ក្រុមហ៊ុន Mercedes-Benz នឹង​ផលិត​រថយន្ត​ស្ព័រ​ដ៏​ល្បីម៉ូដែលមួយនេះនៅ​វៀតណាម
អាជីវកម្ម September 22, 2022 Khmernote

អគ្គនាយកក្រុមហ៊ុន Mercedes-Benz វៀតណាម លោក Bradley Kelly បាននិយាយថា AMG C43 ដែលជាម៉ូដែលរថយន្តស្ព័រដ៏ល្បីរបស់ Mercedes-Benz នឹងត្រូវដំឡើងនៅប្រទេសវៀតណាមនាពេលខាងមុខ។ ​នេះបើយោងតាមការចុះផ្សាយរបស់សារព័ត៌មាន vietnamplus។

Mercedes-Benz Vietnam បាន​ឃើញ​ការ​បង្កើន​ល្បឿន​ក្នុង​ការ​ធ្វើ​ឱ្យ​ប្រសើរ​ឡើង​និង​ការ​អភិវឌ្ឍ​នៃ​ការ​ផលិត​រថយន្ត​ក្នុង​ស្រុក​និង​ការដំឡើង​ក្នុង​ប៉ុន្មាន​ឆ្នាំ​ចុង​ក្រោយ​នេះ​ ដូច្នេះហើយទើបជាមូលហេតុដែលធ្វើឱ្យក្រុមហ៊ុនបានបណ្តាក់ទុនចំនួន ៣៣លានដុល្លារអាមេរិកក្នុងឆ្នាំ ២០២១ និង២០២២ ក្នុងការអភិវឌ្ឍន៍បច្ចេកវិទ្យាទំនើបចំនួន​ ៦ ដែលមួយចំនួនបានបង្ហាញខ្លួនជាលើកដំបូងនៅក្នុងទីផ្សារប្រទេសវៀតណាម។

ជាមួយគ្នានេះ អ្វីដែលកាន់តែពិសេសនោះ គឺនៅឆ្នាំ២០២៣ នឹងមានព្រឹត្តិការណ៍ដ៏សំខាន់មួយសម្រាប់ក្រុមហ៊ុន Mercedes-AMG នៅក្នុងប្រទេសវៀតណាម នៅពេលដែលរោងចក្ររបស់ខ្លួនមានសមត្ថភាពបំពេញតាមស្តង់ដារបច្ចេកទេសដ៏តឹងរឹងដើម្បីដំឡើងរថយន្ត Mercedes-AMG C43៕

អត្ថបទ៖ លីនី
ប្រភព៖ vietnamplus
រូបភាព៖ mercedes-benz.com, .vietnamplus.vn