ព្រឹទ្ធសភាសហរដ្ឋអាមេរិកបានអនុម័តច្បាប់កាលពីថ្ងៃពុធ ដែលអាចរារាំងក្រុមហ៊ុនចិនមួយចំនួនពីទីផ្សារភាគហ៊ុនរបស់អាមេរិក លើកលែងតែពួកគេអនុវត្តតាមស្តង់ដារសម្រាប់ការធ្វើសវនកម្ម និងបទប្បញ្ញត្តិរបស់សហរដ្ឋអាមេរិក។ វិធានការណ៍នេះឧបត្ថម្ភដោយសមាជិកព្រឹទ្ធសភាគណបក្សសាធារណរដ្ឋលោក John Kennedy និងសមាជិកព្រឹទ្ធសភាប្រជាធិបតេយ្យលោក Chris Van Hollen បានអនុម័តដោយការយល់ព្រមជាឯកច្ឆន្ទ។ ទោះយ៉ាងណាក៏ដោយវាត្រូវតែឆ្លងកាត់សភាតំណាងរាស្ត្រមួយតង់ទៀត ហើយត្រូវចុះហត្ថលេខាដោយប្រធានាធិបតី ដូណាល់ ត្រាំ ដើម្បីក្លាយជាច្បាប់ពេញលេញ។ ច្បាប់ “The Holding Foreign Companies Accountable Act” នឹងរារាំងក្រុមហ៊ុនណាមួយពីការចុះបញ្ជីនៅទីផ្សារមូលបត្រសហរដ្ឋអាមេរិក ប្រសិនបើក្រុមហ៊ុនទាំងនោះមិនបានអនុវត្តតាមស្តង់ដារអាមេរិកសម្រាប់ការធ្វើសវនកម្ម និងបទប្បញ្ញត្តិហិរញ្ញវត្ថុរបស់ក្រុមប្រឹក្សាសហរដ្ឋអាមេរិករយៈពេល ៣ឆ្នាំ ជាប់ៗគ្នា។ វិធានការណ៍នេះក៏នឹងតម្រូវឱ្យក្រុមហ៊ុនសាធារណៈបង្ហាញថា តើពួកគេជាម្ចាស់កម្មសិទ្ធិ ឬគ្រប់គ្រងដោយរដ្ឋាភិបាលបរទេសដែរឬទេ? ច្បាប់នេះការពិតទៅត្រូវបានស្នើដើម្បីអនុវត្តចំពោះក្រុមហ៊ុនបរទេសទាំងអស់ ប៉ុន្តែអាមេរិកចង់ផ្តោតលើប្រទេសចិនខ្លាំងជាងគេ៕

ក្រុមហ៊ុន AstraZeneca បានទទួលថវិកាជាង ១ពាន់លានដុល្លារ ពីអាជ្ញាធរស្រាវជ្រាវនិងអភិវឌ្ឍន៍ជីវវេជ្ជសាស្រ្ត (BARDA) របស់ក្រសួងសុខាភិបាលសហរដ្ឋអាមេរិក ដើម្បីបង្កើតវ៉ាក់សាំងការពារ COVID-19 នៅឯសាកលវិទ្យាល័យ Oxford ។ ក្រុមហ៊ុនឱសថរបស់អង់គ្លេស-ស៊ុយអ៊ែតមួយនេះ បានយល់ព្រមផ្គត់ផ្គង់វ៉ាក់សាំងចំនួន ៤០០លាន ហើយធ្វើការចែកចាយវ៉ាក់សាំងដំបូងនៅខែកញ្ញាខាងមុខនេះ។ កម្មវិធីអភិវឌ្ឍន៍វ៉ាក់សាំងរបស់ AstraZeneca រួមបញ្ចូលទាំងការសាកល្បងព្យាបាលដំណាក់កាលទី៣ ដែលមានអ្នកចូលរួម ៣០,០០០នាក់ និងការសាកល្បងលើកុមារផងដែរ។ នាយកប្រតិបត្តិក្រុមហ៊ុន AstraZeneca លោក Pascal Soriot បាននិយាយថា ក្រុមហ៊ុនរបស់លោកនឹងព្យាយាមឱ្យអស់ពីសមត្ថភាពដើម្បីផលិតវ៉ាក់សាំង និងមានដាក់ប្រើប្រាស់ឱ្យបានលឿនបំផុត។ កាលពីថ្ងៃអាទិត្យកន្លងទៅរដ្ឋាភិបាលអង់គ្លេសក៏បានប្រកាសថា ខ្លួននឹងផ្តល់ថវិកាចំនួន ៦៥.៥ លានផោន

វិបត្តិជំងឺរាតត្បាតជាសកល COVID-19 អាចជំរុញឱ្យមនុស្សនៅទូទាំងពិភពលោកប្រមាណ ៦០ លាននាក់ ធ្លាក់ចូលទៅក្នុងភាពក្រីក្រ។ ធនាគារពិភពលោកបានធ្វើការព្រមានពីការធ្លាក់ចុះនៃសេដ្ឋកិច្ចជាសកល ហើយបានពិពណ៌នាវាថាជាវិបត្តិធំមួយដែលមិនធ្លាប់មាន។ ធនាគារដែលតែងតែផ្ដល់ប្រាក់កម្ចីនិងជំនួយឥតសំណងទៅដល់ប្រទេសក្រីក្រមួយនេះ បានព្យាករណ៍ផលប៉ះពាស់នៃជំងឺ COVID-19 ចំពោះប្រជាជននៅទូទាំងពិភពលោកតាំងតែពីខែមេសា ដោយនិយាយថាឆ្នាំនេះជាឆ្នាំដែលពិភពលោកដើរថយក្រោយទៅរកវិសមភាព និងបង្កឱ្យមានភាពក្រីក្រច្រើនជាងមុនជាលើកដំបូងបំផុតចាប់តាំងពីឆ្នាំ១៩៩៨។ តាមការប៉ាន់ស្មានយ៉ាងសម្រិត​សម្រាំងរបស់ធនាគារ ពួកគេនិយាយថាប្រជាជនចំនួន ៤៩លាននាក់ នឹងធ្លាក់ចូលទៅក្នុងភាពក្រីក្រខ្លាំងតែម្ដង ហើយប្រជាជនម្នាក់អាចរកចំណូលប្រចាំថ្ងៃបានត្រឹមតែ ១.៩ ដុល្លារអាមេរិកប៉ុណ្ណោះ។ យោងតាមការចុះផ្សាយរបស់ CNN បានបន្ថែមថា ការកើនឡើងនៃជំងឺ COVID-19 នាពេលថ្មីៗនេះ ក៏កំពុងបង្ខំឱ្យធនាគារពិភពលោកដាក់ពង្រាយនូវការឆ្លើយតបជាមួយនឹងវិបត្តិឱ្យបានទូលំទូលាយ និងលឿនបំផុត។ ធនាគារបាននិយាយថា កិច្ចខិតខំប្រឹងប្រែងផ្តល់ជំនួយសង្គ្រោះបន្ទាន់របស់ខ្លួន បានទៅដល់ប្រទេសកំពុងអភិវឌ្ឍន៍ចំនួន ១០០ រួចទៅហើយ

ក្រុមហ៊ុនចាស់វស្សារបស់ជប៉ុន Panasonic នឹងបិទរោងចក្រផលិតគ្រឿងប្រើប្រាស់ដ៏ធំមួយនៅខាងក្រៅទីក្រុងបាងកក នៅពេលឆាប់ៗខាងមុខនេះ ដោយនឹងផ្លាស់ប្ដូរផលិតកម្មទៅកាន់រោងចក្រធំមួយនៅប្រទេសវៀតណាម ដើម្បីទទួលបានប្រសិទ្ធភាពខ្ពស់ជាងមុន នេះបើតាមការរាយការណ៍របស់សារព័ត៌មាន Nikkei។ តាមប្រភពដដែលបានបន្តថា ក្រុមហ៊ុន Panasonic នឹងរើរោងចក្រ ផលិតម៉ាស៊ីនបោកគក់នៅខែកញ្ញា និងទូទឹកកក នៅខែតុលា ឆ្នាំ២០២០ នេះ ហើយនឹងបិទជាផ្លុវការនៅក្នុងប្រទេសថៃនៅខែមីនា ឆ្នាំ២០២១។ បន្ថែមពីនេះ មជ្ឈមណ្ឌលស្រាវជ្រាវ និងអភិវឌ្ឍន៍របស់ក្រុមហ៊ុនមួយនេះ ក៏នឹងត្រូវបានបិទផងដែរ។ នឹងការផ្លាស់ប្តូរទៅកាន់ប្រទេសវៀតណាមក្រុមហ៊ុន Panasonic ព្យាយាមកាត់បន្ថយការចំណាយតាមរយៈការពង្រឹងការផ្គត់ផ្គង់គ្រឿងបន្លាស់។ យ៉ាងណាមិញ ការផ្លាស់ប្តូរនេះក៏ឆ្លុះបញ្ចាំងពីដំណាក់កាលថ្មីនៅក្នុងវិស័យផលិតកម្មនៅអាស៊ីអាគ្នេយ៍ផងដែរ ដោយចាប់ផ្តើមពីទសវត្សឆ្នាំ ១៩៧០ ក្រុមហ៊ុនផលិតគ្រឿងអេឡិចត្រូនិកជប៉ុនផ្លាស់ប្តូរផលិតកម្មក្នុងស្រុកទៅសិង្ហបុរី និងម៉ាឡេស៊ី ខណៈប្រាក់យ៉េនបានកើនឡើងយ៉ាងឆាប់រហ័សបន្ទាប់ពីអត្រាប្តូរប្រាក់ធ្វើឲ្យប៉ះពាល់ដល់ការប្រកួតប្រជែងតម្លៃរបស់ជប៉ុន។ ក្រោយមកផលិតកម្មបានប្តូរទៅបណ្តាប្រទេសនានាដូចជាប្រទេសថៃ

ក្រសួងសាធារណការ និងដឹកជញ្ជូនគ្រោងសាងសង់ផ្លូវអាកាសថ្មើរជើងមួយកន្លែងកាត់ផ្លូវជាតិលេខ៣ ដើម្បីសម្រួលការធ្វើដំណើរឆ្លងកាត់របស់ប្រជាពលរដ្ឋពីគ្រោះថ្នាក់ចរាចរណ៍ និងការកកស្ទះ។ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានឲ្យដឹងថា គម្រោងស្ពានអាកាសថ្មើរជើងរំលងផ្លូវជាតិលេខ៣នេះ នឹងត្រូវសាងសង់ឡើងនៅត្រង់ចំណុចផ្សារត្រាំខ្នា។ ថ្លែងក្នុងឱកាសចុះពិនិត្យគុណភាពលើការសាងសង់ផ្លូវជាតិលេខ៣ ពីផ្លូវបំបែកចោមចៅរាជធានីភ្នំពេញ ដល់ខេត្តកំពត នាថ្ងៃទី២១ ខែឧសភានេះ ឯកឧត្តមទេសរដ្ឋមន្ត្រី បានបញ្ជាក់ថា ចំណុចនៅម្តុំផ្សារត្រាំខ្នានេះ ទទឹងផ្លូវជាតិមានប្រវែងរហូតដល់ ២៤.៥ម៉ែត្រ ដែលបង្កផលវិបាកដល់ប្រជាពលរដ្ឋដើរឆ្លងកាត់ ដូច្នេះហើយទើបតម្រូវឲ្យមានការសាងសង់ស្ពានអាកាសនេះឡើង។ ទន្ទឹមនឹងនេះឯកឧត្តម ក៏បានជំរុញឲ្យក្រុមហ៊ុនទទួលម៉ៅការអភិវឌ្ឍន៍ផ្លូវជាតិលេខ៣ នេះដាក់គំនូសរលក ឬរំញ័រនៅលើដងផ្លូវទាំងទៅទាំងមកមុន ១០០ទៅ ២០០ម៉ែត្រ នៃទីប្រជុំជនផ្សារត្រាំខ្នា និងសាលារៀន ដើម្បីពញាក់អ្នកបើកបរឲ្យបន្ថយល្បឿន ទន្ទឹមគ្នានឹងការកាម៉េរាចាំវាស់ល្បឿនលើសកំណត់ តាមបណ្តោយផ្លូវជាតិលេខ៣

រដ្ឋាភិបាលអាមេរិកនឹងផ្ដល់ហិរញ្ញប្បទានឥតសំណងចំនួន ៧.៥ លានដុល្លារដល់កម្ពុជាសម្រាប់ស្ដារសេដ្ឋកិច្ចឡើងវិញ បន្ទាប់ពីរងផលប៉ះពាល់ដោយសារជំងឺកូវីដ-១៩។ ហិរញ្ញប្បទានឥតសំណងនេះត្រូវបានប្រកាសនាព្រឹកថ្ងៃទី២១ ខែឧសភា ឆ្នាំ២០២០ នៅទីស្ដីការក្រសួងសេដ្ឋកិច្ច និងហិរញ្ញវត្ថុ​ ក្រោមអធិបតីភាពឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋ​មន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងឯកឧត្តម Patrick Murphy ឯកអគ្គរាជទូតវិសាមញ្ញ និងពេញសមត្ថភាពនៃសហរដ្ឋអាមេរិកប្រចាំ​នៅព្រះរាជាណាចក្រកម្ពុជា។ នៅក្នុងពិធីប្រកាសនោះ ឯកឧត្តម Patrick Murphy បានជម្រាបជូនថា ក្នុងហិរញ្ញប្បទានឥតសំណងចំនួន ៧.៥ លានដុល្លារ ថវិកាចំនួន ៥លានដុល្លារសម្រាប់ការស្ដារសម្បទាសេដ្ឋកិច្ចកម្ពុជាឡើងវិញបន្ទាប់ពីរងផលប៉ះពាល់ដោយសារជំងឺកូវីដ-១៩ និងថវិកាចំនួន ២.៥ លានដុល្លារអាមេរិកទៀត ជាហិរញ្ញប្បទានបន្ថែមសម្រាប់ការឆ្លើយតបនឹងការពារសុខមាលភាពប្រឆាំងនឹងជំងឺកូវីដ-១៩

វិទ្យាស្ថានស្រាវជ្រាវអភិវឌ្ឍន៍ថៃ (TDRI) បាននិយាយថា ប្រទេសថៃទំនងជាចំណាយពេល ៣ឆ្នាំ ដើម្បីវិលត្រលប់ទៅរកស្ថានភាពសេដ្ឋកិច្ចធម្មតាវិញប្រហាក់ប្រហែលនឹងឆ្នាំ២០១៩ បន្ទាប់ពីមានជំងឺរាតត្បាត។ ថ្លែងនៅក្នុងសិក្ខាសិលាដែលធ្វើឡើងដោយសភាពាណិជ្ជកម្មថៃ (TCC) លោក Somkiat Tangkitvanich ប្រធានអង្គការ TDRI បានមានប្រសាសន៍ថា វិបត្តិសេដ្ឋកិច្ចដែលបង្កឡើងដោយការផ្ទុះឡើងនៃមេរោគនេះត្រូវបានគេរំពឹងថានឹងមានទំហំធំជាងវិបត្តិហិរញ្ញវត្ថុពិភពលោកកាលពីឆ្នាំ ២០០៨។ នាឱកាសនោះលោកបានលើកឡើងថា យើងមិនដឹងទេថា តើវិបត្តិនេះនឹងមានទំហំធំជាងវិបត្តិសេដ្ឋកិច្ចក្នុងទសវត្សឆ្នាំ១៩៣០ ឬ យ៉ាងណាទេ ។ ប៉ុន្តែទោះយ៉ាងណាក្តី TDRI រំពឹងថាវានឹងចំណាយពេលមួយឆ្នាំទៅ ១៨ ខែដើម្បីបង្កើតនិងចែកចាយវ៉ាក់សាំងហើយរហូតដល់ ៣ ឆ្នាំសម្រាប់សេដ្ឋកិច្ចថៃអាចនឹងវិលត្រឡប់ទៅរកកម្រិត ២០១៩ វិញ។ យោងតាមលោក Somkiat

ចំនួនអ្នកទេសចរបរទេសមកកាន់ប្រទេសជប៉ុនបានធ្លាក់ចុះ ៩៩.៩% ក្នុងខែមេសា (ធៀបនឹងមួយឆ្នាំមុន) ដោយសារតែជំងឺរាតត្បាត COVID-19 បានបង្អាក់ទេសចរណ៍របស់ប្រទេសមួយនេះ។ អង្គការទេសចរណ៍ជាតិជប៉ុនប៉ាន់ស្មានថា មានតែជនបរទេសចំនួន ២,៩០០ នាក់ប៉ុណ្ណោះ ដែលបានចូលមកទស្សនាជប៉ុនកាលពីខែមុន។ តួលេខនេះបង្ហាញពីការធ្លាក់ចុះប្រចាំខែ ៧ដង ជាប់ៗគ្នា និងជាអត្រាទាបបំផុត ចាប់តាំងពីរដ្ឋាភិបាលបានចាប់ផ្តើមរក្សាទុកទិន្នន័យក្នុងឆ្នាំ១៩៦៤ ដែលកាលនោះគឺជាឆ្នាំនៃព្រឹត្តិការណ៍អូឡាំពិកទីក្រុងតូក្យូ។ វាក៏ជាលើកទី១ផងដែរ ដែលចំនួនអ្នកទេសចរសរុបប្រចាំខែបានធ្លាក់ចុះក្រោម ១០,០០០នាក់។ ក្នុងនោះមានភ្ញៀវទេសចរប្រមាណ ៣០០នាក់ មកពីប្រទេសកូរ៉េខាងត្បូង កោះតៃវ៉ាន់ និងសហរដ្ឋអាមេរិក និង ២០០នាក់ទៀត មកពីប្រទេសចិន និងវៀតណាម។ មានភ្ញៀវទេសចរតិចជាង ១០នាក់ មកពីប្រទេសអាឡឺម៉ង់ អ៉ីតាលី