និយតករទំនាក់ទំនងរបស់រុស្ស៊ីបានឱ្យដឹងថា កាលពីថ្ងៃច័ន្ទក្រុមហ៊ុន Google ត្រូវបានពិន័យជាប្រាក់ចំនួន ២១.១ពាន់លានរូប (ប្រមាណ ៣៧៣ លានដុល្លារ) ដោយតុលាការក្រុងម៉ូស្គូ។ ការពិន័យនេះបានកើតឡើងដោយសារតែក្រុមហ៊ុនមួយនេះ បានខកខានម្ដងហើយម្ដងទៀត ក្នុងការលុបនូវមាតិកាដែលរុស្ស៊ីចាត់ទុកថាខុសច្បាប់ដូចជា “ព័ត៌មានក្លែងក្លាយ” អំពីជម្លោះនៅក្នុងប្រទេសអ៊ុយក្រែនជាដើម។ ជាមួយគ្នានេះដែរ ការផាកពិន័យនេះត្រូវបានគណនាជាចំណែកនៃចំណូលប្រចាំឆ្នាំរបស់ Google នៅក្នុងប្រទេសរុស្ស៊ី ខណៈកាលពីចុងឆ្នាំមុន ក្រុមហ៊ុននេះត្រូវបានពិន័យជាប្រាក់ ៧.២ពាន់លានរូបម្ដងរួចមកហើយ។ គួរបញ្ជាក់ផងដែរថា ទីក្រុងម៉ូស្គូបានជំទាស់ជាយូរមកហើយចំពោះការចែកចាយមាតិការបស់វេទិកាបច្ចេកវិទ្យាបរទេសដែលបំពានលើការរឹតបន្តឹងរបស់ខ្លួន ហើយការរឹតបន្តឹងនេះ កាន់តែតឹងខ្លាំងចាប់តាំងពី​ជម្លោះ​ដ៏​ពុះកញ្ជ្រោល​បាន​ផ្ទុះឡើង​ជាមួយប្រទេសអ៊ុយក្រែន៕ អត្ថបទ៖ លីនី ប្រភព៖ yahoo រូបភាពពី៖ reuters, geo

កាលពីព្រឹកថ្ងៃទី១៨ ខែកក្កដា នេះ ស្ថានទូតជប៉ុនប្រចាំកម្ពុជាបានប្រគល់ជូនរថយន្តដឹកសំរាមចំនួន ១៥ គ្រឿង ដែលក្នុងនោះរថយន្តចំនួន ១០គ្រឿងគឺជាអំណោយរបស់ស្ថានទូតក្រោមគម្រោង​ (គម្រោង KUSANONE)។ ពិធីប្រគល់-ទទួលនេះត្រូវបានធ្វើឡើងក្រោមអធិបតីភាពឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងឯកឧត្តម Mikami Massahiro ឯកអគ្គរាជទូត​ជប៉ុន​ប្រចាំ​នៅ​កម្ពុជា។ ក្នុងឱកាសនោះដែរ រថយន្តដឹកសំរាមចំនួន១៥គ្រឿងនេះ បានចែកជូនបន្តដល់មន្ទីរបរិស្ថាននិងរដ្ឋបាលក្រុងស្រុក សម្រាប់ផ្តល់សេវាសម្អាត ប្រមូល ដឹកជញ្ជូនសំរាមសំណល់រឹងនៅតាមក្រុង ស្រុកចំនួន១៥ នៃខេត្តចំនួន ១១ រួមមាន៖ ខេត្តកំពង់ឆ្នាំង ខេត្តបន្ទាយមានជ័យ ខេត្តកោះកុង ខេត្តកំពង់ស្ពឺ ខេត្តកែប ខេត្តតាកែវ

ជាការពិតណាស់មនុស្សគ្រប់រូបសុទ្ធតែចាប់ផ្ដើមពីការងារដំបូងនៅក្នុងជីវិត មុនពេលដែលពួកគេទទួលបានជោគជ័យ សូម្បីតែមហាសេដ្ឋីលំដាប់ពិភពលោក បុគ្គលល្បីៗជាច្រើនក៏ដោយ ក៏សុទ្ធតែធ្លាប់ឆ្លងកាត់ការងារដំបូងទាំងអស់ ទម្រាំឈានជើងមកដល់បច្ចុប្បន្ន។ ដោយឡែក វាគ្រាន់តែខុសប្លែកពីគ្នានៃប្រភេទការងារដែលពួកគេទទួលបានប៉ុណ្ណោះ ដើម្បីកាន់តែច្បាស់ខាងក្រោមនេះជាមហាសេដ្ឋីលំដាប់ពិភពលោក និងបុគ្គលល្បីៗចំនួន ៤រូបដែលចាប់ផ្ដើមពីការងារតូចទាបដំបូងបំផុត​ រហូតក្លាយជាកំពូលអ្នកមានទ្រព្យសម្បត្តិ និងកេរ្តិ៍ឈ្មោះល្បីល្បាញដូចសព្វថ្ងៃក្នុងនោះរួមមាន៖ ១. លោក Jeff Bezos៖ មុនពេលក្លាយជាស្ថាបនិកក្រុមហ៊ុន Amazon និងជាមហាសេដ្ឋីមានបំផុតលំដាប់ទី២ ក្នុងពេលបច្ចុប្បន្ន លោក Jeff Bezos គឺជាបុគ្គលិកនៅក្នុងហាង Mcdonald’s នៅទីក្រុង Miami នៅពេលគាត់មានអាយុត្រឹមតែ ១៦ឆ្នាំ។ ២. លោក Warren Buffett៖

ធនាគារកណ្ដាលឥណ្ឌា (RBI) បាននិយាយកាលពីថ្ងៃសោរិ៍ថា សេដ្ឋកិច្ចរបស់ប្រទេសឥណ្ឌា នៅតែមានភាពធន់ចំពោះការប្រឈមនឹងបញ្ហាពិភពលោក រួមទាំងអតិផរណាដែលកំពុងកើនឡើងនៅតាមប្រទេសមួយចំនួននាពេលថ្មីៗនេះ។ ទាំងនេះហើយ ត្រូវបានគេរំពឹងថា សេដ្ឋកិច្ចឥណ្ឌា នឹងក្លាយទៅជាសេដ្ឋកិច្ចដែលមានកំណើនលឿនបំផុតរបស់ពិភពលោក។ RBI បាននិយាយនៅក្នុងព្រឹត្តិបត្រមួយថា ភាពប្រសើរឡើងវិញនៃខ្យល់មូសុងនិរតី និងការដាំដំណាំឡើងវិញនាពេលថ្មីៗនេះ បានបង្កើនការរំពឹងទុកថា តម្រូវការនៅតាមជនបទ នឹងចាប់យកការចំណាយក្នុងទីក្រុង និងពង្រឹងការស្ទុះងើបឡើងវិញនៃសេដ្ឋកិច្ច។ ប៉ុន្តែធនាគារកណ្ដាលបានបន្ថែមថា ឥទ្ធិពលដែលវាយប្រហារទៅលើការលេចធ្លាយភូមិសាស្ត្រនយោបាយ អាចមើលឃើញនៅក្នុងវិស័យជាច្រើន ដោយឥទ្ធិពលទាំងនោះនឹងកាត់បន្ថយល្បឿននៃការងើបឡើងវិញ”។ ទោះបីជាយ៉ាងនេះក្ដី ធនាគារបានបញ្ជាក់ថា នៅក្នុងហានិភ័យដ៏លើសលប់នេះ ក៏មានផ្កាភ្លើងនៅក្នុងខ្យល់បញ្ឆេះនូវភាពរឹងមាំពីកំណើតនៃសេដ្ឋកិច្ច និងកំណត់សេដ្ឋកិច្ច ឱ្យក្លាយជាសេដ្ឋកិច្ចដែលរីកលូតលាស់លឿនបំផុតនៅក្នុងពិភពលោក ទោះបីជាមានការឡោមព័ទ្ធដោយភាពភ័យខ្លាចនៃវិបត្តិសេដ្ឋកិច្ចក៏ដោយ៕ អត្ថបទ៖ លីនី ប្រភព៖ yahoo រូបភាពពី៖

កាលពីពេលកន្លងទៅនេះ “Lisa” ដែលជាតារាចម្រៀង k-pop ដ៏ល្បីមួយរូបនៅក្នុងក្រុម Blackpink បានសាងភាពភ្ញាក់ផ្អើល និងជួយដល់អាជីវកម្មរបស់ប្រជាជនថៃចំនួន ២ ទី១ គឺអាជីវកម្មលក់ប្រហិតនៅតាមដងផ្លូវនៅក្នុងខេត្តបូរីរ៉ាំ និងមួយទៀតគឺ ក្រុមហ៊ុនច្នៃម៉ូតរបស់ប្រទេសថៃ ដែលលក់ម្កុដដាច់គ្មានសល់ ក្រោយពីតារាស្រីវ័យក្មេងរូបនេះបានចេញបទចម្រៀង “LALISA” ដោយការតុបតែងខ្លួនមានពាក់ម្កុដដ៏ស្រស់ស្អាត។ យ៉ាងណាមិញ កាលពីថ្ងៃសុក្រថ្មីៗនេះ តារាស្រីជនជាតិថៃរូបនេះ កំពុងបង្កើតភាពទាក់ទាញថ្មីមួយទៀត ដោយរូបនាងបានបង្ហោះវិដេអូខ្លីៗ “stories” បង្ហាញពីនំថៃ នៅលើគណនី Instagram របស់ខ្លួនដែលមានអ្នកតាមដានចំនួន ៨០លាន។ នៅក្នុង “stories” Lisa បានបង្ហាញនូវនំប្រពៃណីរបស់ថៃចំនួន ៣ មុខគឺ

ក្រសួងទេសចរណ៍បានដាក់ចេញផែនការការងារ ១១ចំណុច ដើម្បីស្ដារវិស័យទេសចរណ៍ជាតិឡើងវិញ នេះបើយោងតាមការចុះផ្សាយរបស់ក្រសួងទេសចរណ៍។ ផែនការនេះ ត្រូវបានលើកឡើងនៅក្នុងពិធីបិទសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជា ក្នុង និងក្រោយវិបត្តិជំងឺកូវីដ-១៩ ដំណាក់កាលទី១ (២០២០-២០២១) និងឆមាសទី១ ឆ្នាំ២០២២ និងលើកទិសដៅផែនការស្តារឡើងវិញនូវវិស័យទេសចរណ៍ក្នុងដំណាក់កាលទី២ (ឆមាសទី២ ឆ្នាំ២០២២-២០២៣) ដែលត្រូវបានធ្វើឡើងក្រោមអធិបតីភាពសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នាព្រឹកថ្ងៃទី១៤ ខែកក្កដា ឆ្នាំ២០២២ នៅសណ្ឋាគារសុខារេស៉ីដង់ភ្នំពេញ។ នាឱកាសនោះ រដ្ឋមន្ត្រីក្រសួងទេសចរណ៍ ឯកឧត្ដម ថោង ខុន បានលើកឡើងថា ពេញមួយឆ្នាំ២០២២ នេះ កម្ពុជារំពឹងថា

លោក Elon Musk បាននិយាយកាលពីថ្ងៃសុក្រថា ក្រុមហ៊ុនផលិតផលរថយន្តអគ្គិសនី Tesla អាចបញ្ចុះតម្លៃរថយន្ត ប្រសិនបើអតិផរណាចុះមកវិញ។ លោក Musk ដែលមានអ្នកតាមដាន (follower) ជាង ១០០លាននាក់នៅលើ Twitter បានឆ្លើយតបទៅនឹង tweet មួយកាលពីថ្ងៃសុក្រដែលបានសួរថា តើក្រុមហ៊ុនមានគម្រោងបញ្ចុះថ្លៃលើរថយន្តដែលខ្លួនបានលើកឡើង ដើម្បីយកឈ្នះជំងឺរាតត្បាតនិងបញ្ហាសង្វាក់ផ្គត់ផ្គង់ដែរឬទេ? មហាសេដ្ឋីរូបនេះបានឆ្លើយថា “ប្រសិនបើអតិផរណាធ្លាក់ចុះ យើងអាចទម្លាក់តម្លៃរថយន្ត”។ គួររម្លឹកថា Tesla បានដំឡើងថ្លៃរថយន្តជាច្រើនដងក្នុងរយៈពេលប៉ុន្មានខែចុងក្រោយនេះ ដោយសារតម្លៃវត្ថុធាតុដើមសម្រាប់អាលុយមីញ៉ូម លីចូម ដែលប្រើក្នុងរថយន្ត និងអាគុយកើនឡើង ខណៈពេលដែលក្រុមហ៊ុនផលិតរថយន្តកំពុងព្យាយាមក្នុងការផ្គត់ផ្គង់បន្ទះឈីប និងការផ្គត់ផ្គង់ផ្សេងទៀត។ ជាមួយគ្នានេះ Musk

ជារៀងរាល់ឆ្នាំ គេហទំព័រ Travel+Leisure តែងតែធ្វើការស្ទង់មតិទៅលើអ្នកគាំទ្រ អំពីទីកន្លែងកម្សាន្តល្អបំផុតដែលពួកគេបានទៅ ក៏ដូចជាចែករំលែកពីបទពិសោធន៍ថ្មីៗ។ ក្នុងនោះអ្នកគាំទ្របានបញ្ចេញមតិទៅលើទីក្រុងកំពូលៗដូចជា តំបន់កោះ នាវាកម្សាន្ត ស្ប៉ា ក្រុមហ៊ុនអាកាសចរណ៍ និងជាច្រើនទៀត។ មិនតែប៉ុណ្ណោះពួកគេក៏បានវាយតម្លៃទីក្រុងលើទេសភាព និងកន្លែង វប្បធម៌ ម្ហូបអាហារ ភាពរួសរាយរាក់ទាក់ ការទិញទំនិញ និងតម្លៃរួមរបស់ពួកគេ។ យ៉ាងណាមិញ យោងតាមការបញ្ចេញមតិ និងការវាយតម្លៃ គេហទំព័រ Travel+Leisure បាន​រៀប​បញ្ជី​ឈ្មោះ​ទីក្រុង​ល្អ​បំផុត​ទាំង ១៥ ប្រចាំ​ទ្វីបអាស៊ីសម្រាប់ឆ្នាំ២០២២ នេះ ហើយក្នុងចំណោមនោះ​ទីក្រុង​សៀមរាប​របស់​ប្រទេសកម្ពុជា​ គឺ​ឈរ​នៅ​ក្នុងចំណោម Top 10 ដែលក្នុងនោះរួមមាន៖ ១.ទីក្រុង