នាយករដ្ឋមន្រ្តីជប៉ុន Suga Yoshihide បានសន្យាជួយសមាគមប្រជាជាតិអាស៊ីអាគ្នេយ៍បង្កើនសមត្ថភាពរបស់ខ្លួនក្នុងការទប់ទល់នឹងជំងឺឆ្លងដូចជា ជំងឺ​ Covid-19 តាមរយៈមជ្ឈមណ្ឌលមួយដែលត្រូវបានបង្កើតឡើងដោយមូលនិធិជប៉ុនដើម្បីបង្កើនសមត្ថភាពរបស់អាស៊ានក្នុងការឆ្លើយតបនឹងជំងឺឆ្លងនេះ។ បើតាមការឲ្យដឹងពីសារព័ត៌មាន NHK នាយករដ្ឋមន្រ្តីជប៉ុនថ្មីរូបនេះ បានលើកឡើងដូច្នេះនៅក្នុងកិច្ចប្រជុំកំពូលតាមអ៉ីនធឺណេតជាមួយមេដឹកនាំនៃប្រទេសសមាជិកអាស៊ានទាំង ១០ កាលពីថ្ងៃព្រហស្បតិ៍។ ហើយនេះគឺជាការចូលរួមលើកដំបូងរបស់លោកនៅក្នុងកិច្ចប្រជុំពហុភាគីចាប់តាំងពីបានក្លាយជានាយករដ្ឋមន្រ្តីនៅខែកញ្ញា កន្លងមក។ ក្នុងកិច្ចប្រជុំ​នោះលោកបាននិយាយអំពីមជ្ឈមណ្ឌលមួយដែលត្រូវបានបង្កើតឡើងដោយមូលនិធិជប៉ុន ដើម្បីបង្កើនសមត្ថភាពរបស់អាស៊ានក្នុងការឆ្លើយតបនឹងជំងឺឆ្លង។ លោកបានគូសបញ្ជាក់ថា ប្រទេសជប៉ុននឹងធ្វើការដើម្បីអភិវឌ្ឍមជ្ឈមណ្ឌលនេះ ទៅជាអង្គការមួយដែលនឹងដើរតួនាទីសំខាន់ក្នុងការការពារប្រជាជនក្នុងតំបន់។ បន្ទាប់មកលោក Suga បានសំដៅទៅលើ “ ទស្សនវិស័យអាស៊ានស្តីពីឥណ្ឌូ – ប៉ាស៊ីហ្វិក” ដែលជាគំនិតផ្តួចផ្តើមដែលប្រកាសដោយប្លុកកាលពីឆ្នាំមុនស្តីពីតួនាទីរបស់ខ្លួននៅក្នុងតំបន់៕ អត្ថបទ៖ លីនី ប្រភព៖ nhk

ទោះស្ថិតក្នុងបរិបទនៃជំងឺកូវីដ-១៩ ក៏ដោយក៏អាជីវករលក់វត្ថុអនុស្សាវរីយ៍ ដែលផលិតពីផ្តៅរពាក់ តាមដងផ្លូវក្នុងស្រុកបន្ទាយស្រី នៅតែបន្តមុខរបររបស់ខ្លួនដើម្បីបន្តប្រពៃណី និងលើកកម្ពស់ផលិតផលធ្វើដោយដៃនៅក្នុងស្រុក និងដើម្បីរកចំណូលសម្រាប់ផ្គត់ផ្គង់ក្នុងក្រុមគ្រួសារ។ បើនិយាយដល់ស្រុកបន្ទាយស្រី ខេត្តសៀមរាប ក្រៅពីការទស្សនាប្រាសាទបុរាណ និងទេសភាពដ៏ស្រស់ស្អាតហើយនោះ ក្រុមអ្នកទេសចរក៏បានឃើញពីជីវភាពរស់នៅរបស់ប្រជាពលរដ្ឋ និងការតំាងលក់របស់របរអនុស្សាវរីយ៍ផ្សេងៗជាច្រើនធ្វើអំពីផ្តៅ រពាក់ ឫស្សី និងវត្ថុអនុស្សាវរីយ៍ធ្វើពីដើមត្នោត ដែលមានក្បួនខ្នាតបែបសិល្បៈបុរាណ។ នៅព្រឹកថ្ងៃទី ១២ ខែវិច្ឆិកា ឆ្នាំ ២០២០នេះ លោក ខាន់ សុវត្ត ជំទប់ទី១ ឃុំខ្នារសណ្តាយ ស្រុកបន្ទាយស្រីបានមានប្រសាសន៍ប្រាប់អ្នកយកព័ត៌មានវិទ្យុជាតិកម្ពុជាថា អាជីវករលក់វត្ថុអនុស្សាវរីយ៍ធ្វើពីដើមត្នោត និងផលិតផលប្រើប្រាស់ពីផ្តៅ រពាក់ និងឫស្សីនៅតាមដងផ្លូវក្នុងឃុំខ្នារសណ្តាយនៅតែបន្តមុខរបររបស់ខ្លួន ទោះបីជាការរកប្រាក់ចំណូលបានទាបជាងមុនក៏ដោយ។ លោកបន្តថា

ក្រុមហ៊ុនអាកាសចរណ៍ Emirates របស់អារ៉ាប់រួមបានខាតបង់ទឹកប្រាក់ចំនួន ៣.៤ ពាន់លានដុល្លារក្នុងរយៈពេល ៦ ខែដំបូងនៃឆ្នាំនេះ ដែលជាការធ្លាក់ចុះជាលើកដំបូងក្នុងរយៈពេលជាង ៣០ ឆ្នាំដោយសារជំងឺរាតត្បាត Covid-19 ។ Emirates បានផ្អាកប្រតិបត្តិការជាបណ្តោះអាសន្ននៅឆ្នាំនេះ ខណៈពេលដែលមានអត្រាឆ្លងរាតត្បាតខ្ពស់ ធ្វើឱ្យមានការរឹតត្បិតការហោះហើរ និងការធ្វើដំណើរទូទាំងពិភពលោកបានធ្វើឱ្យប្រាក់ចំណូលបានធ្លាក់ចុះ ៧៥% ស្មើនឹង ៣.២ ពាន់លានដុល្លារ ដោយសារចរាចរណ៍អ្នកដំណើរបានធ្លាក់ចុះ ៩៥% ស្មើនឹង ១.៥ លាន។ គួរឱ្យដឹងផងដែរថា Emirates បានរាយការណ៍អំពីប្រាក់ចំណេញជាង ២៣៤ លានដុល្លារក្នុងរយៈពេល ៦ ខែដំបូងនៃឆ្នាំ ២០១៩

ក្រុមហ៊ុន Bamboo Airways បានទទួលការអនុញ្ញាតពីនាយកដ្ឋានដឹកជញ្ជូនសហរដ្ឋអាមេរិក ដើម្បីដឹកអ្នកដំណើរ និងទំនិញទៅប្រទេសនោះ។ យោងតាមទីភ្នាក់ងារសារព័ត៌មានវៀតណាមបានរាយការណ៍ថា ក្រុមហ៊ុននេះត្រូវបានអនុញ្ញាតិឲ្យប្រើប្រាស់យន្តហោះប៊ូអ៊ីង 787-9 Dreamliner ដែលហោះហើរដោយផ្ទាល់ពីទីក្រុងហាណូយ និងទីក្រុងហូជីមិញ ទៅកាន់ទីក្រុងដូចជា ទីក្រុង Los Angeles និង San Francisco។ ក្រុមហ៊ុនអាកាសចរណ៍ Bamboo Airways ជាក្រុមហ៊ុនអាកាសចរណ៍ទី២ ដែលទទួលបានការអនុញ្ញាតបន្ទាប់ពីក្រុមហ៊ុនអាកាសចរណ៍ Vietnam Airlines។ យ៉ាងណាមិញប្រភពដដែលបានឲ្យដឹងថា Bamboo Airways គ្រោងនឹងចាប់ផ្តើមសេវាកម្មដោយផ្ទាល់ទៅកាន់សហរដ្ឋអាមេរិកនៅចុងឆ្នាំ២០២១ ឬ ដើមឆ្នាំ ២០២២ ហើយនឹងស្វែងរកអាជ្ញាប័ណ្ណពីរដ្ឋបាលអាកាសចរណ៍សហព័ន្ធ

លោក Arkhom Termpittayapaisith រដ្ឋមន្រ្តីក្រសួងហិរញ្ញវត្ថុថៃបាន និងកំពុងពិចារណាបើកដំណើរការដំណាក់កាលទី២ នៃគម្រោងឧបត្ថម្ភធនទិញឥវ៉ាន់ “ Khon La Khrueng ” នៅដើមឆ្នាំក្រោយជាអំណោយឆ្នាំថ្មីដល់អតិថិជន។ គ្រោងការណ៍ដែលបច្ចុប្បន្នមានចាប់ពីថ្ងៃទី ២៣ ខែតុលា ដល់ថ្ងៃទី ៣១ ខែធ្នូ ផ្តល់ជូនការបញ្ចុះតម្លៃរបស់ប្រជាពលរដ្ឋប្រមាណ ១០ លាននាក់ក្នុងមួយថ្ងៃរហូតដល់ ១៥០ បាតក្នុងមួយថ្ងៃលើការទិញនៅតាមហាងដែលចូលរួមត្រូវបានកំណត់។ លោក Arkhom បាននិយាយថា ក្រសួងក៏កំពុងពិចារណាផងដែរថាតើត្រូវបង្កើនប្រាក់ឧបត្ថម្ភពី ១៥០ បាតក្នុង ១ ថ្ងៃ។ លោកក៏បានទទូចថា រដ្ឋាភិបាលមានថវិកាគ្រប់គ្រាន់ដើម្បីផ្តល់ហិរញ្ញប្បទានដល់គម្រោងនេះ។ លោកបានបញ្ជាក់ថា

រដ្ឋមន្រ្តីក្រសួងទេសចរណ៍ថៃ បានមានប្រសាសន៍ថា ប្រទេសថៃអាចរំពឹងថានឹងមានការធ្លាក់ចុះគួរឱ្យកត់សម្គាល់នៅក្នុងវិស័យទេសចរណ៍ក្នុងស្រុកលើកលែងតែទេសចរណ៍អន្តរជាតិត្រូវបានធ្វើឱ្យរស់ឡើងវិញ។ យោងតាមការចុះផ្សាយរបស់សារព័ត៌មាន Bangkok Post លោក Phiphat Ratchakitprakarn បាននិយាយថា តួលេខទេសចរណ៍ក្នុងស្រុកមានចំនួន ៤០% នៃតួលេខក្នុងឆ្នាំ២០១៩ ហើយត្រូវបានគេរំពឹងថានឹងធ្លាក់ចុះបន្ថែមទៀតនៅពេលដែលគម្រោងជំរុញការធ្វើដំណើរក្នុងស្រុកបញ្ចប់នៅចុងឆ្នាំ។ លោក Phiphat បានបន្ថែមថា ឆ្នាំដ៏លំបាកនឹងមកដល់ ហើយការស្ទុះងើបឡើងវិញរបស់ប្រទេសថៃនឹងជួបការលំបាកជាងការងើបឡើងវិញបន្ទាប់ពីវិបត្តិហិរញ្ញវត្ថុអាស៊ីឆ្នាំ១៩៩៧ ដោយសារឥទ្ធិពលសេដ្ឋកិច្ចទូលំទូលាយនៃការរីករាលដាលនៃជំងឺ Covid-19 ។ ជាមួយគ្នានេះការវិលត្រឡប់របស់ភ្ញៀវទេសចរបរទេស គឺចាំបាច់ដើម្បីស្តារសេដ្ឋកិច្ចឡើងវិញ ហើយទិដ្ឋាការទេសចរណ៍ពិសេស មិនគ្រប់គ្រាន់នោះទេក្នុងការស្ដារឡើងវិញលើវិស័យទេសចរណ៍។ លើសពីនេះលោករដ្ឋមន្រ្តីមានប្រសាសន៍ថា ក្នុងអំឡុងពេលធ្វើដំណើរទៅ ៥ ឬ ៦ ខេត្ត ប្រតិបត្តិករអាជីវកម្មក្នុងស្រុកបានប្រាប់លោកថា ពួកគេខ្លាចក្នុងការរស់នៅប្រសិនបើស្ថានភាពបច្ចុប្បន្ននៅតែបន្ត។

ក្រុមហ៊ុនអាកាសចរណ៍នៅក្នុងប្រទេសម៉ាឡេស៊ីអាចចំណាយពេល ៣ ឆ្នាំដើម្បីងើបចេញពីជំងឺរាតត្បាត Covid-19 ដោយផ្អែកលើការផ្ទុះឡើងនៅក្នុងប្រទេស និងក្រៅប្រទេស នេះបើយោងតាមក្រសួងដឹកជញ្ជូនម៉ាឡេស៊ី។ រដ្ឋមន្រ្តីដឹកជញ្ជូនលោក Wee Ka Siong បាននិយាយថា « នៅក្នុងការកែសំរួលការព្យាករណ៍របស់គណៈកម្មការអាកាសចរណ៍ម៉ាឡេស៊ីក្នុងឆ្នាំនេះត្រូវបានរំពឹងថា ចំនួនអ្នកដំណើរនឹងធ្លាក់ចុះ ៧៥.៦% ដល់ ២៦.៦ លាននាក់បើប្រៀបធៀបទៅនឹងអ្នកដំណើរ ១០៩.២ លាននាក់ដែលបានកត់ត្រាក្នុងឆ្នាំ ២០១៩ »។ លោក Wee បានបន្ថែមថា « នៅក្នុងបញ្ហានេះ ក្រុមហ៊ុនអាកាសចរណ៍ត្រូវបានគេរំពឹងថា នឹងត្រូវការរយៈពេល ៣ ឆ្នាំដើម្បីធ្វើឱ្យស្ថានការណ៍បានពេញលេញពីផលប៉ះពាល់នៃការរីករាលដាលនៃជំងឺរាតត្បាតនេះ ដែលអាចកើតមាននៅក្នុងប្រទេស និងក្រៅប្រទេស

ក្រុមហ៊ុនផលិតផលិតផលថែរក្សាសម្រស់លំដាប់កំពូលរបស់ជប៉ុន Shiseido កំពុងព្យាករណ៍ពីការខាតបង់សុទ្ធប្រមាណ ២៨៥ លានដុល្លារសម្រាប់ឆ្នាំ២០២០ នៅពេលមនុស្សម្នាស្នាក់នៅផ្ទះ ក្នុងពេលមានជំងឺរាតត្បាត Covid-19។ នេះបើយោងតាមការចុះផ្សាយរបស់សារព័ត៌មានជប៉ុន NHK កាលពីថ្ងៃទី១១ ខែវិច្ឆិកា ម្សិលមិញ​នេះ។ ក្រុមហ៊ុន Shiseido បាននិយាយថា ការលក់ជាក្រុមបានធ្លាក់ចុះ ២២.៨% គិតជាប្រាក់យ៉េន ស្មើនឹង ៦.២ ពាន់លានដុល្លារក្នុងរយៈពេល ៩ ខែក្នុងឆ្នាំ២០២០នេះ ដោយរាប់ចាប់ពីខែមករាដល់ខែកញ្ញា។ មូលហេតុដែលបណ្ដាលឲ្យមានការខាតបង់ច្រើននេះ ក្រុមហ៊ុនបានឲ្យដឹងថា ដោយសារប្រជាជនបានប្រើគ្រឿងសំអាងតិចជាងមុន នៅពេលពួកគេចំណាយពេលច្រើននៅផ្ទះ។ ទន្ទឹមនឹងនេះការបិទហាងជាបណ្តោះអាសន្ន និងការធ្លាក់ចុះភ្ញៀវទេសចរបរទេសទៅកាន់ប្រទេសជប៉ុនក៏បានធ្វើឱ្យប៉ះពាល់ដល់អាជីវកម្មផងដែរ។ ទោះបីជាយ៉ាងណាក្ដីក្រុមហ៊ុនសង្ឃឹមថា នឹងបង្កើនការលក់ឌីជីថល ប្រសិនបើវាជំរុញឱ្យមានដំណើរការឡើងវិញ៕