អង្គការសុខភាពពិភពលោកបាននិយាយថា ខ្លួនត្រូវការថវិកាចំនួន ១៨ ពាន់លានដុល្លារដើម្បីបង្កើនល្បឿនក្នុងការអភិវឌ្ឍវ៉ាក់សាំង និងចែកចាយវ៉ាក់សាំងការពារមេរោគ Covid-19 នេះបើយោងតាមការចុះផ្សាយរបស់សារព័ត៌មានជប៉ុន NHK។ ប្រធានអ្នកវិទ្យាសាស្រ្តរបស់អង្គការ WHO លោកស្រី Soumya Swaminathan បានអំពាវនាវដល់រដ្ឋាភិបាលនៅជុំវិញពិភពលោកក្នុងសន្និសីទសារព័ត៌មាននៅទីក្រុងហ្សឺណែវប្រទេសស្វីសកាលពីថ្ងៃសុក្រ។ ជាមួយគ្នានេះលោកបានលើកឡើងថា បច្ចុប្បន្ននេះមានវ៉ាក់សាំង ២០០ ប្រភេទកំពុងធ្វើការស្រាវជ្រាវ ហើយមានវ៉ាក់សាំងចំនួន ១៥ ប្រភេទកំពុងស្ថិតក្នុងដំណាក់កាលព្យាបាល។ លោកស្រីបានបន្តថា វាអាចចំណាយពេលពី១២​ ទៅ ១៨ខែ ដើម្បីអភិវឌ្ឍដែលត្រៀមរួចជាស្រេចសម្រាប់ការប្រើប្រាស់ ហើយនឹងអាចធ្វើទៅបានលុះត្រាតែមានការសហការពីអ្នកវិទ្យាសាស្ត្រនិងក្រុមហ៊ុនឱសថនៅជុំវិញពិភពលោក។ ទន្ទឹមនឹងនេះដែរលោកស្រីបានបន្ថែមថា ទឹកប្រាក់ចំនួន ១៨.១ ពាន់លានដុល្លារត្រូវការនៅចុងឆ្នាំក្រោយ ដោយថវិកាចំនួន ១១.៣ ពាន់លានដុល្លារក្នុងចំណោមនោះនឹងត្រូវប្រើប្រាស់ក្នុងរយៈពេល

ក្រសួងទេសចរណ៍ថៃបាននិយាយកាលពីថ្ងៃសុក្រ នេះថាចាប់ពីខែមេសា ដល់ខែឧសភា មិនឃើញមានភ្ញៀវទេសចរបរទេសចូលមកក្នុងប្រទេសរបស់ខ្លួននោះទេដោយសារតែច្រកព្រំដែននៅតែបិទដើម្បីទប់ស្កាត់ការរាតត្បាតនៃជំងឺ COVId-19 ។ ចំនួនភ្ញៀវទេសចរបរទេសបានធ្លាក់ចុះរហូតដល់ ៦០% បើធៀបទៅនឹងឆ្នាំមុន ដោយគិតចាប់ពីខែមករា ដល់ខែឧសភានេះ។ កាលពីឆ្នាំមុនថៃទទួលបានភ្ញៀវទេសចរបរទេសចំនួន ៣៩.៨ លាននាក់ បន្ទាប់ពីមានការបិទច្រកព្រំដែនមកគឺមិនមានភ្ញៀវទេសចរចូលមកប្រទេសថៃទេ។ ជើងហោះហើរអ្នកដំណើរអន្តរជាតិនៅតែបិទរហូតដល់ដំណាច់ខែមិថុនា ហើយថៃមានគម្រោងអនុញ្ញាតឱ្យអ្នកទេសចរបរទេសមកពីប្រទេសមួយចំនួន ចូលក្នុងប្រទេសរបស់ខ្លួននៅសប្តាហ៍ក្រោយ។ ទន្ទឹមនឹងនេះ ធនាគារកណ្តាលបានព្យាករថាចំនួនភ្ញៀវទេសចរបរទេសនឹងធ្លាក់ចុះរហូតដល់ ៨០% នៅក្នុងឆ្នាំនេះ៕ អត្ថបទ៖ នីតា ប្រភព៖ reuters

មន្រ្តីក្រសួងផែនការហិរញ្ញវត្ថុនិងឧស្សាហកម្មប្រទេសភូមា បានប្រាប់សន្និសីទសារព័ត៌មានមួយនៅថ្ងៃពុធ នេះថារដ្ឋាភិបាលភូមានឹងផ្តល់ប្រាក់កម្ចី ២២ លានដុល្លាដល់អាជីវកម្មដែលងាយរងគ្រោះបំផុតដោយជំងឺ Covid-19 ។ យោងតាមអនុរដ្ឋមន្រ្តីក្រសួងផែនការហិរញ្ញវត្ថុនិងឧស្សាហកម្ម លោក Maung Maung Win មានប្រសាសន៍ថា ផែនការសង្គ្រោះសេដ្ឋកិច្ច Covid-19 របស់ប្រទេសនេះ ប្រាក់កម្ចីនឺងត្រូវបានផ្តល់ឱ្យដោយគិតចាប់ពីថ្ងៃទី ១៨ ខែមិថុនា ដល់អាជីវកម្មចំនួន ៨២២ ដែលងាយរងគ្រោះដូចជា៖ វិស័យកាត់ដេរ សណ្ឋាគារ និងទេសចរណ៍ ក៏ដូចជាសហគ្រាសធុនតូច និងមធ្យម (SME) ក្នុងអត្រាការប្រាក់ ១% ក្នុងរយៈពេលមួយឆ្នាំ ។ ទន្ទឹមនឹងនេះដែររដ្ឋាភិបាលក៏នឹងផ្តល់ប្រាក់កម្ចី ៣៥.៧

អាជ្ញាធរអាកាសយាន្ដដ្ឋានហុងកុង (AAHK) បាននិយាយកាលពីថ្ងៃអង្គារ ថាខ្លួនបានទទួលប្រាក់កម្ចីរចំនួន ៣៥ ពាន់លានដុល្លាហុងកុង ( ៤ ពាន់លានដុល្លាអាមេរិក ) រយៈពេល ៥ ឆ្នាំ ពីធនាគារចំនួន ២១ ទាំងក្នុងស្រុក និងក្រៅស្រុក។ ទឹកប្រាក់ទាំងអស់នេះនឹងត្រូវបានប្រើប្រាស់សម្រាប់ការចំណាយរបស់ក្រុមហ៊ុន AAHK រួមទាំងប្រព័ន្ធ Three-runway និងការសហការណ៍របស់ក្រុមហ៊ុនផងដែរ។ ចំនួនអ្នកដំណើរនៅអាកាសយាន្ដដ្ឋានអន្តរជាតិហុងកុងបានធ្លាក់ចុះ ៩៩.៤% ក្នុងខែឧសភា បើធៀបទៅនឹងឆ្នាំមុន ខណៈពេលដែលចំនួនជើងហោះហើរបានធ្លាក់ចុះដល់ ៦៨.៧% ។ ប៉ុន្តែ ក៏មានការកើនឡើងនៃទំនិញនៅកំឡុងពេលមានជំងឺរាតត្បាតផងដែរ ដែលបានជម្រុញឱ្យមានជើងហោះហើរក្នុងការដឹកទំនិញកើនឡើង ២៩.៣% បើធៀបនឹងឆ្នាំមុន

លោក ដូណាល់ ត្រាំ ជាប្រធានាធិបតីមានជាងគេបំផុតនៅក្នុងប្រវត្តិសាស្រ្តរបស់សហរដ្ឋអាមេរិក ដោយយោងតាមទស្សនាវដ្ដី Forbes ទ្រព្យសម្បត្តិរបស់ប្រធានាធិបតីនាពេលបច្ចុប្បន្ននេះមានប្រមាណ ២.១ ពាន់លានដុល្លារអាមេរិក។ ជាមួយគ្នានេះដែរយោងតាមការចុះផ្សាយរបស់សារព័ត៌មាន Business Insider ប្រធានាធិបតីវ័យ ៧៤ឆ្នាំ រូបនេះបានខាតបង់ទឹកប្រាក់ចំនួន​ ១ ពាន់លានដុល្លារដោយសារការរាតត្បានៃវីរុស Covid-19 ដែលបានបំផ្លាញឧស្សាហកម្មដែលលោក ត្រាំ ធ្វើជំនួញដូចជា បដិសណ្ឋារកិច្ច និងអចលនទ្រព្យ។ តាមប្រភពដដែលបានឲ្យដឹងថា ទោះបីជាលោក ត្រាំ បានធ្វើការបរិច្ចាគប្រាក់ខែរបស់ខ្លួនចំនួន ៤០ ម៉ឺនដុល្លារដល់អង្គភាពរដ្ឋាភិបាលផ្សេងៗ និងការខាតបង់ប្រាក់ក៏ដោយក្ដី ប៉ុន្តែគាត់នៅតែអាចរកលុយបានរាប់លានដុល្លារជារៀងរាល់ឆ្នាំពីអាជីវកម្មរបស់ខ្លួន។ គួរឲ្យដឹងផងដែរថា កាលពីខែមីនាថ្មីៗនេះ ទ្រព្យសម្បត្តិរបស់លោក

ឧស្សាហកម្មអាកាសចរណ៍កំពុងរៀបចំសម្រាប់ការកើនឡើងនៃអ្នកធ្វើដំណើរតាមផ្លូវអាកាស ដោយសមាគមដឹកជញ្ជូនផ្លូវអាកាសអន្តរជាតិ ( IATA ) បានព្យាករណ៍ថានឹងមានអ្នកដំណើរចំនួន ៨.២ ពាន់លាននាក់នៅឆ្នាំ ២០៣៧។ ប៉ុន្តែនៅក្នុងខែមេសា ការធ្វើដំណើរតាមផ្លូវអាកាសបានធ្លាក់ចុះរហូតដល់ ៩៨% បើធៀបទៅនឹងឆ្នាំមុនដោយសារតែប្រទេសនានាបានបិទព្រំដែនរបស់ខ្លួន ដើម្បីទប់ស្កាត់ការឆ្លងរាលដាលនៃជំងឺ COVID-19 ។ លោក Brian Pearce ប្រធានសេដ្ឋវិទូរបស់ក្រុមហ៊ុន IATA បាននិយាយនៅក្នុងបទសម្ភាសន៍មួយថា « យើងគិតថាក្រុមហ៊ុនអាកាសចរណ៍ប្រហែលនឹងខាតបង់ទឹកប្រាក់ចំនួន ៨៤ ពាន់លានដុល្លារដែលមិនធ្លាប់មាន នៅក្នុងឆ្នាំ ២០២០ នេះ » ។ លោកបន្តថា « យើងទើបតែទើបតែឃើញមាន

មហាសេដ្ឋី Jack Ma ត្រូវបានស្គាល់ថាជាស្ថាបនិកក្រមហ៊ុន Alibaba ក៏ដូចជាសហគ្រិនអ៉ីនធឺណេតចិនម្នាក់ដែលទទួលបានជោគជ័យបំផុត។ លើសពីនេះគាត់ក៏ជាសហគ្រិនចិនដីគោកដំបូងគេដែលបានបង្ហាញខ្លួននៅលើទំព័រទស្សនាវដ្តី Forbes ហើយត្រូវបានគេដាក់រហ័សនាមឲ្យថាជា «បិតានៃស្មារតីសហគ្រិនដ៏ខ្លាំងម្នាក់»។ ជុំវិញភាពជោគជ័យរបស់ខ្លួន មហាសេដ្ឋីរូបនេះបានផ្ដល់នូវមេរៀនចំនួន ៤ ដែលគន្លឺះសម្រាប់មនុស្សគ្រប់គ្នាឈានទៅរកភាពជោគជ័យទាំងក្នុងជិវិត និងអាជីវកម្ម៖ ១. កំហុសដែលគាត់សោកស្ដាយបំផុត៖ នៅពេញមួយជីវិតរបស់ Jack Ma រឿងដែលគាត់សោកស្ដាយបំផុតគឺការសាងកំហុសនៅឆ្នាំ២០០១ ដោយនៅពេលនោះគាត់បានប្រាប់ទៅកាន់មិត្តភក្កិចំនួន ១៨នាក់ដែលបានចាប់ផ្ដើមក្នុងដំណើរអាជីវកម្មជាមួយគាត់ថា មុខតំណែងខ្ពស់បំផុតដែលពួកគេអាចទទួលបាន គឺតួនាទីគ្រប់គ្រង។ ដើម្បីសម្រេចបានតំណែងទាំងនោះយើងត្រូវជួលអ្នកពូកែមកពីក្រៅ។ ប៉ុន្តែច្រើនឆ្នាំក្រោយមកអ្នកដែលគាត់បានជួលបានចាកចេញទៅអស់ ប៉ុន្តែអ្នកដែលគាត់មើលរំលង និងមិននឹកស្មានដល់បានបង្កើត និងទទួលបានតំណែងទាំងនោះ។ ដូចនេះហើយទើបគាត់លើកឡើងថា អាកប្បកិរិយារបស់អ្នកគឺសំខាន់ជាងសមត្ថភាពរបស់អ្នក ហើយស្រដៀងគ្នានេះដែរការសម្រេចចិត្តរបស់អ្នក គឺសំខាន់ជាងសមត្ថភាពរបស់អ្នក។

រដ្ឋាភិបាលហ្វីលីពីនកំពុងស្វែងរកថវិកាចំនួន ៤.៣ ទ្រីលានប៉េសូ (៨៥.៩៧ ពាន់លានដុល្លារ) សម្រាប់ឆ្នាំ ២០២១ ដោយផ្តោតលើការស្ដារសេដ្ឋកិច្ចឡើងវិញ ដែលបានរងការវាយប្រហារដោយជំងឺ COVID-19 ។ លេខាធិការថវិការលោក Wendel Avisado បាននិយាយថា សេចក្តីព្រាងថវិកាដែលគ្រោងនឹងដាក់ជូនសភានៅក្នុងកិច្ចប្រជុំនៅខែក្រោយនេះគឺមានចំនួន ៤.១ ទ្រីលានប៉េសូដែលខ្ពស់ជាងឆ្នាំនេះ ៥% ។ ការចំណាយនៅឆ្នាំក្រោយត្រូវបានរៀបចំឡើងសម្រាប់ ប្រព័ន្ធថែទាំសុខភាព ធានាសន្តិសុខស្បៀង ការពន្លឿនការផ្លាស់ប្តូរឌីជីថលរបស់រដ្ឋាភិបាល និងជួយសហគមន៍ឱ្យមានការងើបឡើងវិញ។ ថវិកាដែលបានស្នើសុំនេះមានភាពដាច់ដោយឡែក គឺថវិកាសម្រាប់ជំរុញសេដ្ឋកិច្ចចំនួន ១.៣ ទ្រីលានប៉េសូដែលសភាជាន់ទាបបានអនុម័តកាលពីដើមខែនេះ និងផែនការមួយផ្សេងទៀតដែលកំពុងពិភាក្សានៅព្រឹទ្ធសភា។ លោក Avisado បានបន្ថែមទៀតថា គម្រោងនេះនឹងជួយរដ្ឋាភិបាលឱ្យឆ្លងផុតពីការរាតត្បាតនៃជំងឺ