យោងតាមតួលេខដែលបានចុះផ្សាយកាលពីថ្ងៃអង្គារ នេះថាសេដ្ឋកិច្ចរបស់ចក្រភពអង់គ្លេសបានធ្លាក់ចុះខ្លាំងបំផុតដែលមិនធ្លាប់មានចាប់តាំងពីឆ្នាំ ១៩៧៩ មកនៅដើមឆ្នាំ ២០២០ នេះដោយសារការបិទប្រទេសដើម្បីទប់ស្កាត់ការរីករាលដាលនៃជំងឺ COVID-19។ ការិយាល័យស្ថិតិជាតិបាននិយាយថា ផលិតផលក្នុងស្រុកសរុបបានធ្លាក់ចុះត្រឹម ២.២% ក្នុងរយៈពេល ៣ ខែដំបូងនៃឆ្នាំ ២០២០ ពោលគឺទាបជាងការព្យាករណ៍ជាមធ្យមរបស់អ្នកសេដ្ឋកិច្ចនៅក្នុង Reuters ដែលបានព្យាករណ៍ថាធ្លាក់ចុះត្រឹមតែ ២% ។ ទន្ទឹមនឹងនេះ នាយករដ្ឋមន្រ្តីចក្រភពអង់គ្លេសលោក Boris Johnson បានដាក់ចេញនូវផែនការរបស់លោកដើម្បីពន្លឿនក្នុងការស្ដារសេដ្ឋកិច្ចឡើងវិញនៅថ្ងៃអង្គារ នេះដោយលោកសន្យាថានឹងធ្វើការវិនិយោគចំនួន ៥ ពាន់លានផោន (ជាង៦​ ពាន់លានដុល្លា) ទៅលើហេដ្ឋារចនាសម្ព័ន្ធឱ្យបានលឿនបំផុត៕ អត្ថបទ៖ នីតា ប្រភព៖ channelnewsasia

កាសែតអង់គ្លេសដ៏ល្បីមួយ​ Financial Times បានរាយការណ៍ថា ប្រទេសចិនបានបង្កើនឋានៈរបស់ខ្លួនក្នុងនាមជាមជ្ឈមណ្ឌលផ្តល់មូលនិធិធំបំផុតមួយនៅលើពិភពលោកបើទោះបីជាមានការផ្ទុះឡើងនៃវីរុស covid-19 ក៏ដោយក្ដី។ កាសែតនេះបានពិពណ៌នាប្រទេសអាស៊ីនេះថាជា « ចំណុចភ្លឺដ៏កម្រមួយនៅគ្រាដែលមានភាពចលាចលយ៉ាងខ្លាំងសម្រាប់ឧស្សាហកម្មវិនិយោគ »។ តាមប្រភពដដែលបានរាយការណ៍ថា មូលនិធិចិនបានបង្កើនចំណែករបស់ពួកគេនៃទីផ្សារវិនិយោគសកលក្នុងរយៈពេល ៣ ខែដំបូងនៃឆ្នាំ ២០២០។ ទាំងនេះកត់សម្គាល់បានថា ការវិវត្តនៃវិស័យវិនិយោគទុនរបស់ចិននៅតែបន្ត ទោះបីកើតមានវិបត្តិសេដ្ឋកិច្ចបង្កឡើងដោយវីរុសក៏ដោយ។ ការផ្លាស់ប្ដូរនេះបង្ហាញពីស្ថានភាពទីផ្សារមូលនិធិចិនដែលជាចំណុចភ្លឺដ៏កម្រមួយនៅគ្រាដែលមានចលាចលយ៉ាងខ្លាំងសម្រាប់ឧស្សាហកម្មវិនិយោគពិភពលោក ដែលកំពុងធ្លាក់ចុះពីលំហូរចេញរបស់វិនិយោគិនយ៉ាងខ្លាំង។ មិនតែប៉ុណ្ណោះតម្លៃទ្រព្យសកម្មក៏ធ្លាក់ចុះខ្លាំងដូចគ្នាក្នុងរដូវកាលទីផ្សារលក់ដាច់នៅខែមីនា ហើយកំពុងតែបន្តធ្លាក់ចុះថែមទៀតនៅពេលដែលវិបត្ដិនៃមេរោគឆ្លងនេះនៅតែបន្ត៕ អត្ថបទ៖ លីនី ប្រភព៖ xinhua

ការប៉ាន់ប្រមាណផ្នែកហិរញ្ញវត្ថុមួយបានបង្ហាញថា ការខាតបង់សេដ្ឋកិច្ចពីការលុបចោល ឬការពន្យារពេលព្រឹត្តិការណ៍ធំៗនៅក្នុងប្រទេសជប៉ុនដែលបណ្ដាលមកពីជំងឺ COVID-19 កាលពីដើមឆ្នាំនេះ អាចមានការខាត់បង់ទឹកប្រាក់ចំនួនច្រើនជាង ២៨ ពាន់លានដុល្លារ។ ធនាគារអភិវឌ្ឍន៍ដែលមានសម្ព័ន្ធភាពជាមួយរដ្ឋាភិបាលជប៉ុនបានចេញផ្សាយ ការប៉ាន់ប្រមាណនៃការខាតបង់សម្រាប់ខែមីនា មេសា និងឧសភា ថាការលុបចោល ឬការពន្យារពេលនៃពិធីបុណ្យក្នុងស្រុកចំនួន ១.១១៦ អាចជាការខាតបង់ប្រាក់លើសពី ១៦ ពាន់លានដុល្លារ។ ចំនែកឯ ការខាតបង់ដែលទាក់ទងនឹងតន្ត្រីផ្សាយបន្តផ្ទាល់ និងព្រឹត្តិការណ៍ល្ខោនចំនួន ១២.៧០៥ ត្រូវបានប៉ាន់ប្រមាណថានឹងមានការខាតបង់ទឹកប្រាក់សរុបប្រមាណ ៨.៤ ពាន់លានដុល្លារ ហើយការខាតបង់ទាក់ទងនឹងកីឡាបាល់បោះ កីឡាបាល់ទាត់ និងព្រឹត្តិការណ៍កីឡាដទៃទៀតប្រមាណ ២.៥ ពាន់លានដុល្លារ។ ទន្ទឹមនឹងនោះ ធនាគារប៉ាន់ស្មានទៀតថាប្រសិនបើការខាតបង់ពីការលុបចោល ឬការពន្យារពេលការធ្វើសន្និសីទអន្តរជាតិ និងការតាំងពិព័រណ៍ត្រូវបានរាប់បញ្ចូលនោះចំនួនទឹកប្រាក់សរុបអាចមានចំនួន

ប្រទេសវៀតណាម និងបង់ក្លាដេសត្រូវបានគេចាត់ទុកថាជាដៃគូប្រកួតប្រជែងដែលមានសក្ដានុពលបំផុតរបស់ឥណ្ឌូណេស៊ីក្នុងការទាក់ទាញការវិនិយោគបរទេសបន្ទាប់ពីវីរុស Covid-19 អាចគ្រប់គ្រងបាន នេះបើយោងតាមរដ្ឋមន្រ្តីក្រសួងសាធារណការ និងលំនៅដ្ឋានសាធារណៈ (PUPR) លោក Basuki Hadimuljono។ ជាមួយគ្នានេះដែរដើម្បីស្វាគមន៍រលកនៃការផ្លាស់ប្ដូរការវិនិយោគបរទេសពីប្រទេសចិន ឥណ្ឌូនេស៊ីបានរៀបចំតំបន់ដីធ្លីដើម្បីទាក់ទាញវិនិយោគិនទាំងនោះ។ ទន្ទឹមនឹងនេះលោករដ្ឋមន្រ្តីបានលើកឡើងថា ប្រធានាធិបតី Joko Widodo បានសម្តែងការព្រួយបារម្ភម្តងហើយម្តងទៀត អំពីការទាក់ទាញការវិនិយោគបរទេសរបស់ប្រទេសឥណ្ឌូនេស៊ីមានកម្រិតទាបជាងប្រទេសជិតខាងដូចជា ប្រទេសវៀតណាម និងបង់ក្លាដេសជាដើម។ ដូច្នេះទីភ្នាក់ងាររដ្ឋាភិបាលឥណ្ឌូនេស៊ីបានកែសម្រួលគោលនយោបាយមួយចំនួនយ៉ាងឆាប់រហ័ស ដើម្បីបង្កើតលក្ខខណ្ឌល្អប្រសើរសម្រាប់វិនិយោគិនបរទេស ក្នុងការធ្វើប្រតិបត្តិការនៅក្នុងប្រទេសអាស៊ីអាគ្នេយ៍មួយនេះ។ មិនតែប៉ុណ្ណោះរដ្ឋាភិបាលក៏បានជំរុញគោលនយោបាយសាងសង់សួនឧស្សាហកម្មដើម្បីស្វាគមន៍វិនិយោគិនអាមេរិក និងជប៉ុនផងដែរ។ ខណៈបច្ចុប្បន្នប្រទេសឥណ្ឌូនេស៊ីមានសួនឧស្សាហកម្មចំនួន ១០៣ លើផ្ទៃដី ៥៥ ០០០ ហិកតា៕ អត្ថបទ៖ លីនី ប្រភព៖

និយតករអាកាសចរណ៍របស់ថៃ បាននិយាយកាលពីថ្មីៗនេះថាប្រទេសថៃនឹងដកបម្រាមលើជើងហោះហើរអន្តរជាតិនៅក្នុងពេលឆាប់ៗនេះ។ អាជ្ញាធរអាកាសចរណ៍ស៊ីវិលថៃ CAAT ក៏បានបញ្ជាក់ថាការហាមឃាត់លើការហោះហើរអន្តរជាតិនឹងត្រូវបានដកចេញនៅថ្ងៃពុធ ក្រោមលក្ខខណ្ឌមួយចំនួន។ យន្តហោះ និងអ្នកដំណើរដែលចូលក្នុងប្រទេសថៃត្រូវគោរពតាមល័ក្ខខ័ណ្ឌកំណត់ពេលវេលា និងវិធានការរបស់បុគ្គលដែលត្រូវបានអនុញ្ញាតក្រោមច្បាប់អន្តោប្រវេសន៍ ច្បាប់ស្តីពីជំងឺឆ្លង ច្បាប់នាវាចរណ៍អាកាសចរណ៍ និងក្រឹត្យគ្រាអាសន្ន។ ការប្រកាសនេះរដ្ឋាភិបាលថៃបានធ្វើឡើងកាលពីព្រឹកថ្ងៃច័ន្ទ បានអនុម័តការធ្វើដំណើរទៅលើជនបរទេសដែលមកក្នុងប្រទេសថៃមួយចំនួនរួមមាន៖ អ្នកដំណើរអាជីវកម្ម និងជនបរទេសដែលមានប្តីប្រពន្ធហើយមានលិខិតអនុញ្ញាតការងារ ឬការស្នាក់នៅក្នុងប្រទេស។ ទន្ទឹមនឹងនេះ អាកាសយានដ្ឋាន និងឧស្សាហកម្មអាកាសចរណ៍ទទួលរងនូវការប៉ះទង្គិចយ៉ាងធ្ងន់ធ្ងរបំផុតពីការហាមឃាត់កាលពីខែមេសា មុនពេល CAAT អនុញ្ញាតឱ្យមានជើងហោះហើរមួយចំនួនចាប់ផ្តើមដំណើរការឡើងវិញនៅក្នុងខែឧសភា ។ គួររំលឹកផងដែរថា ចំនួនអ្នកដំណើរតិចជាង ៥ លាននាក់បានឆ្លងកាត់ព្រលានយន្តហោះចំនួន ២៨ របស់ប្រទេសថៃចាប់តាំងពីដើមឆ្នាំនេះ បើធៀបទៅនឹងរយៈពេលដូចគ្នាកាលពីឆ្នាំមុនគេកត់សម្គាល់ឃើញថាមានការធ្លាក់ចុះ ដោយកាលពីឆ្នាំមុនមានអ្នកដំណើរចំនួន ៩.៣ លាននាក់ដែលបានឆ្លងកាត់ព្រលានយន្តហោះដូចគ្នា៕

នៅក្នុងសេចក្ដីប្រកាសព័ត៌មានកាលពីសប្ដាហ៍មុនធនាគារពិភពលោក (WB) បានឲ្យដឹងថាខ្លួនបានយល់ព្រមផ្ដល់ឥណទានចំនួន ៩៣ លានដុល្លារសម្រាប់គម្រោងបែងចែកដីធ្លី និងគម្រោងអភិវឌ្ឍន៍សេដ្ឋកិច្ច និងសង្គមទី៣ (LASED III)។​ តាមរយៈសេចក្ដីថ្លែងការណ៍បានបង្ហាញថា គម្រោងនេះនឹងជួយកែលម្អសន្តិសុខ សិទ្ធិកាន់កាប់ដីធ្លី ការទទួលបានហេដ្ឋារចនាសម្ព័ន្ធ និងសេវាកម្មកសិកម្មនិងសង្គមសម្រាប់កសិករដែលគ្មានដី និងអ្នកក្រីក្រ រួមទាំងសហគមន៍ជនជាតិដើមភាគតិចនៅកម្ពុជា។ ជាមួយគ្នានេះលោកស្រី Inguna Dobraja នាយកប្រចាំប្រទេសនៃធនាគារពិភពលោកប្រចាំប្រទេសកម្ពុជាបានមានប្រសាសន៍ថា « ការទទួលបានដីដែលធ្វើឲ្យការអនុវត្តកសិកម្មកាន់តែប្រសើរ និងពង្រីកសេវាកម្មដើម្បីលើកកម្ពស់ផលិតភាពកដូចជា ការទទួលបានសេវាសាធារណៈប្រសើរជាងមុនមានសារៈសំខាន់សម្រាប់ប្រជាជនក្រីក្រនៅតាមជនបទ។ លោកស្រីបានបន្ថែមថា គម្រោង (LASED III) នឹងជួយរដ្ឋាភិបាលក្នុងការបន្តផ្ដល់ប័ណ្ណកម្មសិទ្ធិដីធ្លី និងដីធ្លីដល់គ្រួសារដែលគ្មានដីនិងក្រីក្រ ជាពិសេសដើម្បីធានាសន្តិសុខសិទ្ធិកាន់កាប់ដីធ្លីសម្រាប់សហគមន៍ជនជាតិដើមភាគតិចនៅក្នុងតំបន់គោលដៅនៃគម្រោង។ បន្ថែពីនេះទៅទៀតបើយោងតាមសេចក្ដីថ្លែងការណ៍ គម្រោងនេះនឹងគ្របដណ្តប់លើទីតាំងនិងសហគមន៍ចំនួន ៧១

សេដ្ឋវិទូតៃវ៉ាន់មកពីវិទ្យាស្ថានស្រាវជ្រាវ Capital Economic បាននិយាយថា សេដ្ឋកិច្ចរបស់តៃវ៉ាន់មានសន្ទុះល្អប្រសើរជាងបណ្តាប្រទេសនៅអាស៊ី បើទោះបីជាមានការវាយប្រហាយ៉ាងខ្លាំងពីជំងឺ COVID-19 ក៏ដោយ។ ទោះស្ថិតនៅជិតប្រទេសចិនដីគោកក៏តៃវ៉ាន់ទើបតែបានរាយការណ៍ថាមានករណីឆ្លងជំងឺ COVID-19 ចំនួន ៤៤៧ ករណីនិងមានអ្នកស្លាប់ ៧ នាក់ក្នុងចំណោមប្រជាជន ២៤ លាននាក់។ នេះគឺជាភាពជោគជ័យរបស់តៃវ៉ាន់ក្នុងការទប់ស្កាត់លើករណីមួយនេះ ដែលទទួលបានការកោតសរសើរជាសកលចំពោះយុទ្ធសាស្ត្ររបស់ខ្លួនដែលពាក់ព័ន្ធនឹងការតាមដាន និងការត្រួតពិនិត្យព្រំដែន។ ទិន្នន័យចុងក្រោយបានបង្ហាញថាសេដ្ឋកិច្ចរបស់កោះតៃវ៉ាន់មានសន្ទុះកើនឡើងយ៉ាងខ្លាំង។ បើតាមការដកស្រង់សំដីរបស់ក្រុមហ៊ុន Capital Economics ដែលបានលើកឡើងថា ដោយសារផលិតកម្មឧស្សាហកម្មបានកើនឡើង ១.៥% ក្នុងខែឧសភា នេះបើធៀបទៅនឹងឆ្នាំមុន។ ទោះបីជាទាបជាងកំណើនប្រចាំឆ្នាំ ៤.២% ក្នុងខែមេសាក៏ដោយ តៃវ៉ាន់នៅតែខ្លាំងជាងបណ្តាប្រទេសដទៃទៀតនៅអាស៊ី។ លោក

សាជីវកម្មផ្លូវដែកវៀតណាម (Vietnam Railways) គ្រោងនឹងដំណើរការរថភ្លើងដឹកទំនិញកាន់ប្រទេសចិន និងឆ្ពោះទៅប្រទេសទី៣ ដូចជាប្រទេសរុស្ស៉ី និងប្រទេសដទៃទៀតនៅអឺរ៉ុបក្នុងឆ្នាំនេះ។ នៅក្នុងផែនការឆ្នាំ២០២០ ក្រុមហ៊ុនព្យាយាមបង្កើនការប្រើប្រាស់ការដឹកជញ្ជូនទំនិញទៅកាន់អន្តរជាតិ ដោយមានផែនការដឹកជញ្ជូនផ្លែឈើ និងវារីវប្បកម្មដោយផ្ទាល់ពីបណ្ដាខេត្តភាគខាងត្បូងទៅប្រទេសចិនទូទឹកកកតាមរយៈទូរកុងតឺន័រ។ ជាមួយគ្នានេះដែរ Vietnam Railways បានសន្យាថានឹងរកវីធីលុបបំបាត់ឧបសគ្គនានាដើម្បីបង្កើនបរិមាណទំនិញដែលដឹកជញ្ជូនតាមបណ្តោយផ្លូវ Ha Noi ,Dong Dang, Pingxiang,Nanning ទៅកាន់គោលដៅចិនផ្សេងទៀតក៏ដូចជាទៅកាន់ប្រទេសទីបីដែលមានគោលដៅនាំទំនិញទៅរុស្ស៊ីនិងអឺរ៉ុប។ គួរឲ្យដឹងផងដែរថា ផែនការនេះត្រូវបានផ្អាកដំណើរការចាប់តាំងពីប្រាក់ចំណូលរបស់ក្រុមហ៊ុនត្រូវបានគេរំពឹងថានឹងរងផលប៉ះពាល់យ៉ាងធ្ងន់ធ្ងរដោយការធ្លាក់ចុះយ៉ាងខ្លាំងនៃចំនួនអ្នកដំណើរនៅឆ្នាំនេះនិងផ្លូវដែកនៅកន្លែងខ្លះត្រូវបានបិទដើម្បីអនុវត្តការងារហេដ្ឋារចនាសម្ព័ន្ធ។ បន្ថែមពីនេះក្រុមហ៊ុនគ្រោងនឹងកាត់បន្ថយចំនួនរថភ្លើងចាប់តាំងពីតំរូវការធ្លាក់ចុះដោយសារតែការរីករាលដាលនៃវីរុស Covid-19 ប៉ុន្តែបានបង្កើនចំនួនពាក់កណ្ដាលដោយរថភ្លើងដឹកអ្នកដំណើរឆ្ងាយៗ និងចំនួនរថភ្លើង​ដឹកអ្នកទំនិញពីភាគខាងត្បូង។ យ៉ាងណាមិញ ក្រុមហ៊ុន Vietnam Railways រំពឹងថានឹងខាតបង់សុទ្ធចំនួន ៣.៣៩ ទ្រីលានដុង