ក្នុងជួបពិភាក្សាការងារជាមួយលោកជំទាវ Maria Amelita C.Aquino ឯកអគ្គរដ្ឋទូតថ្មីហ្វីលីពីនថ្មីប្រចាំនៅកម្ពុជា នៅវិមានសន្តិភាពនាទីស្តីការគណៈរដ្ឋមន្ត្រី នាព្រឹកថ្ងៃទី១៧ ខែកុម្ភៈ ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា សម្ដេចតេជោនាយករដ្ឋមន្ត្រី ក៏បានជម្រាបជូនលោកជំទាវ អគ្គរដ្ឋទូតហ្វីលីពីនថា កម្ពុជាមានអង្ករនៅសល់ជាច្រើនប្រមាណ ៦លានតោនក្នុងមួយឆ្នាំ ក្នុងន័យនេះ សម្តេចតេជោក៏បានស្នើឲ្យហ្វីលីពីន ពិនិត្យមើលលទ្ធភាពពិចារណា អំពីស្ថិរភាពស្បៀងជាអង្ករ ដែលមាននៅកម្ពុជាសម្រាប់ការនាំចេញទៅប្រទេសហ្វីលីពីន។ សម្តេចតេជោ បានមានប្រសាសន៍បន្តថា ហ្វីលីពីន អាចមកដាក់ទុនវិនិយោគនៅក្នុងកម្ពុជាយើងបាន តាមរយៈការដាក់ទុនលើផ្នែកម៉ាស៊ីនកិនស្រូវ ការសាងសង់ឃ្លាំងស្តុកស្រូវ និងបង្កើតជាបណ្ដាញទិញស្រូវស្តុកទុក ដើម្បីនាំចេញទៅប្រទេសហ្វីលីពីន។ក្នុងជំនួបនោះសម្ដេចតេជោ បានរំលេចថា «យើងគប្បីណាពិនិត្យមើលសក្តានុពលណាដែលមាននៅក្នុងតំបន់របស់យើង ជាជាងពិនិត្យមើលសក្តានុពល

រដ្ឋាភិបាលថៃបានប្រកាសថា ទីតាំងដែលពឹងផ្អែកលើវិស័យទេចរណ៍ នឹងទទួលបានអាទិភាពខ្ពស់ក្នុងការចាក់វ៉ាក់សាំង ក្នុងនោះក្រុមការងារ Covid-19 របស់រដ្ឋាភិបាលនិយាយថាកន្លែងដូចជាភូកេតនិងប៉ាតាយ៉ាដែលពឹងផ្អែកខ្លាំងលើទេសចរណ៍អន្តរជាតិនឹងត្រូវបានចាត់ទុកជាអាទិភាពខ្ពស់សម្រាប់ការចាក់វ៉ាក់សាំង។ កាសែតប៉ាតាយ៉ារាយការណ៍ថា ជំនួយការអ្នកនាំពាក្យមជ្ឈមណ្ឌលរដ្ឋបាលស្ថានភាព Covid-19 លោក Apisamai Srirangsan បានធ្វើប្រកាសបែបនេះ នៅក្នុងសន្និសីទសារព័ត៌មានកាលពីម្សិលមិញ។ លោក Apisamai បានមានប្រសាសន៍ថា ខណៈដែលបុគ្គលិកពេទ្យជួរមុខ និងជនងាយរងគ្រោះដទៃទៀតនៅតែឈរលំដាប់ទី១ សម្រាប់វ៉ាក់សាំង Covid-19 និយោជិកក្នុងវិស័យទេសចរណ៍ក៏នឹងត្រូវចាត់ថ្នាក់ជាអាទិភាពខ្ពស់សម្រាប់ការចាក់វ៉ាក់សាំងដែរ។ ទោះយ៉ាងណាព័ត៌មានលំអិតនៃការចាក់វ៉ាក់សាំងដែលបានគ្រោងទុករបស់រដ្ឋាភិបាលនៅតែមិនទាន់ច្បាស់ ហើយក៏មិនទាន់ដឹងថាតើជនបរទេសដែលនឹងធ្លាក់ចូលក្នុងក្រុមងាយរងគ្រោះនឹងត្រូវរាប់បញ្ចូលដែរ ឬ ទេ។ គួរបញ្ជាក់ផងដែរថា កោះភូកេតភាគខាងត្បូង រួមជាមួយទីតាំងមួយចំនួនទៀតដែលពឹងផ្អែកលើវិស័យទេសចរណ៍បានសង្ឃឹមថា នឹងទិញវ៉ាក់សាំងឯកជនដើម្បីទាក់ទាញប្រជាជនរបស់ខ្លួនឱ្យទទួលបានអភ័យឯកសិទ្ធិ។ គេសង្ឃឹមថា ការទិញវ៉ាក់សាំងនេះអាចមានន័យថា កោះនេះអាចនឹងបើកជាថ្មីសម្រាប់ភ្ញៀវទេសចរអន្តរជាតិចាប់ពីខែតុលា ប៉ុន្តែទោះយ៉ាងណារដ្ឋាភិបាលបានបញ្ឈប់ផែនការនេះ

យោងតាមការចុះផ្សាយរបស់ក្រសួងព័ត៌មានបានឲ្យដឹងថា ក្រុមហ៊ុនដែលមានមូលដ្ឋាននៅប្រទេសកូរ៉េខាងត្បូង បានបោះទុន ២០លានដុល្លារនៅក្នុងការបង្កើតរោងចក្រដំឡើងទោចក្រយានយន្ត និងត្រីចក្រក្រយានយន្ដ ដែលប្រើថាមពលអគ្គិសនី នឹងអាចបង្ហាញវត្តមាននៅលើទីផ្សារកម្ពុជាក្នុងអំឡុងដើមខែឧសភា ឆ្នាំ២០២១ បន្ទាប់ពីត្រូវបានក្រុមប្រឹក្សាអភិវឌ្ឍន៍កម្ពុជា ហៅកាត់ថា CDC អនុម័តជាផ្លូវការកាលពីចុងសប្ដាហ៍មុន។ សេចក្ដីប្រកាសព័ត៌មានបានឲ្យដឹងថា CDC បានសម្រេចចេញវិញ្ញាបនបត្រចុះបញ្ជីជាស្ថាពរ ឲ្យទៅក្រុមហ៊ុន ដែលមានមូលដ្ឋាននៅកូរ៉េខាងត្បូង សម្រាប់គម្រោងបង្កើតរោងចក្រផ្គុំតម្លើងទោចក្រយានយន្ត និងត្រីចក្រយានយន្តប្រើដោយថាមពលអគ្គិសនី ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស សុវណ្ណភូមិ ខេត្តកណ្តាល, មានទុនវិនិយោគប្រមាណ ២០លានដុល្លារអាមេរិក និងអាចបង្កើតការងារបានចំនួន ៣៨០កន្លែង។ (រូបតំណាង) ដោយសារក្រុមហ៊ុនមានអគារមួយចំនួន នៅក្នុងតំបន់សេដ្ឋកិច្ចពិសេស សុវណ្ណភូមិរួចហើយ ដូច្នេះបន្ទាប់ពីទទួលបានការ​យល់ព្រមពី CDC ក្រុមហ៊ុនកំពុងតែសម្រុកសាងសង់ផលិតកម្មឲ្យបាន​លឿន ដើម្បីឈានទៅការចាប់ផ្ដើមសកម្មភាពដំឡើងត្រីចក្រក្រយានយន្ត

ក្រសួងសាធារណការ និងដឹកជញ្ជូន ឱ្យដឹងថា ក្នុងឆ្នាំ២០២០កន្លងទៅនេះ ចាប់យានយន្តដឹកលើសទម្ងន់កំណត់បានសរុប ៥៨៦.១០៣ម៉ឺនគ្រឿង ក្នុងចំណោមយានយន្តដែលបានហៅឃាត់ដើម្បីត្រួតពិនិត្យនៅតាមគោលដៅជាង ២លានគ្រឿង។ របាយការណ៍របស់ឯកឧត្តម សេង ឈួន រដ្ឋលេខាធិការក្រសួងសាធារណការ និងដឹកជញ្ជូន និងជាគណៈកម្មាធិការសម្របសម្រួលអចិន្ត្រៃយ៍នៃគណៈកម្មាធិការដឹកនាំត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ដែលចែកផ្សព្វផ្សាយក្នុងពិធីសន្និបាតបូកសរុបលទ្ធផលការងារប្រចាំឆ្នាំ២០២០ និងលើកទិសដៅការងារឆ្នាំ២០២១ របស់ក្រសួងសាធារណការ និងដឹកជញ្ជូន នៅថ្ងៃទី១៦ ខែកុម្ភៈ បានបញ្ជាក់ថា ការដឹកលើសទម្ងន់នេះ ចាប់ពីផ្ទុកលើសទម្ងន់ក្រោម៥ភាគរយ រហូតដល់ផ្ទុកលើសទម្ងន់លើសពី២០ភាគរយ។ ប៉ុន្តែក្នុងចំណោមរថយន្តដែលផ្ទុកលើសទម្ងន់កំណត់ជាង ៥៨ម៉ឺនគ្រឿងនេះ គឺមានតែរថយន្តចំនួន ៣.២៨៩គ្រឿងប៉ុណ្ណោះ ដែលត្រូវបានផាកពិន័យ ដោយមានទឹកប្រាក់សរុបជិត ៦ពាន់លានរៀល ឬ ប្រហាក់ប្រហែលជា១លាន៤សែនដុល្លារអាមេរិក។ ឯកឧត្តម

រដ្ឋមន្រ្តីក្រសួងទេសចរណ៍ឥណ្ឌូនេស៊ី លោក Sandiaga Uno បានឲ្យដឹងកាលម្សិលមិញថា ប្រទេសនេះនឹងផ្តល់ប្រាក់កម្ចីទន់ដែលមានតម្លៃ ៩.៤ ទ្រីលានរូពី (៦៧០ លានដុល្លារ) ដើម្បីពន្លឿនការស្តារវិស័យទេសចរណ៍នៅកោះបាលី ដែលមានប្រជាជន ៨០ ភាគរយរកប្រាក់ចំណូលបាននៅក្នុងវិស័យនេះ។ បើយោងតាមអភិបាលខេត្តកោះបាលីលោក Wayan Koster បាននិយាយថា កញ្ចប់ជំរុញសេដ្ឋកិច្ចត្រូវបានដាក់បញ្ចូលទៅក្នុងកម្មវិធីស្ដារសេដ្ឋកិច្ចជាតិ។ អភិបាលខេត្តដដែល បានឲ្យដឹងបន្ថែមថាកញ្ចប់ជំនួយនេះនឹងប្រើក្នុងកម្មវិធីដែលពឹងផ្អែកលើកម្លាំងពលកម្មជាច្រើន សម្រាប់ធ្វើឱ្យវិស័យទេសចរណ៍កោះបាលីចាប់ផ្ដើមរស់រានឡើងវិញ។ គួរ​បញ្ជាក់ផងដែរថា យោងតាមស្ថិតិឥណ្ឌូណេស៊ី ចំនួនភ្ញៀវទេសចរបរទេសមកកាន់ប្រទេសនេះចំនួន ៣.៥៦ លាននាក់នៅចុងខែវិច្ឆិកាឆ្នាំ២០២០ ដែលធ្លាក់ចុះចំនួន ៧០.៥៧% ពីមួយឆ្នាំទៅមួយឆ្នាំ។ ជាមួយគ្នានេះ ប្រទេសឥណ្ឌូនេស៊ីត្រូវបានគេប៉ាន់ស្មានថា បានបាត់បង់ ការដោះដូររូបិយប័ណ្ណបរទេសចំនួន

ខណៈពេលដែលចរាចរណ៍នៅលើកំណាត់ផ្លូវជាតិលេខ១ ជាពិសេសត្រង់ចំណុចស្ពានច្បារអំពៅ កកស្ទះណែនណាន់ តាន់តាប់រាល់ថ្ងៃនោះ សាលារាជធានីភ្នំពេញ និងក្រុមហ៊ុន OCIC គ្រោងដាក់ឲ្យដំណើរការសាឡាងឆ្លងជាបណ្តោះអាសន្ន។ យោងតាមការបង្ហោះនៅលើផេករបស់ឯកឧត្តម ប៉ែន វិបុល បានឲ្យដឹងថា សាលារាជធានីភ្នំពេញ និងក្រុមហ៊ុន OCIC គ្រោងដាក់ឲ្យដំណើរការសាឡាងឆ្លងជាបណ្តោះអាសន្នពីតំបន់កោះនរា ទៅតំបន់កោះពេជ្រ។ ការដាក់ដំណើរការ សាឡាងឆ្លងជាបណ្តោះអាសន្ននេះ គឺដើម្បីសម្រួលដល់ការកកស្ទះលើកំណាត់ផ្លូវជាលលេខ១ ដែលកំពុងកកកុញ ណែនណាន់តាន់តាប់ជារៀងរាល់ថ្ងៃ។ គួរបញ្ជាក់ផងដែរថា កាលពីខែតុលា ឆ្នាំ២០២០ ក្រុមហ៊ុន OCIC បានបើកការដ្ឋានសាងសង់ស្ពានតភ្ជាប់ទីក្រុងរណបកោះពេជ្រ ទៅកាន់តំបន់អភិវឌ្ឍន៍កោះនរា ក្នុងខណ្ឌច្បារអំពៅ ដែលនឹងចំណាយថវិកាប្រមាណ ៤០.៨ លានដុល្លារ។ បើតាមក្រុមហ៊ុន

ប្រទេសកម្ពុជាបានស្នើឲ្យសាធារណរដ្ឋប្រជាមានិតចិន ជួយជំរុញការវិនិយោគក្នុងការអភិវឌ្ឍផ្លូវដែកនៅកម្ពុជា ដោយការស្នើសុំនេះត្រូវបានធ្វើឡើងដោយលោក គួច ចំរើន អភិបាលខេត្តព្រះសីហនុក្នុងពិធីជួបសំណេះសំណាលជាមួយលោក ជាំង វ៉ៃ ប្រធានតំណាងការិយាល័យកុងស៊ុលចិនប្រចាំខេត្តព្រះសីហនុ កាលពីម្សិលមិញ។ ការស្នើសុំជំរុញការវិនិយោគក្នុងការអភិវឌ្ឍផ្លូវដែកនៅកម្ពុជានេះ ព្រោះផ្លូវដែកនៅប្រទេសចិនឈរលំដាប់លេខ១ ម្យ៉ាងទៀតការដឹកជញ្ជូនតាមផ្លូវដែកមានតម្លៃទាប កាត់បន្ថយគ្រោះថ្នាក់ និងការខូចខាតផ្លូវជាដើម ផ្លូវដែកក៏បានចូលរួមចំណែកបង្កើនកំណើនសេដ្ឋកិច្ចនៅកម្ពុជាផងដែរ។ នៅក្នុងឱកាសនោះដែរ ឯកឧត្តម គួច ចំរើន បានជម្រាបជូនលោក ជាំង វ៉ៃ អំពីការរីកចម្រើន និងសក្តានុពលរបស់ខេត្តក្នុងវិស័យផ្សេងៗ ដោយបន្ថែមថា ខេត្តព្រះសីហនុ គឺជាបង្គោលសេដ្ឋកិច្ចដ៏សំខាន់មួយរបស់ប្រទេសកម្ពុជា។ ឯកឧត្តម អភិបាលខេត្តបន្តថា ខេត្តព្រះសីហនុមានកំពង់ផែអន្តរជាតិទឹកជ្រៅ មានទំនិញចេញ-ចូលឆ្លងកាត់ ៧០ភាគរយនៃទំនិញនៅទូទាំងប្រទេស រួមចំណែកជំរុញកំណើនសេដ្ឋកិច្ច

ឯកឧត្តម វេង សាខុន រដ្ឋមន្រ្ដីក្រសួងកសិកម្ម រុក្ខាប្រមាញ់ និងនេសាទបានស្នើប្រធានសភាពាណិជ្ជកម្មអឺរ៉ុបថ្មីប្រចាំនៅកម្ពុជា ជួយពិនិត្យ ពិចារណាលើកសិផលកម្ពុជា ដើម្បីធ្វើយ៉ាងណាឱ្យកម្ពុជាអាចនាំកសិផលរបស់ខ្លួនទៅកាន់ទីផ្សារអឺរ៉ុបបានកាន់តែច្រើន ថែមទៀត។ ការស្នើសុំរបស់ឯកឧត្ដមរដ្ឋមន្រ្ដីនេះ ក្នុងឱកាសទទួលជួបប្រតិភូអញ្ជើញមកពីសភាពាណិជ្ជកម្មអឺរ៉ុបប្រចាំព្រះរាជាណាចក្រកម្ពុជា (European Chamber of Commerce in Cambodia, The EuroCham) ដែលដឹកនាំដោយលោកប្រធាន Tassilo Brinzer នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃទី១៦ ខែកុម្ភ: ឆ្នាំ២០២១។ ឯកឧត្តម វេង សាខុន បានជម្រាបជូនប្រតិភូអំពីដំណើរការវិវត្ដន៍រីកចម្រើនរបស់វិស័យកសិកម្មក្នុងបរិបទនៃការរីករាលដាលជាសកលនៃជំងឺឆ្លងកូវីដ-១៩ ដែលកម្ពុជាធា