ប្រជាជននៅទីក្រុងឡុងដ៍ បានតម្រង់ជាជួរដ៏វែងដើម្បីរងចាំទិញឥវ៉ាន់នៅតាមបណ្ដាហាងមួយចំនួនដែលចាប់ផ្ដើមបើកឡើងវិញ បន្ទាប់ពីបានបិទទ្វារអស់រយៈពេល ៣ ខែកន្លងមកនេះ។ យោងតាមសារព័ត៌មាន NHK បានឱ្យដឹងថា ម្ចាស់ហាងទំនិញ បានធ្វើការសាទរដល់អតិថិជនដើម្បីអបអរសាទរចំពោះការបើកដំណើរការឡើងវិញ។ ទោះបីជាមានការបើកដំណើរការឡើងវិញក៏ដោយ ប៉ុន្តែតាមបណ្ដាហាងនានាត្រូវគោរពតាមគោលការណ៍ណែនាំរបស់ក្រសួង ដើម្បីកាត់បន្ថយហានិភ័យនៃការឆ្លងវីរុស រួមបញ្ចូលទាំងការលាងសម្អាតដៃ ការពាក់ម៉ាស់ និងការរក្សាចម្ងាយពីគ្នា។ ទន្ទឹមនឹងនេះ អតិថិជនមួយចំនួនមានការអន្ទះសារក្នុងការទិញទំនិញដែលពួកគេមិនបានទិញអស់រយៈពេលយ៉ាងយូរមកហើយ។ ក្រោយពីការបើកដំណើរការហាងនានាហាក់មានសន្ទុះឡើងវិញនោះ រដ្ឋាភិបាលចក្រភពអងគ្លេសបានរំពឹងថានឹងអនុញ្ញាតឱ្យភោជនីយដ្ឋាន និងហាងថែរក្សាសម្ផស្សបើកដំណើរការឡើងវិញនៅដើមខែក្រោយ៕ អត្ថបទ៖ នីតា ប្រភព៖ nhk

ការលក់ផ្ទះនៅសិង្ហបុរីកាលពីខែឧសភាស្ទុះងើបឡើងវិញ​ ពោលគឺកើនឡើងជាងខែមេសា ដោយសារអ្នកទិញកាន់តែច្រើននៅតែសម្លឹងឃើញអចលនទ្រព្យនៅក្នុងទីក្រុង បើទោះបីជាទីក្រុងនៅតែស្ថិតក្រោមការបិទទ្វារដើម្បីទប់ស្កាត់វីរុស Covid-19។ យោងតាមទិន្នន័យរបស់អាជ្ញាធរអភិវឌ្ឍន៍ទីក្រុងដែលបានចេញផ្សាយកាលពីថ្ងៃច័ន្ទបានឲ្យដឹងថា ផ្ទះថ្មីៗដែលបានលក់ចេញកើនឡើង ៧៥% ស្មើនឹង ៤៨៦ខ្នងកាលពីខែមុន បើប្រៀបធៀបនឹង​ខែមេសាមានត្រឹមតែ ២៧៧ខ្នង។ ការកើនឡើងនេះបានបង្ហាញតួលេខដ៏គួរឲ្យភ្ញាក់ផ្អើល ខណៈអ្នកវិភាគបានរំពឹងថា ការលក់នៅខែឧសភានឹងធ្លាក់ចុះទាបជាងខែមេសាទៅទៀត ដោយសារតែប្រទេសសិង្ហបុរីនៅតែស្ថិតក្រោមការបិទទ្វារប្រទេសដោយតម្រូវឲ្យមនុស្សស្នាក់នៅតែផ្ទះ។ ទោះបីជាការលក់កើនឡើងនៅក្នុងខែឧសភាក្ដី តែបើប្រៀបធៀបទៅនឹងរយៈពេលដូចគ្នានឹងឆ្នាំមុនការលក់បានធ្លាក់ចុះប្រហែល ៥០%។ យ៉ាងណាមិញរដ្ឋាភិបាលសិង្ហបុរី ក៏បានលើកទឹកចិត្តតាមរយៈការបន្ធូរបន្ថយដល់អ្នកអភិវឌ្ឍន៍អចលនទ្រព្យដោយអូសបន្លាយពេលនៃការលក់សម្រាប់លំនៅដ្ឋាន និងពេលវេលាសម្រាប់គម្រោងដែលត្រូវបញ្ចប់។ បើយោងតាមអ្នកវិភាគ បានរំពឹងថាការលក់ឡើងវិញនឹងចាប់ផ្ដើមល្អប្រសើរវិញចាប់ពីខែកក្កដាឆ្នាំនេះទៅ៕ អត្ថបទ៖ លីនី ប្រភព៖ bangkokpost

រដ្ឋាភិបាលប្រទេសឥណ្ឌូនេស៊ី កំពុងពិចារណាបើកច្រកព្រំដែនសម្រាប់អ្នកទេសចរ ដែលមកពីប្រទេសចិន សាធារណរដ្ឋកូរ៉េ ជប៉ុន និងអូស្ត្រាលីដើម្បីស្ដារសេដ្ឋកិច្ចឡើងវិញ។ ថ្លែងនៅក្នុងសន្និសីទសារព័ត៌មានតាមវីដេអូនៅថ្ងៃទី១២ ខែមិថុនា កន្លងទៅនេះ របស់ក្រសួងសម្របសម្រួលនិងវិនិយោគកិច្ចការតំបន់សមុទ្រ លោក Odo Manuhutu បាននិយាយថាឥណ្ឌូណេស៊ីកំពុងរៀបចំច្រករបៀងទេសចរណ៍សម្រាប់ប្រទេសទាំង ៤ ។ ទន្ទឹមនឹងនេះ ប្រធានសមាគមសណ្ឋាគារនិងភោជនីយដ្ឋានឥណ្ឌូនេស៊ី លោក Hariyadi B. Sukamdani មានប្រសាសន៍ថា វិស័យទេសចរណ៍ឥណ្ឌូណេស៊ីបានខាតបង់យ៉ាងហោចណាស់ ១.៥ ពាន់លានដុល្លារក្នុងត្រីមាសទី ១ នៃឆ្នាំ ២០២០ ដោយសារជំងឺរាតត្បាត។ ខណៈនេះរបាយការណ៍ចុងក្រោយរបស់ក្រុមហ៊ុន Moody’s investors service

អប់រំ៖ ឪពុកម្នាក់បានផ្ដល់ឡានមួយគ្រឿងដល់កូនប្រុសរបស់ខ្លួនបន្ទាប់ពីកូនបញ្ចប់ការសិក្សាដោយបាននិយាយទៅកាន់កូនថា៖ « នេះគឺជាឡានដែលពុកបានទិញអស់ជាច្រើនឆ្នាំមកហើយ ដូចនេះវាមានអាយុកាលច្រើនណាស់ ហើយពុកនឹងឲ្យវាទៅកូន ព្រោះកូនបានបញ្ចប់ការសិក្សាហើយទទួលបានលទ្ធផលល្អទៀត »។ ប៉ុន្តែមុនពេលឪពុកឲ្យឡានទៅកូនប្រុសនោះ គាត់បានឲ្យកូនប្រុសយកឡាននោះទៅឃ្លាំងលក់រថយន្តនៅតំបន់ដែលពួកគេរស់នៅ ដោយឲ្យកូនប្រាប់ពួកគេថា ខ្ញុំចង់លក់រថយន្តមួយនេះ ហើយចាំមើលគេឲ្យតម្លៃប៉ុន្មាន? មិនបង្អង់យូរ កូនប្រុសបានយកឡាននោះទៅឃ្លាំងលក់ ហើយត្រលប់មកវិញប្រាប់ឪពុកថា៖ « ពួកគេបានឲ្យថ្លៃឡាននេះចំនួន ១,០០០ ដុល្លារ ព្រោះគេថាវាមើលទៅខូចខាតច្រើនណាស់ »។ បានដឹងចម្លើយពីកូនហើយ ឪពុកក៏ឲ្យកូនយកទៅហាងបញ្ចាំ។ កូនប្រុសក៏យកទៅហាងបញ្ចាំហើយក៏មកប្រាប់ឪពុកខ្លួនថា៖ « ហាងបញ្ចាំគេឲ្យត្រឹមតែ ១០០ដុល្លារទេពុក ព្រោះឡាននេះចាស់ពេក »។ បន្ទាប់ពីដឹងចម្លើយម្ដងទៀត ឪពុកបានឲ្យកូនប្រុសយកឡាននោះទៅកន្លែងទទួលទិញរថយន្តគ្រប់ប្រភេទ។ កូនប្រុសបានយករថយន្ដទៅកន្លែងលក់ហើយត្រឡប់មកប្រាប់ឪពុកវិញថា៖ «

ក្រុមហ៊ុន Toyota Motor Corp កាលពីពេលថ្មីៗនេះបានប្រកាសថា ខ្លួនបានចាប់ផ្ដើមបើករោងចក្រឡើងវិញនៅឥណ្ឌូនេស៊ី និងម៉ាឡេស៊ីបន្ទាប់ពីត្រូវបានផ្អាកដោយសារការរីករាលដាលនៃវីរុស Covid-19។ ការបើករោងចក្រឡើងវិញនេះ នឹងនាំឱ្យផលិតកម្មទាំងអស់នៅអាស៊ីអាគ្នេយ៍ត្រលប់មកដំណើរការធម្មតាវិញ នេះបើយោងតាមការចុះផ្សាយរបស់សារព័ត៌មានជប៉ុន kyodonews។ ក្រុមហ៊ុនផលិតរថយន្តធំលំដាប់ទី២ លើពិភពលោកនេះ បានចាប់ផ្ដើមប្រតិបត្តិការនៅឯរោចក្រមួយនៅតំបន់ Shah Alam ប្រទេសម៉ាឡេស៊ី ខណៈក្រុមហ៊ុនបុត្រសម្ព័ន្ធក្នុងស្រុក P.T. ក្រុមហ៊ុន Astra Daihatsu Motor នៅឥណ្ឌូនេស៊ីក៏បានចាប់ផ្តើមដំណើរការរោងចក្ររបស់ខ្លួនឡើងវិញដែរ។ កាលពីឆ្នាំ២០១៩​ ក្រុមហ៊ុន Toyota បានផលិតរថយន្តប្រមាណ ៩០០,០០០ គ្រឿងនៅអាស៊ីអាគ្នេយ៍ ស្មើនឹងប្រហែល ១០% នៃផលិតផលសកលរបស់ខ្លួន។

ស្ថានភាពជំងឺ COVID-19 នៅក្នុងប្រទេសថៃកំពុងមានភាពប្រសើរឡើង ប៉ុន្តែយ៉ាងណាប្រជាជនថៃជាច្រើនភ័យខ្លាចថា ការបើកទ្វារឱ្យភ្ញៀវទេសចរបរទេសចូលមកឆាប់ពេក អាចនាំជំងឺ COVID-19 ចូលមកប្រទេសខ្លួនម្ដងទៀត។ យោងទៅតាមការស្ទង់មតិរបស់សាកលវិទ្យាល័យ Suan Dusit Rajabhat ឬការស្ទង់មតិ Dusit បានបង្ហាញថា ប្រជាជនថៃភាគច្រើនមិនចង់ឱ្យភ្ញៀវទេសចរបរទេស វិលត្រឡប់មកប្រទេសថៃវិញនោះទេ ដោយសារភ័យខ្លាចចំពោះរលកទី២ នៃជំងឺ COVID-19 ហើយជនជាតិថៃគួរតែអាចរីករាយនឹងប្រទេសរបស់ខ្លួនជាមុនសិន។ ការស្ទង់មតិនេះត្រូវបានធ្វើឡើងតាមអ៉ីនធឺណេតចន្លោះពីថ្ងៃទី០៩ ដល់ទី ១២ ខែមិថុនា លើមនុស្សចំនួន ១,១១៦ នាក់ នៅទូទាំងប្រទេសថៃ។ ការបញ្ចេញមតិរបស់ពួកគេត្រូវបានដកស្រង់ឡើង បន្ទាប់ពីរដ្ឋាភិបាលបានប្រកាសពីការបន្ធូរបន្ថយការរឹតត្បឹតដើម្បីទប់ស្កាត់ជំងឺ COVID-19 ។ ការស្រង់មតិនេះក៏បានជំរុញប្រជាជនថៃ

ដោយសារវីរុសកូរ៉ូណាធ្វើឲ្យផ្លែឪឡឹកដ៏មានតម្លៃបំផុតដែលដាំដុះនៅភាគខាងជើង​លើទឹកដី Hokkaido ប្រទេសជប៉ុនត្រូវបានដេញថ្លៃបានសម្រេចក្នុងតម្លៃ ២២០,០០០ យ៉េន (២,០៥០ ដុល្លារ)។ នៅក្នុងការដេញថ្លៃដែលធ្វើឡើងនៅថ្ងៃនេះ គឺជាលើកដំបូងសម្រាប់ឪឡឹកដែលមានពណ៌បៃតងចាស់ហើយមានតម្លៃមួយនេះ នៅផ្សារផលិតស្រស់នៅ Asahikawa ខណៈការតម្លៃដែលបាន​ដេញថ្លៃត្រូវបានគេឲ្យដឹងថា តិចជាងមួយភាគបីនៃតម្លៃដែលបានកំណត់ទុកកាលពីឆ្នាំមុន ហើយឪឡឹកសរុបចំនួន ៧១ផ្លែ ត្រូវបានលក់ចេញ។ បើយោងតាមមន្រ្តីទីផ្សារម្នាក់បាននិយាយថា ការផ្ទុះឡើងនៃមេរោគឆ្លងវីរុស Covid-19 បានជះឥទ្ធិពលយ៉ាងខ្លាំងទៅលើតម្លៃ ហើយការធ្លាក់ចុះកាន់តែខ្លាំងនឹងអាចកើតឡើងផងដែរ។ ខណៈឪឡឹកដែលមានតម្លៃខ្ពស់បំផុតជាផលិតផលរបស់តំបន់ Toma ដោយការដេញថ្លៃកាលពីឆ្នាំមុនក្នុងតម្លៃ ៧៥០,០០០ យ៉េន (ជាង ៦៩០០ដុល្លារ)។ យ៉ាងណាមិញអ្នកដេញថ្លៃដែលទទួលបានជោគជ័យនៅឆ្នាំនេះ គឺលោក Madoka Sato អាយុ ៣៨ឆ្នាំ

បន្ទាប់ពីឃើញទុក្ខលំបាករបស់ប្រជាពលរដ្ឋក្នុងការដាំដុះដំណាំកសិកម្មដែលកំពុងតែកកស្ទះក្នុងការនាំចេញ ឯកឧត្តម វេង សាខុន រដ្ឋមន្ត្រីនៃក្រសួងកសិកម្ម រុក្ខាប្រមាញ់ និងនេសាទ បានចុះជួយអន្តរាគមន៍ស្វែងរកទីផ្សារកសិផលមួយចំនួនដែលកំពុងកកស្ទះ ជាពិសេសមៀនប៉ៃលិន។ តាមប្រសាសន៍ អភិបាលខេត្តប៉ៃលិន ឯកឧត្ដម ផាន់ ចាន់ធុល បានលើកឡើងថាបច្ចុប្បន្នខេត្ត ក៏ដូចជាវិនិយោគិនខ្វះទុនសម្រាប់សាងសង់រោងចក្រកែច្នៃជាផលិតផលសម្រេច រោងសម្ងួត វេចខ្ចប់ និងឃ្លាំងស្តុក។ល។ ឯកឧត្តមអភិបាលនៃគណអភិបាលខេត្ត បានរំលេចពីបញ្ហានៃការនាំចេញកសិផលរបស់ខេត្តទៅកាន់ទីផ្សារថៃមានដំឡូងមី ពោត ក្រហម និងមៀនប៉ៃលិន កំពុងកកស្ទះដោយសាររបាំងបច្ចេកទេសនៃប្រទេសនាំចូល។ ដែលកិច្ចការនេះទាមទារការវិនិយោគដើម្បីជួយជម្រុញកសិផលរបស់ខេត្តមានទីផ្សារទាំងផលិតផលស្រស់ និងកែច្នៃ។ កាលពីថ្មីៗនេះ ឯកឧត្តមរដ្ឋមន្ត្រីបានជម្រាបជូនសមាជិកសហគមន៍មៀនប៉ៃលិនថា ក្រសួងដែលមានអគ្គនាយកដ្ឋានកសិកម្មជាសេនាទិការកំពុងពុះពារ ជំរុញ និងចរចារជាមួយភាគីចិនយ៉ាងយកចិត្តទុកដាក់ និងស៊ីជម្រៅទាំងការងារបច្ចេកទេស និងលក្ខខណ្ឌតម្រូវភូតគាមអនាម័យសំខាន់ៗដែលភាគីនាំចេញ