញរបស់វៀតណាម ដែលធ្លាប់តែជាតម្លៃខ្ពស់បំផុតក្នុងទីផ្សារពិភពលោក បានធ្លាក់ចុះមកនៅលេខរៀងទី៦ វិញ នេះបើយោងតាមការចុះផ្សាយរបស់សារព័ត៌មាន VNExpress នាថ្ងៃទី០១ ខែមិថុនា ឆ្នាំ២០២៤។ យោងតាមសមាគមស្បៀងអាហារវៀតណាម បានឱ្យដឹងថា អង្ករបាក់ ៥% របស់ប្រទេសនេះ មានតម្លៃ ៥៧៤ ដុល្លារអាមេរិកក្នុងមួយតោនប៉ុណ្ណោះ កាលពីថ្ងៃទី៣០ ខែឧសភា ថ្មីៗនេះ ដែលតម្លៃនេះទាបជាងសហរដ្ឋអាមេរិក ថៃ ប៉ាគីស្ថាន មីយ៉ាន់ម៉ា និងឥណ្ឌា។ ជាមួយគ្នានេះដែរ តម្លៃ​អង្កររបស់វៀតណាម​បាន​ធ្លាក់​ចុះ ១៣,៥% ពី​កម្រិត​ខ្ពស់​ជា​ប្រវត្តិសាស្ត្រ​ក្នុងខែ​ធ្នូ ឆ្នាំមុន។ លោក Dinh Ngoc Tam

យោងតា​មការចុះផ្សាយរបស់ ក្រសួងព័ត៌មាន បានឱ្យដឹងថា ក្រុមប្រឹក្សានាយកប្រតិបត្តិរបស់ធនាគារពិភពលោក បានអនុម័តហិរញ្ញប្បទានបន្ថែមចំនួន ៧៩,៥លានដុល្លារអាមេរិក សម្រាប់ការពង្រីកសកម្មភាពដែលកំពុងត្រូវបានអនុវត្ត ក្នុងគោល ដៅលើកកម្ពស់លទ្ធភាពទទួលបានការអប់រំប្រកបដោយគុណភាព នៅទូទាំងប្រទេសកម្ពុជា។ តាមសេចក្តីប្រកាសព័ត៌មានធនាគារពិភពលោក នាថ្ងៃទី៣០ ខែឧសភា ម្សិលមិញនេះ បានឲ្យដឹងថា មូលនិធិថ្មីនេះនឹងត្រូវបានយកទៅប្រើប្រាស់ដើម្បីពង្រីកគម្រោងកែលម្អការអប់រំទូទៅនៅកម្ពុជា ដែលត្រូវបានអនុម័តកាល ពីខែមករា ឆ្នាំ២០២២ ជាមួយកញ្ចប់ហិរញ្ញប្បទានលើកដំបូងចំនួន ៦៩,២៥លានដុល្លារអាមេរិក។ កញ្ចប់ហិរញ្ញប្បទាន បន្ថែមនេះមានឥណទានចំនួន ៦០លានដុល្លារអាមេរិកពី សមាគមអភិវឌ្ឍន៍អន្តរជាតិ ដែលជាមូលនិធិរបស់ធនាគារពិភពលោកសម្រាប់ជួយជនខ្វះខាតបំផុត និងជំនួយចំនួន ១៩,៥លានដុល្លារផ្សេងទៀតពីអង្គការ ភាពជាដៃគូសកលសម្រាប់ការអប់រំ។ គួរបញ្ជាក់ផងដែរថា កញ្ចប់ហិរញ្ញប្បទានបន្ថែមនេះនឹងពង្រីកសកម្មភាពគម្រោងទៅកាន់គ្រឹះស្ថានអប់រំផ្សេងទៀតនៅទូទាំងប្រទេស ក្នុងនោះមាន អនុវិទ្យាល័យចំនួន ៥០០,

អគ្គនាយកដ្ឋានពន្ធដារ បានបញ្ជាក់ឱ្យដឹងថា ទំនិញ សេវា និងសកម្មភាពមួយចំនួនដែលជាប្រយោជន៍សាធារណៈ និងចាំបាច់ប្រើប្រាស់ក្នុងការរស់នៅរបស់ប្រជាពលរដ្ឋទទួលបានការអនុគ្រោះ និងលើកទឹកចិត្តចំពោះការអនុវត្តអាករលើតម្លៃបន្ថែម។ នៅក្នុងព្រឹត្តិបត្រព័ត៌មានប្រចាំសប្តាហ៍ លេខៈ៦១ របស់អគ្គនាយកពន្ធដារ ដែលចេញផ្សាយកាលពីថ្ងៃទី៣០ ខែឧសភា ឆ្នាំ២០២៤ នេះ បានឱ្យដឹងថា ក្នុងកម្មវិធី “ពន្ធដារកម្ពុជា” ដែលធ្វើការផ្សាយផ្ទាល់នៅលើទំព័រហ្វេសប៊ុក (Facebook Page) ផ្លូវការរបស់អគ្គនាយកដ្ឋានពន្ធដារ កាលពីថ្ងៃព្រហស្បតិ៍ ទី២៣ ខែឧសភា ឆ្នាំ២០២៤ បានលើកយកប្រធានបទសំខាន់មួយមកធ្វើបទបង្ហាញនិងពិភាក្សាគី អាករលើតម្លៃបន្ថែម ដោយមានការចូលរួមពីវាគ្មិនជាមន្ត្រីជំនាញនៃអគ្គនាយកដ្ឋានពន្ធដារចំនួនពីររូបគឺ លោក ឆាយ ជាហេង អនុប្រធាននាយកដ្ឋានគ្រប់គ្រងអ្នកជាប់ពន្ធធំ និងលោក ឯក

សហគមន៍កសិកម្មទំនើបស្វាយចន្ទី មួយទៀត នឹងលេចរូបរាងឡើងនៅក្នុងខេត្តកំពង់ធំ ដែលនាំឱ្យខេត្តមានសក្ដានុពលមួយនេះ មានសហគមន៍កសិកម្មទំនើបស្វាយចន្ទីចំនួន៣ ក្នុងពេលដំណាលគ្នាតែម្តង។ យោងតាមការបង្ហោះនៅលើផេកផ្លូវការ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យនៃក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា «សហគមន៍កសិកម្មទំនើបស្វាយចន្ទី» មួយទៀត ដែលមានផ្ទៃដីដាំដុះរួមគ្នាជាង ៤០០ហិកតា នឹងលេចរូបរាងឡើងនៅក្នុងឃុំទំរីង ស្រុកសណ្តាន់ ខេត្តកំពង់ធំ។ បើរាប់បញ្ចូលទាំងនៅទំរីងមួយនេះទៀត កំពង់ធំនឹងមានសហគមន៍កសិកម្មទំនើបស្វាយចន្ទីចំនួន៣ ក្នុងពេលដំណាលគ្នាតែម្តង។ ឯកឧត្តម បានបញ្ជាក់បន្ថែមថា ដំបូងឡើយនៅទីនេះមានតែកសិករម្នាក់ប៉ុណ្ណោះ ដែលចាប់អារម្មណ៍ចង់ចងក្រងជាសហគមន៍កសិកម្មទំនើបសម្រាប់ដំណាំស្វាយចន្ទី ប៉ុន្តែបន្ទាប់ក្រុមការងារបានចុះផ្សព្វផ្សាយដល់ក្នុងឃុំ និងធ្វើការជាមួយគ្នាមិនតិចជាង ៥លើករួចមក រហូតមកដល់ពេលនេះ មានបងប្អូនអ្នកដាំស្វាយចន្ទីចំនួន