យោងតាមការចុះផ្សាយក្នុងហ្វេសប៊ុកផ្លូវការរបស់ស្ថានទូតចិនប្រចាំកម្ពុជា នៅថ្ងៃទី៣០ ខែសីហា បានបញ្ជាក់ថា ដំណាំពោតនៅប្រទេសកម្ពុជា ត្រូវបានអនុញ្ញាតឱ្យនាំចេញដោយផ្ទាល់ទៅកាន់ប្រទេសចិន ពោលគឺភាគីចិន បានបញ្ចប់នីតិវិធីទាំងស្រុង សម្រាប់ការនាំចេញដំណាំពោតពីកម្ពុជា ទៅកាន់ទីផ្សារជាផ្លូវការក្នុងឆ្នាំ២០២២នេះ។​ ស្ថានទូតចិនបានបញ្ជាក់ថា «នាថ្ងៃទី២៧ ខែសីហា រដ្ឋបាលគយប្រទេសចិន បានផ្សព្វ ផ្សាយបញ្ជីឈ្មោះក្រុមហ៊ុន ដែលបានចុះបញ្ជីក្នុងការនាំចេញដំណាំពោតនៅកម្ពុជា ទៅកាន់ប្រទេសចិន មានន័យថា ដំណាំពោតនៅកម្ពុជា បានបញ្ចប់នីតិវិធីទាំងស្រុង សម្រាប់ការនាំចេញ និងត្រូវបានអនុញ្ញាតឱ្យនាំចេញទៅកាន់ប្រទេសចិន»។​ ស្ថានទូតចិនប្រចាំកម្ពុជាបានគូសបញ្ជាក់ថា នេះគឺជាផលិតផលកសិកម្មទី២ របស់កម្ពុជា ដែលត្រូវបានអនុញ្ញាតឱ្យនាំចេញទៅកាន់ប្រទេសចិន ក្នុងឆ្នាំ២០២២នេះ កិច្ចសហប្រតិបត្តិការជាក់ស្តែងរវាងចិន និងកម្ពុជា បានបង្កើនសមិទ្ធផលថ្មីៗបន្ថែមទៀត។​ថ្មីៗនេះ ភាគីចិនបានបង្កើនចំនួននាំចេញកសិផលរបស់កម្ពុជា សម្រាប់ការនាំ ចេញកាន់តែច្រើន

នាយកដ្ឋានស៊ើបអង្កេតពិសេសថៃ (DSI) បានរឹបអូសទំនិញក្លែងក្លាយចំនួន ៣៦០,០០០ នៅក្នុងខេត្ត Nakhon Nayok និងស្រុក Bang Bon នៃទីក្រុងបាងកក។ លោក Pol Lt Col Phayao Thongsen អគ្គនាយករង (DSI) បាននិយាយកាលពីម្សិលមិញថា ប្រតិបត្តិការបង្រ្កាបបានធ្វើឡើងនៅទីតាំងចំនួន ១២នៅក្នុងផ្សារក្នុងខេត្ត Nakhon Nayok និងឃ្លាំងមួយនៅស្រុក Bang Bon។ ក្នុងនោះ (DSI) បានរឹបអូសទំនិញក្លែងក្លាយចំនួន​ ៣០០,០០០ គ្រឿងដែលសុទ្ធសឹងតែជាម៉ាកយីហោថ្លៃៗនិងល្បីៗដូចជា Louis Vuitton,

យោងតាមការចុះផ្សាយរបស់ក្រសួងសាធារណការ និងដឹកជញ្ជូន បានឱ្យដឹងថា ក្រុមហ៊ុនដឹកជញ្ជូន FedEx របស់អាមេរិក ស្វែងយល់ពីឱកាសវិនិយោគ និងផែនការអភិវឌ្ឍន៍នានារបស់រាជរដ្ឋាភិបាលលើវិស័យហេដ្ឋារចនាសម្ព័ន្ធ និងដឹកជញ្ជូននៅកម្ពុជា សម្រាប់ចាប់ផ្តើមដំណើរការផ្តល់សេវាដឹកជញ្ជូនដោយផ្ទាល់របស់ខ្លួននៅកម្ពុជានាខែតុលាខាងមុខនេះ។ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន កាលពីថ្ងៃទី២៩ ខែសីហា កន្លងទៅនេះ បានអនុញ្ញាតឱ្យគណៈប្រតិភូក្រុមហ៊ុនដឹកជញ្ជូន FedEx របស់អាមេរិក ដឹកនាំដោយលោក Masamichi Ujiie អនុប្រធានជាន់ខ្ពស់របស់ក្រុមហ៊ុនFedEx ចូលជួបសម្តែងការគួរសម និងពិភាក្សាកាងារ។ ជំនួបរបស់គណ:ប្រតិភូក្រុមហ៊ុន FedEx ជាមួយឯកឧត្តមទេសរដ្ឋមន្រ្តី មានគោលបំណងស្វែងយល់ពីភាពរីកចម្រើន និងទស្សនវិស័យរបស់រាជរដ្ឋាភិបាលកម្ពុជាក្នុងការអភិវឌ្ឍប្រទេសជាតិ ឱកាសវិនិយោគ

នាព្រឹកថ្ងៃទី៣១ ខែសីហា ឆ្នាំ២០២២ នេះ សម្តេចអគ្គមហាសេនាបតីតេជោហ៊ុន សែននាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញជាអធិបតីដ៏ខ្ពង់ខ្ពស់បើកការដ្ឋានសាងសង់ស្ពានអាកាសចំនួនពីរបន្ថែមទៀត មានតម្លៃសរុបជាង ៤៦ លានដុល្លារអាមេរិក ដែលពិធីប្រារព្វបើកការដ្ឋាននៅផ្លូវប្រសព្វ៦០ម៉ែត្រ (ច្រមុះជ្រូកក្បាល ថ្នល់ ) ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ នាឱកាសនោះដែរ សម្ដេចតេជោ ហ៊ុន សែន បានមានប្រសាសន៍ថា រាជរដ្ឋាភិបាលកំពុងសិក្សាបង្កើតក្រុងល្វាឯម ប៉ុន្តែត្រូវដាក់នៅក្រោមចំណុះឱ្យខេត្តកណ្ដាល មិនមែនប្រគល់ឱ្យក្រុងភ្នំពេញឡើយ។ សម្ដេចតេជោ ក៏បានបញ្ជាក់ផងដែរថា​ ទីក្រុងភ្នំពេញបានចាប់ផ្ដើមពីជាង ៣០០គីឡូម៉ែត្រការ៉េ ខណៈឥឡូវបានបើកទូលាយរហូតជាង ៧០០គីឡូម៉ែត្រការ៉េ ដែលនេះជាការរីកចម្រើនទាំងទំហំ និងទាំងជម្រៅ៕ (រូបតំណាង)

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា រាជរដ្ឋាភិបាលខិតខំប្រឹង ប្រែងអភិវឌ្ឍន៍វិស័យផ្លូវដែកឱ្យកាន់តែទំនើប ដើម្បីមានភាពងាយស្រួលក្នុងការដឹក ទំនិញដោយមិនកកស្ទះចរាចរណ៍ផ្លូវគោកនិងជំរុញវិស័យទេសចរណ៍ឱ្យកាន់តែរីកចម្រើន ។ លោក អ៊ុក អ៊ួក ប្រធាននាយកដ្ឋានផ្លូវដែក នៃក្រសួងសាធារណការ និងដឹកជញ្ជូន បានប្រាប់វិទ្យុជាតិកម្ពុជាឱ្យដឹងថា រាជរដ្ឋាភិបាលចាត់ទុកវិស័យសាធារណការ និងដឹកជញ្ជូន ជាវិស័យអាទិភាពមួយក្នុងការដឹកជញ្ជូនប្រកបដោយគុណភាព សម្រាប់បម្រើឱ្យការដឹកជញ្ជូនកាន់តែប្រសើរឡើងដើម្បីបង្កើនភាពងាយស្រួលក្នុងការធ្វើចរាចរណ៍ដឹកជញ្ជូន និងការអភិវឌ្ឍលើគ្រប់វិស័យ ដែលជំរុញសេដ្ឋកិច្ចជាតិ និងជីវភាពប្រជាពលរដ្ឋរីចម្រើនឡើង។ លោកបានបន្តថា ការតភ្ជាប់ផ្លូវដែកទៅកាន់ប្រទេសជិតខាងក្នុងតំបន់ក៏បានរួម ចំណែកដល់ការជំរុញពាណិជ្ជ កម្មនិងលើកស្ទួយកម្រិតជីវ ភាពប្រជាពលរដ្ឋឱ្យកាន់តែសម្បូរសប្បាយធូរធារ ស្របតាមយុទ្ធសាស្រ្តរបស់រាជរដ្ឋាភិបាល ក្នុងការកាត់បន្ថយភាពក្រីក្រ របស់ប្រជាពលរដ្ឋកម្ពុជាបានយ៉ាងឆាប់រហ័ស។ លោកបានបញ្ជាក់ថា រាជរដ្ឋាភិបាលកម្ពុជាបានធ្វើការកែលម្អហេដ្ឋារចនាសម្ព័ន្ធផ្លូវដែក ឱ្យមានភាពល្អប្រសើរឡើងនូវប្រព័ន្ធផ្លូវដែកដែលមានស្រាប់ទៅជាផ្លូវរថភ្លើងល្បឿនលឿន ដើម្បីពង្រឹងវិសាលភាពតភ្ជាប់ក្នុងតំបន់

យោងតាមការចុះផ្សាយរបស់ ក្រសួងព័ត៌មាន មន្រ្តីជាន់ខ្ពស់ក្រសួង បរិស្ថាន បានឱ្យដឹងថា ក្រសួងបរិស្ថានកំពុងសិក្សាបង្កើតឧទ្យាជាតិសមុទ្រនៅ ក្នុងខេត្តកែប ដើម្បីប្រែក្លាយជាកន្លែងទេសចរណ៍ថ្មីមួយសម្រាប់ការស្រូបទាញភ្ញៀវទេសចរចូលមកទស្សនានៅខេត្តមួយនេះកាន់តែច្រើន ខណៈនាពេលបច្ចុប្បន្ននេះ ប្រទេសកម្ពុជាមានតំបន់ឧទ្យានជាតិសមុទ្រចំនួន ២រួចហើយ។ ថ្លែងក្នុងសន្និសីទសារព័ត៌ មានស្ដីពីសមិទ្ធផលសម្រេចរយៈពេល ៥ឆ្នាំ របស់ក្រសួងបរិស្ថាន នៅព្រឹកថ្ងៃទី២៥ ខែ សីហា ឆ្នាំ២០២២ នាទីស្ដីការគណៈរដ្ឋមន្ត្រី ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថានបានមានប្រសាសន៍ថា គម្រោងបង្កើតឧទ្យានជាតិបាតសមុទ្រនេះ ក្រសួងបរិស្ថានកំពុងតែបន្តការសិក្សា ដោយមានសំណើពីរដ្ឋបាលខេត្តកែប ដោយសារតំបន់នោះ មានធនធានដ៏សម្បូរបែបសម្រាប់សិក្សាលើកជាគម្រោងបង្កើតឧទ្យានជាតិបាតសមុទ្រនេះឡើង។ ឯកឧត្តមរដ្ឋលេខាធិការ បានបន្តថា ការបង្កើតនូវឧទ្យាន ជាតិសមុទ្រ

មន្ទីរសាធារណលការ និងដឹកជញ្ជូន មុននេះបន្តិចបានបង្ហាញអំពីព័ត៌មានលំអិត នៃគម្រោងសាងសង់ស្ពានអាកាសនៅចំណុចប្រសព្វមហាវិថី សម្តេចតេជោ ហ៊ុន សែន មហាវិថីព្រះមុនីវង្ស និងវិថីកងយោធពលខេមរភូមិន្ទ ស្ថិតក្នុងខណ្ឌចំការមន និងខណ្ឌមានជ័យ រាជធានីភ្នំពេញ។ យោងតាមមន្ទីរ គម្រោងសាងសង់ស្ពានអាកាសថ្មីនេះ ជាគម្រោងរបស់រាជរដ្ឋាភិបាលកម្ពុជាតាមរយៈរដ្ឋបាលរាជធានីភ្នំពេញ ដែលសាងសង់ដោយក្រុមហ៊ុនវិនិយោគទុនអាណិកជនកម្ពុជា OCIC។ គម្រោងគ្រោងចំណាយថវិកាចំនួន ៣៦.៧៧៥.០០០ ដុល្លាអាមេរិក ដោយពេលប្រើរយៈពេលសាងសង់ ៣៦ខែ។ ចំពោះលក្ខណៈបច្ចេកទេសនៃផ្លូវថ្នល់ផ្ទាល់ដី ស្ពានអាកាសជាន់ទី១ និងជាន់ទី២ ៖ ១. ផ្លូវថ្នល់ផ្ទាល់ដីៈ មានរង្វង់មូល នៅត្រង់ចំណុចប្រសព្វ ដែលបំបែកខ្នែងជាបួនទិសផ្សេងគ្នា។ ១.១ រង្វង់មូល (មានបរិមាត្រ

តាម​ការ​ចុះ​ផ្សាយ​របស់​ក្រសួង​ពាណិជ្ជកម្ម​មីយ៉ាន់ម៉ា បានឱ្យដឹងថា ក្នុងរយៈពេល ៤ ខែដំបូងនៃឆ្នាំសារពើពន្ធ ២០២២-២៣ ការនាំចេញនៃសណ្តែកសៀងរបស់មីយ៉ាន់ម៉ា មានចំនួន ៥៥៨.៧០០តោន ដែលក្នុងនោះ ៤១៩.១២០តោន ត្រូវបានដឹកជញ្ជូនតាមផ្លូវសមុទ្រ និងពាណិជ្ជកម្មឆ្លងដែនជាង ១៣៩.៥៧៩តោន ដែលមានតម្លៃជាង ៤២៦លានដុល្លារអាមេរិក។ គួរបញ្ជាក់ឱ្យដឹងផងដែរថា៖ តួលេខផ្លូវការបង្ហាញថា ការនាំចេញសណ្តែក និងគ្រាប់ភាគច្រើនរបស់មីយ៉ាន់ម៉ាគឺ ធ្វើឡើងតាមផ្លូវសមុទ្រ ក្នុងអំឡុងពេលនៃការរាតត្បាតនៃជំងឺកូវីដ-១៩។ ចំណែកឆ្នាំសារពើពន្ធបច្ចុប្បន្នរបស់ប្រទេសមីយ៉ាន់ម៉ាចាប់ផ្តើមនៅថ្ងៃទី ១ ខែមេសា បន្ទាប់ពីមានការប្តូរបញ្ជីរសារពើពន្ធពីខែតុលា រហូតដល់ខែកញ្ញា មកជាខែមីនា ដល់ខែមេសា ដោយចាប់ផ្តើមពីឆ្នាំ ២០២២-២០២៣៕ អត្ថបទ៖ Bee ប្រភព៖