តម្លៃមាសបានឡើងដល់កម្រិតខ្ពស់បំផុតរយៈពេលបីសប្ដាហ៍ដោយសារព័ត៌មានបានចុះផ្សាយថា ជនជាតិអាមេរិកជិត ៣ លាននាក់បន្ថែមទៀតបានដាក់ពាក្យសុំប្រាក់សង្រ្គោះ ដែលនាំឲ្យចំនួនអ្នកបាត់បង់ការងារដោយសារវីរុស Covid-១៩ បានកើនឡើងដល់ ៣៦ លាននាក់។ ការកើនឡើងយ៉ាងគំហុកនេះបានបង្កការព្រួយបារម្ភកាន់តែខ្លាំងឡើងចំពោះទស្សនវិស័យសេដ្ឋកិច្ចរបស់សហរដ្ឋអាមេរិក។ តម្លៃមាសបានឡើងដល់ចំណុចមួយដែលមិនអាចគ្រប់គ្រងបានគឺ ១,៧៣៦ ដុល្លារអាមេរិកក្នុងមួយអោនកាលពីរសៀលថ្ងៃសុក្រម៉ោងក្នុងប្រទេសថៃ ខណៈពេលដែលតម្លៃមាសក្នុងស្រុកមានតម្លៃ ២៦,៣០០បាត ក្នុង​ទម្ងន់​ ១​បាត (បាត គឺជា​ឯក​តា​រង្វាស់​ទម្ងន់​មាស​ក្នុង​ប្រទេស​ថៃដែល​ក្នុង​មួយ​ ១​បាត​ស្មើនឹង​ ១៥.២៤​ ក្រាម​នៃ​ដុំ​មាស​មិន​ទាន់​កែ​ច្នៃ ឬ​ស្មើនឹង​១៥.១៥​ក្រាម ប្រសិនបើ​លក់​ចេញ​ជា​គ្រឿងអលង្ការ​)។ ជាមួយគ្នានេះតម្លៃលោហៈមានតម្លៃបានកើនឡើង ១៧.៧% ក្នុងរយៈពេល ៦ ខែហើយបានកើនឡើង ៣៥% បើប្រៀបធៀបទៅនឹងឆ្នាំមុន។ នាយកប្រតិបត្តិរបស់ក្រុមហ៊ុនថៃក្នុងស្រុកមួយបានមានប្រសាសន៍ថា ភាពអត់ការងារធ្វើរបស់សហរដ្ឋអាមេរិកគិតចាប់ពីដើមខែនេះរហូតដល់ថ្ងៃទី៩ ខែឧសភាមានចំនួនសរុប

ឧស្សាហកម្មអចនលទ្រព្យរបស់វៀតណាមនឹងទទួលបានអត្ថប្រយោជន៍ច្រើននៅពេលដែលវិនិយោគិនបរទេសផ្លាស់ប្ដូរផលិតកម្មចេញពីប្រទេសចិន បន្ទាប់ពីការផ្ទុះឡើង និងរីករាលដាលនៃវីរុស Covid-19។ របាយការណ៍ដែលទើបនឹងចេញថ្មីៗនេះ របស់ក្រុមហ៊ុន VNDIRECT ដែលជាឈ្មួញកណ្តាលនាំមុខគេនៅប្រទេសវៀតណាមបានឲ្យដឹងថា និន្នាការនៃការផ្លាស់ប្តូរផលិតកម្មចេញពីប្រទេសចិនត្រូវបានគេបង្ហាញឱ្យឃើញកាន់តែច្បាស់ បន្ទាប់ពីប្រទេសចិនផ្ទុះឡើងនៃវីរុសរាតត្បាត ហើយប្រទេសវៀតណាម ទទួលបានការចាប់អារម្មណ៍ជាងបណ្តាប្រទេសផ្សេងៗ នៅអាស៊ីអាគ្នេយ៍។ តាមរបាយការណ៍ដដែលបានឲ្យដឹងថា វៀតណាមមានភាពទាក់ទាញក្នុងគោលដៅផ្លាស់ប្ដូរផលិតកម្មពីប្រទេសចិនជាងបណ្ដាប្រទេសផ្សេងៗក្នុងតំបន់ដោយសារកត្តាចំនួន ៥ ដូចជា៖ ទីតាំង តម្លៃដីទាប តម្លៃពលកម្មទាប ពន្ធលើប្រាក់ចំណូលទាប និងកិច្ចព្រមព្រៀងពាណិជ្ជកម្មជាច្រើន។ ជាក់ស្ដែងតម្លៃដីឧស្សាហកម្មជាមធ្យមមានតម្លៃ ១០៣.៥ ដុល្លារក្នុងមួយម៉ែត្រការ៉េប្រៀបធៀបនឹងប្រទេសម៉ាឡេស៊ីតម្លៃ (២២.៥ ដុល្លារ) និងប្រទេសថៃតម្លៃ (១៨២.៥ ដុល្លារ)។ ទន្ទឹមនឹងនេះ ពន្ធលើប្រាក់ចំណូលពីអាជីវកម្មរបស់វៀតណាមត្រឹមតែ ២០% ស្ថិតក្នុងចំណោមអត្រាទាបបំផុតនៅអាស៊ីអាគ្នេយ៍

ប្រទេសចិនបានត្រៀមខ្លួនដាក់ក្រុមហ៊ុនអាមេរិកនៅក្នុងបញ្ជីឈ្មោះ « អង្គភាពដែលមិនអាចជឿទុកចិត្តបាន » ដែលជាផ្នែកមួយប្រឆាំងនឹងវិធានការរបស់ទីក្រុងវ៉ាស៊ីនតោនក្នុងការទប់ស្កាត់ការនាំចេញអេឡិចត្រូនិកទៅក្រុមហ៊ុនបច្ចេកវិទ្យា Huawei ។ បើយោងតាមរបាយការណ៍ពីកាសែត globaltimes បានឲ្យដឹងថា វិធានការណ៍នេះរួមមានការបើកការស៊ើបអង្កេត និងការដាក់កម្រិតលើក្រុមហ៊ុនអាមេរិកដូចជា Apple Inc, Cisco Systems Inc, Qualcomm Inc ក៏ដូចជាការផ្អាកការទិញយន្តហោះ Boeing Co ផងដែរ។ យ៉ាងណាមិញក្រសួងពាណិជ្ជកម្មសហរដ្ឋអាមេរិកបាននិយាយថា ខ្លួនកំពុងធ្វើវិសោធនកម្មច្បាប់នៃការនាំចេញដើម្បី កំណត់គោលដៅយុទ្ធសាស្រ្តក្នុងការទិញ Semiconductor (ឈីប) របស់ក្រុមហ៊ុន Huawei ដែលជាផលិតផ្ទាល់នៃសូហ្វវែរ និងបច្ចេកវិទ្យាមួយចំនួនរបស់សហរដ្ឋអាមេរិក៕ ប្រភព៖ channelnewsasia

ថៃ៖ នាយកដ្ឋានកសិកម្ម (DA) បាននិយាយថា ថៃបាននាំចេញផ្លែទុរេន និងមង្ឃុតទៅកាន់ប្រទេសចិនជាលើកដំបូងហើយបានដឹកជញ្ជូនទៅដល់ប្រទេសដែលជាទីផ្សារធំបផុតរបស់ខ្លួននាថ្ងៃសុក្រកន្លងម្សិលមិញនេះ។ លោក Sermsuk Salakpet អគ្គនាយកនៃអគ្គនាយកដ្ឋានគយបានឲ្យដឹងថា ផ្លែទុរេនប្រមាណ ១៨ តោន និងមង្ឃុតចំនួន ៦៤ តោនដែលមានតម្លៃ ៦ លានបាតបានដឹកទៅដល់ចំណុចត្រួតពិនិត្យគយនៅព្រំដែន Dongxing ក្នុងតំបន់ស្វយ័ត Guangxi នៅភាគខាងត្បូងប្រទេសចិនកាលពីថ្ងៃសុក្រ ទី១៥ ខែឧសភា ឆ្នាំ២០២០។ ប្រភពដដែលបានឲ្យដឹងថា ផ្លែឈើទាំងនេះត្រូវបាបញ្ជាទិញ និងដឹកជញ្ជូនពីប្រទេសថៃទៅកាន់ប្រទេសវៀតណាម ហើយត្រូវបញ្ជូនបន្តតាមរថភ្លើងទៅកាន់ប្រទេសចិន។ ខណៈជំងឺរាតត្បាត Covid-19 បានបង្ខំឲ្យបិទច្រកព្រំដែនចិន – វៀតណាមក្នុងខេត្ត

រដ្ឋាភិបាលកម្ពុជាកាលពីពេលថ្មីៗនេះបានយល់ព្រមលើសំណើរបស់មាគមរោងចក្រកាត់ដេរនៅកម្ពុជា (GMAC) និងបានលើកទឹកចិត្តដល់រោងចក្រកាត់ដេរឲ្យផលិតម៉ាស់គ្រប់ប្រភេទ ឧបករណ៍វេជ្ជសាស្រ្ត និង​សម្លៀកបំពាក់ការពារសម្រាប់ប្រើប្រាស់ក្នុងស្រុក និងសម្រាប់នាំចេញ។ យោងតាមលិខិតរបស់ក្រសួងសេដ្ឋកិច្ច និងហិរញ្ញវត្ថុដែលបានផ្ញើទៅប្រធាន (GMAC) បានឲ្យដឹងថា នៅក្នុងវិបត្តិកូវីដ-១៩ នេះ ម៉ាស់គ្រប់ប្រភេទ ឧបករណ៍វេជ្ជសាស្រ្ត និងសម្លៀកបំពាក់ការពារ គឺកម្ពុជា និងពិភពលោកកំពុងត្រូវការបំផុតដើម្បីជួយទប់ស្កាត់ការរីករាលដាលនៃវីរុសឆ្លងនេះ។ អ្នកនាំពាក្យក្រសួងការងារនិងបណ្ដុះបណ្ដាវិជ្ជាជីវៈលោក ហេង សួរ កាលពីពេលកន្លងទៅនេះបានឲ្យដឹងថាការនាំចេញសម្លៀកបំពាក់ និងស្បែកជើងត្រូវបានគេព្យាករណ៍ថានឹងធ្លាក់ចុះពី ៥០-៦០% នៅត្រីមាសទី២ ឆ្នាំនេះដោយសារផលប៉ះពាល់នៃការរាតត្បាត។ ខណៈការនាំចេញក្នុងត្រីមាសទី១ មានចំនួន ៨០% ធៀបនឹងឆ្នាំមុនៗ បន្ទាប់ពីវីរុសកូវីដ-១៩ បានផ្ទុះឡើងនៅសហភាពអឺរ៉ុប និងសហរដ្ឋអាមេរិកដែលជាទីផ្សារធំបំផុតនៃផលិតផលកាត់ដេរកម្ពុជានៅខែកុម្ភៈ។ បន្ថែមពីនេះការបង្វែផលិតកម្មមកផលិតសម្ភារៈពេទ្យ នឹងជួយបញ្ចៀសរោងចក្រពីការបិទទ្វារ

ប្រទេសឥណ្ឌាបានប្តេជ្ញាបញ្ចេញទឹកប្រាក់ ២៦៦ ពាន់លានដុល្លារ ដើម្បីទ្រទ្រង់សេដ្ឋកិច្ចដែលខ្សោយរបស់ខ្លួនក្នុងអំឡុងពេលវិបត្តិជំងឺ COVID-19 ។ នាយករដ្ឋមន្រ្តីឥណ្ឌាលោក Narendra Modi បានប្រកាសការសម្រេចនេះនៅក្នុងសុន្ទរកថាថ្នាក់ជាតិកាលពីថ្ងៃអង្គារ ដោយរួមបញ្ចូលទាំងវិធានការណ៍ថ្មីៗជាមួយសកម្មភាពដែលបានអនុវត្តរួចហើយដូចជា៖ ធនាគារកណ្តាលត្រូវមានប្រាក់ទ្រទ្រង់គ្រប់គ្រាន់ ក៏ដូចជាកញ្ចប់សកម្មភាពជំរុញមុនៗ ដែលមានតម្លៃ ២៣ ពាន់លានដុល្លារ សម្រាប់ជួយដល់ប្រជាជនក្រីក្រ។ រដ្ឋមន្រ្តីហិរញ្ញវត្ថុអ្នកស្រី Nirmala Sitharaman បានផ្តល់ព័ត៌មានលម្អិតបន្ថែមទៀតអំពីផែនការនេះកាលពីថ្ងៃពុធ ដោយអ្នកស្រីបាននិយាយថា អាជីវកម្មខ្នាតតូចនឹងអាចទទួលបានប្រាក់កម្ចីជិត ៤០ ពាន់លានដុល្លារ ដោយមិនចាំបាច់ផ្តល់ទ្រព្យបញ្ចាំរហូតដល់ថ្ងៃទី៣១ ខែតុលា ឆ្នាំ២០២០។ អ្នកស្រីបានបន្ថែមថាក្រុមហ៊ុនបរទេសនៅក្នុងប្រទេសឥណ្ឌាក៏នឹងត្រូវបានទ្រទ្រង់ពីរដ្ឋាភិបាលដូចគ្នា ដោយពួកគេអាចធ្វើការខ្ចីប្រាក់រហូតដល់ ២៦.៥ លានដុល្លារ ដើម្បីការពារអាជីវកម្មរបស់ពួកគេពីហានិភ័យផ្សេងៗ៕ អត្ថបទ៖

ផលប៉ះពាល់ផ្នែកសេដ្ឋកិច្ចបណ្ដាលមកពីជំងឺរាតត្បាតជាសកល COVID-19 គឺធ្ងន់ធ្ងរជាពិសេសទៅលើគ្រួសារដែលមានប្រាក់ចំណូលទាបនៅសហរដ្ឋអាមេរិក។ ការស្ទង់មតិរបស់សហព័ន្ធបម្រុងបានបង្ហាញថា ៣៩% នៃគ្រួសារដែលមានប្រាក់ចំណូលក្រោម ៤០,០០០ ដុល្លារ បានរាយការណ៍ពីការបាត់បង់ការងាររបស់ខ្លួនកាលពីខែមីនា។ គួរឱ្យដឹងដែរថា ប្រាក់ចំណូលជាមធ្យមរបស់គ្រួសារអាមេរិក គឺប្រហែល ៦០,០០០ ដុល្លារ។ ការស្ទង់មតិរបស់សហព័ន្ធក៏បានរកឃើញថា បុគ្គលិកដែលមានការអប់រំខ្ពស់ទំនងជាមិនចាំបាច់ធ្វើការនៅការិយាល័យនោះទេ ពោលគឺ ៦៣% នៃអ្នកដែលមានបរិញ្ញាបត្របានធ្វើការទាំងស្រុងពីផ្ទះរបស់ពួកគេ។ សមាមាត្របានធ្លាក់ចុះដល់ ២០% សម្រាប់កម្មករដែលមានសញ្ញាបត្រមធ្យមសិក្សា ឬទាបជាងនេះ។ សរុបមកមាន ១៩% នៃចំនួនប្រជាជនពេញវ័យ បានបាត់បង់ការងារ ឬជួបប្រទះនូវការកាត់បន្ថយម៉ោងការងារនៅក្នុងខែមីនា៕ អត្ថបទ៖ លីដា ប្រភព៖ NHK

បើយោងតាមធនាគារអភិវឌ្ឍន៍អាស៊ី (ADB) តាមរយៈការចុះផ្សាយរបស់សារព័ត៌មាន Bloomberg បានឱ្យដឹងថា ផលប៉ះពាល់ដោយសារជំងឺ COVID-19 អាចឈានដល់តម្លៃ ៨.៨ ទ្រីលានដុល្លារ ឬ ៩.៧% នៃផលិតផលក្នុងស្រុកសរុបនៅលើពិភពលោក ដែលវាអាស្រ័យទៅតាមរយៈពេលនៃការផ្ទុះរាលដាលនិងកម្លាំងនៃការឆ្លើយតបរបស់រដ្ឋាភិបាលចំពោះជំងឺ COVID-19 ។ ធនាគារដែលមានមូលដ្ឋាននៅទីក្រុងម៉ានីលមួយនេះ បាននិយាយនៅក្នុងរបាយការណ៍នៅថ្ងៃសុក្រនេះថា ប្រសិនមានការគ្រប់គ្រងវីរុសក្នុងរយៈពេល៣ខែដំបូង គូជាមួយគោលនយោបាយរឹងមាំ វាអាចជួយឱ្យការប៉ះពាល់នេះថយមកត្រឹម ៤.១ ទ្រីលាន ឬ ៤.៥% នៃទិន្នផលពិភពលោក។ អ្នកវិភាគក៏បានគូសបញ្ជាក់ផងដែរ ចំពោះសារសំខាន់របស់គោលនយោបាយ ដែលអាចជួយដល់សេដ្ឋកិច្ចមួយបាន។ ខណៈការស្លាប់ទូទាំងពិភពលោកកើនដល់ ៣០០,០០០នាក់ ADB បានស្នើឱ្យបង្កើនប្រព័ន្ធសុខាភិបាល ក៏ដូចជាការការពារប្រាក់ចំណូលនិងការងារ