យោងតាមការបង្ហោះសារតាមបណ្តាញទំនាក់ទំនងហ្វេសប៊ុក រដ្ឋមន្ត្រីក្រសួងព័ត៌មាន ឯកឧត្តម ខៀវ កាញារីទ្ធ នាព្រឹកថ្ងៃទី១៣ ខែកុម្ភៈ ឆ្នាំ២០២១នេះ បានឲ្យដឹងថា លោកថុល តូម៉ា បានបង្ហាញអំពីម៉ាកកាបូប fashion ជាផលិតផលម៉ាកខ្មែរសុទ្ធសាធដែលបានរចនាអក្សរក្បាច់ខ្មែរ ផលិតអំពីស្បែកក្រពើ ស្បែកគោ និងសូត្រខ្មែរជំហ៊ានដំបូង។ លោក ថុល តូម៉ា បានបន្តថា ការផ្តួចផ្តើមគំនិតនេះ បានធ្វើឡើង បន្ទាប់ពីលោកបានចូលរួមពិពណ៌វប្បធម៌អន្តរជាតិជាច្រើនលើកទាំងអាស៊ី អ៊ឺរ៉ុប និង តំបន់លោកខាងលិច ម្យ៉ាងធនធានកូនៗដែលទទួលបានអាហារូបករណ៍ តាមរយៈរូបលោកផ្ទាល់ ដែលមានស្រាប់ផង ក៏សម្រេចបង្កើតម៉ាក “ក្រវ៉ាញ”នេះឡើង។ ក្រវ៉ាញជារុក្ខជាតិព្រៃដើមស្រដៀងខ្ញី មានផ្កាក្រអូបទាក់ទាញ ឯផ្កាទៀតសោតក៏មានតម្លៃថ្លៃអាចផលិតជាគ្រឿងថែសម្រស់

ក្រសួងពាណិជ្ជកម្មថៃ (FTD) កាលពីថ្ងៃច័ន្ទ ទី០៨ ខែកុម្ភៈ បាននិយាយថា គោលដៅនាំចេញអង្កររបស់ប្រទេសថៃត្រូវបានកំណត់ត្រឹម ៦ លានតោនក្នុងឆ្នាំ២០២១នេះ។ លោក Keerati Rushchano អគ្គនាយក FTD បាននិយាយថា គោលដៅត្រូវបានកំណត់បែបនេះ បន្ទាប់ពីមានកិច្ចពិភាក្សារវាងនាយកដ្ឋានពាណិជ្ជកម្មបរទេស និងសមាគមនាំចេញអង្ករថៃ។ លោកបាននិយាយថា ការកំណត់គោលដៅនាំចេញនេះគឺជារឿងសមហេតុផលមួយ ប៉ុន្តែអ្វីដែលពិបាកគឺតម្លៃរបស់អង្ករថៃ ដោយសារថាអង្ករគូប្រជែងដូចជាវៀតណាម និងឥណ្ឌា មានតម្លៃធូរធ្លៃជាងអង្ករថៃ។ កត្តាផ្សេងទៀតគឺគ្មានកុងតឺន័រដាក់អង្ករ និងការធ្លាក់ចុះនៃការទិញរបស់ប្រទេសនាំចូល ដោយសារតែវិបត្តិនៃជំងឺរាតត្បាត COVID-19 ។ លោក Keerati បានបន្ថែមថា អត្រាប្តូរប្រាក់បាត គឺជាគន្លឹះសំខាន់ដើម្បីបំពេញតាមគោលដៅនាំចេញនេះ។

ទស្សនាវដ្តី International Living បានចេញផ្សាយនូវសន្ទស្សន៍ «ការចូលនិវត្តន៍ជាសកលប្រចាំឆ្នាំ២០២១» របស់ពួកគេ ដែលបានបង្ហាញថា៖ កម្ពុជា និងវៀតណាម ជាទិសដៅ ២ នៅក្នុងតំបន់ទន្លេមេគង្គ ដែលល្អហើយមានតម្លៃធូរថ្លៃសម្រាប់ការរស់នៅពេលចូលនិវត្តន៍។ ជាក់ស្ដែងអ្នកស្រី Jennifer Stevens នាយកប្រតិបត្តិរបស់ International Living បាននិយាយថា៖«ខណៈដែលមនុស្សខ្លះគិតចង់ចូលនិវត្តន៍នៅឯបរទេស ដោយសារហេតុផលជាច្រើនដូចជា៖ ការផ្សងព្រេង, ឱកាសដើម្បីស្វែងរកកន្លែង និងរៀនភាសាថ្មី, ឱកាសធ្វើដំណើរ និងអ្វីៗផ្សេងទៀត – គំនិតលើការចំណាយធូរថ្លៃក្នុងការរស់នៅ ស្របពេលនឹងការលើកកម្ពស់គុណភាពជីវិត គឺដើរតួសំខាន់សម្រាប់មនុស្សជាច្រើន»។ បើនិយាយទៅ សូម្បីតែមុនពេលមានជំងឺ COVID-19 មនុស្សភាគច្រើនមិនបានសន្សំគ្រប់គ្រាន់សម្រាប់ការចូលនិវត្តន៍របស់ពួកគេទេ ហើយការបាត់បង់ការងារយ៉ាងច្រើនដែលយើងកំពុងមើលឃើញ នឹងធ្វើឱ្យស្ថានភាពនោះកាន់តែធ្ងន់ធ្ងរថែមទៀត។ ដូច្នេះការប្ដូរទៅរស់នៅទីតាំងល្អដែលមានតម្លៃធូរថ្លៃ នឹងធ្វើឱ្យពួកគេមានការសន្សំសំចៃ

ប្រទេសថៃមានគោលបំណងចង់ឱ្យផលិតកម្មយានយន្ត ៣០% គឺជាយានយន្តអគ្គិសនីនៅឆ្នាំ២០៣០ ដើម្បីគោលបំណងកាត់បន្ថយការបំពុលបរិយាកាស ព្រោះថាគុណភាពខ្យល់នៅតាមបណ្តាខេត្តមួយចំនួនក្នុងប្រទេសថៃ ជាពិសេសទីក្រុងបាងកក និងខេត្តឈៀងម៉ៃ ជារឿយៗការបំពុលបរិយាកាសបានឡើងដល់កម្រិតគ្មានសុវត្ថិភាព និងរហូតអាចចាត់ចូលថាមានគ្រោះថ្នាក់បំផុតសម្រាប់ផ្នែកខ្លះទៀតផង នេះបើតាមការកត់ត្រាដោយ IQAir ។ ជម្រាបដែរថា យានយន្តអគ្គិសនីដែលគេផ្ដោតសំខាន់រួមមាន៖ រថយន្ត ម៉ូតូ និងឡានក្រុងជាដើម។ រដ្ឋមន្ត្រីក្រសួងឧស្សាហកម្មលោក Suriya Jungrungreangkit មានប្រសាសន៍ថា៖«រដ្ឋាភិបាលចង់ពន្លឿនការប្រើប្រាស់ និងផលិតរថយន្តអគ្គិសនី ដោយយុទ្ធសាស្ត្រជាតិគឺផ្តោតលើបរិស្ថាន និងដំណោះស្រាយបំពុលបរិយាកាស»។ ថ្វីបើការដុតដំណាំនៅតាមបណ្តាខេត្តភាគខាងជើង គឺជាកត្តាចំបងក្នុងការបំពុលបរិយាកាស ហើយការបំភាយឧស្ម័នពីរថយន្ត ឡានក្រុង និងរថយន្តដឹកទំនិញ មិនមែនជាបុព្វហេតុចម្បងនៃគុណភាពខ្យល់មិនល្អក៏ដោយ ក៏ការស្ទង់មតិថ្មីៗនេះពី Nissan Motor Co,

ក្រសួងឧស្សាហកម្មវិទ្យាសាស្រ្ត បច្ចេកវិទ្យា និងនវានុវត្តន៍ បានដាក់ឱ្យប្រើប្រាស់សញ្ញាផលិតផលកម្ពុជាមានគុណភាព ដើម្បីលើកកម្ពស់ផលិតផលក្នុងស្រុក ។ យោងតាមសេចក្តីជូនដំណឹង របស់ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ដែលវិទ្យុជាតិកម្ពុជា បានទទួលឱ្យដឹងថា ក្រសួងបានចាប់ផ្តើមទទួលពាក្យស្នើសុំបញ្ជាក់គុណភាព សុវត្ថិភាពផលិតផលរបស់ម្ចាស់រោងចក្រ សហគ្រាស សិប្បកម្ម នៅទូទាំងព្រះរាជាណាចក្រកម្ពុជាទាំងអស់ ចាប់ពីថ្ងៃជូនដំណឹងនេះតទៅ ដើម្បីជំរុញលើកកម្ពស់ ផលិតផលក្នុងស្រុក តាមរយៈការពង្រឹងគុណភាព សុវត្ថិភាពផលិតផលអនុលោមតាមស្តង់ដារ ក្នុងគោលបំណង ជ្រៀតចូលទីផ្សារទំនើប, ផ្តល់ទំនុកចិត្តដល់អ្នកប្រើប្រាស់និងអតិថិជន។ ប្រភពដដែលបន្តថា ចំពោះពាក្យស្នើសុំ និងឯកសារភ្ជាប់ មានចែកជូនដល់ម្ចាស់រោងចក្រ សហគ្រាស សិប្បកម្ម នៅច្រកចេញ-ចូលតែមួយ របស់ក្រសួងឧស្សាហកម្ម

យោងតាមស្ថិតិគយបានបង្ហាញថា ប្រទេសវៀតណាមបាននាំចូលសាច់ជ្រូកជាង ១៤១,០០០តោន ដោយគិតជាទឹកប្រាក់ស្មើនឹង ៣៣៣.​៤ លានដុល្លារក្នុងឆ្នាំ២០២០ ដោយតួលេខនេះតំណាងឲ្យការកើនឡើង ៣៨២% និង៥០០% រៀងគ្នាធៀបនឹងឆ្នាំមុន។ បើតាមប្រភពដដែលបានឲ្យដឹងថា ការកើនឡើងនៃការនាំចូល គឺដើម្បីបំពេញកង្វះខាតការផ្គត់ផ្គង់សាច់ជ្រូកដែលបណ្តាលមកពីជំងឺគ្រុនក្តៅជ្រូកអាហ្វ្រិក ដែលបានធ្វើឲ្យតម្លៃសាច់ក្នុងស្រុកកើនឡើងក្នុងរយៈពេលប៉ុន្មានខែដំបូងនៃឆ្នាំ ២០២០។ ជាមួយគ្នានេះដែរ សាច់ជ្រូកត្រូវបាននាំចូល​ជាចម្បង​ពីប្រទេស ប្រេស៊ីល រុស្ស៊ី ប៉ូឡូញ អាមេរិក និងកាណាដា ខណៈប្រេស៊ីល គឺជាអ្នកនាំចេញសាច់ជ្រូកធំជាងគេទៅកាន់ប្រទេសវៀតណាមកាលពីឆ្នាំមុន ដែលមានចំនួន ២៤.៥% នៃបរិមាណនាំចូល។ ដោយឡែកបើយោងតាមក្រសួងកសិកម្ម និងអភិវឌ្ឍន៍ជនបទវៀតណាម បានឲ្យដឹងថា បានអនុម័តប្រទេសចំនួន ២៥ ឲ្យនាំចេញសាច់សត្វ និងសាច់បសុបក្សីទៅកាន់ប្រទេសវៀតណាមក្នុងនោះមានសហគ្រាសជាង

សភាពាណិជ្ជកម្មថៃ បានរំពឹងថាការចំណាយក្នុងឱកាសបុណ្យចូលឆ្នាំចិននៅឆ្នាំ២០២១នេះ​ នឹងធ្លាក់ចុះចំនួន ១២ពាន់លានបាត (ប្រមាណជាង ៤០០ លានដុល្លារ) បើប្រៀបធៀបនឹងឆ្នាំ២០២០ ដែលចំនួននេះគឺស្ថិតនៅក្នុងកម្រិតទាបបំផុតក្នុងរយៈពេល ១៣ឆ្នាំកន្លងមក។ បើតាមការស្ទង់មតិរបស់សភាពាណិជ្ជកម្មថៃពីឥរិយាបទក្នុងការចំណាយរបស់ប្រជាជនទូទាំងប្រទេស បានព្យាករណ៍ថា ការចំណាយក្នុងពិធីបុណ្យចូលឆ្នាំចិនដែលនឹងមកដល់នៅថ្ងៃសុក្រនេះ (ថ្ងៃទី ១២ ខែកុម្ភៈ) នឹងមាន ៤៤.៩៣៩ ពាន់លានបាត ធ្លាក់ចុះ ២១.៨៥% ពីឆ្នាំមុន។ បើតាមលោក Thanawat Phonvichai អ្នកប្រឹក្សានៅមជ្ឈមណ្ឌលព្យាករណ៍សេដ្ឋកិច្ច និងពាណិជ្ជកម្មនៃសាកលវិទ្យាល័យសភាពាណិជ្ជកម្មថៃ បាននិយាយថា ការធ្លាក់ចុះយ៉ាងខ្លាំងនៃការចំណាយក្នុងថ្ងៃឈប់សម្រាកដ៏ធំមួយនេះ គឺដោយសារតែផលប៉ះពាល់នៃការផ្ទុះឡើងនៃវីរុស Covid-19 ថ្មី ដែលវាយប្រហារទៅលើប្រាក់ចំណូលរបស់ប្រជាជន។ ទោះយ៉ាងណាលោក

យោងតាមការចុះផ្សាយរបស់សារព័ត៌មាន kyodonews បានឲ្យដឹងថា ក្នុងឆ្នាំ២០២០ ការខាតបង់ចំណូលពីវិស័យទេសចរណ៍អន្តរជាតិមានប្រមាណ ១.៣ ទ្រីលានដុល្លារ។ ការខាតបង់នេះត្រូវបានគេឲ្យដឹងថា បណ្ដាលមកពីការថយចុះនៃចំនួនអ្នកធ្វើដំណើរឆ្លងកាត់ព្រំដែន ដោយសារតែការហាមឃាត់ការធ្វើដំណើរយ៉ាងតឹងរឹងដែលដាក់ដោយប្រទេសនានា ក្នុងពេលមានរោគរាតត្បាត។ ប្រភពដដែលបានឲ្យដឹងថា ការមកដល់របស់ភ្ញៀវអន្តរជាតិកាលពីឆ្នាំមុនបានធ្លាក់ចុះចំនួន ១ពាន់លាន ឬ ៧៤% ពីឆ្នាំ ២០១៩ ដោយការខូចខាតសរុបមានប្រមាណជាង ១១ ដងបើប្រៀបធៀបទៅនឹងឆ្នាំ២០០៩ ដោយសារមានវិបត្តិសេដ្ឋកិច្ចពិភពលោក នេះបើយោងតាមសេចក្តីប្រកាសព័ត៌មានរបស់អង្គការទេសចរណ៍ពិភពលោក (UNWTO)។ អង្គភាពដែលមានមូលដ្ឋាននៅទីក្រុង Madrid បានឲ្យដឹងថា ដោយសារតែការធ្លាក់ចុះផ្នែកសេដ្ឋកិច្ចពីការរីករាលដាលនៃវីរុសនេះ មនុស្សពី ១០០ ទៅ ១២០ លាននាក់បានប្រឈមនឹងហានិភ័យនៃការបាត់បង់ការងារនៅក្នុងឧស្សាហកម្មទេសចរណ៍។ ទីភ្នាក់ងារ

អ្នកបើកយន្តហោះរាប់រយនាក់របស់ក្រុមហ៊ុន Thai Airways នឹងត្រូវបញ្ឈប់ពីការងារ ក្រោមផែនការស្តារបំណុលរបស់ក្រុមហ៊ុន ខណៈក្រុមហ៊ុនអាកាសចរណ៍មួយនេះមានបំណុលជាប់ខ្លួនប្រមាណ ៣០០ពាន់លានបាត (ប្រមាណ ១០០ពាន់ដុល្លារ) ដែលបង្ខំឲ្យក្រុមហ៊ុនសម្រេចចិត្តបញ្ឈប់ការហោះហើរចំពោះយន្តហោះ ៣ ប្រភេទរួមមាន Airbus A330-300, A380, និង Boeing 747។ បន្ទាប់ពីការដោះស្រាយភាពក្ស័យធនអស់ជាច្រើនខែក្នុងពេល Covid-19 រាតត្បាត ក្រុមហ៊ុនអាកាសចរណ៍ Thai Airways បានសំរេចចិត្តបញ្ឈប់អ្នកបើកយន្តហោះចំនួន ៣៩៥នាក់ ដែលនាំឲ្យចំនួនអ្នកបើកយន្តហោះរបស់ក្រុមហ៊ុននៅសល់ ៩០៥ នាក់។ ទោះជាយ៉ាងណាក៏ដោយ មនុស្សជាច្រើនបានសង្ស័យពីការគ្រប់គ្រងមិនត្រឹមត្រូវ និងអំពើពុករលួយដែលនាំឲ្យមានការខាតបង់យ៉ាងខ្លាំងសម្រាប់ក្រុមហ៊ុនអាកាសចរណ៍ថៃមួយនេះ។ គួររម្លឹកផងដែរថា ក្នុងរយៈពេលប៉ុន្មានខែថ្មីៗនេះ

ក្រសួងកសិកម្ម បានអនុញ្ញាតិឱ្យនាំចូលត្រីប្រា ត្រីពោ ត្រីអណ្តែង និងត្រីឆ្តោពីក្រៅប្រទេសឡើងវិញ ប៉ុន្តែត្រូវគោរពនិងអនុលោមតាម ច្បាប់និងលិខិតបទដ្ឋានគតិយុត្តជាធរមាន ដើម្បីធានាបានប្រសិទ្ធភាព និង កាត់បន្ថយបទល្មើសនាំចូលខុសនីតិវិធីច្បាប់។ ក្រសួងកសិកម្ម រុក្ខាប្រមាញ់ និង នេសាទ សូមជម្រាបជូនសាធារណជនថា ក្រសួងនៅតែបន្តការអនុញ្ញាតឱ្យនាំចូលផល ផលិតផលជលផល ជាពិសេសត្រីចំនួន ៤ប្រភេទដូចជា ត្រីប្រា ត្រីពោ ត្រីអណ្តែង និងត្រីឆ្តោ តាមតម្រូវការជាក់ស្តែងក្នុងស្រុក ដោយអនុលោមតាមច្បាប់ និងលិខិតបទដ្ឋានគតិយុត្តជាធរមាន ។ ក្រសួងនឹងបន្តពិគ្រោះយោបល់ជាមួយសមាគមវារីវប្បករនៅកម្ពុជា អាជីវករនាំចេញ នាំចូលផល ផលិតផលជលផល និងអាជ្ញាធរមានសមត្ថកិច្ចពាក់ព័ន្ធ ដែលជាដៃគូពាណិជ្ជកម្មរបស់កម្ពុជា ដើម្បីកសាង