ថៃ៖ ក្រសួងទេសចរណ៍ និងកីឡាកំពុងពិចារណាលើការបង់ពន្ធចំនួន ៣០០បាត ឬ តិចជាងនេះសម្រាប់ជនបរទេសដែលអាចមានលទ្ធភាពលើការធានារ៉ាប់រងជំងឺរាតត្បាតដែលបង្កឡើងដោយវីរុសកូរ៉ូណា នៅពេលដែលពួកគេហោះហើរចូលមកកាន់ប្រទេសថៃ ឬ តាមរយៈសកម្មភាពទេសចរណ៍ដែលទើបនឹងចាប់ផ្ដើមដំណើរការថ្មីៗនេះ។ លោក Phiphat Ratchakitprakarn រដ្ឋមន្រ្តីក្រសួងទេសចរណ៍និងកីឡាបានមានប្រសាសន៍ថា ពន្ធនឹងត្រូវបានប្រមូលនៅពេលដែលជនបរទេសមកដល់តាមផ្លូវគោក តាមផ្លូវអាកាស ការដឹកជញ្ជូនតាមផ្លូវទឹក។ ខណៈគ្រោងការយកពន្ធនឹងត្រូវបន្ថែមទៅក្នុងមូលនិធិទេសចរណ៍គ្រប់គ្រងដោយក្រសួងក្នុងគោលបំណងកសាងនិងអភិវឌ្ឍខ្សែសង្វាក់ផ្គត់ផ្គង់ទេសចរណ៍ ក៏ដូចជាផ្តល់ការការពារសុវត្ថិភាពនិងសន្តិសុខដល់ភ្ញៀវទេសចរ។ លោកបានបន្តថា គំនិតនេះត្រូវបានផ្តួចផ្តើមកាលពីឆ្នាំមុន ប៉ុន្តែត្រូវបានពន្យារពេលដោយសារតែជំងឺរាតត្បាតដែលបង្កឡើងដោយវីរុស Covid-19 តែពេលនេះ គឺជាពេលវេលាដ៏ត្រឹមត្រូវដើម្បីចាប់ផ្តើមប្រមូលពន្ធនេះ។ ទោះបីជាយ៉ាងនេះក្ដី រដ្ឋមន្រ្តីរូបនេះបានអះអាងថា ប្រទេសជប៉ុនបានអនុវត្តវិធានការណ៍ស្រដៀងគ្នានេះដោយចាប់ផ្តើមយកពន្ធលើការចាកចេញរបស់អ្នកដំណើរបរទេសចំនួន ១០០០ យ៉េន (ប្រហែល ៣០០ បាត) ក្នុងម្នាក់។ ហេតុដូចនេះឲ្យតែក្រសួងរៀបចំផែនការច្បាស់លាស់ក្នុងការផ្ដល់អត្ថប្រយោជន៍ដល់ភ្ញៀវទេសចរបរទេស

គណៈកម្មាធិការសេ្ថរភាពប្រព័ន្ធហិរញ្ញវត្ថុ (KSSK) នៃប្រទេសឥណ្ឌូនេស៊ីបានព្រមានថាជំងឺរាតត្បាតរ៉ាំរ៉ៃ (COVID-19) កំពុងគំរាមកំហែងដល់ស្ថេរភាពនៃប្រព័ន្ធហិរញ្ញវត្ថុរបស់ប្រទេស ដោយសារវីរុសនេះបង្កឲ្យតំរូវការផ្គត់ផ្គង់រង្គោះរង្គើ និងធ្វើឱ្យឧស្សាហកម្មហិរញ្ញវត្ថុ និងម៉ាក្រូសេដ្ឋកិច្ចចុះខ្សោយ។ លោកស្រី Sri Mulyani Indrawati រដ្ឋមន្រ្តីក្រសួងហរិញ្ញវត្ថុដែលមានតួនាទីជាប្រធានគណៈកម្មាធិការនេះបាននិយាយកាលពីថ្ងៃទី១១ ខែឧសភាថា ភាពរង្គោះរង្គើនៃតម្រូវការផ្គត់ផ្គង់ និងទស្សនវិស័យផលិតផលក្នុងស្រុកសរុបទាបបានបង្កការគំរាមកំហែងយ៉ាងធ្ងន់ធ្ងរដល់ស្ថេរភាពប្រព័ន្ធហិរញ្ញវត្ថុ។ ជាមួយគ្នានេះ (KSSK) រំពឹងថាសេដ្ឋកិច្នៅឆ្នាំនេះនឹងកើនឡើងតែ ២.៣% ប៉ុណ្ណោះធ្លាក់ចុះគួរឱ្យកត់សម្គាល់ពី ៥.០២% នៅឆ្នាំ ២០១៩ ដោយសារផលិតផលក្នុងស្រុកសរុបរបស់ប្រទេសនេះបានកើនឡើង ២.៩៧% ក្នុងរយៈពេលពីមួយឆ្នាំទៅមួយឆ្នាំនៅក្នុងត្រីមាសទី១ នៃឆ្នាំ ២០២០នេះ ដែលជាកម្រិតទាបបំផុតចាប់តាំងពីឆ្នាំ ២០០១។ បន្ថែមពីនេះសេដ្ឋកិច្ចបានជាប់គាំងដោយសារវិធានការរឹតបន្តឹងនានា ដើម្បីទប់ស្កាត់ការរីករាលដាលនៃវីរុស Covid-19។

ខណៈដែលចំនួនអ្នកស្លាប់នៅតែបន្តកើនឡើងឥតឈប់ពីមួយថ្ងៃទៅមួយថ្ងៃ កាលពីពេលថ្មីៗនេះទីភ្នាក់ងារ The IRS បានប្រកាសថា ក្រុមគ្រួសារអ្នកដែលស្លាប់ដោយវីរុស Covid-19 នឹងទទួលបានប្រាក់ដែលបានចំណាយលើការព្យាបាលត្រលប់មកវិញ។ ខណៈយោងតាមទិន្នន័យចុងក្រោយពីសាកលវិទ្យាល័យ Johns Hopkins យ៉ាងហោចណាស់ការស្លាប់ដោយសារវីរុសនេះនៅក្នុងសហរដ្ឋអាមេរិកមានចំនួន ៧៥,៨៥២ នាក់។ ទន្ទឹមនឹងនេះដែររដ្ឋាភិបាលសហរដ្ឋអាមេរិកបាននិងកំពុងបញ្ជូនការត្រួតពិនិត្យលើសកម្មភាពរាប់លាន ស្របពេលដែលនាយកដ្ឋានរតនាគារបាននិយាយថា ខ្លួនបានបញ្ជូនប្រាក់សំណងជិត ១៣០ លានក្នុងរយៈពេលមិនដល់ ៥សប្ដាហ៍ ហើយរតនាគាររំពឹងថានឹងផ្ញើប្រាក់សំណងសរុបចំនួនជាង ១៥០ លានថែមទៀត។ ខណៈពេលដែលមនុស្សជាច្រើនទទួលបានប្រាក់សំណងភ្លាមៗ ហើយមនុស្សមួយចំនួនទៀតកំពុងរង់ចាំទទួលប្រាក់សំណងជាមូលប្បទានប័ត្រ។ គួរឲ្យដឹងផងដែរថា ក្រុមគ្រួសារអ្នកដែលស្លាប់ដោយសារវីរុសកូរ៉ូណានឹងទទួលបានប្រាក់សំណងក្នុងករណីដែលពួកគេ​បានបង់ប្រាក់សម្រាប់ការព្យាបាលរួចរាល់។ ក្នុងនោះមនុស្សម្នាក់នឹងទទួលបានការទូទាត់ប្រាក់ត្រលប់មកវិញចំនួន ១២០០ ដុល្លារ ឬ ២៤០០ ដុល្លារសម្រាប់គូស្វាមីភរិយា និងចំនួន

មហាសេដ្ឋី Richard Branson ម្ចាស់ក្រុមហ៊ុន Virgin Group បាននិយាយកាលពីថ្ងៃច័ន្ទ ទី១១ ខែឧសភា ខ្លួនអាចនឹងលក់ភាគហ៊ុនរហូតដល់ ២៥ លានហ៊ុននៃក្រុមហ៊ុនទេសចរណ៍អវកាស Virgin Galactic Holdings Inc ដើម្បីប្រមូលប្រាក់ចំពេលមានជំងឺរាតត្បាត Covid-19 ដែលកំពុងគ្រប់ដណ្ដប់លើវិស័យនេះ នេះបើយោងតាមការចុះផ្សាយរបស់សារព័ត៌មាន​ CNA ។ ក្រុមហ៊ុនបាននិយាយថា ខ្លួនមានបំណងប្រើប្រាស់ប្រាក់ចំណេញដើម្បីគាំទ្រផលប័ត្រអាជីវកម្មនៃក្រុមហ៊ុនទេសចរណ៍អវកាស និងក្រុមហ៊ុនអាកាសចរណ៍ ដែលបានរងផលប៉ះពាល់យ៉ាងខ្លាំងពីវីរុស Covid-19។ ខណៈភាគហ៊ុនរបស់ក្រុមហ៊ុន Virgin Galactic ដែលបានកើនឡើង ៦៩% នៅឆ្នាំនេះបានធ្លាក់ចុះ ៣.១%

នៅថ្ងៃច័ន្ទនេះទិន្នន័យបានបង្ហាញថា ការនាំចេញរបស់កូរ៉េខាងត្បូងបានធ្លាក់ចុះ ៤៦.៣% ក្នុងរយៈពេល ១០ ថ្ងៃដំបូងនៃខែឧសភា ចំពេលដែលមានការផ្ទុះឡើងនៃវីរុស Covid-19 ជាថ្មីម្ដងទៀត។ បើយោងតាមទិន្នន័យពីសេវាគយកូរ៉េបានឱ្យដឹងថាការនាំចេញទៅក្រៅប្រទេសរបស់ប្រទេសនេះមានចំនួន ៦.៩ ពាន់លានដុល្លារក្នុងរយៈពេលពីថ្ងៃទី១ ដល់ថ្ងៃទី១០ ខែឧសភាធៀបនឹង ១២.៥ ពាន់លានដុល្លារក្នុងរយៈពេលដូចគ្នាកាលពីឆ្នាំមុន។ ខណៈចេញការនាំចេញជាមធ្យមប្រចាំថ្ងៃក្នុងរយៈពេល ១០ ថ្ងៃបានធ្លាក់ចុះ ៣០.២% ធៀបនឹងឆ្នាំមុន។ ទិន្នន័យនេះបានកើតឡើងចំពេលមានការព្រួយបារម្ភកាន់តែខ្លាំងឡើងថាជំងឺរាតត្បាតឆ្លងរាលដាលកំពុងធ្វើឱ្យប៉ះពាល់ដល់ការនាំចេញរបស់ប្រទេសដែលមានសេដ្ឋកិច្ចធំលំដាប់ទីបួននៅអាស៊ីមួយនេះ។ ដោយការរាតត្បាតពីវីរុសនេះ បានបង្អាក់ដល់ពាណិជ្ជកម្ម និងបញ្ឈប់ការផលិតនៅជុំវិញពិភពលោក ដោយចំនួនប្រទេសដែលបិទព្រំដែនរបស់ខ្លួនកាន់តែកើនឡើង។ ជាក់ស្ដែងការនាំចេញតាមផ្នែកនីមួយៗដូចជា បន្ទះឈីប ដែលជាធាតុសំខាន់បានធ្លាក់ចុះ ១៧.៨% ហើយផ្នែករថយន្តបានធ្លាក់ចុះ ៨០.៤% ក្នុងរយៈពេល ១០

យោងតាមក្រសួងការបរទេសកូរ៉េខាងត្បូងបាននិយាយថា ប្រទេសកូរ៉េខាងត្បូងដែលកំពុងតស៊ូនឹងវីរុស Covid-19 បានបញ្ជូនម៉ាស់ចំនួន ២ លាននៅថ្ងៃច័ន្ទនេះ ដល់សហរដ្ឋអាមេរិកដែលជាជំនួយបន្ទាន់ដើម្បីជួយប្រយុទ្ធប្រឆាំងនឹងវីរុសនេះ។ ការផ្ដល់ម៉ាស់នេះបានធ្វើឡើងបន្ទាប់ពីលោកប្រធានាធិបតី Moon Jae-in និងប្រធានាធិបតីសហរដ្ឋអាមេរិកលោក Donald Trump បានពិភាក្សាពីកិច្ចសហប្រតិបត្តិការរវាងប្រទេសទាំងពីរក្នុងការប្រយុទ្ធប្រឆាំងនឹងវីរុស Covid-19 កាលពីថ្ងៃទី ២៤ ខែមីនាកន្លងទៅនេះ។ ប្រភពដដែលបានឲ្យដឹងថា ជើងហោះហើរដឹកទំនិញរបស់សហរដ្ឋអាមេរិកដែលដឹកម៉ាសទាំងនោះ អាចនឹងទៅដល់សហរដ្ឋអាមេរិកនៅថ្ងៃច័ន្ទនេះ ខណៈគ្រឿងផ្គត់ផ្គង់ទាំងនោះនឹងត្រូវចែកចាយដល់ស្ថាប័នវេជ្ជសាស្រ្តសម្រាប់ប្រយុទ្ធប្រឆាំងនឹងវីរុស Covid-19។ យ៉ាងណាមិញនេះមិនមែនជា លើកទី១ ទេដែលប្រទេសកូរ៉េបានផ្តល់ជំនួយមនុស្សធម៌ដល់សហរដ្ឋអាមេរិក ដោយទីក្រុងសេអ៊ូលធ្លាប់បានផ្ដល់ទឹកប្រាក់ ៧ លានដុល្លារទៅឱ្យសហរដ្ឋអាមេរិកនៅពេលដែលប្រទេសនេះរងការវាយប្រហារដោយព្យុះកាលពីឆ្នាំ២០០៥ និង២០១៧៕ ប្រភព៖ yna អត្ថបទ៖ លីនី

ខេត្តព្រៃវែង គឺជាខេត្តមួយនៃប្រទេសកម្ពុជា ដែលមានចំនួនប្រជាជន ១,១ លាននាក់ ធ្វើឲ្យខេត្តមួយនេះក្លាយជាខេត្តដែលមានប្រជាជនច្រើនជាងច្រើនគេនៃទី ៣ ក្នុងចំណោមខេត្ត-ក្រុងទាំង២៥ ។​ តំបន់កសិកម្មដែលមានប្រជាជនច្រើនក្រាស់ក្រែលនេះមានទីតាំងស្ថិតនៅត្រើយខាងកើតនៃទន្លេមេគង្គ។ ខេត្តព្រៃវែងត្រូវបានគេដាក់ឈ្មោះបែបនេះ ដោយសារពីដើមឡើយសំបូរទៅដោយព្រៃក្រាស់ និងវែង តែរយៈពេលជាង ៣០ឆ្នាំមកនេះត្រូវបានប្រែបន្តិចៗម្ដង ដើម្បីផ្ដល់ដីធ្វើកសិកម្ម។ ជាមួយគ្នានេះដែរយោងតាមការបង្ហោះនៅលើហ្វេសប៊ុកផ្លូវការរបស់ឯកឧត្តម វេង សាខុន បានឲ្យដឹងថា ខេត្តព្រៃវែងអាចចាត់ទុកបានថាជាខេត្តមួយដែលបានចូលរួមចំណែកផលិត និងផ្គត់ផ្គង់ស្បៀងបានច្រើនជាងបណ្តារាជធានី/ខេត្តទាំង២៥ សម្រាប់ឆ្នាំ២០១៩-២០២០។ ជាក់ស្ដែងខេត្តដ៏មានសក្ដានុពលមួយនេះ អាចសម្រេចបានកសិផលជាច្រើរួមមាន៖ ផលិតកម្មស្រូវសម្រេចបាន (១ ៣៦៧ ៩២០ តោន) ផ្នែកផលិតកម្មចិញ្ចឹមសត្វដូចជា គោ សម្រេចបាន (៣៣២

ប្រធាធិបតីអាមេរិក ដូណាល់ ត្រាំ បានមានប្រសាសន៍ថា រដ្ឋបាលរបស់លោកនឹងចាប់ផ្ដើមទិញផលិតផលកសិកម្មក្នុងតម្លៃ ៣ ពាន់លានដុល្លារនៅសប្ដាហ៍នេះ សម្រាប់ចែកចាយដល់ប្រជាជនដែលកំពុងត្រូវការស្បឿងអាហារ។ យោងតាមការបង្ហោះនៅលើបណ្ដាញ Twitter កាលពីថ្ងៃសៅរ៍របស់ប្រធានាធិបតីរូបនេះបានឲ្យដឹងថា រដ្ឋាភិបាលសហរដ្ឋអាមេរិកនឹងទិញទឹកដោះគោ សាច់ និងម្ហូបអាហារស្រស់ជាច្រើន។ គួរឲ្យដឹងផងដែរថាតម្រូវការទំនិញកសិកម្មបានធ្លាក់ចុះនៅសហរដ្ឋអាមេរិក បន្ទាប់ពីភោជនីយដ្ឋាន និងសាលារៀនត្រូវបានបិទដោយសារតែការផ្ទុះឡើងនៃវីរុស Covid-19។ ការផ្ទុះឡើងនេះ បានជះឥទ្ធិពលដល់វិស័យកសិកម្ម ដោយកសិករខ្លះត្រូវបំផ្លាញផលិតផលរបស់ពួកគេចោលដោយសារមិនអាចនាំចេញ និងប្រមូលផលបាន។ ទន្ទឹមនឹងនេះដែរប្រជាពលរដ្ឋជាច្រើនបាត់បង់ចំណូល បន្ទាប់ពីបាត់បង់ការងារដែលធ្វើឲ្យការរស៉នៅប្រចាំថ្ងៃរងផលប៉ះពាល់យ៉ាងខ្លាំង។ យ៉ាងណាមិញកន្លងមកលោក ដូណាល់ ត្រាំ បានប្រកាសពីកម្មវិធីជំនួយដែលមានទឹកប្រាក់ ១៩ ពាន់លានដុល្លារសម្រាប់កសិករដែលរួមមាន ការទិញកសិផលសម្រាប់ធនាគារស្បៀងអាហារ។ បន្ថែពីនេះក្រុមអ្នកសង្កេតការណ៍បាននិយាយថា ប្រធានាធិបតីកំពុងស្វែងរកការគាំទ្រជាបន្តពីកសិករដែលធ្លាប់រងគ្រោះដោយសារជម្លោះពាណិជ្ជកម្មជាមួយចិនមុនពេលផ្ទុះវីរុសនេះឡើងមក៕ ប្រភព៖