យោងតាមការចុះផ្សាយរបស់ក្រសួងព័ត៌មានបានឱ្យដឹងថា ក្រុមការងារជំនាញនៃអាជ្ញាធរជាតិអប្សរា កំពុងមមាញឹកក្នុងការដាំស្មៅនៅបរិវេណប្រាសាទអង្គរវត្ត ដើម្បីបង្កើនភាព ស្រស់ស្អាត បរិស្ថានល្អ និងកាន់តែមានភាពទាក់ទាញមួយកម្រិតទៀត។ លោក ភឿន សុឃីម អនុប្រធាននាយកដ្ឋានគ្រប់គ្រងទឹក នៃអាជ្ញាធរជាតិអប្សរា បានឲ្យដឹងថា ក្រុមការងារជំនាញនាយកដ្ឋានគ្រប់គ្រងទឹក នៃអាជ្ញាធរជាតិអប្សរា បាននិងកំពុងដាំស្មៅបន្ថែម នៅបរិវេណខាងក្នុងប្រាសាទអង្គរវត្ត ក្នុងបំណងកែលម្អសោភ័ណភាព បរិស្ថាន ឲ្យកាន់តែមានភាពល្អប្រសើរ និងកាន់តែមានភាពស្រស់ស្អាតថែមមួយកម្រិតទៀត។ លោកបន្តថា ការងារដាំស្មៅនេះគឺចាប់ផ្តើម ពីមាត់កសិណខាងក្នុង រហូតដល់ផ្នែកខាងក្នុងប្រាសាទតែម្តង ដោយការដាំនៅកន្លែងដែលមានចន្លោះៗ មើលទៅមិនស្រស់ស្អាត នឹងធ្វើការកែលម្អជាថ្មី ជាពិសេសផ្តោតលើការដាំ នៅសងខាងផ្លូវ ដែលភ្ញៀវទេសចដើរទស្សនាប្រាសាទ។ លោកបន្តទៀតថា គម្រោងដាំស្មៅក្នុងបរិវេណប្រាសាទអង្គរវត្តនេះ តាមផែនការគ្រោងទុក

ផ្សារទំនើប Big C ដែលជាផ្សារទំនើបឈានមុខគេមួយនៅក្នុងប្រទេសថៃ និងត្រូវបានបង្កើតឡើងជិត៣០ឆ្នាំ បានឈានជើងចូលក្នុងប្រទេសកម្ពុជានៅឆ្នាំ២០១៩។ ក្រោយបើកដំណើរការជាលើកដំបូងនៅលើទឹកដីប៉ោយប៉ែត ផ្សារដ៏ល្បីមួយនេះក៏បានប្រកាសពង្រីកខ្លួននៅលើទឹកដីខេត្តសៀមរាប និងក្រុងភ្នំពេញ។ យ៉ាងណាមិញ បើយោងតាមផេកផ្លូវការរបស់ផ្សារទំនើបប៊ីកស៊ី (Big C) ដែលបានចុះផ្សាយនាថ្ងៃទី៣១​ ខែសីហា ឆ្នាំ២០២១ នេះ បានបង្ហាញតម្រុយថា ផ្សារទំនើប Big C នឹងបើកដំណើរ មីនីប៊ីកស៊ី (Mini Big C) នៅក្នុងក្រុងភ្នំពេញឆាប់ៗនេះ ដើម្បីផ្ដល់ភាពងាយស្រួលដល់អតិថិជនរស់នៅក្នុងក្រុងភ្នំពេញ។ ប៉ុន្តែទោះជាយ៉ាងណាក្ដី ខាងផ្សារទំនើបប៊ីកស៊ី (Big C) មិនបានបង្ហាញពីកាលបរិច្ឆេទជាក់ស្ដែងនោះទេ។ គួរឱ្យដឹងផងដែរថា

យោងតាមការចុះផ្សាយរបស់សារព័ត៌ Bangkok Post បានឱ្យដឹងថា ប្រទេសថៃត្រៀមបើកកោះទេសចរណ៍ដ៏ពេញនិយមមួយទៀត គឺកោះឡាន ដើម្បីបើកឱ្យភ្ញៀវចូលទស្សនាឡើងវិញ បន្ទាប់ពីមជ្ឈមណ្ឌលរដ្ឋបាលគ្រប់គ្រងស្ថានភាព Covid-19 (CCSA) បានបន្ធូរបន្ថយការរឹតបន្តឹងការធ្វើដំណើរចាប់ពីថ្ងៃទី ១ ខែកញ្ញា។ លោក Booncherd Boonying ប្រធានសហគមន៍កោះឡាន បាននិយាយថា ក្នុងជំហានដំបូងនៃការបើកឡើងវិញ តំបន់ឆ្នេរនៅតែត្រូវបិទដដែល និងសេវាកម្មជួលកៅអីអង្គុយលំហែនៅមាត់ឆ្នេរនោះទេ។ ប៉ុន្តែរមណីយដ្ឋាន កន្លែងស្នាក់នៅ និងកន្លែងទេសចរណ៍ផ្សេងទៀតបានត្រៀមរួចរាល់សម្រាប់ភ្ញៀវទេសចរ។ ប្រធានសហគមន៍កោះឡានរូបនេះបានបន្តថា វិធានការណ៍សុវត្ថិភាព សុខភាពនឹងត្រូវអនុវត្តយ៉ាងតឹងរ៉ឹងរួមទាំងការប្រើប្រាស់ជែលលាងដៃ ការពាក់ម៉ាស់ និងការរក្សាគម្លាតសង្គម សម្រាប់ប្រតិបត្តិករទេសចរណ៍ និងអ្នកទេសចរដែលនឹងត្រូវបានត្រួតពិនិត្យសីតុណ្ហភាពនៅតាមកប៉ាល់ ទូកនិងកន្លែងផ្សេងទៀត។ ទន្ទឹមនឹងនេះ ភ្ញៀវទេសចរថៃ

យោងតាមការបង្ហោះនៅលើគេហទំព័រហ្វេសប៊ុកផេកផ្លូវការរបស់ 7-Eleven កាលពីថ្ងៃទី ៣០ ខែសីហា ឆ្នាំ២០២១ ម្សិលមិញនេះ បានឱ្យដឹងថា ម៉ាតដ៏ល្បីឈ្មោះមួយនៅលើពិភពលោក គឺ 7-Eleven បានប្រកាសបើកដំណើរការសាខាដំបូងរបស់ខ្លួននៅក្នុងប្រទេសកម្ពុជា ម្ដុំជ្រោយចង្វារ។ សូមបញ្ជាក់ផងដែរថា កាលពីដើមខែឧសភា ឆ្នាំ២០២០ នេះ ក្រុមហ៊ុន CP ALL បានរាយការណ៍ថា ក្រុមហ៊ុន CP All (Cambodia) Co.,LTD ដែលជាក្រុមហ៊ុនបុត្រសម្ព័ន្ធបានចុះកិច្ចសន្យាផ្ដាច់សិទ្ធធំ នាំយកយីហោ 7-Eleven ចូលក្នុងប្រទេសកម្ពុជាជាមួយក្រុមហ៊ុន 7-Eleven Inc រួចរាល់ហើយកាលពីថ្ងៃទី០៥ ខែឧសភា

ឯកឧត្តម ទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានថ្លែងថា គម្រោងកសាងផ្លូវថ្មី ដែលតភ្ជាប់រវាងខេត្តសៀមរាប និងបាត់ដំបង ត្រូវបានក្រសួងដាក់ចូលក្នុងផែនការ៥ឆ្នាំរំកិល នៃគម្រោងអាទិភាពក្រោមជំនួយរបស់មិត្តចិន ហើយ ដើម្បីសម្រួលដល់ការធ្វើដំណើរនិងដឹកជញ្ជូនកាន់តែងាយស្រួលនិងចំណាយពេលតិចជាងមុន។ នេះបើយោងតាមការចុះផ្សាយរបស់ក្រសួងព័ត៌មាននាថ្ងៃទី៣១​ ខែសីហា ឆ្នាំ២០២១ នេះ។ ថ្លែងក្នុងកម្មវិធី MPWT LIVE SHOW ក្រោមប្រធានបទ សមិទ្ធផលហេដ្ឋារចនាសម្ព័ន្ធ ផ្លូវថ្នល់ ចាប់ពីចុងឆ្នាំ២០១៨ ដល់ពេលបច្ចុប្បន្ន និងផែនការកំពុងបន្តរហូតដល់ឆ្នាំ ២០២៣ តាមប្រព័ន្ធអនឡាញ ឆ្លើយតបនឹងសំណួររបស់ប្រជាពលរដ្ឋ ឯកឧត្តម ទេសរដ្ឋមន្រ្តី ស៊ុន

«សាវម៉ាវព្រៃ» ជាប្រភេទរុក្ខផលធម្មជាតិម្យ៉ាងដែលដុះក្នុងព្រៃភ្នំ និងព្រៃសហគមន៍។ ដើមរុក្ខជាតិមួយនេះ ជាប្រភេទវល្លិ ដុះឡើងតាមដើមឈើខ្ពស់ៗ មានដើមពីតូចដល់ធំ ស្លឹកវាស្រដៀងគ្នានឹងសាវម៉ាវស្រុកដែរ និងមានផ្លែប៉ុនសាវម៉ាវស្រុកដែរ តែមានរាងវែងបន្តិច និងមានរសជាតិជូរផ្អែម។ សាវម៉ាវព្រៃនេះ វាផ្លែទៅតាមរដូវកាល គឺចាប់ពីខែសីហា ដល់ខែតុលា។ លោក អ៊ិន សៅ សមាជិកសហគមន៍អេកូទេសចរណ៍ព្រៃទឹកជប់ខ្នារពោធិ៍ ស្ថិតនៅឃុំខ្នារពោធិ៍ ស្រុកសូទ្រនិគម ខេត្តសៀមរាប បានឱ្យដឹងថា សាវម៉ាវព្រៃ គឺជាផ្លែឈើព្រៃមួយប្រភេទដែលអាចបរិភោគបាន ប៉ុន្តែមិនសូវមានអ្នកស្គាល់ និងបានបរិភោគនោះទេ ហើយក៏មិនមានអ្នកបេះយកទៅលក់នៅតាមទីផ្សារឱ្យទូលំទូលាយដែរ។ កន្លងមកនេះ ប្រជាសហគមន៍បានបេះសាវម៉ាវព្រៃនេះ សម្រាប់តែបរិភោគខ្លួនឯង និងលក់ខ្លះៗដល់ភ្ញៀវទេសចរមកកម្សាន្តនៅក្នុងសហគមន៍ប៉ុណ្ណោះ។ ប៉ុន្តែឥឡូវនេះ ភ្ញៀវទេសចរចាប់ផ្តើមស្គាល់

ក្នុងរយៈពេល ៨ ខែដំបូងនៃឆ្នាំ២០២១នេះ អាជីវកម្មប្រមាណ ៨៥,៥០០ អាជីវកម្មនៅទូទាំងប្រទេសវៀតណាម បានផ្អាកប្រតិបត្តិការ ដែលកើនឡើង ២៤.៨% ធៀបនឹងរយៈពេលពីមួយឆ្នាំទៅមួយឆ្នាំ នេះបើយោងតាមការិយាល័យស្ថិតិទូទៅ (GSO)។ ការផ្អាកទាំងនេះ ស្ទើរតែ ១០០% គឺដោយសារជំងឺរាតត្បាតកូវីដ​-១៩ ខណៈការបន្តរាតត្បាតធ្ងន់ធ្ងរ និងវិធានការរក្សាគម្លាតក្នុងសង្គមបានប៉ះពាល់យ៉ាងធ្ងន់ធ្ងរដល់អាជីវកម្មជាពិសេសនៅភាគខាងត្បូង។ ជាមួយគ្នានេះដែរ ការិយាល័យស្ថិតិទូទៅ (GSO) ក៏បានបង្ហាញថា ក្នុងចំណោមចំនួនខាងលើ អាជីវកម្មចំនួនពាក់កណ្ដាលបានផ្អាកប្រតិបត្តិការបណ្តោះអាសន្ន ខណៈដែលនៅសល់កំពុងជួបការលំបាករៀបឈប់ដំណើរការ ហើយមួយចំនួនទៀតកំពុងបញ្ចប់ ឬបានបញ្ចប់នីតិវិធីរំលាយអាជីវកម្មតែម្ដង។ គួរឱ្យដឹងថា បើតាមការិយាល័យស្ថិតិទីក្រុងបានឱ្យដឹងថា នៅទីក្រុងហូជីមិញ ប្រាក់ចំណូលរបស់ផលិតកម្មឧស្សាហកម្ម ការលក់រាយ និងសេវាកម្ម បានធ្លាក់ចុះយ៉ាងខ្លាំងនៅក្នុងខែសីហា

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ក្រសួងសារធាណការ និងដឹកជញ្ជូន បានជំរុញធ្វើយ៉ាងណា ឱ្យការសាងសង់ផ្លូវជាតិលេខ២ និងលេខ២២ ឱ្យបានបញ្ចប់ជាស្ថារពរ នៅពាក់កណ្តាលឆ្នាំ២០២២ ដើម្បីសម្រួលដល់ការដឹកជញ្ជូន និងការធ្វើដំណើរឆ្លង កាត់របស់ប្រជាពលរដ្ឋឱ្យកាន់ តែមានភាពងាយស្រួល។ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង សាធារណការនិងដឹកជញ្ជូន មានប្រសាសន៍ថា គម្រោងស្ថាបនាផ្លូវជាតិលេខ២និងផ្លូវជាតិលេខ២២នេះ ត្រូវពង្រីកពី២គន្លង ទៅ ៤គន្លង ដើម្បីបង្កលក្ខណៈងាយស្រួល ក្នុងការធ្វើដំណើរទៅវិញទៅ មកប្រកបដោយសុវត្ថិភាព ។ ឯកឧត្តមបានបន្តថា ក្រសួងនឹងពន្លឿនការសាង សង់ផ្លូវនេះ ដើម្បីជួយកាត់ បន្ថយគ្រោះថ្នាក់ចរាចរណ៍ ឱ្យកាន់តែល្អប្រសើរ ស្របតាមកំណើនប្រជាពលរដ្ឋ និងកំណើនយានយន្តនាពេលបច្ចុប្បន្ននេះ