ចាប់ពីខែមករា ដល់ថ្ងៃទី ១៥ ខែធ្នូ ឆ្នាំ ២០២០ ប្រទេសកម្ពុជា បាននាំចេញផ្លែស្វាយស្រស់ប្រមាណ ៩៤៥,២៧៤ តោនទៅកាន់ទីផ្សារបរទេសដោយគិតជាទឹកប្រាក់ប្រមាណ ៤៧៣,២០៧,៧០០ ដុល្លារអាមេរិក។ តួលេខនេះ ត្រូវបានចែករំលែកនៅក្នុងរបាយការណ៍បឋមស្តីពីវឌ្ឍនភាពនៃផលិតកម្មដំណាំកសិ-ឧស្សាហកម្មធំៗនៅឆ្នាំ ២០២០ ដែលចេញផ្សាយដោយឯកឧត្ដម វេង សាខុន រដ្ឋមន្ត្រីនៃក្រសួងកសិកម្ម រុក្ខាប្រមាញ់ និងនេសាទ។ ទន្ទឹមនឹងនេះ ផ្ទៃដីជាង ១០ ម៉ឺនហិកតានៅប្រទេសកម្ពុជាកំពុងត្រូវបានប្រើប្រាស់ដើម្បីដាំដើមស្វាយ ជាពិសេសនៅខេត្តកំពង់ស្ពឺ កំពត បាត់ដំបង និងបន្ទាយមានជ័យហើយផ្លែឈើប្រមាណ ១.៥ លានតោនអាចប្រមូលផលជារៀងរាល់ឆ្នាំ។ គួរឱ្យដឹងផងដែរថា ផ្លែស្វាយស្រស់របស់កម្ពុជាត្រូវបាននាំចេញទៅកាន់ទីផ្សារសហភាពអ៊ឺរ៉ុប កូរ៉េខាងត្បូង

ក្រសួងបរិស្ថានប្រកាសថា សាធារណជនជារូបវន្តបុគ្គល និងនីតិបុគ្គលអាចចូលរួមដេញថ្លៃធ្វើអាជីវកម្មប្រមូលចំណូលលក់សំបុត្រចូលទស្សនាតំបន់រ៉ាមសារព្រែកទាល់ ខេត្តបាត់ដំបង ឆ្នាំ ២០២១ បានដោយមិនមានការរើសអើងនោះឡើយ។ សេចក្តីជូនដំណឹងរបស់ក្រសួងបរិស្ថានបានបញ្ជាក់ថា ការដាក់ឱ្យជួលធ្វើអាជីវកម្មនេះ មានរយៈពេលធ្វើអាជីវកម្ម ១ឆ្នាំ គិតចាប់ពីថ្ងៃទី ១៦ ខែមករា ឆ្នាំ ២០២១ ដល់ថ្ងៃទី ១៥ ខែមករា ឆ្នាំ ២០២២ ដោយថ្លៃអាជីវកម្មកំណត់ជាមូលដ្ឋានគឺចំនួន ៦០លានរៀល ក្នុង ១ឆ្នាំ ហើយការដេញថ្លៃធ្វើអាជីវកម្មត្រូវធ្វើតាមវិធីដេញថ្លៃឡើង។ ក្រសួងបានបន្តថា ពលរដ្ឋគ្រប់រូបមានសិទ្ធិចូលដេញថ្លៃទាំងអស់លើកលែងតែមន្ត្រីរាជការ សិស្ស និស្សិត កងកម្លាំងប្រដាប់អាវុធហើយអ្នកមានបំណងចូលដេញថ្លៃត្រូវបង់ប្រាក់កក់បណ្តោះអាសន្នចំនួន ២០% នៃថ្លៃអាជីវកម្មកំណត់ជាមូលដ្ឋានគឺស្មើ ១២លានរៀល។

យោងតាមរដ្ឋមន្រ្តីក្រសួងទេសចរណ៍ សិល្បៈ និងវប្បធម៌លោកស្រី Nancy Shukri បានឱ្យដឹងថា រដ្ឋាភិបាលម៉ាឡេស៊ីកំពុងពិចារណាបើកព្រំដែនរបស់ខ្លួនដើម្បីជួយជំរុញវិស័យទេសចរណ៍។ នៅក្នុងសន្និសីទកាសែតនាថ្ងៃទី ២៧ ខែធ្នូ លោកស្រី Nancy បាននិយាយថា ប្រទេសម៉ាឡេស៊ីឥឡូវនេះកំពុងចរចាជាមួយប្រទេសសិង្ហបុរី ប្រ៊ុយណេ សាធារណរដ្ឋកូរ៉េ ជប៉ុន តៃវ៉ាន់ (ចិន) និងនូវែលហ្សេឡង់ដែលត្រូវបានគេស្គាល់ថាជាតំបន់បៃតង (Green Zones)។ លោកស្រី​ Nancy បានបន្តថា គាត់បានទទួលសំណើជាច្រើនពីអ្នកឧស្សាហកម្មទេសចរណ៍ក្នុងស្រុក ដើម្បីពិចារណាបញ្ហានេះដើម្បីរក្សាអាជីវកម្មរបស់ពួកគេ។ លោកស្រីបានបន្ថែមថា ទោះយ៉ាងណាបញ្ហានេះត្រូវពិភាក្សាបន្ថែមទៀតជាមួយក្រសួងផ្សេងទៀតដូចជា ក្រសួងសុខាភិបាលដើម្បីធានាថាយើងត្រូវបានអនុញ្ញាតឱ្យបើកព្រំដែនប្រទេស ដើម្បីជំរុញវិស័យទេសចរណ៍របស់យើង។ គួរឱ្យដឹងផងដែរថា លោកស្រីក៏បានជំរុញឱ្យភ្ញៀវទេសចរមកពី Green

គម្រោងកែច្នៃតំបន់ឆ្នេរខ្សាច់មុខវត្តសសរ១០០ ក្នុងខេត្តក្រចេះ នឹងទទួលស្វាគមន៍ភ្ញៀវទេសចរនាពេលខាងមុខនេះ។ លោក ចាន់ សុគន្ធី ប្រធានមន្ទីរទេសចរណ៍ខេត្តក្រចេះ បានមានប្រសាសន៍ថា តំបន់ឆ្នេរខ្សាច់មុខវត្តសសរ១០០ នឹងរៀបចំជារមណីយដ្ឋានហើយនឹងដំណើរការឆាប់ៗនេះ។ អ្វីដែលកំពុងដំណើរការ និងផ្តោតសំខាន់គឺការសុំអាជ្ញាបណ្ណទេសចរណ៍ វិធានសុវត្ថិភាពទេសចរណ៍ ការគ្រប់គ្រងអនាម័យបរិស្ថាន ការកំណត់ទីតាំងសុវត្ថិភាព ការរក្សាសន្តិសុខ សណ្តាប់ធ្នាប់ ការគ្រប់គ្រងតម្លៃសេវា ដើម្បីត្រៀមទទួលស្វាគមន៍ភ្ញៀវទេសចរមកកំសាន្តនាដើមឆ្នាំ ២០២១ ខាងមុននេះ។ លោកថា វត្តសសរ១០០ ទាក់ទាញភ្ញៀវទេសចរស្រាប់ហើយ អញ្ចឹងហើយទើបវិស័យឯកជនមានបំណង ចង់ចូលរួមកែច្នៃតំបន់ឆ្នេរខ្សាច់មុខវត្តឱ្យមានភាពទាក់ទាញថែមទៀត ដើម្បីលើកកម្ពស់វិស័យទេសចរណ៍នៅតំបន់ប៉ែកឦសាននៃប្រទេសកម្ពុជា ឱ្យកាន់តែប្រសើរឡើងសក្តិសមជាគោលដៅទេសចរណ៍កម្រិតខ្ពស់។ លោកបន្តទៀតថា គម្រោងកែច្នៃតំបន់ឆ្នេរខ្សាច់មុខវត្តសសរ១០០ នៃខេត្តក្រចេះនេះនឹងរួចរាល់ជាស្ថាពរនៅដើមឆ្នាំ ២០២១ ខាងមុខ។ ស្ពានឈើសម្រាប់ឆ្លងកាត់ទៅឆ្នេរខ្សាច់នោះ

រដ្ឋាភិបាលជប៉ុន បានប្រកាសកាលពីថ្ងៃសៅរ៍ ទី ២៦ ខែធ្នូថា ប្រទេសជប៉ុននឹងហាមឃាត់ការចូលពីគ្រប់ប្រទេសទាំងអស់ដែលចាប់ផ្ដើមចាប់ពីថ្ងៃច័ន្ទ ទី ២៨ ដើម្បីការពារការរីករាលដាលនៃជំងឺ Covid-19 ទម្រង់ថ្មីពីចក្រភពអង់គ្លេស។ ការហាមឃាត់នេះ នឹងចូលជាធរមានរហូតដល់ចុងខែមករា។ សារព័ត៌មាន Nikkei បានរាយការណ៍ថា មានតែជនជាតិជប៉ុន និងជនបរទេសដែលរស់នៅក្នុងប្រទេសជប៉ុនប៉ុណ្ណោះ ដែលនឹងត្រូវបានអនុញ្ញាតឱ្យវិលត្រឡប់មកប្រទេសរបស់ខ្លួនវិញ។ រដ្ឋាភិបាលបាននិយាយថា ខ្លួនបានសំរេចចិត្តចាត់វិធានការណ៍នេះខណៈដែលជំងឺនេះត្រូវបានរកឃើញដំបូងនៅប្រទេសអង់គ្លេស ហើយកំពុងតែរីករាលដាលនៅក្នុងប្រទេសមួយចំនួន។ ទីក្រុងតូក្យូ ក៏បានរាយការណ៍ពីករណីឆ្លងថ្មីចំនួន ៩៤៩ ករណីកាលពីថ្ងៃសៅរ៍ ខណៈដែលអាជ្ញាធរបានជំរុញឱ្យប្រជាជនស្នាក់នៅផ្ទះ។ ក្រុមមន្រ្តីក៏បាននិយាយផងដែរថា មនុស្សពីរនាក់ទៀតនៅក្នុងប្រទេសជប៉ុនត្រូវបានបញ្ជាក់ថាបានឆ្លងជំងឺ Covid-19 ទម្រង់ថ្មីដែលធ្វើឱ្យចំនួនសរុបមកដល់ពេលនេះមានដល់ ៧ នាក់ហើយ។ ការឆ្លងមួយក្នុងចំណោមការឆ្លងសរុប

រដ្ឋាភិបាលថៃ គ្រោងនឹងកែសម្រួលច្បាប់ និងបទប្បញ្ញត្តិសំខាន់ៗដែលទាក់ទងនឹងជនអន្តោប្រវេសន៍ អាជីវកម្មបរទេស និងវិស័យផ្សេងៗទៀតនៅឆ្នាំក្រោយ ដើម្បីទាក់ទាញការវិនិយោគដោយផ្ទាល់ពីបរទេសបន្ថែមទៀត។ ការធ្វើវិសោធនកម្មនេះ ក៏នឹងគ្របដណ្តប់លើពលករបរទេស ពន្ធដារ ការធ្វើផែនការទីក្រុង ជីវៈចម្រុះ អាជីវកម្មភាពយន្ត និងវីដេអូ និងវិស័យថាមពលរួមមាន ហេដ្ឋារចនាសម្ព័ន្ធ និងថាមពលជំនួស។ យោងតាមប្រភពពីរដ្ឋាភិបាលថៃបានឱ្យដឹងថា រដ្ឋាភិបាលមានគោលបំណងដើម្បីសម្រេចឱ្យបានយ៉ាងហោចណាស់ ៨៥% នៃការកែប្រែដែលបានកំណត់ក្រោមគ្រោងការណ៍ “regulatory guillotine” របស់ខ្លួននៅឆ្នាំក្រោយ។ ចំពោះគ្រោងការណ៍នេះ គណៈកម្មការអភិវឌ្ឍន៍វិស័យសាធារណៈ នឹងដឹកនាំបេសកកម្មធ្វើជំនួញនៅប្រទេសថៃកាន់តែងាយស្រួលជាងសព្វថ្ងៃ។ អាជីវកម្ម និងអ្នកប្រើប្រាស់បច្ចុប្បន្នមានបន្ទុកខ្ពស់ពីការអនុលោមតាមច្បាប់ និងបទប្បញ្ញត្តិពាក់ព័ន្ធនានាដែលបានប៉ាន់ប្រមាណថាមានចំនួនសរុប ១៤២ ពាន់លានបាតក្នុងមួយឆ្នាំ។ ទន្ទឹមនឹងនេះ វិទ្យាស្ថានស្រាវជ្រាវអភិវឌ្ឍន៍ថៃព្យាករណ៍ថា ការធ្វើវិសោធនកម្មច្បាប់

ការនាំចេញបង្គារបស់ប្រទេសវៀតណាម ត្រូវបានគេរំពឹងថានឹងកើនឡើង ១២.៤% នៅឆ្នាំនេះ ដោយឈានដល់តម្លៃ ៣.៧៨ ពាន់លាន​ដុល្លារអាមេរិក បើទោះបីជាឧស្សាហកម្មអាហារសមុទ្រត្រូវបានរងផលប៉ះពាល់យ៉ាងធ្ងន់ធ្ងរពីវីរុស Covid-19 ក៏ដោយ។ យោងតាមការចុះផ្សាយរបស់សារព័ត៌មាន vnexpress ក្នុងរយៈពេល ១១ខែដំបូង ក្នុងឆ្នាំ២០២០ នេះ ការនាំចេញបង្គាទៅកាន់ទីផ្សារបរទេសភាគច្រើនមានស្ថេរភាព ហើយទីផ្សារទាំងនោះសុទ្ធតែជាទីផ្សារធំៗ រួមមាន សហរដ្ឋអាមេរិក សហភាពអឺរ៉ុប​ ចិន អង់គ្លេស កាណាដា និងអូស្រ្តាលី នេះបើយតាមការឲ្យដឹងពីសមាគមអ្នកនាំចេញនិងអ្នកផលិតអាហារសមុទ្រវៀតណាម (VASEP) ។ ជាមួយគ្នានេះប្រភពដដែលបានឲ្យដឹងថា សហរដ្ឋអាមេរិកនៅតែជាអ្នកទិញធំជាងគេ ដោយការទិញរបស់ខ្លួន ៨០៦.៦ លានដុល្លារដែលតំណាងឱ្យការកើនឡើង ៣៤

រដ្ឋាភិបាលជប៉ុន បានរឹតបណ្តឹងច្បាប់សម្រាប់អ្នកធ្វើដំណើរមកពីអាហ្រ្វិកខាងត្បូង ដែលជាកន្លែងរកឃើញករណីឆ្លងជំងឺ Covid-19 ទម្រង់ថ្មី។ ប្រទេសជប៉ុន បានចាប់ផ្តើមបដិសេធការមកដល់របស់អាហ្រ្វិកខាងត្បូងកាលពីថ្ងៃសៅរ៍។ ជនជាតិជប៉ុន និងមិនមែនជនជាតិជប៉ុនដែលមានទីលំនៅក្នុងប្រទេសជប៉ុនត្រូវបានអនុញ្ញាតឱ្យចូល ប៉ុន្តែពួកគេត្រូវបានស្នើសុំឱ្យផ្តាច់ខ្លួនរយៈពេល ១៤ ថ្ងៃនៅពេលមកដល់ប្រទេសនេះ។ ជនជាតិជប៉ុន ដែលត្រឡប់មកពីអាហ្វ្រិកខាងត្បូងកំពុងត្រូវបានស្នើសុំឱ្យផ្តល់ភ័ស្តុតាងថា ពួកគេបានធ្វើតេស្តអវិជ្ជមានក្នុងរយៈពេល ៧២ ម៉ោងមុនពេលចាកចេញពីប្រទេស។ អ្នកដែលមិនមែនជនជាតិជប៉ុន ដែលមានឋានៈជាអ្នកស្រុកនៅក្នុងប្រទេសជប៉ុនត្រូវបានគេស្នើសុំឱ្យធ្វើដូចគ្នា។ វិធានការណ៍ស្រដៀងគ្នានេះ មានសំរាប់ប្រជាជនដែលធ្វើដំណើរមកពីចក្រភពអង់គ្លេសដែលមានជំងឺ Covid-19 ទម្រង់ថ្មីមួយទៀតកំពុងរីករាលដាល។ ជប៉ុនបានបញ្ជាក់កាលពីថ្ងៃសុក្រថា មនុស្សចំនួន ៥ នាក់ដែលត្រឡប់មកពីអង់គ្លេសបានធ្វើតេស្តិ៍វិជ្ជមានចំពោះជំងឺថ្មីនេះ។ ក្រសួងសុខាភិបាលជប៉ុននិយាយថា ខ្លួនជឿជាក់ថាបុគ្គលទាំង ៥ នាក់មិនបានឆ្លងជំងឺនេះនៅក្នុងប្រទេសជប៉ុនទេ ដោយសារពួកគេត្រូវបានគេដាក់ឲ្យនៅដាច់ដោយឡែកពីគ្នានៅឯសណ្ឋាគារ បន្ទាប់ពីបានធ្វើតេស្តិ៍វិជ្ជមានក្នុងអំឡុងពេលត្រួតពិនិត្យសុខភាពនៅអាកាសយានដ្ឋាន។ គួរឱ្យដឹងផងដែរថា