យោងតាមការចុះផ្សាយរបស់ក្រសួងព័ត៌មាននៅថ្ងៃនេះ បានឲ្យដឹងថា អគ្គនាយកដ្ឋានពន្ធដារ ប្រមូលចំណូលបានចំនួន ៨៧៩.៦៨ ប៊ីលានរៀល (ប្រមាណ ២១៧.២០ លានដុល្លារអាមេរិក) ជាចំណូលពន្ធក្នុងខែដំបូងនៃឆ្នាំ២០២១ នេះ គឺថយចុះ ៨.០៦ ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន។ ប្រាក់ចំណូល ដែលបានលើកឡើងដោយគ្គនាយកដ្ឋានពន្ធដារនៅក្នុងកិច្ចប្រជុំបូកសរុបមួយដែលបានធ្វើឡើនៅថ្ងៃច័ន្ទ ក្រោមអធិបតីភាពរបស់ឯកឧត្តម គង់ វិបុល ប្រតិភូរាជ រដ្ឋាភិបាលកម្ពុជា ទទួលបន្ទុកជាអគ្គនាយកនៃអគ្គនាយកដ្ឋានពន្ធដារ តំណាងឲ្យ ៩.៦៨% នៃផែនការប្រចាំឆ្នាំ។ យ៉ាងណាមិញ ឯកឧត្តម បានណែនាំដល់មន្រ្តី ឲ្យបន្តអនុវត្តគោលនយោបាយកំណែទម្រង់ស៊ីជម្រៅរបស់រដ្ឋាភិបាលយ៉ាងតឹងរឹង និងមានប្រសិទ្ធភាព តាមរយៈវិធានការណ៍សំខាន់ៗរួមមាន ការពង្រឹងនិងការគ្រប់គ្រងកំណែទម្រង់ពន្ធ ការពង្រឹងប្រព័ន្ធបំពេញតាមអ៉ីនធឺណេត

អត្រាគ្មានការងារធ្វើរបស់ប្រទេសម៉ាឡេស៊ីកើនឡើងដល់ ៤.៥% នៅឆ្នាំ២០២០ ដែលជាអត្រាខ្ពស់បំផុតចាប់តាំងពីឆ្នាំ១៩៩៣ នៅពេលដែលប្រទេសត្រូវបានគេកត់ត្រាទុកនៅត្រឹម ៤.១% នេះបើយោងតាមនាយកដ្ឋានស្ថិតិម៉ាឡេស៊ី (DoSM)។ ប្រធានស្ថិតិ Mohd Uzir Mahidin បានឲ្យដឹងថា មនុស្ស ៧៧២,៩០០នាក់ផ្សេងទៀត គ្មានការងារធ្វើនៅក្នុងខែធ្នូឆ្នាំ២០២០ កើនឡើង ៤.៨% ពីមួយខែទៅមួយខែ ខណៈពេលដែលចំនួនអ្នកធ្វើការបានកើនឡើងត្រឹមតែ ០.១% ពីមួយខែទៅមួយខែ ស្មើនឹង ១៩,៣០០។ ជាមួយគ្នានេះអត្រាកម្លាំងពលកម្ម (LFPR) ក្នុងឆ្នាំ២០២០ នៅតែមាន ៦៨.៤% ពោល គឺធ្លាក់ចុះ ០.៣% ពីមួយឆ្នាំទៅមួយឆ្នាំ។ ជាមួយបញ្ហានេះលោក

អ្នកនាំពាក្យអាកាសចរណ៍ស៊ីវិល បានឱ្យដឹងថា ជំងឺកូវីដ-១៩ដ៏កាចសាហាវនេះបានបន្ដអូសបន្លាយពេលប្រមាណ ជាង១ឆ្នាំ បានធ្វើឱ្យក្រុមហ៊ុនអាកាសចរណ៍នៅកម្ពុជាជួបការលំបាកខ្លាំង ប៉ុន្តែមិនទាន់បានប្រកាសក្ស័យធនឬដួលរលំ នោះឡើយ។ ឯកឧត្តម ស៊ីន ចាន់សិរីវុត្ថា អនុរដ្ឋលេខាធិការនិងជាអ្នកនាំពាក្យអាកាសចរណ៍ស៊ីវិល បានឱ្យដឹងថា ក្នុងវិបត្តិកូវីដ-១៩នេះ រាជរដ្ឋាភិបាលកម្ពុជាបានធ្វើកិច្ចអន្ដរាគមន៍ដល់ក្រុមហ៊ុនដែលប្រកបរបរលើវិស័យអាកាសចរណ៍ ប៉ុន្ដែការអន្ដរាគមន៍នេះ នៅមានកម្រិតនៅឡើយ ។ ទោះជាយ៉ាងនេះក្ដី កម្ពុជាមិនទាន់ឃើញមានក្រុមហ៊ុនអាកាសចរណ៍ណាប្រកាសពីការ ក្ស័យធនរបស់ក្រុមហ៊ុនខ្លួនឡើយ ប៉ុន្ដែក្រុមហ៊ុនកំពុងប្រឈមនឹងការលំបាកជាច្រើន ដោយបានកាត់បន្ថយបុគ្គលិក, កាត់បន្ថយប្រាក់ខែបុគ្គលិកនិងជាប់បំណុលច្រើនជាដើម។ ឯកឧត្តមបានបន្តថា មើលពីស្ថានភាពជាក់ស្ដែងកម្រិតម៉ាក្រូសេដ្ឋកិច្ចរបស់កម្ពុជានៅមានកម្រិតនៅឡើយ ដូច្នេះប្រសិនបើ ទំនុកបម្រុងលើវិស័យឯកជនទាំងអស់ កម្ពុជានឹងប្រឈមការខ្វះខាតនិងជួបបញ្ហាជាច្រើន។ ថ្វីត្បិតបែបនេះក៏ពិតមែន ប៉ុន្ដែរាជដ្ឋាភិបាលកម្ពុជាមិនលែងដៃនោះទេ ដោយបានផ្ដល់អន្ដរាគមន៍មួយចំនួន ដែលអាចឱ្យក្រុមហ៊ុនឯកជនទាំងអស់ ទទួលយកបាន។ ឯកឧត្តមមានប្រសាសន៍ថា៖

ស្ថានីយប្រព្រឹត្តកម្មទឹកកខ្វក់ខាងត្បូងរាជធានីភ្នំពេញ ដែលជាគម្រោងរបស់អង្គការចៃកា ( Jica​ ) ប្រទេសជប៉ុន ដែលមានសមត្ថភាពបំលែងទឹកកខ្វក់បានប្រមាណជា៥០០០ម៉ែត្រគីបក្នុង១ថ្ងៃ គ្រោងនឹងស្ថាបនាឡើងនាចុងខែមេសា ឆ្នាំ២០២១ ខាងមុខនេះហើយ ដើម្បីបង្កើនសមត្ថភាពរំដោះការជន់លិច ដោយជំនន់ទឹកភ្លៀងនៅរាជធានីភ្នំពេញ។ គម្រោងសាងសង់នេះបានធ្វើឡើងក្រោយពីដោះស្រាយផលប៉ះពាល់ជាមួយបងប្អូនប្រជាពលរដ្ឋដែលបានរំលោភលើទីតាំងសាងសង់ស្ថានីយប្រព្រឹត្តកម្មទឹកកខ្វក់នេះរួចរាល់។ ការបង្ហាញពីគម្រោងនៃការស្ថាបនាស្ថានីយព្រឹត្តិកម្មខាងលើនេះ បានធ្វើឡើងក្នុងកិច្ចប្រជុំជាមួយមន្រ្តីជំនាញនាព្រឹកថ្ងៃទី ១៥ខែកុម្ភៈឆ្នាំ២០២១នេះ នៅសាលារាជធានីភ្នំពេញ ក្រោមវត្តមានឯកឧត្តម ឃួង ស្រេង អភិបាលនៃគណៈអភិបាល រាជធានីភ្នំពេញនិងឯកឧត្តមរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ។ លោកសាំ ពិសិដ្ឋប្រធានមន្ទីរសាធារណការនិងដឹកជញ្ជូនរាជធានីភ្នំពេញបានបញ្ជាក់ឱ្យដឹងថា ស្ថានីយប្រព្រឹត្តកម្មទឹកកខ្វក់ នៅភាគខាងត្បូងរាជធានីភ្នំពេញ ក្នុងតំបន់អភិវឌ្ឍន៍បឹងទំពុននេះ មានសមត្ថភាពបំលែងទឹកកខ្វក់បានប្រមាណជា ៥០០០ ម៉ែត្រគីប ក្នុងមួយថ្ងៃ ដែលជាគម្រោងដ៏ធំដំបូងគេ។ គម្រោងនេះនឹងធ្វើឡើងនៅក្នុងដីទំហំ ៣ហិកតាសិន

យោងតាមសេចក្ដីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជា នៅក្នុងកិច្ចប្រជុំលើកទី២១ នៃគណៈកម្មាធិការចម្រុះកម្ពុជា-ជប៉ុន ឯកឧត្តម សុខ ចិន្តាសោភា រដ្ឋមន្រ្តីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា បានឱ្យដឹងថា គិតត្រឹមដំណាច់ខែមករា ឆ្នាំ២០២១ ក្រុមប្រឹក្សាអភិវឌ្ឍន៍កម្ពុជា បានចុះបញ្ជីគម្រោងវិនិយោគ មានលក្ខណៈសម្បត្តិគ្រប់គ្រាន់របស់ជប៉ុន ចំនួន១៤៤គម្រោង ក្នុងទុនវិនិយោគសរុបប្រមាណ២.៧៩ ប៊ីលានដុល្លារអាមេរិក ក្នុងនោះ មានគម្រោងវិនិយោគចំនួន ៦៦គម្រោង បានបោះទីតាំងវិនិយោគ ក្នុងតំបន់សេដ្ឋកិច្ចពិសេស ដែលមានទុនវិនិយោគ សរុបប្រមាណ ៣៤០លានដុល្លារអាមេរិក។ ឯកឧត្តមបានថ្លែងអំណរគុណចំពោះការចូលរួមយ៉ាងសកម្ម របស់សហគមន៍ធុរកិច្ចជប៉ុននៅកម្ពុជា ដែលជានិច្ចកាលបានបន្តជំរុញសកម្មភាពវិនិយោគរបស់ខ្លួននៅកម្ពុជា ឱ្យមានសកម្មភាពរស់រវើក ទោះបីមានការរំខានពីការរាតត្បាតនៃជំងឺកូវីឌ-១៩ ក៏ដោយ។ ឯកឧត្តមបន្តថា នេះជាសក្ខីភាពមួយ ដែលអ្នកវិនិយោគជប៉ុនបានបង្ហាញពីការប្តេជ្ញាចិត្តបន្តការវិនិយោគរបស់ខ្លួននៅកម្ពុជា

មនុស្សពេញវ័យជាង ៨% នៅសហរដ្ឋអាមេរិកមានទ្រព្យគ្រប់គ្រាន់ ដែលត្រូវបានគេចាត់ថ្នាក់ឲ្យជាមហាសេដ្ឋី នេះបើយោងតាមរបាយការណ៍ Global Wealth Report ឆ្នាំ២០២០ ដោយ Credit Suisse។ លោក Chris Hogan ម្ចាស់វិទ្យុ និងជាអ្នកនិពន្ធសៀវភៅ“ មហាសេដ្ឋីប្រចាំថ្ងៃ” បានធ្វើការស្ទង់មតិលើបុគ្គលមានទ្រព្យស្តុកស្តម្ភជាង ១០,០០០ នាក់ដើម្បីស្វែងយល់ពីអាថ៌កំបាំងនៃភាពជោគជ័យរបស់ពួកគេ។ អ្នកនិពន្ធរូបនេះ បានដឹងយ៉ាងឆាប់រហ័សថា មហាសេដ្ឋីភាគច្រើនមិនមែនជាអ្នកដែលមានយន្តហោះផ្ទាល់ខ្លួន ជាមួយជីវិតហ៉ឺហា ដូចដែលអ្នកឃើញនៅលើកញ្ចក់ទូរទស្សន៍ទេ។ ជាក់ស្ដែងលោក Hogan បាននិយាយថា៖ « មហាសេដ្ឋីទាំងនោះ ​គឺជាមនុស្សឧស្សាហ៍ព្យាយាមធ្វើការងារប្រចាំថ្ងៃ ពួកគេមានគោលដៅច្បាស់លាស់ និងអនាគតភ្លឺស្វាង

គណៈកម្មាធិការគោលនយោបាយស្រូវជាតិដឹកនាំដោយលោកនាយករដ្ឋមន្រ្តី ប្រាយុធ ចានអូចា កាលពីពេលថ្មីៗនេះបានអនុម័តការចំណាយបន្ថែមចំនួន ៣.៨៣ ពាន់លានបាត (ប្រមាណជា ១២៨ លានដុល្លារ) សម្រាប់គម្រោងធានាតម្លៃស្រូវ ដែលឧបត្ថម្ភដោយរដ្ឋ សម្រាប់ឆ្នាំដាំ ២០២០-២១។ ការអនុម័តថវិកានេះ បានបង្កើនការចំណាយសរុបរហូតដល់ ៥០.៦ ពាន់លានបាតក្នុងរដូវកាលប្រមូលផលនេះ។ អ្នកនាំពាក្យរដ្ឋាភិបាលលោក Anucha Buraphachaisri ថវិកាយ៉ាងច្រើនបែបនេះត្រូវបានគេបម្រុងទុក ដោយសារតែមានអ្នកចុះឈ្មោះបន្ថែមនៅក្នុងគម្រោងនេះ។ ជាក់ស្ដែងគិតត្រឹមថ្ងៃទី៣ ខែកុម្ភៈ មានគ្រួសារចំនួន ៤.៦៨ លានគ្រួសារដែលមានដីស្រែចំនួន ៦១.២ លានរ៉ៃបានចុះបញ្ជីជាមួយគម្រោងនេះ ពោលគឺកើនឡើងពី ៤.៥៧ លានគ្រួសារដែលមាន ៥៦ លានរ៉ៃ។

យោងតាមការចុះផ្សាយរបស់សារព័ត៌មាន The Thaiger បានឲ្យដឹងថា ខេត្ត សាមុត សាខន ដែលជាតំបន់ផ្ទុះវីរុស Covid-19 ជាថ្មីកាលពីខែធ្នូ នោះ នឹងបើកផ្សារលក់គ្រឿងសមុទ្រចំនួន ២២ ឡើងវិញនៅថ្ងៃនេះ ខណៈផ្សារទាំង ២២ ត្រូវបានបិទចាប់តាំងពីថ្ងៃទី១៩ ខែធ្នូ ដោយសារការផ្ទុះវីរុស និងឆ្លងរាលដាលស្ទើរពាសពេញប្រទេស។ មន្រ្តីនៅសាមុតសាខុនបានឲ្យដឹងថា ពួកគេចាប់ផ្តើមប្រតិបត្តិការបោសសម្អាតរយៈពេល ៣ថ្ងៃ នៅទូទាំងផ្សារ ទាំង២២ ក្នុងគោលបំណងលើកកម្ពស់ទំនុកចិត្តសាធារណៈ។ លោក Chingchai Bunprakhong អភិបាលខេត្ត សាមុត សាខន បានមានប្រសាសន៍ថា តំបន់ទាំងអស់ត្រូវបានសម្អាតកាលពីចុងសប្ដាហ៍មុន។

យុវជន លី ហួរ ម្ចាស់កសិដ្ឋានចិញ្ចឹមឃ្មុំ បង្ហាញថា រយ:ពេល ០៤ឆ្នាំ នៃការរៀនចិញ្ចឹមឃ្មុំនៅខេត្តរតនគិរី ធ្វើឲ្យលោក យល់ថា មានសមត្ថភាពក្នុងការចិញ្ចឹមឃ្មុំនេះ ដោយរកប្រាក់ចំណូលសម្រាប់ដោះស្រាយជីវភាពយ៉ាងល្អប្រសើរ។ យុវជនម្នាក់នេះ រកចំណូលបានជាង ៥ពាន់ដុល្លារ ក្នុងមួយខែៗ ពីរបរចិញ្ចឹមឃ្មុំ នេះ។ នៅថ្ងៃទី១២ ខែកុម្ភៈ ឆ្នាំ២០២១ នេះ លោក លី ហួរ បានឱ្យដឹងថា កសិដ្ឋានចិញ្ចឹមឃ្មុំ របស់លោក ស្ថិតក្នុងឃុំខ្នារសណ្តាយ ស្រុកបន្ទាយស្រី ខេត្តសៀមរាប។ លោកបន្តថា ការចិញ្ចឹមឃ្មុំ មានភាពងាយស្រួលជាងការដាំបន្លែ

ឯកឧត្ដមបណ្ឌិត ថោង ខុន រដ្ឋមន្ត្រីក្រសួងទេសចរណ៍ បានថ្លែងនាថ្ងៃទី១៤ ខែកុម្ភៈ ឆ្នាំ២០២១ នេះថា រយៈពេលពីរថ្ងៃនាឱកាសបុណ្យចូលឆ្នាំចិន (១២-១៣ កុម្ភៈ) កម្ពុជាទទួលបានភ្ញៀវទេសចរប្រមាណជាង ៦១៣,៥៩៦ ម៉ឺននាក់។ ឯកឧត្ដមរដ្ឋមន្ត្រីបានបញ្ជាក់ថា ភ្ញៀវបានចេញដើរកម្សាន្តនៅទូទាំងប្រទេសមានចំនួន ៤០៨,៥២១ នាក់ ក្នុងនោះភ្ញៀវជាតិមានចំនួន ៤០៣,៧៨៦ នាក់ និងភ្ញៀវបរទេសផ្ទៃក្នុងមានចំនួន ៤,៧៣៥ នាក់។ ជាមួយគ្នានេះបើតាមលោករដ្ឋមន្ត្រី ថោង ខុន ដូចការគ្រោងទុក ចលនាភ្ញៀវនាថ្ងៃទី២ មានសន្ទះខ្លាំងជាងថ្ងៃទី១ ប៉ុន្តែប្រជាពលរដ្ឋមួយចំនួនបានជ្រើសរើសដើរកម្សាន្តនៅតាមគោលដៅជិតៗ ឬ វិលល្ងាច។ ជាក់ស្តែង