លោក Dan Lok ដែលជាមហាសេដ្ឋី និងជាសហគ្រិនដ៏ជោគបំផុតម្នាក់ធ្លាប់បានសរសេរថា៖ អ្នកលក់ភាគច្រើនឮពាក្យថា “ទេ” ច្រើនជាង “បាទ/ចាស” ពីព្រោះពួកគេធ្វើខុសរឿងជាច្រើន ហើយកំហុសទាំងនោះគឺមានជាទូទៅតែម្ដង។ ដូច្នេះដើម្បីការលក់របស់អ្នកចម្រើនទៅបានលុះត្រាតែអ្នកកែកំហុងទាំង ៧យ៉ាង ដែលរៀបរាប់ខាងក្រោមនេះ៖ ១. មានផ្នត់គំនិតខ្លួនឯងនៅក្នុងការលក់៖ វាជាបញ្ហាដែលអ្នកគិតស្មានមិនដល់ ប៉ុន្តែក្នុងនាមជាអ្នកលក់សូមកុំតោងទាមអ្នកទិញ។ ត្រូវទាក់ទាញអតិថិជនរបស់អ្នកក្នុងនាមអ្នកជាអ្នកផ្គត់ផ្គង់តម្រូវការ ព្រោះថាអតិថិជនត្រូវការទិញរបស់ពីអ្នក មិនមែនខ្លួនអ្នកទៅទិញរបស់ពីអតិថិជនវិញនោះទេ។ សម្ដីរបស់អ្នកលក់គឺសំខាន់ខ្លាំងណាស់ បើនិយាយទៅដូចជាទាមទារការទិញខ្លាំងពេក វាប្រៀបដូចជាដុកទ័រព្យាយាមធ្វើរោគវិនិច្ឆ័យ ប៉ុន្តែអ្នកជំងឺដឹងគុណថ្នាំច្រើនជាង។ ២. បង្ខំចិត្តអតិថិជនពេក៖ អ្នកលក់ជាច្រើនតែងព្យាយាមចង់ឱ្យអតិថិជនត្រូវតែទិញ ដែលជាលទ្ធផលវាដូចជាការអង្វរឱ្យគេទិញ។ ធ្វើបែបនេះអ្នកទិញគ្មានអារម្មណ៍ល្អជាមួយឡើយ ហើយក៏មិនហ៊ានណែនាំអ្នកផ្សេងទៀតដែរ។ ក្នុងនាមជាអ្នកលក់អ្នកត្រូវសួរពីបញ្ហា​ ឬចំណូលចិត្តរបស់អ្នកទិញ ហើយដោះស្រាយបញ្ហារបស់អ្នកទិញយ៉ាងមានប្រសិទ្ធភាព

សព្វថ្ងៃនេះរថយន្តអគ្គិសនីហាក់មានសន្ទុះចំណាប់អារម្មណ៍យ៉ាងខ្លាំង ហើយវាហាក់ដូចជាអ្នកផលិតរថយន្តទំនើបៗនាពេលបច្ចុប្បន្ននេះកំពុងសម្លឹងចាប់យកវា ដើម្បីជាជំហានបន្ទាប់នៃទីផ្សាររថយន្តរបស់ពួកគេ។ ម៉្យាងទៀតរថយន្តអគ្គិសនីត្រូវបានគេមើលឃើញថា អាចកាត់បន្ថយការបំភាយដែលធ្វើឱ្យប៉ះពាល់បរិស្ថាន ហើយសន្សំថវិកាចំណាយលើប្រេងជាដើម។ បើនិយាយពីមុនពេលដែលវីរុស COVID-19 បានបង្អាក់សេដ្ឋកិច្ចពិភពលោក យើងឃើញថាក្រុមហ៊ុនរថយន្តទំនើបនិងប្រណិតជាច្រើន បានបង្ហាញពីគម្រោងក្នុងការបង្កើតរថយន្តជំនាន់ថ្មីជាប្រភេទអគ្គិសនីជាហូរហែផងដែរ។ ក្រឡេកទៅមើល​ក្រុមហ៊ុនរថយន្ត Tesla វិញ ការបង្ហាញខ្លួនរបស់ Cybertruck បានធ្វើឱ្យក្រុមហ៊ុនផលិតរថយន្តអគ្គិសនីមួយនេះចំណេញមិនស្ទើរនោះទេ ដោយខ្លួនអាចទាក់ទាញអ្នកបានការកក់ទិញរហូតដល់ទៅកន្ទះលាននៅក្នុងបញ្ជីកក់របស់ខ្លួន ហើយកាលនោះ Tesla ក៏បានក្លាយជាក្រុមហ៊ុនរថយន្តមានតម្លៃជាងគេទី២ លើពិភពលោកនេះផងដែរ។ ដំបូងឡើយ Cybertruck គ្រាន់តែជា​ Prototype ប៉ុន្តែក្រោយមកវាក៏បានក្លាយជារូបរាងផ្លូវការ ដោយសារតែការចាប់អារម្មណ៍លើ Pickup អគ្គិសនីមានការកើនឡើងខ្ពស់ពីអ្នកកក់។ ក្រុមហ៊ុន Tesla ក៏សុខចិត្តបោះចោលការផលិត​ Roadster

ប្រទេសវៀតណាមត្រូវបានចុះនៅក្នុងបញ្ជីជាប្រទេសដែលមានសេដ្ឋកិច្ចខ្លាំងជាងគេទី១២ ដោយយោងតាមរបាយការណ៍របស់ The Economist ស្តីពីភាពរឹងមាំផ្នែកហិរញ្ញវត្ថុរបស់ប្រទេសដែលមានសេដ្ឋកិច្ចលេចធ្លោទាំង ៦៦ បន្ទាប់ពីការធ្លាក់ចុះដែលបណ្ដាលមកពីការរាតត្បាតនៃវីរុស Covid-19។ ចំណាត់ថ្នាក់ដែលប្រទេសវៀតណាមទទួលបាននេះ គឺអាស្រ័យទៅលើការពិនិត្យលើភាពងាយរងគ្រោះនៃសេដ្ឋកិច្ចដែលបានឆ្លងកាត់ប្រភពសក្តានុពលនៃហានិភ័យចំនួន ៤ គឺ បំណុលសាធារណៈ បំណុលបរទេស និងថ្លៃដើមនៃការខ្ចីនិងគម្រប់បម្រុង។ ជាមួយគ្នានេះដែរ ដើម្បីចាត់ចំណាត់ថ្នាក់ប្រទេសនីមួយៗ សេដ្ឋវិទូបានគណនាការទូទាត់ប្រាក់បរទេសដែលបានប៉ាន់ស្មាននៅឆ្នាំនេះ (ឱនភាពគណនីចរន្តបូកនឹងការទូទាត់បំណុលបរទេស) ហើយប្រៀបធៀបវាជាមួយភាគហ៊ុនបំរុងប្តូរប្រាក់បរទេស។ ចំណាត់ប្រាក់របស់ប្រទេសមួយ គឺស្ថិតនៅលើសូចនាករនីមួយៗ បន្ទាប់មកត្រូវបានគេគិតជាមធ្យមភាគដើម្បីកំណត់ជំហររបស់ប្រទេសទាំងនោះ។ ជាក់ស្ដែងប្រទេសវៀតណាមស្ថិតនៅក្នុងក្រុមដែលមានសុវត្ថិភាពដោយសារសូចនាករហិរញ្ញវត្ថុមានស្ថេរភាពនិងរឹងមាំ។ តាមរបាយការណ៍ដដែលបានឲ្យដឹងថា ប្រទេសសេដ្ឋកិច្ចកំពុងរីកចម្រើនជាង ៣០ កំពុងប្រឈមមុខនឹងសម្ពាធយ៉ាងខ្លាំង ដែលជាប្រទេសអាក្រក់បំផុត គឺប្រទេសលីបង់ និងវេណេស៊ុយអេឡា។ ខណៈប្រទេស Botswana ឈរលើកំពូលតារាងនៃសេដ្ឋកិច្ចដែលមានសុវត្ថិភាពបំផុត

ជាការពិតណាស់មនុស្សជាច្រើនឲ្យតម្លៃទៅលើការសិក្សា ជាពិសេសគឺសញ្ញាប័ត្រក្នុងថ្នាក់មហាវិទ្យាល័យ ដែលពួកគិតថារៀនចប់សាកលវិទ្យាល័យ ទទួលបានសញ្ញាប័ត្រអាចរកការងារធ្វើបានល្អ និងទទួលបានប្រាក់ខែខ្ពស់។ ការគិតបែបនោះវាមិនមែនជារឿងខុសឆ្គងទេ តែយើងគួរស្វែងយល់ឲ្យបានច្រើនជាងនេះ ថាតើសញ្ញាប័ត្រចេញពីសាលាល្បីៗ ឬ សាលាធម្មតាមានតម្លៃដូចម្ដេចខ្លះ? ហើយសញ្ញាប័ត្រទាំងនោះអាចដឹកនាំជីវិតយើងដោយរបៀបណាទៅថ្ងៃអនាគត? យ៉ាងណាមិញខាងក្រោមនេះជាហេតុផលចំនួន ៥ ដែលបង្ហាញថាសញ្ញាប័ត្រថ្នាក់មហាវិទ្យាល័យមិនអាចកំណត់ពីអ្នកបានទេ៖ ១.ស្វែងយល់ពីការចំណាយពិតនៃការអប់រំថ្នាក់បរិញ្ញាបត្រ៖ មិនមែនមនុស្សគ្រប់គ្នាសុទ្ធតែអាចចូលរៀនថ្នាក់មហាវិទ្យាល័យ ហើយគ្រប់គ្នាដែលចូលរៀនក៏មិនប្រាកដថាមានលទ្ធភាពរៀននៅសាលាល្អៗ ថ្លៃៗ ព្រោះតែជីវភាព។ ប៉ុន្តែឪពុកម្ដាយ និងកូនៗគ្រប់រូបកំពុងគិតថាការចំណាយថ្លៃដើមនៃការសិក្សាថ្នាក់បរិញ្ញាបត្រនឹងជួយឲ្យជីវិតរបស់ពួកគេល្អប្រសើរបន្ទាប់ពីរៀនចប់ ៤ឆ្នាំ។ បើតាម Brian Morris អ្នកសម្របសម្រួលទំនាក់ទំនងជាមួយ DirectTextbook.com និយាយថា រឿងមួយដែលជាទូទៅត្រូវបានមើលរំលងដោយសិស្ស និងឪពុកម្តាយរបស់ពួកគេ គឺការចំណាយលើបំណុលសិក្សា ដោយមហាវិទ្យាល័យកាន់តែថ្លៃ និស្សិតកាន់តែមានបំណុលជាប់ខ្លួនច្រើនបន្ទាប់ពីរៀនចប់។ គាត់និយាយថាការសន្សំប្រាក់លើថ្លៃដើមនៅមហាវិទ្យាល័យអាចជួយឱ្យនិស្សិតបញ្ចប់ការសិក្សា

ក្រុមហ៊ុន តូយ៉ូតា វៀតណាម និងហុងដា វៀតណាមបានប្រកាសពីការលក់រថយន្តដាច់បំផុតកាលពីខែមីនា ក្នុងចំណោមសមាជិកសមាគមរោងចក្រផលិតរថយន្តវៀតណាម (VAMA) បើទោះបីជាការលក់ធ្លាក់ចុះជាងឆ្នាំមុនក៏ដោយ នេះបើយោងតាមការចុះផ្សាយរបស់សារព័ត៌មាន VNA។ តាមប្រភពដដែលបានឲ្យដឹងថា ក្រុមហ៊ុនតូយ៉ូតាវៀតណាមបានលក់រថយន្តចំនួន ៥,១៤៣ គ្រឿងដោយមិនរាប់បញ្ចូលរថយន្តម៉ាក Lexus នៅក្នុងខែមីនា ដែលធ្លាក់ចុះ ៤៤% ធៀបនឹងរយៈពេលដូចគ្នាកាលពីឆ្នាំមុន។ ទន្ទឹមនឹងនេះដែរក្រុមហ៊ុនតូយ៉ូតាបានកត់ត្រាការលក់រថយន្តដែលបានដំឡើងនៅក្នុងប្រទេសចំនួន ៣,៥៤៣ គ្រឿង ក្នុងនោះរួមមាន៖ រយយន្តម៉ាក Toyota Vios ( ២,២៩៣ គ្រឿងធ្លាក់ចុះ ២៨% ពីមួយឆ្នាំទៅមួយឆ្នាំ), Toyota Innova (៥៤៤

ផ្សារទិញទំនិញដ៏ល្បីមួយរបស់កូរ៉េខាងត្បូង Mecca Myeongdong ដែលអ្នកទេសចរមិនដែលរំលងឲ្យតែបានទៅកម្សាន្តនៅប្រទេសមួយនេះ បានប្រែក្លាយជាស្ងប់ស្ងាត់ដូចទីក្រុងខ្មោច បន្ទាប់ពីភ្ញៀវទេសចរបរទេសជាច្រើនមិនអាចធ្វើដំណើរកម្សាន្ត និងមកកាន់ប្រទេសនេះ ហើយសូម្បីតែប្រជាជនក្នងស្រុកក៏មិនអាចចេញក្រៅបានដោយសារការផ្ទុះឡើងនៃវីរុស Covid-19។ យោងតាមទិន្នន័យចងក្រងដោយកាសែតអាជីវកម្ម Maeil បានបង្ហាញថា ជាង ៣០% នៃហាង និងស្តង់លក់នៅតាមដងផ្លូវសំខាន់ៗចំនួន ៣៦៨ ក្នុង Myeongdong បានបិទទ្វារជាបណ្តោះអាសន្ន ឬជាអចិន្ត្រៃយ៍ក្នុងពេលបច្ចុប្បន្ននេះ។ ជាមួយគ្នានេះដែរហាងលក់អាហារ និងវត្ថុអនុស្សាវរី៍យសម្រាប់ភ្ញៀវទេសចរចំនួន ១០ ក្នុងចំណោម ១៥ ហាង បានផ្អាកអាជីវកម្ម និងជ្រើសរើសបិទអាជីវកម្មតែម្ដង។ ក្រៅពីនេះទៅទៀតហាង Brand ល្បីៗជាច្រើននៅលើពិភពលោកដូចជា Adidas និង

ភ្នំពេញ ថ្ងៃទី៨ ខែឧសភា ឆ្នាំ២០២០៖ ក្រុមហ៊ុន Facebook និងអង្គការ PACT នៅថ្ងៃនេះបានចាប់ផ្តើមបើកវគ្គ បណ្តុះបណ្តាលដល់សិក្ខាកាម ដែលនឹងធ្វើជាគ្រូបង្រៀនក្នុងកម្មវិធី SheMeansBusiness ដែលជាកម្មវិធីថ្មីមួយមានគោលបំណងបណ្តុះបណ្តាលដល់សហគ្រិនជាស្ត្រីកម្ពុជាចំនួន ១៧០០នាក់ ខាងផ្នែកចំណេះដឹងទីផ្សារឌីជីថលរហូតដល់ឆ្នាំ២០២៣ នៅរាជធានីភ្នំពេញ។ កម្មវិធី SheMeansBusiness ត្រូវបានចាប់ផ្តើមដាក់ឲ្យដំណើរការកាលពីខែធ្នូ ឆ្នាំ២០១៩ ដើម្បីជួយដល់ស្ត្រីជាសហគ្រិនទូទាំងប្រទេសកម្ពុជា ឲ្យអភិវឌ្ឍអាជីវកម្មរបស់ខ្លួន តាមរយៈការទាញយកអត្ថប្រយោជន៍ពីសេដ្ឋកិច្ចឌីជីថលដែលកំពុងតែរីកចម្រើននៅកម្ពុជា។ កម្មវិធីនេះនឹងផ្ដល់ឲ្យសហគ្រិនស្ត្រីនូវចំណេះដឹង បណ្ដាញទំនាក់ទំនង ជំនាញ និងបច្ចេកវិទ្យា ដែលត្រូវការជាចាំបាច់ដើម្បីបង្កើត និងពង្រីក អាជីវកម្មអនឡាញរបស់ពួកគេឲ្យកាន់តែរីកចម្រើន។ ទន្ទឹមនឹងនេះដែរកម្មវិធីនឹងរៀបចំឡើងក្រោមភាពជាដៃគូជាមួយនឹងគម្រោងសហគ្រិនស្ត្រី (WE Act) របស់ភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិហៅកាត់ថា

ស្ថាប័នឧស្សាហកម្មកំពូលរបស់ប្រទេសចិនបាននិយាយនៅក្នុងការប្រកាសលើគណនី WeChat ផ្លូវការរបស់ខ្លួនថា ការលក់រថយន្តរបស់ប្រទេសចិននឹងកើនឡើង ០.៩% ធៀបនឹងរយៈពេលពីមួយឆ្នាំទៅមួយឆ្នាំក្នុងចំនួន ២ លានគ្រឿងក្នុងខែមេសា។ ជាមួយគ្នានេះដែរសមាគមន៍អ្នកផលិតរថយន្តនៅប្រទេសចិនក៏បានឲ្យដឹងផងដែរថា ការព្យាករណ៍របស់ខ្លួន គឺផ្អែកលើទិន្នន័យលក់ដែលខ្លួនបានប្រមូលពីក្រុមហ៊ុនសំខាន់ៗដែលមិនបានផ្តល់ព័ត៌មានលំអិត។ ទន្ទឹមនឹងនេះសមាគមន៍បានប៉ាន់ស្មានថា ការលក់ចាប់ពីខែមករា ដល់មេសានៅក្នុងប្រទេសចិន ដែលជាទីផ្សាររថយន្តធំបំផុតរបស់ពិភពលោកនឹងធ្លាក់ចុះ ៣២.១% ធៀបនឹងរយៈពេលពីមួយឆ្នាំទៅមួយឆ្នាំមកនៅត្រឹម ៥.៦៧ លានគ្រឿង។ ខណៈការលក់នៅក្នុងខែមីនា បានធ្លាក់ចុះ ៤០.៨% កាលពីឆ្នាំមុនក្នុងចំនួន ១.០៨ លានគ្រឿង៕ ប្រភព៖ scmp អត្ថបទ៖ លីនី