លោក Mukesh Ambani ដែលជាអ្នកមានបំផុតនៅទ្វីបអាស៉ី​ពេលនេះកំពុងឡើងជើងខ្លាំង ដោយបានទទួលប្រាក់មូលនិធិសរុបរហូតដល់ទៅ ៨ ពាន់លានដុល្លារ ក្នុងរយៈពេលតិចជាង ៣សប្ដាហ៍ប៉ុណ្ណោះ។ មហាសេដ្ឋីឥណ្ឌារូបនេះជាម្ចាស់ក្រុមហ៊ុនហ្គាសនិងប្រេងយក្ស Reliance Industries ហើយនាពេលថ្មីៗនេះក្រុមហ៊ុនគាត់មួយទៀតគឺ​ Jio Platforms ដែលបម្រើទូរគមនាគមន៍និងឌីជីថល បានទទួលប្រាក់មូលនិធិចំនួន ១.៥ ពាន់លានដុល្លារអាមេរិក ពីក្រុមហ៊ុន Vista Equity Partners របស់អាមេរិក។ ចំនួននេះគឺស្មើនឹង ២.៣% នៃភាគហ៊ុនទាំងមូលរបស់ក្រុមហ៊ុន Jio Platforms ហើយវាក៏ជាមូលនិធិទី៣ ផងដែរ ដែលក្រុមហ៊ុនរបស់លោក Mukesh Ambani

កាលពីពេលថ្មីៗនេះ លោក Mark Zuckerberg និងភរិយា Priscilla Chan បានបរិច្ចាគថវិកាចំនួន ១៣.៤ លានដុល្លារតាមរយៈមូលនិធិសប្បុរសធម៌ និងវិនិយោគរបស់ពួកគេ CZI ដើម្បីសិក្សាពីការរីករាលដាលនៃវីរុស Covid-19 នៅតំបន់ឆ្នេរសមុទ្រ។ បើយោងតាមការចុះរបស់ទស្សនាវដ្ដី Forbes ឲ្យដឹងថា គម្រោងស្រាវជ្រាវរយៈពេល ៩ខែនេះ ដើម្បីស្វែងយល់កាន់តែច្បាស់អំពីអត្រានៃការរីករាលដាលឆ្លងនៅតំបន់ឆ្នេរ ដោយគម្រោងនេះនឹងសិក្សាចំនួនពីរលើក។ ប្រភពដដែលបានបន្តថា គម្រោងនេះនឹងក្លាយជាការសហការគ្នារវាង UC San Francisco, សកលវិទ្យាល័យ Stanford និង Chan Zuckerberg Biohub ដែលជាអង្គការមិនស្វែងរកប្រាក់ចំណេញដែលមានបេសកកម្មខ្ពស់ក្នុងការព្យាបាល

Makro នៅក្នុងប្រទេសថៃបានប្រកាស​ថាខ្លួននឹងជួលបុគ្គលិកចំនួន ៧១០ នាក់ ដើម្បីបង្កើនសេវាកម្មចែកចាយតាមអ៉ីនធឺណេតរបស់ខ្លួន រួមទាំងបង្កើតការងារដល់អ្នកដែលបាត់បង់ការងារនៅក្នុងវិបត្តិដែលបង្កឡើងដោយវីរុសករ៉ូណា។ លោក Siriporn Dechsingha នាយកប្រតិបត្តិក្រុមហ៊ុន Siam Makro Pcl បានមានប្រសាសន៍ថា ក្រុមហ៊ុនមានបំណងជួយដល់ប្រជាជន ដែលបានបាត់បង់ការងារដោយសារវិធានការទប់ស្កាត់ការរីករាលដាលនៃ Covid-19 របស់រាជរដ្ឋាភិបាល។ ជាមួយគ្នានេះដែរផ្សារលក់ដុំ និងរាយមួយនេះនឹងជួលមនុស្ស ២៥០ នាក់សម្រាប់ការវេចខ្ចប់ និងការរៀបចំផលិតផល ហើយបុគ្គលិកទាំងអស់នឹងត្រូវបានបណ្តុះបណ្តាលជំនាញក្នុងប្រព័ន្ធទិញទំនិញតាមអ៉ីនធឺណេតផងដែរ។ ដោយឡែកក្រុមហ៊ុនក៏ជ្រើសរើសផ្នែកសេវាកម្មដឹកជញ្ជូនដោយម៉ូតូចំនួន ៣០០ នាក់ អ្នកដឹកជញ្ជូនតាមរថយន្ត ៨០ នាក់ និងបុគ្គលិកលើកទំនិញ ៨០ នាក់។​ លើសពីនេះ

នៅក្នុងរយៈពេល ៤ខែដំបូងនៃឆ្នាំ២០២០ នេះ ការនាំចេញរបស់វៀតណាមបានកើនឡើង ៤.៧% ពីមួយឆ្នាំទៅមួយឆ្នាំកើនឡើងដល់ជិត ៨៣ពាន់លានដុល្លារ បើទោះបីជាវីរុសរាតត្បាត Covid-19 រំខានដល់ការបញ្ជាទិញពីអតិថិជនខ្លឹមៗនៅអ៉ឺរ៉ុប អាមេរិក និងជប៉ុនក៏ដោយ។ ការកើនឡើង និងជំនះនៅក្នុងវិបត្តិដែលបណ្ដាប្រទេសជាច្រើនជួបប្រទះនេះ គឺបណ្ដាលមកពីការគិតរហ័ស និងការសម្របខ្លួនទៅនឹងតម្រូវការទីផ្សារ ដែលធ្វើឲ្យអាជីវកម្មជាច្រើននៅតែទទួលបានការបញ្ជាទិញជាប្រចាំ។ ក្រៅពីវិស័យសំខាន់ៗ សហគ្រាសដែលមានឯកទេសក្នុងការផលិតសម្រាប់វេចខ្ចប់ និងសហគ្រាសនាំចេញផ្លែឈើបានទទួលការបញ្ជាទិញថេរដដែលពីដៃគូក្នុងប្រទេសជប៉ុន អ៉ឺរ៉ុប អាមេរិក និងអូស្រ្តាលីក្នុងពេលមានវិបត្តិនេះ។ យោងតាមលោក Tran Thanh Hai អគ្គនាយករងនៃនាយកដ្ឋាននាំចេញនាំចូលក្រោមក្រសួងឧស្សាហកម្មនិងពាណិជ្ជកម្មបានឲ្យដឹងថា សហរដ្ឋអាមេរិកនៅតែជាទីផ្សារធំបំផុតសម្រាប់ការនាំចេញរបស់វៀតណាមក្នុងរយៈពេលនេះ ដោយទទួលបានចំណូល ២០.៣ ពាន់លានដុល្លារកើនឡើង ១៣.៤%។ បន្ទាប់មក

ដូចដែលយើងគ្រប់គ្នាបានដឹងរួចមកហើយថា វីរុស Covid-19 បានធ្វើឲ្យមនុស្សជាច្រើនជួបនឹងវិបត្តិហិរញ្ញវត្ថុដោយសារការបាត់បង់ចំណូល បន្ទាប់ពីការងារត្រូវបានផ្អាក អាជីវកម្មមួយចំនួនត្រូវបិទទ្វារ ការលក់ដូរតូចតាចប្រែជាស្ងាត់មិនដូចពេលមុន។ ជាក់ស្ដែងស្រ្តីមេផ្ទះមួយរូបនៅក្នុងប្រទេសសិង្ហបុរីបានជួបនឹងវិបត្តិខ្លាំងមែនទែនដែលមិនធ្លាប់មាន ដោយប្ដីដែលជាអ្នកបើកតាក់ស៊ីដើម្បីចិញ្ចឹមគ្រួសារបានឆ្លងវីរុស Covid-19 ពីអ្នកដំណើរហើយត្រូវផ្លាស់ទៅនៅកន្លែងព្យាបាលជំងឺភ្លាមៗ។ ការបាត់បង់វត្តមានរបស់ប្ដីដែលជំហររកចំណូល អ្នកស្រី May Lim ដែលជាស្រ្តីមេផ្ទះមិនដែលធ្វើការងារអ្វីសោះបានសម្រេចចិត្តបង្កើតគំនិតមួយ បន្ទាប់ពីគ្រួសាររងផលប៉ះពាល់ផ្នែកហិរញ្ញវត្ថុយ៉ាងខ្លាំង ដែលបង្ខំឲ្យកូនស្រីវ័យ ១៣ឆ្នាំត្រូវផ្អាកការសិក្សាជាបណ្ដោះអាសន្ន។ បញ្ហាចេះតែចាក់ស្រេះជារៀងរាល់ថ្ងៃ លោកស្រីបាននឹកឃើញគំនិតមួយគឺការលក់គ្រឿងទេសនៅលើអ៉ីនធឺណេត។ លោកស្រីបានឲ្យដឹងថា ពីដំបូងឡើយគាត់ និងកូនស្រីបានចូលរៀនវគ្គសិក្សាស្តីពីភាពជាសហគ្រិន និងបង្វឹកម្ចាស់អាជីវកម្មដែលមានសេចក្តីប្រាថ្នាអស់រយៈពេលជាច្រើនឆ្នាំ កាលពីខែមេសា។ ក្នុងអំឡុងពេលសិក្សាម្ដាយ និងកូនបានរិះរកគំនិតជាមួយស្ថានភាពបច្ចុប្បន្នដើម្បីបង្កើតអាជីវកម្មមួយរកចំណូលផ្គត់ផ្គង់គ្រួសារ។ ដោយយល់ឃើញថាមនុស្សគ្រប់គ្នាកំពុងត្រូវបានជាប់គាំងនៅផ្ទះដោយសារបញ្ជារដ្ឋាភិបាល ដូច្នេះពួកគេនឹងមិនអាចចេញក្រៅដើម្បីទិញគ្រឿងទេសដែលប្រើប្រាស់ប្រចាំថ្ងៃបានទេ ចំពេលដែលអាជីវកម្មនេះមិនសូវពេញនិយមនៅលើអ៉ីនធឺណេត។ ដូច្នេះម្ដាយ និងកូនបានបង្កើតគេហទំព័ររបស់ពួកគេគឺ Claude

អាមេរិក៖ នៅពេលដែលវីរុស Covid-19 បានរបង្កផលប៉ះពាល់យ៉ាខ្លាំងដល់សេដ្ឋកិច្ច អាជីវកម្ម និងវិស័យកសិកម្ម កសិករជាច្រើនបានមើលឃើញពីការបាត់បង់តម្រូវការ និងទីផ្សារសម្រាប់ដំណាំរបស់ពួកគេ។ ការបាត់បង់ទាំងនេះនឹងធ្វើឲ្យពួកគេ ត្រូវបង្ខំចិត្តទុក ឬ បោះចោលដំណាំដែលប្រមូលផលរួចចោលទាំងស្ដាយស្រណោះ និងខាតបង់នូវចំណូលយ៉ាងច្រើននៅក្នុងឆ្នាំនេះ។ យ៉ាងណាមិញការបាត់បង់ទីផ្សារដែលមិនអាចនាំចេញផលិតផលកសិកម្មបាន ស្របពេលដែលប្រជាពលរដ្ឋអាមេរិករាប់លាននាក់បាត់បង់កាងារ គ្មានប្រាក់ចំណូលសម្រាប់ផ្គត់ផ្គង់ជីវភាពប្រចាំថ្ងៃ កសិករអាមេរិក​មួយចំនួនបានបង្វែរគំនិតដោយបរិច្ចាគដំណាំរបស់ពួកគេដល់អ្នកខ្វះខាត ជាជាងទុកឲ្យរលួយចោលឥតប្រយោជន៍។ កសិករវ័យ ៥០ឆ្នាំ លោកស្រី Tina Yates បានដឹកដំឡូងបារាំងចំនួន ១,៨០០ ផោន (៨១៦ គីឡូក្រាម) ទៅកាន់ផ្សារមួយនៅភាគខាងលិចរដ្ឋវ៉ាស៊ីនតោនដើម្បីចែកជូនដល់ កងទ័ពសង្គ្រោះ ធនាគារអាហារក្នុងស្រុក និងចែកតាមផ្ទះនៅទូទាំងភាគខាងលិចទីក្រុងវ៉ាស៊ីនតោន។ ជាមួយគ្នានេះដែរឡានរាប់រយគ្រឿងដែលបានឆ្លងកាត់តំបន់នោះ កំពុងតម្រៀបគ្នារង់ចាំដើម្បីទទួលបានដំឡូវបារាំងឥតគិតថ្លៃ

ប្រធានាធិបតីអាមេរិក ដូណាល់ ត្រាំ បាននិយាយកាលពីថ្ងៃពុធថា សហរដ្ឋអាមេរិកមានឆន្ទៈក្នុងការផ្ដល់ជំនួយដល់ក្រុមហ៊ុនផលិតម៉ាស៊ីនខ្យល់របស់វៀតណាម ដើម្បីជួយប្រយុទ្ធប្រឆាំងនឹងរោគរាតត្បាត Covid-19។ យោងតាមក្រសួងកាបរទេសវៀតណាមលោក Trump បានបន្តថ្លែងអំណរគុណចំពោះប្រទេសវៀតណាមដែលបានជួយសហរដ្ឋអាមេរិកក្នុងការផ្គត់ផ្គង់ និងដឹកជញ្ជូនឧបករណ៍វេជ្ជសាស្ត្រ ក៏ដូចជាម៉ាស់ដែលខ្លួនបានផ្ញើ នៅក្នុងសន្និសីទតាមទូរស័ព្ទជាមួយនាយករដ្ឋមន្ត្រីលោក Nguyen Xuan Phuc។ នាឱកាសនោះផងដែរប្រធានាធិបតីសហរដ្ឋអាមេរិកបានស្នើឱ្យប្រទេសទាំងពីរបន្តសហប្រតិបត្តិការយ៉ាងជិតស្និទ្ធដើម្បីប្រយុទ្ធប្រឆាំងនឹងជំងឺនេះ ដោយកាលពីខែមុនប្រទេសវៀតណាមបានបរិច្ចាគម៉ាស់ចំនួន ២៥០,០០០ ដល់សហរដ្ឋអាមេរិក។ ជាការតប​ស្នងវិញលោក Phuc បានកោតសរសើរចំពោះសុឆន្ទៈរបស់លោក Trump ក្នុងការផ្តល់ជំនួយដល់ក្រុមហ៊ុនផលិតម៉ាស៊ីនខ្យល់វៀតណាម និងគាំទ្រផ្នែកហិរញ្ញវត្ថុចំនួន ៩.៥ លានដុល្លារដើម្បីជួយដល់ប្រទេសនេះក្នុងការបង្កើនសមត្ថភាពផ្នែកវេជ្ជសាស្រ្ត និងការងើបឡើងវិញនៃសេដ្ឋកិច្ចក្រោយវិបត្តិ Covid-19 ។ ជាមួយគ្នានេះដែរមេដឹកនាំទាំងពីរបានឯកភាពគ្នា ក្នុងការអភិវឌ្ឍបន្ថែមទៀតនូវទំនាក់ទំនងសេដ្ឋកិច្ច និងពាណិជ្ជកម្មនៃប្រទេសទាំងពីរ។

ទិន្នន័យរបស់រដ្ឋាភិបាលអាមេរិកបានបង្ហាញថា មានមនុស្សជាង ៣៣ លាននាក់​​ បានដាក់ពាក្យសុំប្រាក់អត្ថប្រយោជន៍គ្មានការងារធ្វើក្នុងរយៈពេល ៧ សប្តាហ៍មកនេះ ចាប់តាំងពីប្រធានាធិបតីលោក ដូណាល់ ត្រាំ ប្រកាសអាសន្នថ្នាក់ជាតិលើវីរុស COVID-19 នៅពាក់កណ្តាលខែមីនា។ តួលេខនេះបង្ហាញថាមនុស្សម្នាក់ក្នុងចំណោមមនុស្ស​ ៥នាក់ នៃកម្លាំងពលកម្មបច្ចុប្បន្នគឺគ្មានការងារធ្វើ។ ចំនួនដ៏គួរឱ្យភ្ញាក់ផ្អើលនេះបានកើតឡើង នៅពេលដែលក្រសួងការងារអាមេរិកបានប្រកាសកាលពីថ្ងៃព្រហស្បតិ៍ថា តួលេខសម្រាប់ការទាមទារសំណងដែលបានបញ្ចប់កាលពីថ្ងៃសៅរ៍ គឺមានចំនួនជិត ៣.១៧ លាននាក់ បន្ថែមទៀត ប៉ុន្តែវាជាការថយចុះប្រមាណ ៦៨០,០០០ ពីពីសប្តាហ៍មុន។ និយោជិកនៅក្នុងឧស្សាហកម្មជាច្រើនត្រូវបញ្ឈប់កម្មកររបស់ពួកគេ ដោយសារតែជំងឺរាតត្បាត COVID-19 ។ ក្រុមអ្នកវិភាគបារម្ភថា ស្ថិតិការងារដែលត្រូវបញ្ចប់នៅថ្ងៃសុក្រអាចជាទិន្នន័យអាក្រក់បំផុតសម្រាប់ប្រទេសនេះ ថ្វីបើរដ្ឋជាច្រើនបានបើកដំណើរការផ្នែកសេដ្ឋកិច្ចរបស់ខ្លួនឡើងវិញ ប៉ុន្តែគេនៅចាំមើលថា