អ្នកនាំពាក្យរដ្ឋាភិបាលលោក Anucha Burapachaisri បាននិយាយកាលពីថ្ងៃព្រហស្បតិ៍ថា ប្រទេសថៃកំពុងឆ្ពោះទៅដណ្ដើមតំណែងវៀតណាម ជាអ្នកនាំចេញអង្ករធំជាងគេទីពីរ របស់ពិភពលោកនៅឆ្នាំនេះ បន្ទាប់ពីការនាំចេញអង្កររបស់ខ្លួនក្នុងរយៈពេល ៤ខែដំបូងបានកើនឡើងដល់ ២.៦២ លានតោន។ តួលេខនៃការនាំចេញខាងលើនេះ តំណាងឱ្យការកើនឡើង​ ១៤.៤១% ធៀបនឹងរយៈពេលដូចគ្នាកាលពីឆ្នាំមុន ដោយរដ្ឋាភិបាលឥឡូវនេះបានប៉ាន់ប្រមាណថា ការនាំចេញអង្ករសរុបនៅឆ្នាំ២០២៣ នឹងលើសពី ៨លានតោន ហើយលើសពីចំនួនសរុបកាលពីឆ្នាំមុនដែលមានចំនួន ៧.៦៩ លានតោន ដែលកាលនោះធ្វើអោយប្រទេសថៃស្ថិតក្នុងចំណាត់ថ្នាក់ទីបីក្នុងចំណោមអ្នកចេញនាំអង្ករធំជាងគេលើពិភពលោក នៅពីក្រោយប្រទេសឥណ្ឌា និងវៀតណាម។ គួរបញ្ជាក់ផងដែរថា អ្នកនាំចូលអង្ករថៃច្រើនជាងគេ​កាល​ពី​ឆ្នាំ​មុន​រួមមាន​ ​អ៊ីរ៉ាក់ ឥណ្ឌូនេស៊ី អាហ្វ្រិក​ខាង​ត្បូង អាមេរិក និង​ចិន៕ អត្ថបទ៖ លីនី

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ, តំណាងរាជរដ្ឋាភិបាលកម្ពុជា បានចុះហត្ថលេខាជាមួយលោកបណ្ឌិត LEE JOON KEUN ប្រធានក្រុមប្រឹក្សាភិបាលក្រុមហ៊ុន ប៊ូ យ៉ុង ខ្មែរ II ខូអិលធីឌី (BOOYOUNG KHMER II Co.,Ltd) ដែលជាបុត្រសម្ព័ន្ធរបស់ក្រុមហ៊ុន BOOYOUNG GROUP នៃសាធារណរដ្ឋកូរ៉េ នារសៀលថ្ងៃទី២៩ ខែមិថុនា ឆ្នាំ២០២៣ នៅទីស្តីការក្រសួងសេដ្ឋកិច្ច និងហិរញ្ញវត្ថុ។

យោងតាមការចុះផ្សាយរបស់សារព័ត៌មាន VNExpress បានឱ្យដឹងថា ប្រទេសវៀតណាម នឹងកាត់បន្ថយថ្លៃចុះបញ្ជីរថយន្តនៅត្រឹមពាក់កណ្ដាលនៃតម្លៃដើម ដើម្បីជម្រុញការលក់ឡើងវិញ។ ការកាត់បន្ថយថ្លៃចុះ​បញ្ជីនេះ គឺធ្វើឡើងសម្រាប់តែរថយន្តដែលផលិត ដំឡើងក្នុងស្រុក តែប៉ុណ្ណោះ។ ជាមួយគ្នានេះដែរ យោងតាមក្រឹត្យរបស់រដ្ឋាភិបាលដែលបានចេញកាលពីថ្ងៃពុធ ម្សិលមិញនេះ ការកាត់បន្ថយនេះ នឹងត្រូវបានធ្វើឡើងរយៈពេល ៦ខែ ពោលគឺនឹងចូលជាធរមាននៅថ្ងៃទី០១ ខែកក្កដាតទៅ ដោយតម្លៃដើមនឹងត្រឡប់ដូចដើមវិញចាប់ពីថ្ងៃទី០១ ខែមករា ឆ្នាំ២០២៤។ រម្លឹកផងដែរថា វៀតណាមបានចេញការកាត់បន្ថយ ៥០% ដូចគ្នាសម្រាប់រយៈពេលប្រាំមួយខែកាលពីឆ្នាំ ២០២០ និង២០២២ ដើម្បីជំរុញការប្រើប្រាស់ ហើយការផ្លាស់ប្តូរនេះ បណ្តាលឱ្យការលក់កើនឡើងទ្វេដងណៅក្នុងឆ្នាំទាំងពីរនេះ។ គួរបញ្ជាក់ផងដែរថា ក្នុងរយៈពេលប្រាំខែដំបូងនៃឆ្នាំនេះ រថយន្តចំនួន ១១៣,៥០០

សិប្បកម្មកែច្នៃគ្រាប់ស្វាយចន្ទីនៅខេត្តកំពង់ធំ កំពុងគ្រោងទិញគ្រាប់ស្វាយចន្ទីស្រស់ពីប្រជាសហគមន៍ឱ្យបានដល់ ៥០០០តោន នៅឆ្នាំ២០២៤​ ដើម្បីពង្រីកសមត្ថភាពកែច្នៃគ្រាប់ស្វាយចន្ទី។ នេះបើយោងតាមការចុះផ្សាយរបស់ក្រសួងកសិកម្ម រុក្ខប្រមាញ់ និងនេសាទ កាលពីថ្ងៃទី២៨ ខែមិថុនា ឆ្នាំ២០២៣ម្សិលមិញនេះ។ នៅក្នុងឱកាស ទស្សនកិច្ចស្វែងយល់ពីសិប្បកម្មកែច្នៃគ្រាប់ស្វាយចន្ទីជ័យសំបូរ ស្ថិតនៅភូមិត្រពាំងអារក្ស ឃុំជ័យ ស្រុកកំពង់ស្វាយ ក្នុងខេត្តកំពង់ធំ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា សិប្បកម្មកែច្នៃគ្រាប់ស្វាយចន្ទីខាងលើត្រៀមដាក់ចេញផែនការបង្កើនការប្រមូលទិញគ្រាប់ស្វាយចន្ទីស្រស់ពីប្រជាសហគមន៍ឱ្យបានដល់ ៥០០០តោន នៅឆ្នាំ២០២៤ ដើម្បីកែច្នៃ និងចែកចាយលក់លើទីផ្សារក្នុងស្រុក និងនាំចេញទៅក្រៅប្រទេស ម្ចាស់សិប្បកម្មកំពុងត្រៀមរៀបចំពង្រីករោងសិប្បកម្មដែលមានសមត្ថភាពកែច្នៃកាន់តែខ្ពស់បន្ថែមទៀត នៅឆ្នាំ២០២៣នេះ ដោយមានកិច្ចសហការជាមួយក្រុមហ៊ុនដៃគូ។ ទន្ទឹមនឹងនេះដែរ ពាក់ព័ន្ធនឹងកិច្ចការនេះ

ក្រុមហ៊ុននាំចេញរបស់ថៃ កំពុងកាត់បន្ថយពេលវេលាក្នុងការដឹកទុរេននាំចេញទៅប្រទេសចិនពីរយៈពេល ៨ថ្ងៃ មកត្រឹម ៤ថ្ងៃ វិញ ដោយការកាត់បន្ថយពេលវេលានេះ គឺដើម្បីប្រកួតប្រជែងជាមួយវៀតណាម ពោលគឹប្រើពេលខ្លីដឹកជញ្ជូន ទុរេននៅស្រល់ល្អ មិនសូវខូចគុណភាព។ លោក TerapongTechasathian ជំនួយការនាយកប្រតិបត្តិនៃក្រុមហ៊ុន Pan-Asia Silk Road Ltd ដែលប្រតិបត្តិការផ្លូវដែកបាននិយាយថា កាលពីខែមេសា ក្រុមហ៊ុនបានកំណត់កំណត់ត្រាដោយការដឹកជញ្ជូនទុរេនចំនួន ២៥ កុងតឺន័រ ពីប្រទេសថៃទៅកាន់ប្រទេសចិនក្នុងរយៈពេលមួយថ្ងៃ។ ដោយឡែក នាយកប្រតិបត្តិនៃក្រុមហ៊ុននាំចេញផ្លែឈើរបស់វៀតណាម Vina T&T លោក Nguyen Dinh Tung បាននិយាយថា ប្រទេសថៃ

យោងតាមការចុះផ្សាយរបស់ ក្រសួងព័ត៌មាន ឯកឧត្តម ហុង សុហួរ ប្រតិភូរាជរដ្ឋាភិបាល ទទួលបន្ទុកអគ្គនាយកនៃក្រុមហ៊ុនផ្សារមូលបត្រកម្ពុជា បានឱ្យដឹងថា មកដល់បច្ចុប្បន្ន ចំនួនទុនដែលមានក្នុងផ្សារមូលបត្រកម្ពុជាបានហក់ដល់៣៣០លានដុល្លារ ខណៈក្រុមហ៊ុនចុះបញ្ជីក្នុងផ្សារជួញដូរមូលបត្រកម្មសិទ្ធិសាធារណៈ និងបោះផ្សាយសញ្ញាបណ្ណកើនដល់ចំនួន២០ក្រុមហ៊ុន បន្ទាប់ពីបង្កើត និងចាប់បដិសន្ធិនៅក្នុងឆ្នាំ២០១២។ ថ្លែងក្នុងពិធីចុះបញ្ជី និងគោះជួងនៃការលក់មូលបត្រកម្មសិទ្ធិជាផ្លូការរបស់ក្រុមហ៊ុន ម៉េងលី ជេ. គួច អេឌ្យូខេសិន នៅក្រុមហ៊ុនផ្សារមូល បត្រកម្ពុជា នៅថ្ងៃទី២៨ ខែមិថុនា ឆ្នាំ២០២៣នេះ ឯកឧត្តម ហុង សុហួរ បានបញ្ជាក់ថា នេះជាសញ្ញាវិវឌ្ឍវិជ្ជមានឆ្ពោះទៅមុខមួយនៃផ្សារមូលបត្រកម្ពុជា បើទោះបីជាមិន ទាន់ខ្ពស់ដូចប្រទេសជិតខាងដូចជាថៃ និងវៀតណាមក្តី។ បើតាមការបញ្ជាក់របស់ឯកឧត្តម

នៅក្នុងពិធីអញ្ជើញចុះជួបសំណេះសំណាលជាមួយកម្មករ និយោជិតសរុប ១៨,៣១៣នាក់ នៅតំបន់ព្រៃស្ពឺ ខណ្ឌពោធិ៍សែនជ័យ រាជធានីភ្នំពេញ នាថ្ងៃទី២៨ ខែមិថុនា ឆ្នាំ២០២៣ នេះ សម្តេចតេជោ ហ៊ុន សែន បង្ហាញការជឿជាក់ថា នាពេលខាងមុខនេះសេដ្ឋកិច្ចកម្ពុជាលើវិស័យសេវាកម្ម នឹងមានកំណើនខ្លាំងជាងគេលើសវិស័យផ្សេងៗទៀត តាមរយៈកំណើនទេសចរ ខណៈបច្ចុប្បន្នសេដ្ឋកិច្ចវិស័យឧស្សាហកម្មមានការកើនឡើងខ្ពស់រហូតដល់ ៣៨%។ នាឱកាសនោះផងដែរ សម្ដេចតេជោ បានលើកឡើងថា រាជរដ្ឋាភិបាលកំពុងបន្តខិតខំធ្វើការកសាងហេដ្ឋារចនាសម្ព័ន្ធទាំងផ្នែករឹង និងទន់ ដើម្បីបម្រើដល់ការទាក់ទាញវិនិយោគមកកាន់ប្រទេសកម្ពុជា ខណៈបច្ចុប្បន្នកម្ពុជា មានតម្រូវការកម្លាំងពលកម្មក្នុង១ឆ្នាំ ជាង ៣០ ម៉ឺននាក់៕ អត្ថបទ៖ លីនី

កាលពីថ្ងៃទី២៦ ខែឧសភា ឆ្នាំ២០២៣ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគចំនួន ៧បន្ថែមទៀត ក្រោមទុនវិនិយោគរាប់សិបលានដុល្លារ និងបង្កើតការងារសម្រាប់ពលរដ្ឋខ្ទង់ម៉ឺនកន្លែង នៅក្នុងរាជធានីភ្នំពេញ និងតាមបណ្ដាខេត្តមួយចំនួន។ ក្នុងចំណោមគម្រោងតូចធំ ទាំង ៧នេះ មានក្រុមហ៊ុនផលិតកង់ធំមួយឈ្មោះថា “LINGRICH BICYCLE (CAMBODIA) CO., LTD.” បានបោះទុន ៧,២លានដុល្លារអាម៉េរិក បង្កើតរោងចក្រផលិតកង់ និងកង់អគ្គិសនី គ្រឿងបង្គុំទោចក្រយាន និងគ្រឿងបន្លាស់ទោចក្រយានគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស តាយសេង បាវិត, ខេត្តស្វាយរៀង។ រោងចក្រនេះអាចបង្កើតការងារបានចំនួន ៦.២៥០កន្លែង៕ អត្ថបទ៖ លីនី