ដូចដែលយើងបានដឹងរួចមកហើយថា អ្នកនាំចេញវៀតណាមកំពុងជួបបញ្ហាធំ ដោយសារការកកស្ទះកុងតឺន័រដឹកផលិតផលនាំចេញទៅចិនរាប់ពាន់គ្រឿងនៅច្រកព្រំដែនដោយសារវិធានការរឹតបន្តឹងកូវីដ-១៩។ បញ្ហានេះ កំពុងក្លាយជាក្ដីកង្វល់មួយនៅវៀតណាម ខណៈអ្នកនាំចេញកំពុងព្យាយាមរកដំណោះស្រាយ ដើម្បីកុំឱ្យមានការខាតបង់ច្រើនពេក។ យ៉ាងណាមិញ មន្ត្រីគយវៀតណាម Nguyen Huu Vuong ក្នុង​កិច្ច​ប្រជុំ​មួយ​កាល​ពី​ថ្ងៃ​ចន្ទ បានស្នើឱ្យប្រើផ្លូវដែកដើម្បីដឹកជញ្ជូនទំនិញទៅកាន់ប្រទេសចិន ចំពេលកុងតឺន័រប្រមាណ ៦២០០គ្រឿងបានកកស្ទះនៅព្រំដែន។ ជាមួយនឹងឡានដឹកទំនិញជាង ២១០០គ្រឿង ដែលជាប់គាំងនៅព្រំដែន ហើយទំនិញក្នងនោះបានខូច ស្អុយ រលួយ ដោយសារការអូសបន្លាយរយៈពេលជាច្រើនសប្តាហ៍ចុងក្រោយនេះ នឹងមិនត្រូវបានដោះស្រាយមុនពេល ពិធីបុណ្យចូលឆ្នាំថ្មីប្រពៃណីចិន និងវៀតណាម ដែលនឹងមកដល់ក្នុងខែកុម្ភៈឆ្នាំក្រោយនោះទេ។ ដូច្នេះហើយលោក បានស្នើឱ្យក្រសួងហិរញ្ញវត្ថុ និងគយវៀតណាម លើកទឹកចិត្តឱ្យអាជីវកម្មប្រើប្រាស់រថភ្លើង ដើម្បីដឹកជញ្ជូនទំនិញ ព្រោះនេះកាត់បន្ថយហានិភ័យនៃការឆ្លង ដោយសារបុគ្គលិកមួយក្រុមតូចអាចដំណើរការរថភ្លើងទាំងមូលបាន។

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ធនាគារ ប្រៃសណីយ៍កម្ពុជា បានបោះទុនវិនិយោគ ១០លានដុល្លារ លើមូលបត្រ បំណុលរបស់ក្រុមហ៊ុន CAIC ដើម្បីចូលរួមគាំទ្រគម្រោងសាងសង់អាកាសយានដ្ឋានអន្តរ ជាតិតេជោខេត្ដកណ្ដាល។ នេះបើតាមការបញ្ជាក់ឱ្យដឹងពី លោក ឆារស៍ វ៉ាន់ (Charles Vann) អគ្គនាយករង ក្រុមហ៊ុន Cambodia Airport Investment (CAIC) និងលោក តូច ចៅចេក ប្រធាននាយក ប្រតិបត្តិធនាគារប្រៃសណីយ៍កម្ពុជា ក្នុងពិធីចុះហត្ថលេខាព្រមព្រៀងរួមគ្នា វិនិយោគទឹកប្រាក់ ចំនួន១០លានដុល្លារអាម៉េរិក លើសញ្ញាប័ណ្ណមានបុគ្គលធានារបស់ គម្រោងសាងសង់ អាកាសយានដ្ឋានអន្តរជាតិតេជោ ក្រោមវត្តមាន

អ្នកជំនួញហុងកុងដ៏ល្បីឈ្មោះ លី កាស៊ីង គឺជាកំពូលមហាសេដ្ឋីដ៏មានបំផុតនៅក្នុងប្រទេសដែលមានលទ្ធភាពទិញរបស់របរប្រើប្រាស់ទាំងទំនើប និងល្អឥតខ្ចោះបានយ៉ាងច្រើនសម្រាប់ការរស់នៅប្រចាំថ្ងៃ។ ប៉ុន្តែនៅពេលដែលអ្នកជំនួញ និងកំពូលអ្នកមានៗជាច្រើនទៀត កំពុងបង្អួតគ្នាពីរបស់ទាំងនោះ មហាសេដ្ឋីវ័យ ៨៨ ឆ្នាំ រូបនេះប្រើប្រាស់នាឡិកាអេកូអេឡិចត្រូនិចដើរដោយថាមពលពន្លឺព្រះអាទិត្យដែលត្រូវបានប៉ាន់ស្មានថាមានតម្លៃត្រឹមតែ ៥០០ ដុល្លារតែប៉ុណ្ណោះ។ ទោះបីស្ថិតក្នុងឋានៈជាមហាសេដ្ឋីជាមួយប្រាក់ពាន់លាន និងក្នុងចំណោមកំពូលអ្នកមានៗក្ដី លោក លី កាស៊ីង មិនដែលមានអារម្មណ៍ថាខ្មាសអៀន ឬ ខ្លាចគេសើចចំអកអំពីរបស់របរប្រើប្រាស់ផ្ទាល់ខ្លួនគាត់ឡើយ ព្រោះមនុស្សទាំងនោះដឹងពីចរិតគាត់។ ជាមួយគ្នានេះគាត់ថែមទាំងបានពន្យល់ថា មូលហេតុដែលគាត់ពាក់នាឡិកាដៃម៉ាក Seiko ដ៏សាមញ្ញអស់ច្រើនទសវត្សមកនេះគឺ ដោយសារវាផ្ដល់ប្រយោជន៍មិនចាញ់នាឡិកាថ្លៃៗ ទោះបីវាមានតម្លៃថោក ហើយមិនចាំបាច់បញ្ចូលថ្ម ជាពិសេសគាត់មិនចាំបាច់ត្រូវប្រុងប្រយ័ត្នច្រើនជាមួយវា ពោលគឺមានសេរីភាពក្នុងការធ្វើរឿងជាច្រើនដូចជា ហែលទឹក ឬ

ក្រុមហ៊ុនលក់រាយរបស់ជប៉ុន Aeon គ្រោងនឹងបើកផ្សារទំនើប MaxValu របស់ខ្លួនចំនួន ១០០បន្ថែមទៀតនៅក្នុងប្រទេសវៀតណាមនៅឆ្នាំ២០២៥ ខណៈដែលបរិបទនៃផ្សារត្រី បន្លែ សាច់ ទទួលរងការលំបាកបន្ទាប់ពីការផ្ទុះឡើងនៃជំងឺកូវីដ-១៩។ របាយការណ៍របស់ Nikkei Asia បាននិយាយថា Aeon ដែលមានហាង MaxValu ចំនួន ៤នៅក្នុងទីក្រុងហាណូយនាពេលបច្ចុប្បន្ន នឹងបើកហាងបន្ថែម ដែលធំជាងហាងដែលមាន ៥០០ម៉ែត្រការ៉េ ឬច្រើនជាងនេះ ជាផ្នែកនៃយុទ្ធសាស្រ្តពង្រីកទាំងមូលរបស់ខ្លួន។ សារព័ត៌មាននេះ បានដកស្រង់សម្តីលោក Soichi Okazaki នាយកប្រតិបត្តិទទួលបន្ទុកអាជីវកម្មអាស៊ីអាគ្នេយ៍របស់ក្រុមហ៊ុននេះថា “វៀតណាម គឺជាទីផ្សារដ៏សំខាន់បំផុតសម្រាប់យុទ្ធសាស្រ្តក្រៅប្រទេសរបស់យើង” ។ ផ្សារទំនើប គឺជាផ្នែកមួយនៃចក្ខុវិស័យរបស់ក្រុមហ៊ុនដែលបានចុះបញ្ជីក្នុងទីក្រុងតូក្យូសម្រាប់កំណើន។

យោងតាមការចុះផ្សាយរបស់ក្រសួងព័ត៌មានបានឱ្យដឹងថា វិស័យអាកាសចរណ៍កម្ពុជា អាចងើបឡើងវិញបានល្អប្រសើរ អាស្រ័យលើការបើកចំហជើងហោះហើរ ពីបណ្តាប្រទេសជាដៃគូ ខណៈដែលប្រទេសមួយចំនួនមិនទាន់បានបើកទូលំទូលាយនៅឡើយ។ ឯកឧត្តម ស៊ីន ចាន់សិរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរស៊ីវិលបានមានប្រសាសន៍ថា បន្ទាប់ពីកម្ពុជាបើកទទួលភ្ញៀវអន្តរជាតិ ឡើងវិញ ជាពិសេសមានការបន្ធូរបន្ថយវិធានការចត្តាឡីស័កមួយចំនួនចំពោះអ្នកដំណើរដែលបានទទួលការចាក់វ៉ាក់សាំងពេញលេញមកនោះ សង្កេតឃើញថា វិស័យអាកាសចរណ៍ចាប់ផ្តើមប្រសើរឡើងវិញជាបណ្តើរៗហើយ ។ ឯកឧត្តមបានបន្តថា ដើម្បីឱ្យវិស័យមួយនេះ អាចវិលត្រលប់ទៅរកភាពល្អប្រសើរវិញនោះ គឺអាស្រ័យលើកម្ពុជាផ្ទាល់ ពាក់ព័ន្ធនឹងការគ្រប់គ្រង ការឆ្លងជំងឺកូវីដ១៩ ជាពិសេសប្រទេសដៃគូដែលបានតភ្ជាប់ជើងហោះហើរជាមួយកម្ពុជាផងដែរ ខណៈដែលបណ្តាប្រទេសមួយចំនួន នៅតែបន្តការរឹតត្បិត ដោយមិនទាន់បើកការតភ្ជាប់ការហោះហើរ ឱ្យបានទូលំទូលាយនៅឡើយទេ ។ សំឡេង ៖ «ប៉ុន្តែការកក្រើកនេះ គឺកក្រើកត្រង់ថាយើងបានបន្ធូរបន្ថយ ប៉ុន្តែឃើញថាមើលតំបន់ជុំវិញ តើប្រទេសណាបានបន្ធូរបន្ថយខ្លះ

ក្រុមហ៊ុនផលិតផលប្រើប្រាស់ចម្រុះជាតិសាសន៍របស់អាមេរិក Colgate និងដៃគូបណ្តាក់ទុនរួមគ្នាគឺក្រុមហ៊ុន Hawley & Hazel បានប្រកាសថា នឹងប្តូរឈ្មោះម៉ាក “ថ្នាំដុសធ្មេញមនុស្សខ្មៅ” ឬ “Black People Toothpaste” ដ៏ចម្រូងចម្រាសរបស់ខ្លួននៅឆ្នាំ២០២២។ ការប្រកាស ផ្លាស់ប្ដូរនេះត្រូវបានធ្វើឡើង បន្ទាប់ពីក្រុមហ៊ុនបានរក្សាឈ្មោះដើមដែលយីហោថ្នាំដុសធ្មេញដ៏ពេញនិយមមួយនៅអាស៊ី ជាមួយនឹងភាពដ៏ចម្រូងចម្រាសអស់ជាច្រើនទស្សវត្សមក។ ក្រុមហ៊ុន Hawley & Hazel ដែលជាក្រុមហ៊ុនផលិតផលិតផលថែរក្សាមាត់មានមូលដ្ឋាននៅទីក្រុងហុងកុង បានប្រកាសកាលពីថ្ងៃអង្គារថា ខ្លួននឹងផ្លាស់ប្តូរឈ្មោះចិននៃថ្នាំដុសធ្មេញ “Darlie” ដ៏ល្បីល្បាញរបស់ខ្លួនពី “Black People Toothpaste” ទៅជា “Haolai” នៅខែមីនាឆ្នាំក្រោយ នេះបើយោងតាមសារព័ត៌មានហុងកុងសេរី

យោងតាមការចុះផ្សាយរបស់សារព័ត៌មាន vietnamplus ដែលបានដកស្រង់ចេញពីកាសែតកម្ពុជាមួយបានឱ្យដឹងថា ក្រុមហ៊ុនផលិតកង់កម្ពុជា រកចំណូលបាន ៥១៤លានដុល្លារ ពីការនាំចេញក្នុងខែមករា ដល់ខែតុលា។ ក្នុងកិច្ចប្រជុំចុងឆ្នាំ កាលពីថ្ងៃទី២៣ ខែធ្នូ រដ្ឋមន្ត្រីក្រសួងពាណិជ្ជកម្មកម្ពុជា លោក ប៉ាន សូរស័ក្តិ មានប្រសាសន៍ថា ទោះបីជាមានការរំខានដោយជំងឺរាតត្បាតកូវីដ-១៩ ក៏ដោយ ក៏ការនាំចេញកង់ដ៏រឹងមាំរបស់កម្ពុជានៅតែមាននៅឆ្នាំនេះ។ ក្នុងនោះដែរ ទីផ្សារសំខាន់ៗរបស់កម្ពុជា ក្នុងការនាំចេញកង់រួមមាន៖ សហរដ្ឋអាមេរិក អាល្លឺម៉ង់ ចក្រភពអង់គ្លេស ជប៉ុន ចិន អាស៊ាន បែលហ្សិក ហូឡង់ អូទ្រីស ស៊ុយអែត ដាណឺម៉ាក អូស្ត្រាលី

កាលពីថ្ងៃទី២៣ ខែវិច្ឆិកា ឆ្នាំ២០២១ អ្នកស្រី គូ តុប ជាកសិករបាននឿយហត់អស់កម្លាំងក្រោយពីការដាំបន្លែនៅផ្ទះ បានប្រើកូនឲ្យទៅទិញភេសជ្ជៈប៉ូវកម្លាំងប៊ូសស្រ្តងមួយកំប៉ុង បន្ទាប់ពីពិសាហើយស្រាប់តែស្រែកហៅកូនឲ្យមកជួយមើលគ្នា ព្រោះតែនឹកស្មានមិនដល់ថាបានត្រូវរង្វាន់ធំ ។ អ្នកស្រី គូ តុប រស់នៅ ភូមិវាលវង់ ឃុំរកាត ស្រុកភ្នំក្រវ៉ាញ ខេត្តពោធិ៍សាត់ មានអាយុ ៥០ឆ្នាំ មានមុខរបរជាកសិករ មានកូនសរុបដល់ទៅ៥នាក់ ប្តីនិងកូន២នាក់ចំណាកស្រុកដើម្បីរកចំណូលបន្ថែម និង៣នាក់ទៀតរស់នៅជាមួយអ្នកស្រី។ ចំណែកឯជីវភាពអ្នកស្រីវិញមិនសូវ ធូធាទេ រាល់ថ្ងៃគាត់មានតែកង់កញ្ចាស់មួយសម្រាប់ជូនកូនទៅរៀនប៉ុណ្នោះ ហើយចម្ងាយក៏ឆ្ងាយពីសាលាថែមទៀតផង ក្រោយពីជូនកូនមកពីរៀនវិញគាត់តែងតែមកដាំបន្លែធម្មតា។ ស្រាប់តែនៅព្រឹកថ្ងៃទី២៣នេះ បន្ទាប់ពីភាពនឿយហត់អស់កម្លាំងពីការដាំបន្លែនៅផ្ទះ អ្នកស្រីបានប្រាប់កូនឲ្យទៅទិញភេសជ្ជៈប៊ូសស្រ្តងយកមកពិសាដូចសព្វមួយដង ដោយនៅក្នុងខ្លួនមានត្រឹមតែ