ក្រុម​ហ៊ុន​ដ៏ធំរបស់សាធារណរដ្ឋកូរ៉េ គ្រោងបេីករោងចក្រផលិតម៉ាស៊ីនប្ដូរសម្ពាធខ្យល់ ម៉ាស៊ីនបន្សុទ្ធខ្យល់ និងសម្ភារៈបរិក្ខារពេទ្យនៅប្រទេសកម្ពុជា នេះបើយោងតាមមន្រ្តីស្ថានទូតខ្មែរប្រចាំសាធារណដ្ឋកូរ៉េ។ មន្ត្រី​ស្ថាន​ទូត​ខ្មែរ​ប្រចាំ​សាធារណរដ្ឋកូរ៉េបាន​ឱ្យ​ដឹង​ថា​ កាលពីព្រឹកថ្ងៃទី២៧ ខែសីហា ឆ្នាំ២០២០ ឯកឧត្តម ឡុង ឌីម៉ង់ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ និងសហការីបានទទួលស្វាគមន៍ និងធ្វើបទបង្ហាញពីសក្ដានុពលសេដ្ឋកិច្ច លក្ខខណ្ឌអំណោយផល និងឱកាសវិនិយោគនៅកម្ពុជាជូនប្រតិភូក្រុមហ៊ុន People &Person ដឹកនាំដោយលោក Lee Jinho ប្រធានក្រុមហ៊ុន ដែលបាននឹងកំពុងមមាញឹកផលិតម៉ាស៊ីនប្ដូរសម្ពាធខ្យល់ ម៉ាស៊ីនបន្សុទ្ធខ្យល់ និងសម្ភារៈបរិក្ខារពេទ្យមួយចំនួនទៀត បានត្រៀមខ្លួនលើករោងចក្ររបស់ខ្លួនទៅតាំងនៅប្រទេសកម្ពុជា ហើយនឹងត្រៀមធ្វើការស្រាវជ្រាវផលិតបរិក្ខារពេទ្យថ្មីៗបន្ថែមទៀត ដើម្បីជាការប្រកួតប្រជែងជាមួយនឹងផលិតផលពីបណ្តាប្រទេសនៅអឺរ៉ុប។​ មន្ត្រី​ដដែល​បាន​បន្ត​ថា​ ការអូសទាញវិនិយោគិនមកបណ្ដាក់ទុននៅកម្ពុជានេះ គឺមិនគ្រាន់តែជាឱកាសក្នុងការផ្ដល់ការងារដល់ប្រជាពលរដ្ឋខ្មែរទេ ប៉ុន្តែជាការផ្ទេរបច្ចេកវិទ្យា ចំណេះដឹង

ប្រទេសឡាវ ទំនងជានឹងខាតបង់ថវិកាប្រហែល ៤៨៣.៣ លានដុល្លារនៃប្រាក់ចំណូលដែលបានមកពីការនាំចេញរបស់ខ្លួន ឬ ស្មើនឹង​ ៨.៤% បើប្រៀបធៀបនឹងឆ្នាំ ២០១៩ ដោយសារការាតត្បាតនៃជំងឺ Covid-19 ។ យោងតាមក្រសួងឧស្សាហកម្ម​ និងពាណិជ្ជកម្មឡាវបានឲ្យដឹងថា រដ្ឋាភិបាលឡាវបានកំណត់គោលដៅបង្កើនការនាំចេញដល់ ៦,៤២២ លានដុល្លារ ប៉ុន្តែការនាំចេញរបស់ឡាវក្នុងរយៈពេល ៧ ខែដំបូងនេះមានចំនួន ២,៣១៦ លានដុល្លារ។ តម្លៃនៃការនាំចេញក្នុងខែកក្កដា គឺល្អប្រសើរបើប្រៀបធៀបនឹងខែមីនា មេសា ឧសភា និងមិថុនា នៅពេលដែលរដ្ឋាភិបាលឡាវបានចាប់ផ្តើមចាត់វិធានការ ដើម្បីបើកអាជីវកម្មឡើងវិញបន្ទាប់ពីការរីករាលដាលនៃជំងឺ Covid-19 ។ ទន្ទឹមនឹងនេះ ប្រទេសឡាវនៅតែប្រឈមនឹងឱនភាពពាណិជ្ជកម្មដ៏ធំមួយ ខណៈក្នុងអំឡុងពេល

ពាណិជ្ជកម្មទ្វេភាគីរវាងកម្ពុជា និងថៃក្នុងរយៈពេល ៧ខែដំបូងនៃឆ្នាំនេះសម្រេចបានតែ ៤.៥ ពាន់លានដុល្លារធ្លាក់ចុះ ១០.៨% ប្រៀបធៀបនឹងរយៈពេលដូចគ្នាកាលពីឆ្នាំមុន។ យោងតាម​ការចុះផ្សាយដោយក្រសួងព័ត៌មានកាលពីពេលថ្មីៗនេះចាប់ពីមករា ដល់ខែកក្កដា ប្រទេសកម្ពុជាបាននាំចេញផលិតផលមានតម្លៃ ៨៣៩ លានដុល្លារទៅកាន់ប្រទេសថៃដែលធ្លាក់ចុះ ២១.១៣% បើប្រៀបធៀបនឹងរយៈពេលដូចគ្នាកាលពីឆ្នាំមុន។ ដោយឡែកក្នុងរយៈពេលដូចគ្នានេះ ប្រទេសកម្ពុជាបានចំណាយប្រាក់ ៣,៧១៦ លានដុល្លារអាមេរិក ដើម្បីទិញផលិតផលពីប្រទេសថៃ ធ្លាក់ចុះ ៧.២៧%។ យ៉ាងណាមិញកាលពីឆ្នាំមុនពាណិជ្ជកម្មទ្វេភាគី រវាងព្រះរាជាណាចក្រទាំងពីរបានកើនឡើង ១២.២៨% ស្មើនឹង ៩,៤១៨ លានដុល្លារអាមេរិក ក្នុងនោះកម្ពុជានាំចេញបាន ២,២៧២ លានដុល្លារកើនឡើង ១៩៥%៕ ប្រភព៖ ក្រសួងព័ត៌មាន

ទ្រព្យសម្បត្តិរបស់មហាសេដ្ឋី Elon Musk នៅ Silicon Valley បានកើនឡើងដល់ ១០០ ពាន់លានដុល្លារអាមេរិកកាលពីថ្ងៃសុក្រទី ២៨ ខែសីហា ​នេះបើយោងតាមបញ្ជីឈ្មោះមហាសេដ្ឋីរបស់ Forbes នៅពេលដែលភាគហ៊ុនរបស់ក្រុមហ៊ុនផលិតរថយន្តអគ្គិសនី Tesla Inc មានការកើនឡើងជាង ៥ ដងក្នុងឆ្នាំនេះ។ យោងតាមទស្សនាវដ្តី Forbes បានឱ្យដឹងថា ទ្រព្យសម្បត្តិរបស់គាត់មួយភាគធំបានមកពីភាគហ៊ុនចំនួន ២១% នៅក្នុងក្រុមហ៊ុន Tesla ។ ភាគហ៊ុនរបស់ក្រុមហ៊ុន Tesla ដែលបានបោះផ្សាយជាសាធារណៈចំនួន ១៧ ដុល្លារក្នុងមួយហ៊ុនកាលពីឆ្នាំ ២០១០ បានកើនឡើង

យោងតាមការស្រាវជ្រាវថ្មីដោយ Upwork របស់ Adam Ozimek បាននិយាយថា ការធ្វើការនៅផ្ទះរបស់ប្រជាជនអាមេរិកចាប់តាំងពីជំងឺរាតត្បាតបានផ្ទុះឡើងជួយសន្សំការចំណាយរបស់ពួកគេបានសរុបជិត ៩១ ពាន់លានដុល្លារអាមេរិក ដែលនេះបង្កផលប៉ះពាល់យ៉ាងខ្លាំងដល់សេដ្ឋកិច្ច។ ប្រភពដដែលបានឲ្យដឹងថា ក្នុងអំឡុងពេលរាតត្បាតដោយវីរុស ជនជាតិអាមេរិកកំពុងសន្សំសំចៃប្រាក់បានប្រមាណ ៧៥៨ លានដុល្លារក្នុងមួយថ្ងៃ។ ការសន្សំសំចៃប្រាក់នេះគឺបានមកពីប្រភេទជាច្រើនរួមមាន ថ្លៃដើម និងពេលវេលា ជាមួយនឹងផលិតផលចុងក្រោយ ដែលទាំងអស់នេះផ្ដល់នូវអត្ថប្រយោជន៍ជាច្រើនបំផុតដល់សេដ្ឋកិច្ចប្រសិនបើប្រជាជនធ្វើការចំណាយទៅលើវា។​ ជាក់ស្ដែងបើគិតតាមពេលវេលាដែលត្រូវចំណាយលើការធ្វើដំណើរតាមរថយន្ត ជនជាតិអាមេរិកសន្សំសំចៃបាន ១២.៥០ ដុល្លារក្នុងមួយម៉ោង ដែលស្មើនឹង ៤១១ លានដុល្លារក្នុងមួយថ្ងៃដោយការស្នាក់នៅផ្ទះ និងធ្វើការពីផ្ទះ។ ការធ្វើដំណើរតិចជាងមុនទៅកាន់ស្ថានីយ៍ប្រេងឥន្ធនៈ និងហាងជួសជុលបន្ថែមចំនួនប្រាក់សន្សំប្រចាំថ្ងៃចំនួន ១៨៣ លានដុល្លារ។ ការកាត់បន្ថយគ្រោះថ្នាក់ ការបំពុលបរិស្ថាន

សមាគមនិស្សិតវៀណាមនៅកណ្ដាលទីក្រុងដាណាង បានចាប់ផ្ដើមកម្មវិធីជំនួយដើម្បីជួយនិស្សិតនៃមហាវិទ្យាល័យទាំងក្នុង និងក្រៅតំបន់ដែលរងគ្រោះដោយជំងឺរាតត្បាត Covid-19 ទទួលបាននូវរាល់តម្រូការចាំបាច់ប្រចាំថ្ងៃដោយឥតគិតថ្លៃ។ កម្មវិធីជំនួយនេះមានឈ្មោះថា “Sieu thi se chia 0 dong” (ផ្សារទំនើបចែករំលែកទំនិញឥតគិតថ្លៃ) ដែលបានដំណើរការឡើងក្នុងរង្វង់ទឹកប្រាក់ចំនួន ៥០០ លានដុង (២១,៦១២ ដុល្លារ) ដែលប្រមូលបានពីប្រភពផ្សេងៗគ្នា។ កម្មវិធីនេះផ្តល់នូវការផ្គត់ផ្គង់ចាំបាច់ដូចជា ផលិតផលវេជ្ជសាស្រ្ត និងស្បៀងអាហារ ដោយតាមរយៈការបង្ហាញកាតសិស្ស និស្សិតម្នាក់ៗត្រូវបានអនុញ្ញាតឱ្យយកផលិតផលចំនួនបួនយ៉ាងច្រើនបំផុត។ ប្រធានសមាគមនលោក Le Cong Hung បាននិយាយថានិស្សិតជាង ៥០០០នាក់ បានជាប់គាំងនៅដាណាងដោយសារការរាតត្បាតនៃវីរុស Covid-19 ធ្ងន់ធ្ងរដែលបង្ខំឲ្យរដ្ឋាភិបាលត្រូវបិទទីក្រុងនេះភ្លាមៗ។ លោកបានបន្ថែមថា

រដ្ឋាភិបាលថៃ នឹងផ្តល់ប្រាក់កម្ចីទុនចំនួន ២៤ ពាន់លានបាត (ជាង ៧៧១ លានដុល្លារ) ដល់ក្រុមហ៊ុនអាកាសចរណ៍ដែលទទួលរងផលប៉ះពាល់ពីការរាតត្បាតនៃជំងឺ Covid-19 ខណៈដែលពួកគេស្នើសុំមិនបញ្ឈប់បុគ្គលិក។ ការផ្តល់ជូននេះ ត្រូវបានធ្វើឡើងចំពោះតំណាងក្រុមហ៊ុនអាកាសចរណ៍ក្នុងប្រទេសថៃចំនួន ៧ ដែលបានជួបជាមួយនាយករដ្ឋមន្រ្តីថៃលោក Prayut Chan-o-cha នៅឯវិមានរដ្ឋាភិបាលកាលពីថ្ងៃទី ២៨ ខែសីហា ដើម្បីស្វែងរកជំនួយ។ ​ដោយពួកគេ បានស្នើសុំប្រាក់កម្ចីទុនចំនួន ២៤ ពាន់លានបាតត្រូវតែបានឱ្យឆាប់តាមដែលអាចធ្វើទៅបាន រួមជាមួយការពន្យារការកាត់បន្ថយពន្ធលើប្រេងឥន្ធនៈ និងការលើកលែង ឬបញ្ចុះថ្លៃសេវាអាកាសចរណ៍រួមទាំងការចុះចតអាកាសយានដ្ឋាន និងថ្លៃចំណត។ លោក Prayut បានធានាអះអាងថារដ្ឋាភិបាលនឹងចេញវិធានការណ៍រហ័ស ដើម្បីជួយក្រុមហ៊ុនអាកាសចរណ៍ដែលរងផលប៉ះពាល់ ហើយលោកបាននិយាយថាពួកគេមិនគួរកាត់បន្ថយកម្លាំងពលកម្មរបស់ពួកគេឡើយ។ លោកបាននិយាយថា

យោងតាមទិន្នន័យពីក្រសួងរៀបចំដែនដីនគរូបនីយកម្ម និងសំណង់បានឲ្យដឹងថា ក្នុងឆមាសទី១ ឆ្នាំ ២០២០ ប្រទេសកម្ពុជាបានអនុញ្ញាតឲ្យមានគម្រោងសាងសង់ចំនួន ២,៥២២ គម្រោងដែលមានតម្លៃជាង ៣.៨៤ ពាន់លានដុល្លារ។ តួលេខនេះបានបង្ហាញពីការកើនឡើងប្រហែល ១៣% បើប្រៀបធៀបទៅនឹងគម្រោងសាងសង់ចំនួន ២០០០ ដែលមានតម្លៃប្រហែល ៣.៣៩ ពាន់លានដុល្លារក្នុងរយៈពេលដូចគ្នានៃឆ្នាំ២០១៩ ។ ក្នុងចំណោមការវិនិយោគក្នុងឆមាសទី១ ឆ្នាំ២០២០ គម្រោងសាងសង់ប្រមាណ ២០០០ គម្រោងមានទឹកប្រាក់ ៧៧៤ លានដុល្លារកើនឡើង ១៤៣% ត្រូវបានអនុញ្ញាតដោយរដ្ឋបាលក្រុង និងខេត្ត។ ដោយឡែកគម្រោងសាងសង់ចំនួន ២០៧ ដែលនៅសល់មានទឹកប្រាក់ជាង ៣ ពាន់លានដុល្លារអាមេរិកត្រូវបានផ្តល់ការអនុញ្ញាតពីថ្នាក់ក្រសួង៕ ប្រភព៖