ផ្លូវជុំវិញប្រាសាទបាគង ដែលត្រូវបានជួសជុល និងកែលម្អ ដោយអាជ្ញាធរជាតិអប្សរាបានរួចរាល់ជាស្ថាពរហើយ នេះបើយោងតាមការចុះផ្សាយរបស់ហ្វេប៊ុកផេករបស់អាជ្ញាធរជាតិអប្សរាកាលពីពេលថ្មីៗនេះ​។ ការជួសជុលកែលម្អផ្លូវនេះ កាន់តែបង្កើននូវសម្រស់ដ៏ស្រស់ស្អាត ទាក់ភ្នែកដល់ភ្ញៀវទេសចរ ក៏ដូចជាសម្រួលដល់ការធ្វើដំណើរឱ្យកាន់តែងាយស្រួលសម្រាប់ប្រជាពលរដ្ឋផងដែរ។ សូមបញ្ជាក់ថា អាជ្ញាធរជាតិអប្សរា បានជួសជុលកែលម្អផ្លូវជុំវិញប្រាសាទបាគង ដែលភ្ជាប់ពីផ្លូវជាតិលេខ៦ កាត់តាមប្រាសាទព្រះគោ ឆ្ពោះទៅជុំវិញប្រាសាទ រួចរាល់ជាស្ថាពរ ដោយផ្លូវនេះមានប្រវែង ២,៧៨១ ម៉ែត្រ ទទឹង ៥-៦ ម៉ែត្រ ហេីយអ៊ុតបេតុងកៅស៊ូ (AC) កម្រាស់ ៦ ស.ម៕ អត្ថបទ៖ លីនី

យោងតាមការចុះផ្សាយរបស់ក្រសួងព័ត៌មាននៅថ្ងៃទី១៣ ខែកក្កដា ឆ្នាំ២០២១នេះ​ បានឱ្យដឹងថា គម្រោងផ្លូវល្បឿនលឿនភ្នំពេញ-ព្រះសីហនុ នឹងត្រូវប្រើកៅស៊ូក្រាលថ្នល់កែច្នៃប្រភេទ SBS សម្រាប់គម្រោងទាំងមូល សរុបប្រហែល ៥ ម៉ឺន ៣ពាន់តោន ពីលើថ្នល់បេតុង ដើម្បីបង្កើន ភាពធន់រឹងមាំយូរអង្វែង។ ទិន្នន័យផ្លូវការពីគម្រោងអភិវឌ្ឍន៍ផ្លូវល្បឿនលឿនភ្នំពេញ-ព្រះសីហនុ បានបញ្ជាក់ថា ក្រុមអភិវឌ្ឍន៍ បានសាងសង់រោងចក្រកែច្នៃកៅស៊ូ ក្រាលថ្នល់ (asphalt) ដែលមានលក្ខណៈស្របតាមស្តង់ដាររោងចក្រ ហើយនឹងផ្គត់ផ្គង់កៅស៊ូក្រាលថ្នល់កែច្នៃប្រភេទ SBS សរុបប្រហែល ៥ម៉ឺន៣ពាន់តោន សម្រាប់គម្រោងទាំងមូល។ គម្រោងប្រើប្រាស់សម្ភារថ្មីៗយ៉ាងសកម្ម និងនាំចូលនូវបច្ចេកវិទ្យាថ្មីៗដល់ប្រទេសកម្ពុជា ដើម្បីលើកកម្ពស់ការច្នៃប្រឌិតបច្ចេកវិទ្យា និងការអភិវឌ្ឍន៍ឧស្សាហកម្មហេដ្ឋារចនាសម្ព័ន្ធនៅកម្ពុជា។ គម្រោងសាងសង់ផ្លូវល្បឿនលឿនភ្នំពេញ-ព្រះសីហនុ បានបើកការដ្ឋានសាងសង់នៅថ្ងៃទី២២ ខែមីនាឆ្នាំ២០១៩

យោងតាម​ការចុះផ្សាយរបស់ក្រសួងព័ត៌មានបានឱ្យដឹងថា ក្រុមប្រជាកសិករខេត្តសៀមរាប គ្រោងពង្រីកការដាំស្លឹកគ្រៃ ឱ្យបាន ១០០ហិកតា ដើម្បីផ្គត់ផ្គង់តម្រូវការទីផ្សារ និងការបញ្ជាទិញរបស់សហគមន៍ដើម្បីកែច្នៃទៅជាតែស្លឹកគ្រៃ ប្រេងលាបខ្លួន និងថ្នាំបាញ់មូសជាដើម។ (រូបតំណាង) លោក ញ៉ សុភាព ប្រធានក្រុមកសិករដាំស្លឹកគ្រៃនៅខេត្តសៀមរាប បានប្រាប់វិទ្យុជាតិកម្ពុជាថា ការដាំស្លឹកគ្រៃរបស់ក្រុមកសិករនៅខេត្តសៀមរាប ទើបចាប់ផ្ដើមរយៈពេលតែ ២ខែប៉ុណ្ណោះ ដោយបច្ចុប្បន្នមានចំនួន ៨គ្រួសារ ដាំលើផ្ទៃដីទំហំ ២៥ហិកតា ដែលក្នុងមួយខែ អាចប្រមូលផលស្លឹកគ្រៃស្រស់បាន ១០តោន ។ លោកបានបន្ដថា ដោយសារការកែច្នៃស្លឹកគ្រៃស្រស់ ទៅជាស្លឹកគ្រៃក្រៀម បាននិងកំពុងមានតម្រូវការទីផ្សារបញ្ជាទិញពីសហគមន៍ច្រើន ធ្វើឱ្យការផ្គត់ផ្គង់របស់កសិករនៅខេត្តសៀមរាប មិនទាន់អាចផ្គត់ផ្គង់តាមការបញ្ជាទិញ របស់សហគមន៍បានទាន់ពេលទេ ដូច្នេះក្រុមកសិករបានត្រៀម

ដើម្បីជួយកាត់បន្ថយការលំបាករបស់ប្រជាជនដែលរងផលប៉ះពាល់ដោយសារវីរុសកូវីដ​-១៩ អាជ្ញាធរអគ្គិសនីថៃ អនុញ្ញាត​ឱ្យអ្នកប្រើប្រាស់អគ្គិសនីទាំងលក្ខណៈគ្រួសារ និងអាជីវកម្មខ្នាតតូច អាចទូទាត់ថ្លៃភ្លើងដោយបង់រំលស់បាន។ ការអនុញ្ញាតនេះ គឺសម្រាប់តែគ្រួសារ ឬ អាជីវកម្មរងផលបះពាល់ ដែលមានវិក្កយបត្រអគ្គិសនីហួសកាលកំណត់រយៈពេលជាងមួយខែតែប៉ុណ្ណោះ ដោយអាចស្នើសុំទៅអាជ្ញាធរអគ្គិសនីខេត្ត (PEA)ប្រចាំតំបន់របស់ពួកគេ។ អាជ្ញាធរអគ្គិសនីខេត្ត (PEA) បាននិយាយថា ចាប់ផ្តើមនៅថ្ងៃទី ១៦ ខែសីហា ប្រជាជនអាចបង់ថ្លៃអគ្គិសនីរំលស់ក្នុងរយៈពេលប៉ុន្មានខែក៏បាន តាមរយៈ PEA Smart Plus ឬសេវានៅហាង 7-Eleven ។ ប៉ុន្តែអ្នកប្រើប្រាស់អគ្គិសនីគ្រប់ប្រភេទតម្រូវឱ្យ ដាក់ពាក្យស្នើសុំបង់រំលស់នៅការិយាល័យអគ្គិសនីមូលដ្ឋានដោយរៀបចំឯកសារមួយចំនួន។ គួរបញ្ជាក់ផងដែរថា វីរុសកូវីដ-១៩ មិនត្រឹមតែឆ្លង និងឆក់យកជិវីតប្រជាជនថៃនោះទេ តែក៏ធ្វើឱ្យប្រជាជនធ្លាក់ចូលទៅក្នុងវិបត្តិហិរញ្ញវត្ថុកាន់តែច្រើនឡើងៗ ដោយសារការធ្លាក់ចុះនៃសេដ្ឋកិច្ច

រដ្ឋាបាលភិបាលជប៉ុនបានប្រកាសផ្ដល់ជំនួយវ៉ាក់សាំង AstraZeneca ចំនួនប្រមាណ ១លានដូសដល់កម្ពុជា នេះបើយោងតាមការចុះផ្សាយរបស់ហ្វេសប៊ុកផ្លូវការ របស់ស្ថានទូតជប៉ុនប្រចាំកម្ពុជាមុននេះបន្តិច ស្ដីពីសាររបស់ឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា សម្រាប់ការផ្ដល់ជំនួយវ៉ាក់សាំង។ តាមសាររបស់ឯកឧត្តម មិកាមិ ម៉ាសាហ៊ីរ៉ូ បានបង្ហាញថា ជំនួយនេះធ្វើឡើងស្របតាមចំណងមិត្តភាពរវាង ជប៉ុន និងកម្ពុជា និង ដោយផ្អែកលើស្ថានភាពកូវីដ១៩ នៅកម្ពុជានាពេលបច្ចុប្បន្ន។ វ៉ាក់សាំងដែលត្រូវបានផ្ដល់អាជ្ញាបណ្ណផលិតក្នុងប្រទេសជប៉ុន នឹងត្រូវបានដឹកជញ្ជូនមកដល់រាជធានីភ្នំពេញក្នុងពេលដ៏ឆាប់ខាងមុខនេះ នៅពេលដែលការរៀបចំភ័ស្តុភារដោយ COVAX Facility បានបញ្ចប់។ ឯកឧត្តមសង្ឃឹមថា ជំនួយនេះនឹងជួយគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងកូវីដ១៩ ក៏ដូចជាកាត់បន្ថយការព្រួយបារម្មណ៍មួយចំនួនរបស់ប្រជាជនកម្ពុជា។ សូមជម្រាបផងដែរថា មកទល់ពេលនេះ រដ្ឋាភិបាលជប៉ុនបានផ្ដល់ជំនួយស្មើនឹងសរុបប្រមាណច្រើនជាង ៥០លានដុល្លារអាមេរិកដល់កម្ពុជាដែលរួមមានការផ្ដល់បរិក្ខារពេទ្យ

រដ្ឋបាលរាជធានីភ្នំពេញ​កាលពីថ្ងៃទី​១២ ខែកក្កដា ឆ្នាំ២០២១ ម្សិលមិញនេះបានចេញសេចក្ដីសម្រេច ស្ដីពីការបើកដំណើរការឡើងវិញចំពោះផ្សារបឹងកេងកង មានទីតាំងស្ថិតក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ គិតចាប់ពីម៉ោងសូន្យ នាថ្ងៃទី១៣ ខែកក្កដា ឆ្នាំ២០២១តទៅ បន្ទាប់ពីបានអនុវត្តវិធានការ និងពិនិត្យលើស្ថានភាពជាក់ស្ដែង។ សូមអានសេចក្ដីសម្រេចលម្អិតនៅខាងក្រោម៖ អត្ថបទ៖ លីនី

ទីក្រុងហាណូយនឹងបិទហាងអាហារ ហាងកាហ្វេ និងហាងកាត់សក់តាមផ្ទះ ដែលចាប់ផ្តើមនៅថ្ងៃអង្គារនេះ ខណៈពេលដែលទីក្រុងដ៏ធំរបស់វៀតណាមមួយនេះកំពុងគម្រាមកំហែងពីការឆ្លងរីករាលដាលនៃវីរុស កូវីដ-១៩។ បើតាមការចុះផ្សាយរបស់សារព័ត៌មាន vnexpress ការបិទអាជីវកម្មនេះបានធ្វើឡើងជាថ្មីម្ដងទៀត បន្ទាប់ពីអនុញ្ញាតឱ្យបើកដំណើរការឡើងវិញបានតែ ៣សប្ដាហ៍ប៉ុណ្ណោះ។ ឯកសាររបស់គណៈកម្មាធិការប្រជាជនក្រុងដែលបានផ្សព្វផ្សាយដោយរដ្ឋាភិបាលនៅថ្ងៃច័ន្ទនេះបានបញ្ជាក់ថា រាល់អាជីវកម្មដែលមិនចាំបាច់ដូចជា ហាងអាហារ ហាងកាហ្វេ និងហាងកាត់សក់តាមផ្ទះ ត្រូវតម្រូវឱ្យបិទទ្វារ បន្ទាប់ពីពាក់កណ្តាលអធ្រាត្រថ្ងៃអង្គារនេះតទៅ ដើម្បីទប់ស្កាត់ការរីករាលដាលនៃជំងឺកូវីដ-១៩។ ឯកសារនោះបានបន្ថែមថា ការធ្វើលំហាត់ប្រាណ សកម្មភាពកម្សាន្ត និងការជួបជុំធំៗ ដទៃទៀតនៅឧទ្យានសួនច្បារ និងទីតាំងសាធារណៈដទៃទៀតក៏នឹងត្រូវផ្អាកផងដែរ។ គួរបញ្ជាក់ផងដែរថា ក្នុងកំឡុងពេលនៃការផ្ទុះឡើងនៃវីរុសឆ្លងលើកមុន ក្រុងហាណូយបានស្នើសុំឱ្យ ហាងអាហារ ហាងកាហ្វេ និងហាងកាត់សក់បិទទ្វាររយៈពេល ១៤ថ្ងៃ ពោលគឺចាប់ពីថ្ងៃទី២៥ ខែឧសភា

យោងតាមការចុះផ្សាយរបស់សារព័ត៌មាន The Nation បានឱ្យដឹងថា មនុស្សរាប់រយនាក់នាំ​គ្នាសម្រុកទៅកសិដ្ឋានមួយកន្លែងនៅក្នុងប្រទេសបង់ក្លាដេស ដើម្បីមើលសត្វគោតឿកម្ពស់ ២០អ៉ីញ ឈ្មោះថា «Rani» ដែលម្ចាស់អះអាងថា វាជាគោតូចជាងគេបំផុតលើពិភពលោក។ សារព័ត៌មានដដែលបានឱ្យដឹងថា ថ្មីៗនេះមនុស្សរាប់រយនាក់បាននាំគ្នាសម្រុកទៅមើល Rani ដែលជាសត្វគោតឿ នៅឯកសិដ្ឋានមួយនៅតំបន់ Savar ដែលស្ថិតនៅជាយក្រុង Dhaka នៃប្រទេសបង់ក្លាដែស។ សត្វគោ Rani ឬ ត្រូវបានគេហៅថា ម្ចាស់ក្សត្រី (Queen) មានអាយុ ២៣ខែ ត្រូវបានទិញដោយកសិដ្ឋាន Shikor Agro Industries Limited ពីកសិដ្ឋានមួយទៀតនៅក្នុងស្រុក