យោងតាមការចុះផ្សាយរបស់ក្រសួងព័ត៌មានបានឱ្យដឹងថា កាលពីថ្ងៃពុធ ១១រោច ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៤ ខែសីហា ឆ្នាំ២០២១ លោក គង់ វិតាណៈ អភិបាលរងខេត្តព្រះសីហនុ បានដឹកនាំក្រុមការងារគណៈកម្មការទី៦ របស់រដ្ឋបាលខេត្តព្រះសីហនុ អញ្ជើញចុះពិនិត្យទីតាំងផ្សារលើ និងផ្សារ តារាសំណាង ស្ថិតក្នុងក្រុងព្រះសីហនុ ដើម្បីរៀបចំបើកឱ្យដំណើរការអាជីវកម្មឡើងវិញ បន្ទាប់ពីផ្សារទាំងពីរត្រូវបានបិទកន្លងមក ដោយសាររកឃើញអាជីវកលក់ដូរ មានវិជ្ជមាន ជំងឺកូវីដ-១៩។ តាមការចុះពិនិត្យឃើញថា ផ្សារទាំងពីរនេះ បានរៀបចំរៀបរយបានល្អ ស្របតាម ការណែនាំរបស់គណៈកម្មការទី៦ និងអនុវត្តន៍តាមវិធានការសុខាភិបាល ដែលមានដាក់ ទូរបាញ់អាល់កុលសម្លាប់មេរោគនៅផ្លូវចេញចូលផ្សារ

កម្មករជាច្រើននៅទីក្រុងហូជីមិញកំពុងជ្រើសរើសឈប់ពីការងារ​ហើយត្រលប់ទៅស្រុកកំណើតវិញ ដោយសារខ្លាចមិនទទួលបានប្រាក់ឈ្នួល ហើយត្រូវឆ្លងជំងឺកូវីដ-១៩ ។ ការសម្រេចចិត្តឈប់ពីការងារនេះ ធ្វើឱ្យក្រុមហ៊ុន សហគ្រាស សួនឧស្សាហកម្ម និងរោងចក្រជាច្រើនជួបបញ្ហាកង្វះខាតកំលាំងពលកម្មធ្ងន់ធ្ងរ។ ជាមួយគ្នានេះដែរ កម្មករស្រីម្នាក់បានឱ្យដឹងថា នាងមកពីខេត្ត Quang Ngai ធ្វើការនៅក្រុមហ៊ុនស្បែកជើងតៃវ៉ាន់ Pouyuen Vietnam អស់រយៈពេលជាង ១០ ឆ្នាំហើយ។ ប៉ុន្តែថ្មីៗនេះនាងបានសម្រេចចិត្តលាឈប់ពីការងារ ហើយត្រលប់ទៅផ្ទះវិញជាអចិន្ត្រៃយ៍ ដោយសារប្រាក់ចំណូលបានធ្លាក់ចុះដោយសារតែនាងត្រូវឈប់ពីការងារអស់ជាច្រើនថ្ងៃ ដើម្បីមើលថែកូនស្រីរបស់នាង ដែលសាលាមត្តេយ្យបានបិទទ្វារដោយសារតែជំងឺកូវី-១៩។ មិនតែប៉ុណ្ណោះក៏មានកម្មករជាជាច្រើននាក់ទៀតធ្វើការនៅរោងចក្រ សហគ្រាស ផ្សេងៗគ្នា បានលើកឡើងពីបញ្ហាដែលធ្វើឱ្យពួកគេសម្រេចចិត្តឈប់ពីការងារត្រលប់ទៅស្រុកវិញដូចជា មិនអាចផ្គត់ផ្គង់ការចំណាយប្រចាំថ្ងៃបាន ប្រាក់ខែត្រូវបានកាត់បន្ថយ និងខ្លះទៀតប្រឈមមុខនឹងនឹងហានិភ័យខ្ពស់នៃការឆ្លងកូវីដ-១៩។ ទន្ទឹមនឹងនោះ ប្រធានសហជីពការងារនៅក្រុមហ៊ុន

ក្រុមហ៊ុន ទូរគមនគមន៍ដ៏ធំបំផុតរបស់អូស្រ្តាលី Telstra Corp បាន​ប្រកាសកាលពីថ្ងៃអង្គារថា ឥឡូវនេះប្រជាជននៅក្នុងប្រទេស អាចធ្វើការហៅទូរស័ព្ទដោយឥតគិតថ្លៃនៅទូទាំងប្រទេស ដោយប្រើបណ្ដាញទូរស័ព្ទបង់ប្រាក់សាធារណៈជាង ១៥,០០០ទូ។ ទូទូរស័ព្ទដែលប្រើកាក់ ពីបុរាណនឹងលែងតម្រូវឱ្យបង់ប្រាក់ ដើម្បីផ្ញើសារ ឬធ្វើការហៅទូរស័ព្ទរហូតដល់ ៦ ម៉ោងទៅលេខទូរស័ព្ទលើតុ និងទូរស័ព្ទចល័តដរាបណាពួកគេស្ថិតនៅក្នុងប្រទេសអូស្ត្រាលី។ ការផ្លាស់ប្ដូរនេះ ក្រុមហ៊ុនទូរគមនាគមន៍សង្ឃឹមថា នឹងផ្តល់ផលប្រយោជន៍ដល់ប្រជាជនដែលងាយរងគ្រោះបំផុតរបស់ប្រទេសអូស្រ្តាលី។ ក្រុមហ៊ុន Telstra បានឱ្យដឹងថា ថ្វីបើការធ្លាក់ចុះនៃទូរស័ព្ទសាធារណៈចាប់តាំងពីការដាក់ឱ្យដំណើរការទូរស័ព្ទចល័តក៏ដោយ ក៏ទូទូរស័ព្ទសាធារណៈនៅតែមាននៅតាមទីសាធារណៈ ហើយវានៅតែជាផ្នែកសំខាន់នៃហេដ្ឋារចនាសម្ព័ន្ធសង្គម និងសហគមន៍ ជាពិសេសនៅក្នុងសហគមន៍ និងតំបន់ដាច់ស្រយាល និងក្នុងគ្រាមានវិបត្តិកូវីដ-១៩។ នាយកប្រតិបត្តិលោក Andrew Penn បាននិយាយនៅក្នុងសេចក្តីថ្លែងការណ៍មួយថា កាលពីឆ្នាំមុនជនជាតិអូស្រ្តាលីបានធ្វើការហៅទូរស័ព្ទចំនួន

យោងតាមការចុះផ្សាយរបស់ក្រសួងព័ត៌មាន បានឱ្យដឹងថា ក្រសួងកសិកម្ម បានបង្ហាញពីលទ្ធផលនៃការសិក្សានិងស្រាវជ្រាវគម្រោងស្តីពី “ពិពិធកម្មប្រជាករស្រូវសែនក្រអូប” ដែលគម្រោងនេះ ត្រូវបានអនុវត្តរយៈពេល៤ឆ្នាំ (២០១៦-២០១៩) ដើម្បីលើកកម្ពស់ការដាំដុះស្រូវ សែនក្រអូប ឱ្យបានច្រើន ដែលឆ្លើយតបទៅនឹងតម្រូវការហូបចុករបស់ប្រជាពលរដ្ឋក្នុងស្រុក និងការនាំចេញ។ យោងតាមហ្វេសប៊ុកផ្លូវការរបស់ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ បានបញ្ជាក់ថា តាមគោលនយោបាយរបស់រាជរដ្ឋាភិបាលកម្ពុជាដែលជំរុញផលិតកម្មដំណាំស្រូវ និងការនាំអង្ករចេញ អ្នកនាំចេញអង្ករជាច្រើន បានលើកឡើងពីសក្តានុពលរបស់អង្ករសែនក្រអូប សម្រាប់ទីផ្សារអន្តរជាតិ ហើយបានសំណូមពរឱ្យប្រជាកសិករកម្ពុជាជំរុញ និង បង្កើនការដាំដុះដំណាំស្រូវសែនក្រអូប ដើម្បីបង្កើនផលិតភាពស្រូវសែនក្រអូបទាំងនៅក្នុងរដូវប្រាំងនិងដើមរដូវវស្សា ។ ទន្ទឹមនឹងនេះ មានបញ្ហាចម្បងមួយចំនួន ដែលនាំឱ្យប៉ះពាល់ដល់គុណភាពអង្ករនិងទិន្នផល គឺអវិសុទ្ធភាពនៃពូជស្រូវសែនក្រអូប ។

កសិករដាំបន្លែចម្រុះមួយរូបរស់នៅក្នុងក្រុងសៀមរាប អាចរកប្រាក់ចំណូលបាន៤០០ដុល្លារក្នុងមួយខែពីមុខរបរនេះ ដែលធ្វើឱ្យជីវភាពក្រុមគ្រួសារបានល្អប្រសើរ នេះបើយោងតាមការចុះផ្សាយរបស់ក្រសួងព័ត៌មាន។ អ្នកស្រី ណន ង៉ា អាយុ៥០ឆ្នាំ រស់នៅភូមិគោកដូង សង្កាត់ក្របីរៀល ក្រុងសៀមរាបបានឱ្យដឹងថា អ្នកស្រីចាប់យកមុខរបរដាំបន្លែលក់ រយៈពេលប្រមាណ ២០ឆ្នាំមកហើយ ដោយបច្ចុប្បន្នមានដាំបន្លែចម្រុះជាច្រើនមុខ ដូចជាស្ពៃគ្រប់មុខ សាលាដ៏អឺរ៉ុប ម្ទេសវិលជុំ និង បន្លែជាច្រើនប្រភេទទៀត ដើម្បីលក់ផ្គត់ផ្គង់តម្រូវការទីផ្សារ។ អ្នកស្រីបន្តថា ដើម្បីឱ្យការដាំដុះដំណាំទទួលបានទិន្នផលខ្ពស់ ចៀសវាងជំងឺរាតត្បាតបំផ្លាញដំណាំ អ្នកស្រីជ្រើសរើសការដាំក្នុងរោង សំណាញ់ តាមបែបបច្ចេកទេសថ្មី ដែលផ្តល់ភាពងាយស្រួលច្រើន កាត់បន្ថយទាំងកម្លាំងពលកម្ម និងធានាបានសុវត្ថិភាពសម្រាប់ អ្នកបរិភោគ។ អ្នកស្រីបន្តថា នៅពេលបន្លែបានប្រមូលផលហើយ អ្នកស្រីសម្រេចចិត្តយកទៅលក់នៅឯផ្សារជិតផ្ទះដោយខ្លួនឯងខ្លះ

សារព័ត៌មាន Bangkok Post នាដ្ងៃទី០៤ ខែសីហា ឆ្នាំ២០២១ នេះបានចេញផ្សាយថា ក្រុមហ៊ុនអាកាសចរណ៍អន្តរជាតិ Thai Airways (THAI) កំពុងលក់អចលនទ្រព្យ និងអគារចំនួន ១០ នៅទូទាំងប្រទេស ក្នុងគោលបំណងដើម្បីប្រមូលប្រាក់ ស្តារអាជីវកម្មដែលកំពុងជួបនឹងវិបត្តិឡើងវិញ នេះបើយោងតាមការបង្ហើបពីក្រុមហ៊ុនអាកាសចរណ៍មួយ។ ប្រភពបាននិយាយថា ក្រុមហ៊ុនអាកាសចរណ៍នេះកំពុងស្វែងរកអ្នកទិញនូវអចលនទ្រព្យដ៏ធំបំផុតរបស់ខ្លួន ដើម្បីបង្កើនលំហូរសាច់ប្រាក់ ខណៈដែលក្រុមហ៊ុនកំពុងព្យាយាមរៀបចំរចនាសម្ព័ន្ធបំណុលចំនួន ២៤៥ ពាន់លានបាត តាមរយៈការពង្រីកការទូទាត់ ការលើកលែងការប្រាក់ និងការផ្លាស់ប្តូរបំណុលទៅជាភាគហ៊ុន។ ជាងនេះទៅទៀតក្រុមហ៊ុនអាកាសចរណ៍នេះ ក៏បានណែនាំពីគម្រោងឈប់សម្រាកដោយមិនបង់ប្រាក់ និងការកាត់ប្រាក់ខែសម្រាប់បុគ្គលិកផងដែរ។ គួរបញ្ចាក់ផងដែរថា អចលនទ្រព្យនិងអគារចំនួន ១០ ដែលត្រូវដាក់លក់គឺស្ថិតនៅនៅទីក្រុងបាងកក

នាយកដ្ឋានបសុសត្វថៃ ធានាការផ្គត់ផ្គង់ស៊ុតបានគ្រប់គ្រាន់នៅក្នុងពេលដែលប្រទេសកំពុងរាតត្បាតដោយវីរុសកូវីដ-១៩។ នាយកដ្ឋាន បានណែនាំប្រជាជនកុំឱ្យភ័យស្លន់ស្លោរ ពីកង្វះខាតស៊ុត ខណៈនាយកដ្ឋានបានអនុញ្ញាតឱ្យប្រតិបត្តិករកសិដ្ឋានចិញ្ចឹមមាន់យកពងនៅទូទាំងប្រទេស បន្ថែមរយៈពេលភ្ញាស់ពងមាន់ ដើម្បីបំពេញតម្រូវការក្នុងស្រុក និងរក្សាស្ថិរភាពតម្លៃស៊ុតចំពេលមានការរីករាលដាលនៃជំងឺកូវីដ-១៩។ អគ្គនាយកនៃអគ្គនាយកដ្ឋានលោក Sorawit Thaneeto បាននិយាយថា កសិដ្ឋានចិញ្ចឹមមាន់យកពងនៅទូទាំងប្រទេសអាចបន្ថែម រយៈពេលនៃការចិញ្ចឹមមេមាន់ពី ៨០ សប្តាហ៍កាលពីមុន រហូតដល់ស្ថានភាពកូវីដ ១៩ ត្រូវបានដោះស្រាយ។ លោករំពឹងថា ការផ្លាស់ប្តូរនេះនឹងជួយបង្កើនការផលិតស៊ុតពី ២ លានទៅ ៣ លានក្នុងមួយថ្ងៃ បន្ថែមលើការផលិតស៊ុតបច្ចុប្បន្ន ៤០ លានគ្រាប់ជារៀងរាល់ថ្ងៃ។ ជាមួយគ្នានេះដែរ លោកបានមានប្រសាសន៍ថា “ ដូច្នេះយើងចង់សុំឱ្យប្រជាជនមានទំនុកចិត្តថា មានស៊ុតគ្រប់គ្រាន់ដើម្បីបំពេញតម្រូវការក្នុងកំឡុងពេលបិទប្រទេសនេះ”

យោងតាមការចុះផ្សាយរបស់ក្រសួងព័ត៌មានបានឱ្យដឹងថា រាជរដ្ឋាភិបាល បានប្រកាសបើកផ្ដល់ប្រាក់ឧបត្ថម្ភជូនកម្មករនិយោជិតក្នុងវិស័យកាត់ដេរ និងទេសចរណ៍សរុបចំនួន ១ ៤៩៧ នាក់ នៅរោងចក្រសហគ្រាសចំនួន ២៤ ដែលត្រូវបានព្យួរកិច្ចសន្យាការងារ ស្របតាមស្មារតីនៃកញ្ចប់វិធានការរបស់រាជរដ្ឋាភិបាល ។ ក្រសួងការងារ និងបណ្តុះបណ្តាលវិជ្ជាជីវៈ បានជូនដំណឹងដល់បងប្អូនកម្មករនិយោជិតចំនួន ១ ៤៩៧នាក់នៅរោងចក្រ សហគ្រាសទាំង២៤ នៃវិស័យកាត់ដេរ និងវិស័យទេសចរណ៍ (ដូចមានភ្ជាប់នៅក្នុងឧបសម្ព័ន្ធ) ដែលទទួលបាន ការអនុញ្ញាតព្យួរកិច្ចសន្យា ការងារស្របតាមស្មារតីជុំទី៣នៃកញ្ចប់វិធានការរបស់រាជរដ្ឋាភិបាលជ្រាបថា ធនាគារ វីង (ខេមបូឌា) នឹងផ្ញើសារអំពីការបើកប្រាក់ឧបត្ថម្ភរបស់រាជរដ្ឋាភិបាលទៅលេខទូរស័ព្ទ ដែលបងប្អូនបានផ្ដល់មកឱ្យក្រសួងតាមរយៈរដ្ឋបាលរោងចក្រ សហគ្រាសនាពេលកន្លងមក។ ក្រសួងបន្ដថា ប្រាក់ឧបត្ថម្ភនេះនឹងត្រូវបើកផ្តល់ជាប្រាក់រៀល និងអាស្រ័យលើចំនួនថ្ងៃនៃការព្យួរកិច្ចសន្យាការងារ ក្នុងនោះចំនួន