បើតាមសហពន្ធ័ស្រូវអង្ករកម្ពុជា កាលពីថ្ងៃទី១ ខែកុម្ភៈនេះ បានឲ្យដឹងថា ការនាំចេញអង្កររបស់កម្ពុជា ក្នុងខែមករា ឆ្នាំ២០២១ ទៅកាន់ទិសដៅចំនួន ២៨ប្រទេស សម្រេចបានជារួម ៣៤ ២៧៣តោន គិតជាទំហំទឹកប្រាក់ចំនួន ៣០.៧៦លានដុល្លារសហរដ្ឋអាមេរិក មានការថយចុះជារួម ៣២.០៧% ជាពិសេស គឺទីផ្សាររបស់ប្រទេសនៅក្នុងទ្វីបអ៊ឺរ៉ុប ដែលបានធ្លាក់ចុះជិត៦០% ខណៈដែលទីផ្សារប្រទេសចិន នៅតែបន្តមានភាពវិជ្ជមាន ពោលគឺកើតឡើងជិត៨% បើប្រៀបធៀបនឹងខែមករា ឆ្នាំមុន។ ជាមួយគ្នានោះទីផ្សារប្រទេសចិន បានកាន់កាប់ចំណែក ៤៧.១៥% នៃការនាំចេញសរុប មានការកើនឡើង ៧.៧% បើធៀបនឹងខែមករា ឆ្នាំមុនដូចគ្នា។ ជុំវិញការធ្លាក់ចុះនៃការនាំចេញអង្ករ ក្នុងខែមករានេះ

ប្រទេសថៃ ត្រូវបានប៉ាន់ប្រមាណថានឹងខាតបង់ប្រាក់ចំនួន ៥០លានបាត (ជាង ១.៦ លានដុល្លារ) ក្នុងមួយថ្ងៃពីការធ្វើពាណិជ្ជកម្មតាមព្រំដែន ដោយសារការដឹកជញ្ជូនទំនិញមិនមានភាពងាយស្រួល និងការត្រួតពិនិត្យសន្តិសុខយ៉ាងតឹងរឹងដោយរដ្ឋបាលយោធាមីយ៉ាន់ម៉ា។ យោងតាមនាយកមជ្ឈមណ្ឌលសិក្សាពាណិជ្ជកម្មអន្តរជាតិនៅសាកលវិទ្យាល័យសភាពាណិជ្ជកម្មថៃលោក Aat Pisanwanich បានឲ្យដឹងថា ផលប៉ះពាល់អាចនឹងមានដល់ជាង ១.៥ ទៅ ២ ពាន់លានបាតក្នុងមួយខែ ប្រសិនបើការត្រួតពិនិត្យសន្តិសុខនៅតែបន្តរឹតបន្តឹង។ ប្រភពខាងលើបានបន្ថែមថា ការខាតបង់ចំពោះប្រទេសថៃពឹងផ្អែកលើកំរិតនៃទណ្ឌកម្មសេដ្ឋកិច្ចប្រឆាំងនឹងមីយ៉ាន់ម៉ាដែលនឹងជះឥទ្ធិពលទាំងអំណាចទិញ និងការវិនិយោគនៅក្នុងប្រទេសជិតខាង។ ជាមួយនឹងអំណាចទិញទាបជាងនេះ ប្រទេសមីយ៉ាន់ម៉ាដែលកំពុងរងការវាយប្រហារដោយវីរុស Covid-19 ផងដែរនោះ ទំនងជានឹងនាំចូលទំនិញពីប្រទេសថៃតិចជាងមុន។ ជាមួយគ្នានេះ ស្ថានភាពបច្ចុប្បន្នដែលបង្ហាញយ៉ាងច្បាស់ពីភាពមិនប្រាកដប្រជាផ្នែកនយោបាយខ្ពស់ អ្នកវិនិយោគបរទេសត្រូវបានគេរំពឹងថា នឹងចំណាយពេល ២-៣ខែ ដើម្បីវាយតម្លៃផលប៉ះពាល់ ហើយរង់ចាំមើលថាតើរបបយោធាគ្រប់គ្រងស្ថានការណ៍យ៉ាងដូចម្តេច។

កាលពីរសៀលថ្ងៃចន្ទ ទី០១ ខែកុម្ភៈ ឆ្នាំ២០២១ ឯកឧត្តម មិកាមិ ម៉ាសាហ៊ីរ៉ូ (MIKAMI MASAHIRO) ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា និងឯកឧត្តម គួច ចំរើន អភិ បាលនៃគណៈអភិបាលខេត្តព្រះសីហនុ បានអញ្ជើញសម្ពោធភោជនីយដ្ឋានជប៉ុន KO-KAI មានទីតាំងតាមបណ្តោយផ្លូវ ៧មករា ស្ថិតក្នុងភូមិ៣ សង្កាត់៤ ក្រុងព្រះសីហនុ ដោយមានការចូលរួមពីប្រធានមន្ទីរ អង្គភាពក្នុងខេត្តព្រះសីហនុ។ ភោជនីយដ្ឋានថ្មីនៅលើទឹកដីខេត្តជាប់មាត់សមុទ្រដ៏មានសក្ដានុពលមួយនេះ គួរឲ្យចាប់អារម្មណ៍មែនទែន ដែលរំលេចឡើងនៅរចនាបថផ្ទះខ្មែរលាយជាមួយ ដែលអាចនិយាយបានថាជារឿងដ៏កម្រមួយ។ ឯកឧត្តម MIKAMI MASAHIRO បានថ្លែងអំណរគុណឯកឧត្តមអភិបាលខេត្តព្រះសីហនុ ដែលបានចូលរួមបើកសម្ពោធភោជនីយដ្ឋានជប៉ុន KO-KAI

បំណុលក្នុងគ្រួសាររបស់ប្រទេសថៃដែលស្ថិតក្នុងចំណោមអត្រាខ្ពស់បំផុតនៅអាស៊ីកំពុងត្រូវបានគេរំពឹងថា នឹងកើនឡើងបន្ថែមទៀត នៅពេលដែលការរីករាលនៃជំងឺ Covid-19 ជាថ្មី បានធ្វើឲ្យប្រជាជនបាត់បង់ចំណូលសម្រាប់ប្រើប្រាស់ប្រចាំថ្ងៃ និងបង្កើនហានិភ័យស្ថិរភាពហិរញ្ញវត្ថុ។ យោងតាមការចុះផ្សាយរបស់សារព័ត៌មាន Bangkok Post បានឲ្យដឹងថា បំណុលគ្រួសារមានចំនួន ១៣.៨ ទ្រីលានបាត ( ប្រមាណជាង ៤៦០ ពាន់លានដុល្លារ) ឬ ៨៧% នៃផលិតផលក្នុងស្រុកសរុបនៅចុងខែកញ្ញា ឆ្នាំ២០២០ ដោយកើនឡើងពី ៧៩% កាលពីមួយឆ្នាំមុន នេះបើយោងតាមទិន្នន័យរបស់ធនាគារថៃ (BoT) ។ សារព័ត៌មានដដែលបានបន្តឲ្យដឹងថា កម្រិតបំណុលនឹងជាហានិភ័យមួយដែលធនាគារថៃ (BoT) ពិចារណានៅក្នុងការសម្រេចចិត្តគោលនយោបាយរបស់ខ្លួននៅថ្ងៃពុធ បន្ទាប់ពីកិច្ចប្រជុំចុងក្រោយរបស់ខ្លួនបានលើកឡើងពីហិរញ្ញវត្ថុគ្រួសារថា ជាកត្តាមួយដែលតម្រូវឱ្យមានការយកចិត្តទុកដាក់បំផុត។

កម្ពុជា និងអូស្ត្រាលី បានប្រកាសជាផ្លូវការថា រដ្ឋាភិបាលអូស្ត្រាលីនឹងផ្តល់ហិរញ្ញប្បទានឥតសំណងក្នុងទំហំទឹកប្រាក់ចំនួន ៣៥,៧ លានដុល្លារអូស្រ្តាលី (ស្មើនឹងប្រមាណ ២៨ លានដុល្លារអាមេរិក ) សម្រាប់ចូលរួមចំណែកក្នុងកម្មវិធីចាក់វ៉ាក់សាំងបង្ការជំងឺកូវីដ-១៩ ដែលទទួលស្គាល់ដោយអង្គការសុខភាព ពិភពលោក នៅកម្ពុជា។ នេះបើយោងតាម សេចក្តីប្រកាសព័ត៌មានរួមស្តីពីការគាំទ្ររបស់អូស្ត្រាលីកម្មវិធីចាក់វ៉ាក់សាំងបង្ការជំងឺកូវីដ-១៩ នៅកម្ពុជា។ សេចក្តីប្រកាសព័ត៌មានរួមដែលធ្វើឡើងនៅថ្ងៃទី០១ ខែកុម្ភៈ ឆ្នាំ២០២១នេះបានបញ្ជាក់ថា ហិរញ្ញប្បទានឥតសំណងរបស់អូស្រ្តាលីនេះ អាចនឹងរួមចំណែកក្នុងការចាក់វ៉ាក់សាំងបង្ការជំងឺ កូវីដ-១៩ ជូនដល់ប្រជាជនកម្ពុជាប្រមាណ ១,៥ លាន នាក់។ ការរួមចំណែកនេះ នឹងជួយជំរុញឱ្យរាជរដ្ឋាភិបាលកម្ពុជា សម្រេចបានកាន់តែឆាប់រហ័សនូវគោលដៅចាក់វ៉ាក់សាំងបង្ការជំងឺកូវីដ-១៩ ជូនប្រជាជនកម្ពុជា ឱ្យបាន ៨០% នៃចំនួនប្រជាជនសរុប។

ធនាគារមីយ៉ាន់ម៉ានៅទូទាំងប្រទេសត្រូវបានបិទ នៅថ្ងៃច័ន្ទនេះ បន្ទាប់ពីមានរដ្ឋប្រហារយោធា ការប្រកាសអំពីស្ថានភាពអាសន្ន និងការឃុំខ្លួនមេដឹកនាំស៊ីវិល លោកស្រី អ៊ុង សានស៊ូជី។ យោងតាមសេចក្ដីជូនដំណឹងរបស់សមាគមធនាគារបានឱ្យដឹងថា សមាជិកធនាគារទាំងអស់របស់សមាគមធនាគារមីយ៉ាន់ម៉ា ត្រូវបិទធនាគាររបស់ខ្លួនដោយចាប់ផ្តើមជាឯកច្ឆន្ទចាប់ពីថ្ងៃទី០១ ខែកុម្ភះ នៅឆ្នាំ២០២១ នេះ។ សេចក្ដីជូនដំណឹងដដែលបានឲ្យដឹងថា​ ធនាគារនានានឹងស្នើសុំការអនុញ្ញាតពីធនាគារកណ្តាលមីយ៉ាន់ម៉ាសម្រាប់ការបិទជាបណ្តោះអាសន្ន ហើយជូនដំណឹងដល់ពួកគេនៅពេលពួកគេគ្រោងនឹងចាប់ផ្តើមសេវាកម្មឡើងវិញ។ ជាមួយគ្នានេះ ការបញ្ជាឲ្យបិទធនាគារនេះ ស្របពេលទៅនឹងធនាគារពាណិជ្ជ សៀម-មីយ៉ាន់ម៉ា (Siam Commercial Bank Myanmar) បានសម្ពោធជាផ្លូវការ ដែលជាធនាគារថៃតែមួយគត់ដែលត្រូវបានអនុញ្ញាតឱ្យធ្វើប្រតិបត្តិការក្រុមហ៊ុនបុត្រសម្ព័ន្ធដែលគ្រប់គ្រងដោយកម្មសិទ្ធិទាំងស្រុងនៅក្នុងប្រទេសមីយ៉ាន់ម៉ា។ គួរឲ្យដឹងថា មេដឹកនាំគណបក្សសម្ព័ន្ធជាតិដើម្បីប្រជាធិបតេយ្យលោកស្រី អ៊ុង សានស៊ូជី និងឥស្សរជនជាន់ខ្ពស់ដទៃទៀតត្រូវបានឃុំខ្លួន នៅក្នុងការវាយឆ្មក់មួយនៅពេលព្រឹកព្រលឹមថ្ងៃទី០១ ខែកុម្ភៈ

ក្នុងឱកាសបើកការដ្ឋានសាងសង់រោងចក្រប្រព្រឹត្តិកម្មទឹកស្អាតបាក់ខែង និងសម្ពោធដាក់ឲ្យប្រើប្រាស់ផ្លូវការរោងចក្រប្រព្រឹត្តកម្មទឹកស្អាតចំការមន នៅព្រឹកថ្ងៃទី១ ខែកុម្ភៈឆ្នាំ២០២១ នេះសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា តំណក់ប្រេងដំបូងរបស់កម្ពុជា ដែលទទួលបាននៅថ្ងៃទី២៩ ខែធ្នូ ឆ្នាំ២០២០នោះ មានអណ្តូងទី១ ដំណើរការបានរយៈពេល ៣៣ថ្ងៃ ផលិតបាន ៤០,៧៨៨បារ៉ែល ដោយក្នុងមួយថ្ងៃ បូមបានប្រមាណ ១,២៣៦បារ៉ែល ។ តាមការវាយតម្លៃកម្ពុជាអាចចម្រាញ់ប្រេងបានចន្លោះពី ៧,០០០ ទៅ ៧,៥០០បារ៉ែលប៉ុណ្ណោះក្នុងមួយថ្ងៃ ដែលជានេះជាចំនួនមួយតិចតួចនៅឡើយ តែជាការបោះជំហ៊ានមួយល្អលើវិស័យប្រេងនៅកម្ពុជា។ ដូច្នេះប្រេងមិនទាន់អាចជះឥទ្ធិពលដល់សេដ្ឋកិច្ចបានទេនៅក្នុងដំណាក់កាលទី១នេះ ទោះបីជាកម្ពុជាបានទទួលតំណក់ប្រេង លើកដំបូង កាលពីចុងឆ្នាំ២០២០ ក៏ដោយ ប៉ុន្តែវាជាការចាប់ផ្តើមមួយដ៏ល្អ

សម្តេចតេជោ បានស្នើឱ្យប្រជាពលរដ្ឋ និងស្ថាប័នរដ្ឋ ប្រើប្រាស់ទឹកនិងអគ្គិសនីដោយសន្សំសំចៃ ដើម្បីរួមចំណែកកាត់បន្ថយការចំណាយថវិកាជាតិដ៏ច្រើន។ ថ្លែងក្នុងពិធីបើកការដ្ឋានសាងសង់រោងចក្រប្រព្រឹត្តកម្មទឹកស្អាតបាក់ខែង និងប្រកាសសម្ពោធដាក់ឱ្យដំណើរការជាផ្លូវការ រោងចក្រប្រព្រឹត្តកម្មទឹកស្អាតចំការមន នាព្រឹកថ្ងៃទី០១ ខែកុម្ភៈ នៅខណ្ឌជ្រោយចង្វា រាជធានីភ្នំពេញ សម្តេចអគ្គមហាសេនា បតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានមានប្រសាសន៍ថា ការប្រើទឹកនៅក្នុងរាជធានីភ្នំពេញ មានការខ្វះខាត ដោយសារតែកំណើននៃការរស់នៅក្នុងរាជធានីភ្នំពេញមានការកើនឡើងយ៉ាងគំហុក ដែលធ្វើឱ្យការផ្គត់ផ្គង់ មិនគ្រប់គ្រាន់តាមតម្រូវការ ។ សម្តេចតេជោបន្តថា ទាក់ទិននឹងការខ្វះខាតក្នុងការប្រើប្រាស់នេះ ប្រជាពលរដ្ឋ វិស័យឯក ជាពិសេសស្ថាប័នរដ្ឋ គួរគប្បីប្រើប្រាស់ទឹកដោយសន្សំសំចៃ ដើម្បីធានាក្នុងការប្រើប្រាស់ទឹកឱ្យបានគ្រប់គ្រាន់ និងចំណេញ នូវថវិកាក្នុងការបង់ថ្លៃប្រើប្រាស់ផងដែរ ។ សម្តេចតេជោនាយករដ្ឋមន្រ្តីបញ្ជាក់ថា