រដ្ឋាភិបាលកម្ពុជាបានអនុញ្ញាតឲ្យក្រុមហ៊ុនបន្តនាំចេញអង្ករស ចាប់ពីសប្ដាហ៍ក្រោយនេះឡើងវិញ បន្ទាប់រដ្ឋាភិបាលបានធ្វើការហាមឃាត់ការនាំចេញអស់រយៈពេលជាង ១ខែ ក្នុងគោលបំណ​ងធានាសន្តិសុខស្បៀងអាហារក្នុងប្រទេសក្នុងអំំឡុងពេលមានជំងឺរាតត្បាតដែលបង្កឡើងដោយវីរុស Covid-19។ ការសម្រេចនេះ ត្រូវបានប្រកាសឱ្យដឹងតាមរយៈលិខិតផ្លូវការរបស់ឯកឧត្តមអគ្គបណ្ឌិត សភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ផ្ញើជូនប្រធានសហព័ន្ធស្រូវអង្ករកម្ពុជានៅថ្ងៃទី១៣ ខែឧសភានេះ។ បន្ទាប់ពីកម្ពុជាមិនបានរកឃើញករណីអ្នកឆ្លងវីរុសថ្មី និងបន្តព្យបាលបានជាសះស្បើយ ដោយគិតមកទល់ពេលនេះអ្នកជំងឺ Covid-19 នៅសល់តែម្នាក់ប៉ុណ្ណោះ។ ជាក់ស្ដែងតាមរយៈលិខិតផ្លូវការ​នោះបានបញ្ជាក់ផងដែរថា តបតាមសំណើររបស់សហព័ន្ធស្រូវអង្ករកម្ពុជា ដែលបានចុះនៅថ្ងៃទី៤ ខែឧសភា ឆ្នាំ២០២០ រាជរដ្ឋាភិបាកម្ពុជាបានសម្រេចផ្ដល់ការអនុញ្ញា​តឲ្យនាំចេញអង្ករសជាបណ្ដើរៗឡើងវិញ តាមកិច្ចសន្យាទិញពីក្រៅប្រទេស ដោយគិតចាប់ពីថ្ងៃទី២០ ខែឧសភា ឆ្នាំ២០២០ នេះតទៅ។ សូមបញ្ជាក់ផងដែរថា កាលពីថ្ងៃទី៣០

ក្រុមហ៊ុន Facebook បាននិយាយថា ខ្លួនបានលុបចោលការផ្សព្វផ្សាយដូចជា៖ ម៉ាស់មុខ ជែលលាងដៃ ក្រដាសជូតសម្អាត និងឧបករណ៍តេស្តវីរុស COVID-19 ចំនួន ២.៥លាន ចាប់តាំងពីថ្ងៃទី០១ ខែមីនា ក្នុងគោលបំណងដើម្បីការពារអ្នកប្រើប្រាស់ពីការឡើងថ្លៃ ឬ ផលិតផលក្លែងក្លាយនិងគ្រោះថ្នាក់។ ដើម្បីធ្វើវាបាន Facebook បានពឹងផ្អែកលើបច្ចេកវិទ្យា AI កំណត់រូបភាព ដែលដូចគ្នានឹងមុខងារដើម្បីលុបចោលការលក់កាំភ្លើងនិងគ្រឿងញៀន។ Facebook ព្យាយាមគ្រប់គ្រងការកើនឡើងនៃមាតិកាដែលរំលោភលើគោលការណ៍របស់ខ្លួន រួមទាំងការលុបចោលនូវព័ត៌មានគ្រោះថ្នាក់ដល់រាងកាយ ដូចជាជំរុញឱ្យអ្នកប្រើប្រាស់ផឹកអូសាវែលឱ្យជាសះស្បើយពីវីរុស COVID-19 ជាដើម។ ស្ថិតិដែលត្រូវបានចេញផ្សាយកាលពីថ្ងៃអង្គារ គឺជាការបន្ថែមចុងក្រោយបង្អស់ទៅនឹងរបាយការណ៍ប្រចាំឆ្នាំ ២ ដងរបស់ Facebook អំពីការអនុវត្តច្បាប់ស្របតាមគោលការណ៍របស់ខ្លួន។

ការស្ទង់មតិរបស់រដ្ឋាភិបាលជប៉ុនបង្ហាញថា អារម្មណ៍ចំពោះអាជីវកម្មក្នុងចំណោមកម្មករបានធ្លាក់ចុះដល់កម្រិតទាបបំផុតក្នុងរយៈពេល ២ខែ ជាប់ៗគ្នា​ ចំពេលដែលប្រទេសនេះមានការឆ្លងរាតត្បាតពីវីរុស​ COVID-19។ ការិយាល័យគណៈរដ្ឋមន្រ្តីនៅថ្ងៃពុធនេះ បានចេញផ្សាយនូវលទ្ធផលនៃការស្ទង់មតិអ្នកតាមដានសេដ្ឋកិច្ចប្រចាំខែ ដោយក្នុងនោះពួកគេបានសាកសួរកម្មករជាង ២,០០០នាក់ រួមទាំងបុគ្គលិកហាង និងអ្នករត់តាក់ស៊ី អំពីអារម្មណ៍របស់ពួកគេចំពោះសេដ្ឋកិច្ច។ ការស្ទង់មតិបានបង្ហាញថាជាង ៥០% ក្នុងចំណោមពួកគេមានសុទិដ្ឋិនិយម ប៉ុន្តែអ្នកផ្សេងទៀតបង្ហាញពីទុទិដ្ឋិនិយមចំពោះសេដ្ឋកិច្ចដែលវាជាការធ្លាក់ចុះទាបបំផុតចាប់តាំងពីឆ្នាំ២០០២។ សន្ទស្សន៍ខែមេសាអំពីស្ថានភាពសេដ្ឋកិច្ចបច្ចុប្បន្នបានធ្លាក់ចុះដល់ ៧.៩ ទាបជាង ៦.៣ពិន្ទុ ពីខែមុនមួយទៀត។ សន្ទស្សន៍នេះក៏បានកត់ត្រាតួលេខទាបបំផុត២ខែជាប់ៗគ្នា ពោលគឺទៀបបំផុតចាប់តាំងពីខែមករាឆ្នាំ២០០២ នៅពេលទិន្នន័យប្រៀបធៀបត្រូវបានបង្កើតឡើង។ មនោសញ្ចេតនាអាជីវកម្មកាន់តែអាក្រក់ទៅៗ ជាពិសេសនៅក្នុងសេវាបរិភោគនិងភេសជ្ជៈ ដែលហាងជាច្រើនត្រូវបានបង្ខំបិទទ្វារជាបណ្តោះអាសន្ន។ សេវាកម្មផ្សេងទៀតរួមមានទាំងសណ្ឋាគារផងដែរ ដែលបានទទួលរងនូវការលុបចោលការកក់ ដោយសារតែការរាំងស្ទះលើការធ្វើដំណើរ។ បុគ្គលិកភោជនីយដ្ឋានម្នាក់នៅតំបន់ Chugoku ខាងលិចប្រទេសជប៉ុនបាននិយាយថា

ប្រទេសចិន បានផ្អាកការនាំចូលសាច់គោពីអ្នកផ្គត់ផ្គង់ចំនួន ៤ របស់ប្រទេសអូស្រ្តាលីកាលពីថ្ងៃអង្គារ បន្ទាប់ពីឯកអគ្គរដ្ឋទូតទីក្រុងប៉េកាំងបានព្រមានកាលពីប៉ុន្មានសប្ដាហ៍មុន ពីការហាមឃាត់ដល់ប្រជាជនរបស់ខ្លួនឲ្យឈប់ទទួលទានសាច់គោពីប្រទេសអូស្រ្តាលី។ ការផ្អាកការនាំចូលនេះ គឺជាការសងសឹកផ្នែកសេដ្ឋកិច្ចទៅលើប្រទេសអូស្រ្តាលី បន្ទាប់ពីទីក្រុង Canberra របស់ប្រទេសមួយនេះជំរុញឲ្យមានស៊ើបអង្កេតប្រភពដើមនៃវីរុស Covid-19។ ជាមួយគ្នានេះក្រុមអ្នកវិភាគ បាននិយាយថាការផ្លាស់ប្តូរនេះបានលើកឡើងពីក្តីបារម្ភនៃការប្រឈមមុខគ្នារវាងអូស្រ្តាលី និងដៃគូពាណិជ្ជកម្មដ៏សំខាន់បំផុតរបស់ខ្លួន ដែលអាចឈានដល់វិស័យសំខាន់ៗដទៃទៀត។ ខណៈដែលប្រទេសមួយនេះកំពុងវាស់ស្ទង់មើលវិបត្តិសេដ្ឋកិច្ចដែលបណ្តាលមកពីវីរុសនេះ។ គួរឲ្យដឹងផងដែរថា អ្នកផ្គត់ផ្គង់ចំនួន ៤ របស់ប្រទេសអូស្រ្តាលីដែលត្រូវបានផ្អាកនេះ មានប្រមាណ ៣៥% នៃការនាំចេញសាច់គោរបស់អូស្រ្តាលីទៅកាន់ប្រទេសចិនក្នុងពាណិជ្ជកម្មដែលមានតម្លៃប្រហែល ១.៧ ពាន់លានដុល្លារអូស្ត្រាលី (១.១ ពាន់លានដុល្លារអាមេរិក)។ បន្ថែមពីនេះទៅទៀត ប្រទេសចិនក៏បានដាក់ពន្ធគយលើស្រូវសាឡីអូស្ត្រាលីផងដែរ ជុំវិញការចោទប្រកាន់ថាខ្លួនកំពុងលក់គ្រាប់ធញ្ញជាតិនៅក្នុងប្រទេសចិនក្នុងតម្លៃទាប ជាងការផលិតរបស់ប្រទេសចិន។ ដោយទីក្រុងប៉េកាំងកំពុងពិចារណាលើការដាក់ពន្ធនេះក្នុងចំនួន ៧៣.៦%

នៅក្នុងជីវិតរស់នៅសព្វថ្ងៃអ្វីដែលមនុស្សគ្រប់គ្នាខ្លាចជាងគេ​ គឺបំណុលជាប់ខ្លួន ខណៈដែលមនុស្សដែលកើតមកភ្លាមគឺមានបំណុលជាប់ខ្លួនបាត់ទៅហើយ ពោលគឺបំណុលដែលយើងយកមកប្រើក្នុងជីវីតរស់នៅដូចជា កន្លែងស្នាក់នៅ និងការហូបចុកជាដើម។ ដូច្នេះដើម្បីរំដោះខ្លួនពីបំណុល និងមិនចង់ស្ពាយបំណុលជាប់ខ្លួន មនុស្សគ្រប់គ្នាព្យាយាមចេញរកចំណូល ហើយអ្នកខ្លះទៀតស្វះស្វែងរកចំណូលបន្ថែមដើម្បីបំពេញតាមតម្រូវការ។ យ៉ាងណាមិញថ្ងៃនេះ Khmernote Business នឹងដកស្រង់នូវវិធី ៦ យ៉ាងមកបង្ហាញអ្នកដែលចង់រកចំណូលបន្ថែម ដោយគ្រាន់តែនៅផ្ទះក៏លុយចូលដែរឲ្យតែដាក់ចិត្តធ្វើពិតប្រាកដ ដោយសារយើងរស់នៅក្នុងសម័យបច្ចេកវិទ្យា វាមិនពិបាកក្នុងការរកប្រាក់បន្ថែមនោះទេ៖ ១. ចាប់ផ្ដើមសរសេរ blog៖ ការរកចំណូលបន្ថែមតាមរយៈការសរសេរ blog ជាវិធីដែលមានប្រជាប្រិយបំផុត ព្រោះវាចំនាយពេល និងប្រាក់តិចក្នុងការចាប់ផ្ដើម។ បន្ទាប់ពីបង្កើត blog ផ្ទាល់ខ្លួនរួច គឺត្រូវចាប់ផ្ដើមបង្កើតវេទិកា ដែលអ្នកគិតថាមនុស្សនឹងចាប់អារម្មណ៍ក្នុងការអាន ឬ ចែករំលែក

ក្នុងរយៈពេលប៉ុន្មានខែមកនេះ ចាប់តាំងពីវីរុស Covid-19 បាន​ផ្ទុះឡើងនិងរីករាលដាលពាសពេញពិភពលោក សហស្ថាបនិកក្រុមហ៊ុន Microsoft លោក Bill Gates គឺជាឥស្សរជនសាធារណៈម្នាក់ដែលនិយាយច្រើនបំផុតទាក់ទងទៅនឹងការឆ្លើយតបជាសកលចំពោះរោគរាតត្បាតនេះ។ ទោះជាយ៉ាងនេះក្ដីកាលពីពេលថ្មីៗនេះ លោកបាននិយាយថា៖ «លោកសង្ឃឹមថាលោកនឹងអាចធ្វើអ្វីៗបន្ថែមទៀត ដើម្បីព្រមានដល់ពិភពលោក អំពីគ្រោះថ្នាក់ដែលអាចកើតមាននៃជំងឺរាតត្បាតជាសកល មុនពេលមេរោគឆ្លងវីរុស Covid-19 ក្លាយជាជំងឺមួយក្នុងចំណោមបញ្ហាសុខភាពសាធារណៈដ៏ធំបំផុតនៅក្នុងទសវត្ស »។ នៅក្នុងបទសម្ភាសន៍ជាមួយកាសែត The Wall Street Journal ដែលបានចេញផ្សាយកាលពីថ្ងៃ​ច័ន្ទ មហាសេដ្ឋីរូបនេះ បាននិយាយថា៖ « ខ្ញុំសង្ឃឹមថាខ្ញុំនឹងអាចជោគជ័យ ក្នុងការប្រែក្លាយមនុស្សឲ្យមកចាប់អារម្មណ៍លើគ្រោះថ្នាក់នៃរោគរាតត្បាត »។ ជាក់ស្ដែងចំពោះគ្រោះថ្នាក់នៃរោគរាតត្បាត លោក Bill

ប្រទេសរុស្ស៊ីបានលុបចោលបទបញ្ជាបិទអាជីវកម្មនៅទូទាំងប្រទេស បើទោះបីជាករណីឆ្លងវីរុស Covid-19 នៅក្នុងប្រទេសច្រើនជាងគលំជាប់ទី២ បន្ទាប់ពីសហរដ្ឋអាមេរិកក៏ដោយ។ បើយោងតាមការចុះផ្សាយរបស់សារព័ត៌មាន NHK បានឲ្យដឹងថា ក្រុមហ៊ុនមួយចំនួនបានបន្តប្រតិបត្តិការកាលពីថ្ងៃអង្គារម្សិលមិញនេះ បន្ទាប់ពីប្រធានាធិបតី Vladimir Putin បានចាប់ផ្តើមដកការរឹតត្បិតអាជីវកម្មជាបណ្ដើរៗ។ ខណៈប្រធានាធិបតីរូបនេះ បានឈប់ធ្វើសន្និសីទវីដេអូ ជំនួសដោយការទៅជួបជាមួយលោក Igor Sechin ដែលជាប្រធានក្រុមហ៊ុនប្រេងរដ្ឋ Rosneft ដោយផ្ទាល់ ដើម្បីពិភាក្សាពីវិធីដើម្បីស្តារឧស្សាហកម្មប្រេងរបស់ប្រទេសនេះឡើងវិញ។ ទន្ទឹមនឹងនេះប្រព័ន្ធផ្សព្វផ្សាយក្នុងស្រុកបានរាយការណ៍អំពីការកើនឡើងនៃចរាចរណ៍តាមដងផ្លូវនិងអ្នកដំណើរនៅតាមរថភ្លើងក្រោមដីកាន់តែច្រើនកាលពីថ្ងៃអង្គារ។ ការចាប់ផ្តើមអាជីវកម្មមួយផ្នែកឡើងវិញបានកើតឡើងនៅពេលដែលប្រទេសរុស្ស៊ីបន្តរកឃើញមានករណីថ្មីជាង ១០,០០០ ករណីជារៀងរាល់ថ្ងៃ ដែលធ្វើឲ្យចំនួនសរុបបានកើនឡើងដល់ប្រហែល ២៣២,០០០ នាក់ ធ្វើឱ្យប្រទេសរុស្ស៊ីក្លាយជាប្រទេសដែលមានអ្នកឆ្លងខ្ពស់បំផុតទី២ នៅក្នុងពិភពលោក។ តោះបីជាយ៉ាងនេះក្ដីរដ្ឋាភិបាលត្រូវបានគេជឿជាក់ថា កំពុងព្យាយាមបន្ធូរបន្ថយភាពតានតឹងរបស់ប្រជាពលរដ្ឋជាមួយនឹងសេដ្ឋកិច្ចដែលកំពុងធ្លាក់ចុះ ដោយបន្តសកម្មភាពសេដ្ឋកិច្ចជាបណ្តើរៗឡើងវិញ៕

យោងតាមអនុរដ្ឋមន្រ្តីក្រសួងការពារជាតិថៃបានឲ្យដឹងថា ប្រទេសចិនបានផ្ដល់ការផ្គត់ផ្គង់ថ្នាំពេទ្យ និងគ្រឿងបរិក្ខាពេទ្យមួយចំនួនទៀតដល់ប្រទេសថៃ សម្រាប់ប្រើប្រាស់ក្នុងការប្រយុទ្ធប្រឆាំងនឹងរោគរាតត្បាតដែលបង្កឡើងដោយវីរុស Covid-19។ លោកឧត្តមសេនីយ៍ Chaichan Changmongkol ដែលតំណាងឱ្យលោកនាយករដ្ឋមន្រ្តី ប្រាយុទ្ធ ចាន់អូចា បាននិយាយថា គ្រឿងផ្គត់ផ្គង់វេជ្ជសាស្ត្រដែលមានតម្លៃ ៣០ លានបាត (ជាង ៩៣ ម៉ឺនដុល្លារអាមេរិក) រួមមាន៖ ឧបរកណ៍បំពាក់អុកស៊ីសែនចំនួន ៦ ម៉ាស៊ីនវាស់ចង្វាក់បេះដូង ១០ ម៉ាស៊ីនជំនួយទូទៅ ៣០ គ្រឿង ឧបករណ៍វាស់កម្តៅ ១០០ និងឧបករណ៍តេស្តរកមេរោគ ៦០០០។ ប្រភពដដែលបានបន្តថា ក្រៅពីឧបករណ៍និង ម៉ាស៊ីនផ្សេងៗទូទៅដែលត្រូវប្រើនៅក្នុងមន្ទីរពេទ្យ ប្រទេសចិនក៏បានផ្ដល់ម៉ាស់ធម្មតាចំនួន