នៅថ្ងៃទី ២៨ ខែ កក្កដា ឆ្នាំ ២០២០ នេះ ដោយមើលឃើញអំពីតម្រូវការទឹកស្អាតចាំបាច់បំផុតសម្រាប់មន្ទីរពេទ្យ ជាពិសេសសម្រាប់ពលរដ្ឋ និងអ្នកជំងឺដែលមកសម្រាកព្យាបាលនៅក្នុងមន្ទីរពេទ្យ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីកម្ពុជា បានផ្តល់ជូនម៉ាស៊ីនចម្រុះទឹកស្អាតដែលប្រើបច្ចេកវិទ្យាខ្ពស់ចំនួន ០៥គ្រឿង ដល់មន្ទីរពេទ្យចំនួន ៥ខាងក្រោម៖ ១-).មន្ទីរពេទ្យគន្ធបុប្ផា ចំនួន ០១ គ្រឿង ២-).មន្ទីរពេទ្យកាល់ម៉ែត ចំនួន ០១ គ្រឿង ៣-).មន្ទីរពេទ្យមិត្តភាពកម្ពុជា-ចិន ព្រះកុសុមៈ ចំនួន ០១ គ្រឿង ៤-).មន្ទីរពេទ្យមិត្តភាពខ្មែរ-សូវៀត ចំនួន ០១

ខណៈចំនួនអ្នកឆ្លងវីរុសកូវីដ-១៩ កំពុងកើនឡើងជាង ១៦ លាននាក់នៅលើពិភពលោក ហើយប្រទេសដែលមានសេដ្ឋកិច្ចរឹងមាំជាច្រើនបានកំពុងអភិវឌ្ឍ និងតេស្តវ៉ាក់សាំង សហរដ្ឋអាមេរិកបាននិងកំពុងកៀងគរធនធានចាំបាច់ ហើយធ្វើការជាមួយដៃគូកម្ពុជារបស់ខ្លួនដើម្បីជួយកម្ពុជា នេះបើយោងតាមការចេញផ្សាយរបស់ផេកហ្វេសប៊ុកស្ថានទូតអាមេរិកប្រចាំប្រទេសកម្ពុជា។ តាមប្រភពដដែលបានលើកឡើងដូចច្នេះថា៖ « យើងកំពុងតែកៀងគរធនធានចាំបាច់ ហើយធ្វើការជាមួយដៃគូកម្ពុជារបស់យើង ដើម្បីប្រឈមដោះស្រាយវិបត្តិផ្នែកសុខភាពសាកលនេះ »។ សូមជម្រាបផងដែរថា ចាប់តាំងពីមានការផ្ទុះឡើងនៃវីរុសកូវីដ-១៩ កាលពីចុងឆ្នាំ២០១៩មក សហរដ្ឋអាមេរិកបានរួមចំណែកជាជំនួយចំនួន ១១ លានដុល្លារដល់កម្ពុជា សម្រាប់ប្រយុទ្ធប្រឆាំងនឹងមេរោគរាតត្បាតនេះ៕ អត្ថបទ៖ លីនី

យោងតាមលេខាធិការហិរញ្ញវត្ថុរបស់ទីក្រុងហុងកុងបានឲ្យដឹងថា សេដ្ឋកិច្ចរបស់ហុងកុងអាចចំណាយពេលយូរជាងការរំពឹងទុក ដើម្បីប្រសើរឡើងវិញ ដោយសារតែស្ថានភាពនៃវីរុសនៅក្នុងប្រទេសនៅតែបន្តរាលដាល និងភាពមិនច្បាស់លាស់នៃសេដ្ឋកិច្ចសកល។ លោក Paul Chan Mo-po បាននិយាយនៅក្នុងប្លុកមួយកាលពីថ្ងៃអាទិត្យថា សកម្មភាពអាជីវកម្ម និងសេដ្ឋកិច្ចដែលបានឃើញសញ្ញានៃការងើបវិញ ត្រូវបានវាយប្រហារ និងរងផលប៉ះពាល់ដោយរលកថ្មីនៃវីរុស Covid-19។ សេដ្ឋកិច្ចបានធ្លាក់ចុះគួរឲ្យកត់សម្គាល់ដែលមានចំនួន ៨.៩% នៅក្នុងត្រីមាសទី១ ដោយសារជំងឺរាតត្បាតបានវាយលុកទីក្រុងចូលឲ្យធ្លាក់ទៅក្នុងវិបត្តិសេដ្ឋកិច្ចកាន់តែជ្រៅដែលរួមបញ្ចូលទាំងការធ្លាក់ចុះនៃវិបត្តិនយោបាយ។ បន្ថែមពីនេះលេខាធិការហិរញ្ញវត្ថុរបស់ទីក្រុងហុងកុងបានបន្ថែមថា ស្ថានភាពសេដ្ឋកិច្ចក្នុងត្រីមាសទី២ នៅតែធ្ងន់ធ្ងរ ប៉ុន្តែស្ថានភាពធ្លាក់ចុះហាក់ដូចជាធ្លាក់ចុះបន្តិច។ គួរបញ្ជាក់ផងដែរថា ទីក្រុងហុងកុងកំពុងជួបប្រទះរលកអាក្រក់បំផុតនៃការផ្ទុះឡើងនៃវីរុស Covid-19 បន្ទាប់ពីបានវិលត្រឡប់មករកភាពធម្មតាវិញ នៅក្នុងចន្លោះពាក់កណ្តាលខែមេសា និងខែមិថុនា៕ អត្ថបទ៖ លីនី ប្រភព៖ nationthailand

ប្រទេសអូស្រ្តាលី បានព្រមានកាលពីពេលថ្មីៗនេះថា សេដ្ឋកិច្ចរបស់ខ្លួននឹងធ្លាក់ចុះក្នុងល្បឿនលឿនបំផុតក្នុងប្រវត្តិសាស្ត្រ នៅអំឡុងពេលត្រីមាសទី២ ខណៈឱនភាពថវិកានឹងមានចំនួនច្រើនបំផុតចាប់តាំងពីសង្គ្រាមលោកលើកទី២ នៅពេលដែលប្រទេសនេះកំពុងព្យាយាមទប់ទល់នឹងផលប៉ះពាល់នៃជំងឺ Covid-19 ។ រដ្ឋាភិបាលអូស្ត្រាលីបានចំណាយថវិការាប់ពាន់លានដុល្លារ ដើម្បីប្រយុទ្ធប្រឆាំងនឹងជំងឺរាតត្បាតដែលបានធ្វើឱ្យអន្តរាយដល់ពាណិជ្ជកម្មពិភពលោក និងបានបង្ខំឱ្យបិទប្រទេសជាច្រើននៅដើមឆ្នាំនេះ ដែលធ្វើឱ្យសេដ្ឋកិច្ចធ្លាក់ចុះ។ ការរៀបចំឡើងវិញនៃការចាក់សោរយៈពេល ៦ សប្តាហ៍ទៅលើប្រជាជនចំនួន ៥ លាននាក់នៅក្នុងទីក្រុង Melbourne ដែលជាទីក្រុងធំបំផុតទី២ បានបន្ថែមបន្ទុកដល់ប្រទេសមួយនេះ បន្ទាប់បានរួចផុតពីគ្រោះរាំងស្ងួតដែលអូសបន្លាយពេល និងភ្លើងឆេះព្រៃយ៉ាងខ្លាំងមុនពេលដែលជំងឺនេះបានវាយប្រហារ។ ទន្ទឹមនឹងនេះ ក្រុមមន្រ្តីបាននិយាយថា ផលិតផលក្នុងស្រុកសរុបនឹងធ្លាក់ចុះ ៧% នៅក្នុងខែមេសា ដល់ខែមិថុនា ដែលជំរុញឱ្យសេដ្ឋកិច្ចធ្លាក់ចុះជាលើកដំបូងក្នុងរយៈពេលជិត ៣ ទសវត្សរ៍។ វិបត្តិសេដ្ឋកិច្ចត្រូវបានកំណត់ថា ជាការធ្លាក់ចុះ ២

យោងតាមក្រសួងទេសចរណ៍បានបង្ហាញនូវទីកន្លែងកម្សាន្តជាច្រើនស្អាតៗ ហើយប្លែកភ្នែកប្រកបដោយសម្រស់ស្រស់ត្រកាល ជាមួយធម្មជាតិ ព្រៃព្រឹក្សា ដែលកំពុងបង្អួតសម្រស់ឆើតឆាយទាក់ចិត្តភ្ញៀវទេសចរជាពន់ពេក​។ ជាមួយគ្នានេះនៅរដូវវស្សានេះ ខេត្តចំនួន ៥ ដែលពោរពេញដោយសក្ដានុពល និងតំបនទេសចរណ៍បែបធម្មជាតិបាននិងកំពុងបង្អួតសម្រស់គ្នា ទាក់ចិត្ត ទាក់ភ្នែកឲ្យភ្ញៀវទេសចរទប់ចិត្តមិនបានឡើយ។​ ខេត្តទាំងនោះរួមមាន៖ ១. ខេត្តកោះកុង៖ មានរមណីយដ្ឋានទេសចរណ៍ ៣ កន្លែងដែលមានសក្ដានុពលក្នុងខេត្តរួមមាន៖ សហគមន៍តំបន់ការពារធម្មជាតិពាមក្រសោប( តំបន់ព្រៃកោងកាង), រមណីយដ្ឋានឆ្នេរកោងកាង ស្ថិតក្នុងស្រុកស្រែអំបិល និងតំបន់ទឹកធ្លាក់តាតៃ ស្ថិតក្នុង ឃុំតាតៃក្រោម។ ២.ភ្នំក្រោម ក្នុងខេត្តសៀមរាប៖ ទស្សនាព្រះអាទិត្យអស់ស្ដង្គតពីលើកំពូលភ្នំ គួបផ្សំជាមួយទេសភាពវាលស្រែដ៏ខៀវស្រងាត់ដាច់កន្ទុយភ្នែក និងគយគន់បឹងទន្លេសាបពីចម្ងាយ សូមកុំខកខានក្នុងការមកទស្សនាភ្នំក្រោមនារដូវវស្សាដើម្បីបានឃើញនៅផ្ទាំងទស្សនីយភាពនេះ៖ ៣.ខេត្តឧត្តរមានជ័យ៖ មានទីតាំងនៅបណ្ដោយខ្សែព្រំដែនភាគខាងជើងប្រទេសកម្ពុជា ទោះបីជាស្ថិតនៅទីដាច់ស្រយាល

ស្ថានទូតអាមេរិក បានបញ្ជូនម៉ាស់ការពាររាប់ពាន់ម៉ាស់ទៅខេត្តឈៀងរ៉ៃប្រទេសថៃ បើទោះបីជាប្រទេសនេះមិនមានករណីឆ្លងជំងឺ Covid-19 ថ្មីរយៈពេលជាង ២ ខែក៏ដោយ។ អ្នកតំណាងស្ថានទូតអាមេរិកបានប្រគល់ម៉ាស់ ដែលមានតម្លៃប្រហែល ១៤,៥០២ ដុល្លារដល់អាជ្ញាធរនៅឈៀងរ៉ៃនៅសប្តាហ៍នេះ។ អគ្គកុងស៊ុលកិត្តិយសប្រចាំតំបន់របស់សហរដ្ឋអាមេរិកលោក Sean O’Neil មានប្រសាសន៍ថា សហរដ្ឋអាមេរិកចង់ជួយផ្តល់ការការពារដល់ប្រជាជនដែលរស់នៅតំបន់ភ្នំដាច់ស្រយាល។ លោកបានបន្ថែមថា « យើងមានកិត្តិយសណាស់ដែលអាជ្ញាធរថៃទុកចិត្តលើយើង ក្នុងការឱ្យជួយផ្តល់នូវឧបករណ៍ការពារនេះ យើងជឿជាក់ថាម៉ាស់ការពារនឹងមានប្រយោជន៍សម្រាប់ពលរដ្ឋក្រីក្រក្នុងកំឡុងពេលមានជំងឺរាតត្បាតនេះ ហើយសង្ឃឹមថានឹងជួយពួកគេឱ្យមានសុវត្ថិភាពពីជំងឺនេះ »។ គួរបញ្ជាក់ផងដែរថា ប្រទេសថៃដែលបានចាប់ផ្តើមចាត់វិធានការទប់ស្កាត់ និងចាក់សោយ៉ាងតឹងរ៉ឹងកាលពីខែមីនា ដោយមិនបានកត់ត្រាការចម្លងជំងឺក្នុងតំបន់ក្នុងរយៈពេលជាង ៦០ ថ្ងៃមកហើយ។ ផ្ទុយមកវិញសហរដ្ឋអាមេរិកមានអ្នកឆ្លងចំនួន ៤.៣ លាននាក់ និងស្លាប់ចំនួន ១៤៩,៣៩៨

មិនមានមនុស្សច្រើនទេដែលដឹងថា ក្រុមហ៊ុនផលិតរថយន្តទំនើប Lamborghini តម្លៃរាប់លានដុល្លារនាពេលបច្ចុប្បន្នផ្ដើមចេញពីក្រុមហ៊ុនផលិតត្រាក់ទ័រ។ មូលហេតុនៃការផ្លាស់ប្ដូរពីយានយន្តកសិកម្មទៅជារថយន្តទំនើបបណ្ដាល​មកពីជម្លោះប្រឆាំងជាមួយនឹងលោក Enzo Ferrari ដែលជាម្ចាស់ក្រុមហ៊ុនផលិតរថយន្តស្ព័រអ៉ីតាលីលំដាប់ខ្ពស់។ Ferrucio Lamborghini គឺជាបុរសសាមញ្ញម្នាក់ដែលកើតក្នុងគ្រួសារដែលប្រកបរបរដាំផ្លែទំពាំងបាយជូរដើម្បីចិញ្ចឹមជីវិត តែដោយសារចំណេះដឹង និងចំណាប់អារម្មណ៍ខាង​មេកានិចរបស់គាត់ នៅទីបំផុតបាននាំឲ្យគាត់ឈានជើងរកស៊ីធ្វើត្រាក់ទ័រ។ ក្នុងអំឡុងសង្រ្គាមលោកលើកទី២ ទិន្នផលឧស្សាហកម្មរបស់ប្រទេសអ៉ីតាលីភាគច្រើនទាក់ទងនឹងតម្រូវការសង្រ្គាម ដោយមិនយកចិត្តទុកដាក់លើតម្រូវការផ្សេងទៀតដូចជា ឧបករណ៍កសិកម្មឡើយ។ នេះជាមូលហេតុដែលបន្ទាប់ពីសង្គ្រាម និងដោយសារតែគំនិតផ្តួចផ្តើមកំណែទម្រង់ក្រោយសង្គ្រាម ការផលិតត្រាក់ទ័ររបស់ Ferrucio បានក្លាយជាការពេញនិយម និងរកចំណូលបានច្រើន។ ខណៈដែលអាជីវកម្មកំពុងដំណើរការល្អ ប៉ុន្មានឆ្នាំក្រោយមកគាត់បានចាប់ផ្ដើមបង្កើតក្រុមហ៊ុនផ្សេងៗថែមទៀតដែលជា ក្រុមហ៊ុនផលិតម៉ាស៊ីនកម្តៅដោយប្រេង និងម៉ាស៊ីនត្រជាក់។ ជាមួយគ្នានេះបន្ទាប់ពីរកស៊ីកាក់កបទៅៗ Ferrucio Lamborghini បានទិញឡានម៉ាក Ferrari ដោយសារគាត់ចូលចិត្តឡានប្រភេទនេះ

វ៉ាក់សាំងដំបូងបង្អស់ប្រឆាំងនឹងវីរុស Covid-19 ត្រូវបានគេរំពឹងថានឹងមានសម្រាប់ឲ្យប្រើប្រាស់នៅឆ្នាំ២០២១ ហើយនៅក្នុងប្រទេសថៃក្នុងតម្លៃត្រឹមតែ ៦២០ បាត ( ជាង ១៩ ដុល្លារ) ក្នុងមួយដូស នេះបើយោងតាមការបញ្ជាក់ពីអង្គលេខាធិការនៃគណៈកម្មាធិការវ៉ាក់សាំងជាតិកាលពីម្សិលមិញនេះ។ លោកវេជ្ជបណ្ឌិត Siriroek Songsivilai បានមានប្រសាសន៍ថា វ៉ាក់សាំងតម្លៃ ៦២០បាតនេះ គឺសម្រាប់វ៉ាក់សាំងចំនួន ១០០ លានដូសស្មើនឹងតម្លៃសរុបប្រហែល ២ ពាន់លានដុល្លារអាមេរិក ដែលបញ្ជាទិញដោយរដ្ឋភិបាលអាមេរិកពីក្រុមហ៊ុនផលិតថ្នាំ Pfizer និងក្រុមហ៊ុន BioNTech របស់អាល្លឺម៉ងដែលរួមគ្នាបង្កើតវ៉ាក់សាំងនេះ។ វេជ្ជបណ្ឌិតរូបនេះបានបន្ថែមថា ប្រទេសថៃកំពុងប្រើវិធីសាស្ត្រចំនួន ៣ គឺ ការអភិវឌ្ឍវ៉ាក់សាំងផ្ទាល់របស់ខ្លួន ការអភិវឌ្ឍវ៉ាក់សាំងតារយៈការផ្ទេរបច្ចេកវិទ្យា