រដ្ឋាភិបាលកម្ពុជា ចាប់ដៃគ្នាជាមួយនឹងសឹង្ហបុរី គ្រោងនឹងបង្កើតមជ្ឈមណ្ឌលភស្តុភារកម្មនៅរាជធានីភ្នំពេញ ដើម្បីសម្រេចបាននូវផែនការអភិវឌ្ឍន៍ជាតិ និងប្រែក្លាយកម្ពុជា ជាប្រទេសចំណូលមធ្យមកម្រិតខ្ពស់នៅឆ្នាំ២០៣០ និងប្រទេសចំណូលខ្ពស់នៅឆ្នាំ២០៥០។ កាលពីថ្ងៃទី០៩ ខែកញ្ញា កន្លងទៅនេះ កម្ពុជាបានរៀបចំកិច្ចប្រជុំពិភាក្សាស្ដីពីកិច្ចសហប្រតិបត្តិការរវាងកម្ពុជា និងសិង្ហបុរី ក្នុងការអភិវឌ្ឍគម្រោងមជ្ឈមណ្ឌលភស្ដុភារកម្មភ្នំពេញ ដែលមានការចូលរួមពីឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន ភាគីហិរញ្ញវត្ថុសិង្ហបុរី ហេដ្ឋរចនាសម្ព័ន្ធអាស៊ី និងក្រុមហ៊ុន YCH ។ កិច្ចប្រជុំនេះធ្វើឡើងតាមរយៈសន្និសីទវីដេអូពីចម្ងាយ និងមានគោលបំណងដើម្បីបង្ហាញទិដ្ឋភាពទូទៅអំពីគម្រោង SuperPort+ ដែលឆ្លើយតបនឹងតម្រូវការរបស់មជ្ឈមណ្ឌលភស្តុភារកម្មភ្នំពេញ និងពង្រឹងសមត្ថភាពដឹកជញ្ជូននិងខ្សែសង្វាក់ផ្គត់ផ្គង់របស់កម្ពុជា កំណត់លទ្ធផលនិងគោលដៅសំខាន់ៗ ដែលត្រូវសម្រេចឱ្យបានតាមរយៈការអនុវត្តគម្រោង Phnom Penh SuperPort+

គណៈរដ្ឋមន្រ្តីជប៉ុន បានសម្រេចចិត្តប្រើប្រាស់ថវិកាបម្រុងចំនួន ១,៦៤០ ពាន់លានយ៉េន (១៥.៥ ពាន់លានដុល្លារ) សម្រាប់ឆ្នាំសារពើពន្ធ ២០២០ ដើម្បីបង្កើនការឆ្លើយតបរបស់រដ្ឋាភិបាលចំពោះការរាតត្បាតនៃជំងឺ Covid-19 រួមទាំងការចូលរួមចំណែកក្នុងក្របខ័ណ្ឌអន្តរជាតិដើម្បីអភិវឌ្ឍវ៉ាក់សាំង។ ថវិកាសង្គ្រោះបន្ទាន់ចំនួន ៧៣៩.៤ ពាន់លានយ៉េន ដើម្បីគាំទ្រដល់រដ្ឋាភិបាលក្នុងតំបន់ និងធានាបានបន្ទប់គ្រប់គ្រាន់នៅមន្ទីរពេទ្យ និងសណ្ឋាគារសម្រាប់អ្នកជំងឺ Covid-19 និង ៣១៤.២ ពាន់លានយ៉េនសម្រាប់កម្មវិធីប្រាក់កម្ចីគ្មានការប្រាក់ សម្រាប់គ្រួសារដែលប្រាក់ចំណូលធ្លាក់ចុះយ៉ាងខ្លាំង ដោយសារជំងឺរាតត្បាតនេះ។ ដើម្បីជួយស្ថាប័នវេជ្ជសាស្រ្តត្រៀមសម្រាប់អ្នកជម្ងឺផ្តាសាយតាមរដូវនៅរដូវស្លឹកឈើជ្រុះ និងរដូវរងារនេះរដ្ឋាភិបាលជប៉ុននឹងត្រៀមថវិកាចំនួន ២១៧ ពាន់លានយ៉េន។ ចំណែកទឹកប្រាក់ចំនួន ១៧.២ ពាន់លានយ៉េនសម្រាប់ COVAX Facility ដែលជាក្របខ័ណ្ឌអន្តរជាតិដើម្បីអភិវឌ្ឍ និងទិញវ៉ាក់សាំង

ព្រះរាជាណាចក្រកម្ពុជាបានជាប់ចំណាត់ថ្នាក់លេខ១ ក្នុងចំណោមប្រទេសទាំង ១០ ដែលមានបដិសណ្ឋារកិច្ចល្អបំផុតចំពោះជនបរទេស និងភ្ញៀវទេសចរក្នុងឆ្នាំ ២០២០ ។ យោងតាមវែបសាយអន្តរជាតិ My International Movers មានប្រទេសសរុបចំនួន ១០ ត្រូវបានគេចាត់ទុកជាកន្លែង ដែលផ្តល់ភាពស្វាគមន៍យ៉ាងរាក់ទាក់ជាទីបំផុតចំពោះជនបរទេស។ ដោយមិនខ្វល់ថា ពួកគេសម្រេចចិត្តចង់ផ្លាស់ទីលំនៅ ឬក៏គ្រាន់តែចង់ចំណាយពេលវេលាវិស្សមកាលដ៏ល្អមួយនោះទេ គឺពួកគេគួរតែពិចារណាលើប្រទេសទាំង ១០ នេះ។ ដោយប្រទេសទាំង​ ១០ នោះរួមមាន៖ ប្រទេសកម្ពុជាទទួលបានចំណាត់ថ្នាក់លេខ១ នូវែលសេឡង់លេខ២ កាណាដាលេខ៣ ម៉ិចស៉ីកូលេខ៤ បន្ទាប់មកទៀតហ្វីលីពីនលេខ៥ វៀតណាមលេខ៦ អ៉ីឡង់លេខ៧ កូស្ដារីកាលេខ៨ អៀរឡង់លេខ៩ និងចុងក្រោយព័រទុយហ្គាល់លេខ១០

នាយករដ្ឋមន្រ្តីវៀតណាមលោក Nguyen Xuan Phuc បានចុះហត្ថលេខាលើគម្រោងសាងសង់រម្មណីយដ្ឋានទេសចរណ៍ដែលមានតម្លៃដល់ទៅ ៩.៣ ពាន់លានដុល្លារ របស់ក្រុមហ៊ុន Vingroup កាលពីពេលថ្មីៗនេះ។ ការអនុម័ត គម្រោងពាណិជ្ជកម្មដ៏ធំបំផុតរបស់ខ្លួននៅឆ្នាំនេះ គឺដោយសាររដ្ឋាភិបាលព្យាយាមរក្សាល្បឿនវិនិយោគទុនសាធារណៈ និងឯកជនចាប់តាំងពីខែមករាមក ដើម្បីជួយស្ដារសេដ្ឋកិច្ចឱ្យងើបឡើងវិញ។ គម្រោងរម្មណីយដ្ឋានទេសចរណ៍នេះ ស្ថិតនៅតំបន់ឆ្នេរ Can Gio មានចម្ងាយ ៥០ គីឡូម៉ែត្រពីភាគខាងត្បូងនៃទីក្រុងហូជីមិញ ដែលគ្រោងនឹងបញ្ចប់ការសិក្សានៅឆ្នាំ២០៣១ ។ គួរឲ្យដឹងផងដែរថា ក្រុមហ៊ុន Vingroup ដែលជាក្រុមហ៊ុនឯកជនធំជាងគេរបស់វៀតណាមបានរង់ចាំអស់រយៈពេលជាច្រើនឆ្នាំ សម្រាប់ការយល់ព្រមរបស់រដ្ឋាភិបាល បន្ទាប់ពីប្រព័ន្ធផ្សព្វផ្សាយក្នុងស្រុក និងសកម្មជនបរិស្ថានបានព្រមានពីហានិភ័យនៃជីវមណ្ឌលដែលត្រូវបានគេហៅថាជា សួតបៃតងការពារទីក្រុងហូជីមិញប្រឆាំងនឹងការបំពុលខ្យល់ និងទឹក។ ប៉ុន្តែដោយសារការរីករាលដាលនៃវីរុស

យោងតាមសមាគមទេសចរណ៍ក្នុងស្រុក (ADT) របស់ថៃបានឱ្យដឹងថា រដ្ឋាភិបាលថៃគួរតែមានគោលដៅខ្ពស់នៅក្នុងទីផ្សារទេសចរណ៍ក្នុងស្រុក ដោយកំណត់គោលដៅធ្វើដំណើរយ៉ាងហោចណាស់ ២០០ លានសម្រាប់ឆ្នាំក្រោយ ប្រសិនបើប្រទេសថៃចង់ឱ្យឧស្សាហកម្មនេះដំណើរការតទៅទៀត។ ប្រធានក្រុមហ៊ុន ADT លោក Thanapol Cheewarattanaporn មានប្រសាសន៍ថា « វាគ្មានប្រយោជន៍ទេ ប្រសិនបើរដ្ឋាភិបាលមិនបានកំណត់គោលដៅប្រកបដោយមហិច្ឆតា ដូចដែលយើងបានឃើញរួចហើយនូវតម្រូវការក្នុងស្រុក និងការលើកទឹកចិត្តមិនគ្រប់គ្រាន់នៅឆ្នាំនេះ មិនអាចជួយសង្គ្រោះប្រតិបត្តិករ និងអ្នកដែលស្ថិតនៅក្នុងខ្សែសង្វាក់ផ្គត់ផ្គង់បានទេ » ។ លោកបន្តថា ប្រហែល ៣០% នៃប្រតិបត្តិករទេសចរណ៍ទូទាំងប្រទេស បានចាកចេញពីអាជីវកម្មនេះ ខណៈ ៥០% នៅតែបិទជាបណ្តោះអាសន្ន។ ដើម្បីជួយដល់ឧស្សាហកម្មដែលរងផលប៉ះពាល់នេះ ADT បានជំរុញឱ្យរដ្ឋាភិបាលធ្វើវិសោធនកម្មសកម្មភាពទេសចរណ៍ក្នុងស្រុក

រាជរដ្ឋាភិបាលកម្ពុជាមានចក្ខុវិស័យប្រែក្លាយកម្ពុជា ជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ២០៥០ នេះបើយោងតាមការឲ្យដឹងតាមរយៈគណនីហ្វេសប៊ុករបស់ឯកឧត្តម វេង សាខុន រដ្ឋមន្រ្តីនៃក្រសួងកសិកម្ម រុក្ខប្រមាញ់ និងនេសាទ។ ស្របជាមួយគ្នានេះ រាជរដ្ឋាភិបាលក៏មានមហិច្ឆតាធ្វើទំនើបកម្មលើវិស័យ កសិកម្មកម្ពុជាឱ្យមានលក្ខណៈប្រកួតប្រជែង បរិយាប័ន្ន ធន់នឹងការប្រែប្រួលអាកាសធាតុ និងនិរន្តរភាព សំដៅបង្កើនប្រាក់ចំណូលគ្រួសារកសិករ ពង្រីកវិបុលភាព និងលើកកម្ពស់សុខុមាលភាពរបស់ប្រជាពលរដ្ឋកម្ពុជា តាមអភិក្រមនិងវិសាលភាពថ្មី ដើម្បីប្រែក្លាយវិស័យនេះ ពីដំណាក់កាលនៃការអភិវឌ្ឍតាមបែបយថាផល ឈានទៅរកដំណាក់កាលថ្មីដែលផ្តោតលើផលិតកម្មប្រពលវប្បកម្ម ពោលគឺពឹងផ្អែកជាសំខាន់លើការប្រើប្រាស់បច្ចេកទេស បច្ចេកវិទ្យាថ្មី ការស្រាវជ្រាវ និងអភិវឌ្ឍន៍យន្តូបនីយកម្ម ព្រមទាំងការបង្កើនសមត្ថភាពស្រោចស្រព សំដៅលើកកម្ពស់ផលិតភាព ពិពិធភាវូបនីយកម្មដំណាំដែលមានសក្តានុពល និងទីផ្សារ។ យ៉ាងណាមិញដើម្បីសម្រេចបាននូវមហិច្ឆតាខាងលើ នាយកដ្ឋានវិស្វកម្មកសិកម្ម នៃអគ្គនាយកដ្ឋានកសិកម្ម នៃក្រសួងកសិកម្ម

ប្រទេសចិននឹងបង្កើតឱកាសអភិវឌ្ឍន៍បន្ថែមទៀតសម្រាប់ពិភពលោក ដោយនេះជាការលើកឡើងរបស់លោក Wang Yi សមាជិកក្រុមប្រឹក្សារដ្ឋចិន និងជារដ្ឋមន្រ្តីក្រសួងការបរទេសកាលពីថ្ងៃ សុក្រ កន្លងទៅថ្មីៗនេះ។ លោក Wang បានលើកឡើងដូច្នេះ នៅក្នុងសន្និសីទសារព័ត៌មានរួមគ្នាមួយ ជាមួយរដ្ឋមន្ត្រីការបរទេសរុស្ស៊ីលោក Sergei Lavrov នៅខាងក្រៅកិច្ចប្រជុំរដ្ឋមន្ត្រីការបរទេសនៃអង្គការសហប្រតិបត្តិការសៀងហៃនៅទីក្រុងមូស្គូ។ នា​ឱកាសនោះលោកបានកត់សម្គាល់ថា ប្រទេសចិននៅក្នុងឆមាសទីមួយនៃឆ្នាំនេះទទួលបាននូវលទ្ធផលគួរឱ្យកត់សម្គាល់ ក្នុងការការពារ និងត្រួតពិនិត្យជំងឺរាតត្បាត Covid-19 ហើយបានឆ្លងកាត់ការស្តារសេដ្ឋកិច្ច និងសង្គមឡើងវិញ។ ជាមួយគ្នានេះដែរ ប្រទេសចិនបានកត់ត្រាកំណើនសេដ្ឋកិច្ច ៣.២% ពីមួយឆ្នាំទៅមួយឆ្នាំនៅក្នុងត្រីមាសទី២ ដែលធ្វើឲ្យប្រទេសនេះក្លាយជាសេដ្ឋកិច្ចធំទី១ ដែលបានវិលត្រលប់ទៅរកកំណើននៅទូទាំងពិភពលោកវិញ ហើយនេះបានបង្ហាញពីភាពធន់ និងរឹងមាំនៃសេដ្ឋកិច្ចចិន។ ដោយកត់សម្គាល់ថាសេដ្ឋកិច្ចចិនបានឃើញកំណើនប្រកបដោយចីរភាពចាប់តាំងពីត្រីមាសទី៣ លោកបាននិយាយថា ប្រទេសចិនមានទំនុកចិត្ត

ដែនជម្រកសត្វព្រៃសង្ឃរុក្ខាវ័ន្ត បានប្រែក្លាយខ្លួនទៅជាតំបន់ទេសចរណ៍ផ្សងព្រេងដ៏ទាក់ទាញប្រចាំខេត្តឧត្តមានជ័យ ដែលមានភ្ញៀវទេសចរជាតិ និងអន្តរជាតិទៅទស្សនាកម្សាន្តមិនចេះដាច់ដោយសារតែសម្រស់ទេសភាពធម្មជាតិដ៏ខៀវស្រងាត់​ និងមានខ្យល់អាកាសដល់ល្អបរិសុទ្ធ។ លោកស្រី ធិននី មុន្នីរស្មី ប្រធានមន្ទីរទេសចរណ៍ខេត្តឧត្តរមានជ័យ បានមានប្រសាសន៍ប្រាប់វិទ្យុជាតិកម្ពុជាឱ្យដឹងថា ដែនជម្រកសត្វព្រៃសង្ឃរុក្ខាវ័ន្តបច្ចុប្បន្ននេះ បានប្រែក្លាយខ្លួនទៅជារមណីយដ្ឋានមួយបែបទេសចរផ្សងព្រេង ដែលមានភ្ញៀវទេសចរជាច្រើនបានចាប់អារម្មណ៍មកតំបន់នោះ ដោយពួកគាត់អាចធ្វើដំណើរតាមរយៈជិះគោយន្តចូលទៅក្នុងព្រៃ ដើម្បី មើលសត្វព្រៃ ផ្កាព្រៃ និងដើមឈើប្រណិតៗជាច្រើន។ លោកស្រីបានបន្តថា ភ្ញៀវទេសចរដែលទៅលេងកម្សាន្តនៅក្នុងតំបន់សហគមន៍សង្ឃរុក្ខាវ័ន្ត ក៏អាចធ្វើដំណើរកម្សាន្តបានផងដែរតាមរយៈការជិះកង់។ លោកស្រីបន្តថា « សហគមន៍សង្ឃរុក្ខាវ័ន្តនេះ មានព្រះមេគុណខេត្តព្រះអង្គ ប៊ុន សាលូត ជាប្រធានសហគមន៍ ដោយបច្ចុប្បន្ននេះព្រះអង្គកំពុងតែធ្វើការសហការជាមួយគ្រប់អង្គភាពពាក់ព័ន្ធ និងអាជ្ញាធរដើម្បីរៀបចំសហគមន៍គាត់ប្រែក្លាយពីសហគមន៍ដែនជម្រកសត្វព្រៃឱ្យក្លាយជាសហគមន៍ទេសចរ។ អ្វីដែលគាត់ចង់បាន គឺប្រែក្លាយពីសហគមន៍ព្រៃឈើរបស់គាត់ក្លាយជាសហគមន៍ទេសចរ ដើម្បីទាក់ទាញភ្ញៀវទេសចរជាតិ និងអន្តរជាតិចូលមកកម្សាន្តក្នុងសហគមន៍បែបធម្មជាតិ។