យោងតាមការចុះផ្សាយរបស់សារព័ត៌មាន Bangkok post នារសៀលនេះបានឲ្យដឹងថា អ្នកនាំពាក្យរដ្ឋាភិបាលម្នាក់បាននិយាយថា គណៈរដ្ឋមន្រ្តីថៃ នៅថ្ងៃអង្គារនេះបានអនុម័តថវិកាចំនួនប្រហែល ២១០ ពាន់លានបាត (ប្រមាណជិត ៧ ពាន់លានដុល្លារអាមេរិក)។ ការអនុម័ត​ថវិកាដ៏ច្រើននេះ គឺដើម្បីជំរុញការប្រើប្រាស់ និងជួយកាត់បន្ថយផលប៉ះពាល់នៃការកើនឡើងនូវជំងឺរាតត្បាត Covid-19 នៅក្នុងប្រទេស។ ប្រភពដដែលបានបន្តឲ្យដឹងថា រដ្ឋាភិបាលនឹងផ្តល់ជូនប្រជាជនចំនួន ៣១.១ លាននាក់ដោយថវិកាចំនួន ៣៥០០បាត (ប្រមាណជាង​ ១១៦ ដុល្លារ) ក្នុងមួយខែសម្រាប់រយៈពេលពីរខែ។ គួរបញ្ជាក់ផងដែរថា គិតត្រឹមថ្ងៃនេះ ប្រទេសថៃបានរកឃើញករណីជំងឺ COVID-19 ថ្មីចំនួន ១៧១ករណី ដែលធ្វើឲ្យករណីសរុបនៅប្រទេសបានកើនដល់ ១២,៥៩៤

យោងតាមការចុះផ្សាយរបស់ក្រសួងព័ត៌មាននាថ្ងៃទី១៩ ខែមករា ឆ្នាំ២០២០ នេះ បានឲ្យដឹងថា ក្នុងឆ្នាំ២០២០ ដែលជាឆ្នាំនៃវិបត្តិ covid-19 អាកាសយានដ្ឋានអន្តរជាតិទាំង ៣ របស់ប្រទេសកម្ពុជា បានដឹកអ្នកដំណើរចំនួន ២.១៣ លាននាក់។ តួលេខនេះបានបង្ហាញនូវការថយចុះ ៧៩% បើប្រៀបធៀបទៅនឹងឆ្នាំមុនៗ។ ជាមួយគ្នានេះដែរ តួលេខពីលេខាធិការដ្ឋាននៃអាកាសចរណ៍ស៊ីវិល (SSCA) បានបង្ហាញថា ក្នុងឆ្នាំ២០២០ នេះ អាកាសយានដ្ឋានអន្តរជាតិភ្នំពេញ ទទួលបានអ្នកដំណើរតាមអាកាសចំនួន ១.៣០ លាននាក់ធ្លាក់ចុះ ៧៦% ខណៈអាកាសយានដ្ឋានអន្តរជាតិសៀមរាប បានដឹកអ្នកដំណើរចំនួន ៦១៨,៦៦៣ នាក់ធ្លាក់ចុះ ៨៣% និងអាកាសយានដ្ឋានអន្តរជាតិក្រុងព្រះសីហនុ

រដ្ឋាភិបាលខេត្ត Fukushima ប្រទេសជប៉ុនបានបើកសេវាកម្មពិគ្រោះជំងឺឆ្លង Covid-19 ពហុភាសាដោយឥតគិតថ្លៃសម្រាប់ប្រជាជនបរទេស ដោយខេត្តនេះបានក្លាយជាខេត្តដំបូងគេនៅក្នុងប្រទេសជប៉ុនដែលផ្តល់សេវាកម្មបែបនេះតាមរយៈកម្មវិធី Line ។ ការធ្វើបែបនេះ គឺឆ្លើយតបទៅនឹងតម្រូវការរបស់សិក្ខាកាមបរទេសក្រោមកម្មវិធីកម្មសិក្សាបច្ចេកទេសរបស់ជប៉ុន និងនិស្សិតអន្តរជាតិដែលមានស្មាតហ្វូនប៉ុន្តែមិនអាចមានលទ្ធភាពផ្តល់សេវាតាមទូរស័ព្ទបាន។ គួរឱ្យដឹងផងដែរថា កម្មវិធីនេះមាន ១៩ ភាសារួមទាំង៖ ភាសាអង់គ្លេស ចិន និងអេស្ប៉ាញដោយចុះឈ្មោះលេខសម្គាល់របស់ពួកគេ និងប្រើមុខងារហៅដោយឥតគិតថ្លៃនៃកម្មវិធីដើម្បីនិយាយជាមួយគិលានុបដ្ឋាយិកាសុខភាពសាធារណៈ និងអ្នកជំនាញផ្សេងទៀតតាមរយៈអ្នកបកប្រែផ្ទាល់មាត់៕ អត្ថបទ៖ នីតា ប្រភព៖ kyodonews

ប្រជាពលរដ្ឋ​កាន់តែច្រើន បាន​ងាក​មក​ចាប់ អារម្មណ៍​លើផ្ទះ​ចល័ត​បែប​លក្ខណៈ​ជា​ផ្ទះ​លំហែកាយ សម្រាប់​ដាក់​នៅតាម​រម​ណី​យ​ដ្ឋា​ន រី​សត ដីចម្ការ​ជាដើម ព្រោះ​វា​មានតម្លៃ​សមរម្យ ងាយស្រួល​ក្នុងការ​ស្នាក់នៅ និង​អាច​ចល័ត​ពី​កន្លែង​មួយ​ទៅ​កន្លែង​មួយទៀត​បាន ។​ ​លោកស្រី ដួង សុ​ផា​វី ម្ចាស់​សិប្បកម្ម​សង់ផ្ទះ​ចល័ត ស្ថិតនៅ​ក្នុងភូមិ​ព្រៃរ​ងៀង សង្កាត់​ភ្លើង​ឆេះ​រទេះ ខណ្ឌ​ពោធិ៍​សែន​ជ័យ រាជធានី​ភ្នំពេញ បានឱ្យដឹង​នៅ​​ថ្ងៃ​ចន្ទ ទី​១៨ ខែមករា ឆ្នាំ​២០២១​ថា សិប្បកម្ម​របស់លោក​ស្រី មាន​ភ្ញៀវ​មក​កុម្ម៉ង់​ធ្វើជា​ផ្ទះ​សម្រាប់​លំហែកាយ​នៅតាម​ចម្ការ និង​តាម​រី​សត សម្រាប់​ការ​ស្នាក់នៅ​បែប​លំហែកាយ មាន​ជា​ហូរហែ​។ លោកស្រី​បន្តថា ដោយសារតែ​អតិថិជន មានគំនិត​ចង់​ច្នៃប្រឌិត និង​ការ​រចនា​ម៉ូត បន្ទប់​ទៅតាម​ចំណង​ចំណូលចិត្ត​នោះ ទើប​ធ្វើឱ្យ​ផ្ទះ​លំហែកាយ​នេះ មាន​ភាពស្រស់ស្អាត

ក្រុមហ៊ុនអាកាសចរណ៍ Thai AirAsia កាលពីពេលថ្មីៗនេះបានឲ្យដឹងថា ខ្លួននឹងកាត់បន្ថយបុគ្គលិកចំនួន ៧៥% ដោយនឹងរក្សាបុគ្គលិកត្រឹមតែ ១/៤ នៃបុគ្គលិកសរុបប៉ុណ្ណោះ ហើយនិងស្នើឲ្យបុគ្គលិកផ្សេងទៀតទទួលយក​ការឈប់សម្រាកដោយគ្មានប្រាក់ឈ្នួលសម្រាប់រយៈពេល ៤ ខែ ដោយគិតចាប់ផ្តើមពីខែកុម្ភៈ ព្រោះការផ្ទុះឡើងវីរុស Covid-19 បានប៉ះពាល់យ៉ាងខ្លាំងដល់វិស័យអាកាសចរណ៍។ លោក Tassapon Bijleveld ប្រធាននាយកប្រតិបត្តិក្រុមហ៊ុន Asia Aviation Plc (AAV) ដែលជាម្ចាស់ភាគហ៊ុនធំបំផុតនៃក្រុមហ៊ុនអាកាសចរណ៍បាននិយាយកាលពីថ្ងៃច័ន្ទថា មានតែកម្លាំងពលកម្ម ២៥% ប៉ុណ្ណោះ ដែលនឹងនៅតែបន្តធ្វើការបន្ទាប់ពីខែនេះ ដោយសារក្រុមហ៊ុនអាកាសចរណ៍នេះកំពុងធ្លាក់ចុះ ដើម្បីឆ្លើយតបនឹងតម្រូវការជាក់ស្តែង។ ទោះជាយ៉ាងណាក្ដី ប្រធាននាយកប្រតិបត្តិក្រុមហ៊ុនរូបនេះ មិនបានបញ្ជាក់ពីទំហំនៃកម្លាំងពលកម្មនោះទេ

យោងតាមមន្ត្រីជំនាញបានឱ្យដឹងថា ការងារផលិតអំបិលសម្រាប់ឆ្នាំថ្មីដើមឆ្នាំ ២០២១នេះ ប្រជាកសិករខេត្តកំពត-កែប កំពុងចាប់ផ្ដើមប្រមូលផលអំបិលជាបណ្ដើរៗហើយ ដោយមានកន្លែងខ្លះទើបប្រមូលផលបានម្ដង កន្លែងខ្លះបានពីរដង និងមានកន្លែងខ្លះទៀតជិតចាប់ផ្ដើមប្រមូលផល។ លោក សុខ គឹមជឿន ប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្តកំពតបានមានប្រសាសន៍ថា « ការផលិតអំបិលកាលពីឆ្នាំ ២០២០ សម្រាប់ខេត្តកំពត-កែបទិន្នផលអំបិលខ្ពស់ ប្រមូលបានជិត ១០ម៉ឺនតោន ដែលអាចគ្រប់គ្រាន់ក្នុងការផ្គត់ផ្គង់តម្រូវការទីផ្សារ ។ បើគិតត្រឹមថ្ងៃទី ១៥ ខែធ្នូ ឆ្នាំ ២០២០ កន្លងទៅមានសល់អំបិលក្នុងឃ្លាំងប្រហែលជាង ១ម៉ឺនតោន ដើម្បីបន្ដផ្គត់ផ្គង់ទៅឆ្នាំថ្មី »។ លោកបន្តថា «

កោះតាឃួន ជាកោះមួយក្នុងចំណោមកោះជាច្រើនទៀតនៅក្នុងសហគមន៍អេកូទេសចរណ៍សម្រស់កោះហាន ដែលស្ថិត​នៅក្នុងភូមិជាំធំ ឃុំកោះស្នែង ស្រុកបុរីអូរស្វាយសែនជ័យ ខេត្តស្ទឹងត្រែង ។​ បើយោងតាមការបង្ហោះនៅលើផេកក្រសួងទេសចរណ៍ កោះនេះមានចំងាយប្រហែល២២ គីឡូម៉ែតពីក្រុងស្ទឹងត្រែង តាមផ្លូវជាតិលេខ ៧ ឆ្លងកាត់តាមស្ពានសេកុង និងអាចទៅតាមផ្លូវជាតិលេខ ៩ ដោយឆ្លងកាត់តាមស្ពានមេគង្គ ប្រហែល ២៥ គីឡូម៉ែត ដោយប្រើមធ្យោបាយ ឡាន ម៉ូតូ និងកាណូត។ កោះនេះ មានទំហំទទឹងប្រហែល ៧០ម៉ែត និងបណ្តោយប្រហែល ១០០ ម៉ែត ហើយមានឆ្នេរខ្សាច់ស្រស់ស្អាតលាតសន្ធឹងល្វឹងល្វើយគួរជាទីគយគុន។ ឆ្នេរខ្សាច់នេះមានរាងជាថ្នាក់ៗ និងមានដើមជ្រៃតូចៗដុះជាគុម្ពដែលផ្តល់ជាម្លប់ និងជាជម្រក ហើយអាចបោះតង់

សេដ្ឋកិច្ចរបស់ប្រទេសចិន បានកើនឡើងយ៉ាងលឿននៅក្នុងត្រីមាសទី៤ ឆ្នាំ ២០២០ ជាមួយនឹងកំណើនលើសការរំពឹងទុក។ យោងតាមទិន្នន័យផ្លូវការណ៍របស់ចិនបានបង្ហាញថា ផលិតផលក្នុងស្រុកសរុប (GDP) បានកើនឡើង ២.៣% ក្នុងឆ្នាំ ២០២០ ដែលធ្វើឱ្យប្រទេសចិនក្លាយជាប្រទេសសេដ្ឋកិច្ចតែមួយគត់នៅលើពិភពលោក ដែលចៀសផុតពីការធ្លាក់ចុះកាលពីឆ្នាំមុនដោយសារប្រទេសជាច្រើនបានព្យាយាមទប់ស្កាត់ការរីករាលដាលនៃជំងឺ Covid-19 ។ សេដ្ឋកិច្ចរបស់ប្រទេសចិនត្រូវបានគេរំពឹងថា នឹងបន្តកើនឡើងនៅឆ្នាំនេះដោយ (GDP) នឹងកើនឡើងក្នុងល្បឿនលឿនបំផុតក្នុងរយៈពេលមួយទសវត្សរ៍ក្នុងអត្រា ៨.៤% នេះបើយោងតាមការស្ទង់មតិរបស់រ៉យទ័រ។ ប្រទេសដែលមានសេដ្ឋកិច្ចធំលំដាប់ទី២ នៅលើពិភពលោកមួយនេះ បានធ្វើឱ្យមនុស្សជាច្រើនមានការភ្ញាក់ផ្អើលជាមួយនឹងល្បឿននៃការជាសះស្បើយពីការឆ្លងរាតត្បាតនៃជំងឺ Covid-19 ។ ទន្ទឹមនឹងនេះ ដោយមានវិធានការណ៍ទប់ស្កាត់ជំងឺ Covid-19 យ៉ាងតឹងរឹង និងការជំរុញគោលនយោបាយបានធ្វើឱ្យសេដ្ឋកិច្ចរបស់ចិនបានងើបឡើងវិញជាបណ្តើរៗ ពីការធ្លាក់ចុះយ៉ាងខ្លាំង ៦.៨%