យោងតាមការចេញផ្សាយរបស់ ស្ថានទូតជប៉ុនប្រចាំនៅព្រះរាជាណាចក្រកម្ពុជា​នៅថ្ងៃទី១៣ ខែមករានេះ បានឲ្យដឹងថា រាជរដ្ឋាភិបាលជប៉ុន បានឯកភាពផ្តល់ថវិកាសរុបចំនួន ១៨២,០៣៥ ដុល្លារអាមេរិក ដល់អង្គការមូលនិធិជប៉ុន (PHJ) ក្រោមគ្រោងការណ៍ជំនួយហិរញ្ញប្បទានឥតសំណងសម្រាប់គម្រោងរបស់អង្គការក្រៅរដ្ឋាភិបាលជប៉ុន។ ប្រភពដដែល បានបន្តថាការផ្តល់ជូននៅថវិកាខាងលើ បានធ្វើឡើង ដើម្បីអនុវត្ត “ គម្រោងពង្រឹងការថែទាំសុខភាពសហគមន៍ និងបណ្តាញគាំទ្រសម្រាប់កុមារក្នុងខេត្តកំពង់ចាម (ឆ្នាំទី ២)”។ គួរបញ្ជាក់ផងដែរថា ឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតជប៉ុន និងលោកស្រី កាណាកុ អ៊ីហ្ស៊ីយ៉ាម៉ា នាយិកាប្រចាំប្រទេសនៃអង្គការ PHJ បានចុះហត្ថលេខាលើកិច្ចសន្យាផ្តល់ជំនួយឥតសំណងនេះ។ ដោយយើងជឿជាក់ថា ជំនួយឥតសំណងនេះ នឹងជួយក្នុងការកែលម្អគុណភាពជីវិតរបស់ប្រជាជន

កម្ពុជារំពឹងថា នឹងទទួលបានប្រេងពីតំបន់អប្សរាប្លុក A ចំនួន ៣០ លានបារ៉ែលក្នុងរយៈពេល​ ៨ឆ្នាំ ទៅ ៩ឆ្នាំ។ យោងតាមលោក ជៀប សួរ អគ្គនាយកនៃអគ្គនាយកដ្ឋានប្រេងកាតបានឱ្យដឹងថា បើតាមការប៉ានស្មានរបស់ក្រុមហ៊ុន និងតំបន់អប្សរាប្លុក A កម្ពុជាអាចទទួលបានប្រេងប្រមាណជាង ៣០ លានបារ៉ែលនៅក្នុងកម្រិតបរិមាណផលិតជាមធ្យមចំនួន ៧,៥០០ បារ៉ែលក្នុងមួយថ្ងៃ ហើយប្រសិនបើជាបម្រើការគម្រោងការណ៍ទីមួយនេះល្អ នឹងបន្តទៅទីតាំងគម្រោងបន្តៗទៀត។ លោកបានឱ្យដឹងផងដែរថា គម្រោងផលិតប្រេងកាតនៅប្លុក A គឺស្ថិតនៅដែនសមុទ្យកម្ពុជាដែលមានចម្ងាយប្រមាណ ១៦០ គីឡូម៉ែតពីក្រុងព្រះសីហនុ។ លោកបន្តថា តំបន់អប្សរាទាំងមូល អាចឈានដល់ការបូមប្រេងពីរយៈពេល ៨ឆ្នាំ ទៅ

អង្គការមូលនិធិសកលសម្រាប់ធម្មជាតិហៅកាត់ WWF និងអគ្គនាយកដ្ឋានកៅស៊ូនៃក្រសួងកសិកម្ម រុក្ខាប្រមាញ់ និងនេសាទសហការគ្នាដើម្បីជួយលើកកម្ពស់ខ្សែច្រវាក់ផ្គត់ផ្គង់កៅស៊ូធម្មជាតិរបស់កសិករដែលដាំជាលក្ខណៈគ្រួសារ។ កសាងភាពជាដៃគូពហុភាគី បន្ទាប់ពីទទួលបានជំនួយពីក្រសួងកិច្ចសហប្រតិបត្តិការសេដ្ឋកិច្ច និងអភិវឌ្ឍន៍របស់ប្រទេសអាល្លឺម៉ង់លើគម្រាងលើកកម្ពស់ខ្សែច្រវាក់ផ្គត់ផ្គង់កៅស៊ូធម្មជាតិប្រកបដោយនិរន្តរភាព និងតម្លាភាពក្នុងប្រទេសកម្ពុជា។ លោក សេង ទៀក នាយកអង្គការ WWF ប្រចាំកម្ពុជាបានឱ្យដឹងថា កិច្ចសហប្រតិបិត្តការនេះ មានរយៈពេល ៣ឆ្នាំ ក្នុងគោលដៅជំរុញការចូលរួម និងសហការពីភាគីពាក់ព័ន្ធសំខាន់ៗរបស់រាជរដ្ឋាភិបាលវិស័យឯកជន អង្គការសង្គមស៊ីវិល និងកសិករកៅស៊ូគ្រួសារ ក្នុងខេត្តមណ្ឌលគិរី ដើម្បីជំរុញផលិតកម្មកៅស៊ូធម្មជាតិប្រកបដោយចីរភាព ព្រមទាំងរួមចំណែកដល់ការលើកកម្ពស់ជីវភាពកសិករកៅស៊ូគ្រួសារ ជនជាតិដើមភាគតិច និងកម្មករកៅស៊ូផងដែរ។ លោកមានប្រសាសន៍ថា ការអនុវត្តការគ្រប់គ្រងបច្ចេកទេសបានយ៉ាងល្អត្រឹមត្រូវនៅក្នុងប្រទេសកម្ពុជា គឺមិនត្រឹមតែជួយបង្កើតការងារ និងចំណូលដល់សហគមន៍មូលដ្ឋានប៉ុណ្ណោះទេ វាក៏ជួយកាត់បន្ថយសម្ពាធលើធនធានធម្មជាតិផងដែរ តាមរយៈការប្រើប្រាស់ដីដាំកៅស៊ូដែលមានស្រាប់ឱ្យអស់សុពលភាព និងទប់ស្កាត់ការទន្ទ្រានដីព្រៃខុសច្បាប់។

សាកលវិទ្យាល័យសភាពាណិជ្ជកម្មថៃ (UTCC) បានឲ្យដឹងថា វីរុសកូវីដ-១៩ បានធ្វើឲ្យបំណុលគ្រួសារនៅប្រទេសថៃកើនឡើង​ដល់កម្រិតខ្ពស់បំផុតក្នុង​រយៈពេល ១២ឆ្នាំមកនេះ។ យោងតាមការស្ទង់មតិចុងក្រោយរបស់សាកលវិទ្យាល័យលើអ្នកឆ្លើយសំណួរចំនួន ១,២២៩ នាក់ក្នុងកំឡុងថ្ងៃទី ១៨-២៧ ខែវិច្ឆិកាបានរកឃើញថា ក្នុង​ឆ្នាំ២០២០ បំណុលគ្រួសារជាមធ្យមមានចំនួន ៤៨៣,៩៥០ បាតក្នុងមួយគ្រួសារ កើនឡើង ៤២.៣% ពី ៣៤០,០៥៣បាត ក្នុងរយៈពេលដូចគ្នានៃឆ្នាំ២០១៩ ។ ខណៈតួលេខក្នុងខែវិច្ឆិកាឆ្នាំ២០១៩ កើនឡើង ៧.៤% ធៀបនឹងរយៈពេលដូចគ្នាឆ្នាំ ២០១៨ ហើយក្នុងឆ្នាំ២០០៩ បំណុលគ្រួសារជាមធ្យមមានតែ ១៤៧,៥៤២ បាតក្នុងមួយគ្រួសារប៉ុណ្ណោះ។ ប្រភពដដែលបានឲ្យដឹងថា បំណុលបានកើនឡើងដោយសារតែការធ្លាក់ចុះនៃសេដ្ឋកិច្ចក្នុងស្រុក ដែលបណ្តាលមកពីជំងឺរាតត្បាត ការចំណាយខ្ពស់ក្នុងការរស់នៅ

ក្រុមអ្នកចិញ្ចឹមត្រីក្នុងខេត្តបាត់ដំបងរំពឹងថា ទីផ្សារត្រីចិញ្ចឹមក្នុងស្រុកនឹងងើបឡើង បន្ទាប់ពីក្រសួងកសិកម្ម រុក្ខាប្រមាញ់ និងនេសាទបានប្រកាសផ្អាកបណ្តោះអាសន្នចំពោះការនាំចូលត្រីពីប្រទេសជិតខាងនូវប្រភេទត្រីមួយចំនួន។ លោក អ៊ឹង គឹមលី ម្ចាស់កសិដ្ឋានចិញ្ចឹមត្រីមួយកន្លែងដែលមានទំហំ ១៥ហិកតា ស្ថិតនៅភូមិព្រៃកូនសេក សង្កាត់អូរចា ក្រុងបាត់ដំបងបានឱ្យដឹងថា លោករីករាយចំពោះការប្រកាសព័ត៌មានរបស់ក្រសួងកសិកម្ម ចំពោះការផ្អាកការនាំចូលបណ្តោះអាសន្ននូវត្រីមួយចំនួនពីប្រទេសជិតខាងដែលយើងផលិតក្នុងស្រុកបាន។ លោកបញ្ជាក់ថា កន្លងមកទីផ្សារត្រីចិញ្ចឹមក្នុងស្រុកមានការលំបាក ពេលចិញ្ចឹមត្រីបានដល់ពេលប្រមូលផលគឺមិនមានទីផ្សារគ្រប់គ្រាន់ធ្វើឱ្យអូសបន្លាយពេលវេលានៃការចាប់លក់ នាំឱ្យចំណាយថវិកាច្រើនលើចំណី និងធ្វើឱ្យត្រីស្គមជាដើម។ បច្ចុប្បន្ន កសិដ្ឋានចិញ្ចឹមត្រីរបស់គាត់មានប្រភេទត្រីប្រា ត្រីការហែ ត្រីអណ្តែង ត្រីទីឡាបយ៉ា និងត្រីជាច្រើនប្រភេទទៀតដែលមានរាប់សែនក្បាលក្នុងផ្ទៃដីចំនួន ១៥ហិកតា។ លោកសង្ឃឹមថា នៅពេលលោកប្រមូលផលត្រីរាប់រយតោននាពេលអស់ត្រីស្រែខាងមុខនេះ នឹងមានទីផ្សារល្អសម្រាប់អ្នកចិញ្ចឹមក្នុងខេត្ត ក្រោយពីក្រសួងបានប្រកាសបិទការនាំចូលត្រីមួយចំនួននោះ។ កាលពីថ្ងៃទី ០៨ ខែមករា

ក្រសួងទេសចរណ៍ចូលរួមអបអរសាទរយ៉ាងក្លៀវក្លា ចំពោះព្រះរាជាណាចក្រកម្ពុជា ដែលជាប់ចំណាត់ថ្នាក់លេខ១ លើពិភពលោក ក្នុងការប្រយុទ្ធប្រឆាំងនឹងជំងឺកូវីដ១៩ និងជាប្រទេសមានសុវត្ថិភាពបំផុតក្នុងការមកទស្សនាអំឡុងនៃការរីករាលដាលជំងឺកូវីដ១៩។ យោងតាមសេចក្តីប្រកាសព័ត៌មាន របស់ក្រសួងទេសចរណ៍ដែលវិទ្យុជាតិកម្ពុជាទទួលបានឱ្យដឹងថា កាលពីខែវិច្ឆិកា ឆ្នាំ២០២០ ការិយាល័យសេដ្ឋកិច្ចសេណេហ្គាល់បានចុះផ្សាយរបាយការណ៍ ស្តីពីការផ្តល់ចំណាត់ថ្នាក់ដល់ប្រទេសដែលគ្រប់គ្រងកូវីដ-១៩ បានល្អបំផុតនៅលើពិភពលោកក្នុងនោះ ប្រទេសកម្ពុជាឈរនៅចំណាត់ថ្នាក់លេខ៣ បន្ទាប់ពី Saint Kits និង Nevis ដែលជារដ្ឋតូចនៃតំបន់ការ៉ាអ៉ឹប និងស៊ីសែ្សល ។ ជាងនេះទៅទៀត កាលពីថ្ងៃទី ២០ ខែធ្នូ ឆ្នាំ២០២០ កន្លងទៅថ្មីៗនេះ ការិយាល័យសេដ្ឋកិច្ចសេណេហ្គាល់ដដែលបានចុះផ្សាយរបាយការណ៍របស់ខ្លួនជាថ្មីថា កម្ពុជាបានជាប់ចំណាត់ថ្នាក់លេខ១ លើពិភពលោក ក្នុងការប្រយុទ្ធប្រឆាំង និងការទប់ស្កាត់ការរាតត្បាតនៃជំងឺកូវីដ-១៩ ដែលមានពិន្ទុ

រដ្ឋាភិបាលជប៉ុន នឹងផ្អាកការចូលរបស់ជនបរទេសទាំងអស់ ដែលជាគោលការណ៍ដោយចាប់ផ្តើមពីថ្ងៃព្រហស្បតិ៍នេះ ខណៈពេលដែលជំងឺកូវីដ-១៩ ឆ្លងរាលដាលពាសពេញពិភពលោក។ រដ្ឋាភិបាល ធ្លាប់បានបន្តអនុញ្ញាតឱ្យអ្នកជំនួញចូលក្នុងប្រទេសជប៉ុនពី ១០ ប្រទេសនៅអាស៊ីរួមទាំង ចិន និងកូរ៉េខាងត្បូង និងតៃវ៉ាន់ បន្ទាប់ពីជំងឺកូវីដ-១៩​ ទម្រង់ថ្មីត្រូវបានគេបានរកឃើញនៅក្នុងប្រទេសមួយចំនួន។។ ប៉ុន្តែរដ្ឋាភិបាល បានសំរេចលើការផ្អាកទាំងស្រុងដោយសារតែជំងឺនេះកំពុងតែរីករាលដាលនៅក្នុងប្រទេសជប៉ុន។ វិធានការណ៍នេះ នឹងបន្តដរាបណាការប្រកាសអំពីភាពអាសន្នមានប្រសិទ្ធិភាព។ សេចក្តីប្រកាស ដែលគ្របដណ្តប់លើខេត្តមួយចំនួន គឺត្រូវបន្តអនុវត្តរហូតដល់ថ្ងៃទី ៧ ខែកុម្ភៈ។ ទន្ទឹមនឹងនេះ ពលរដ្ឋជប៉ុនអាចត្រឡប់មកប្រទេសជប៉ុនវិញបាន។ ជនបរទេស ដែលមានសិទ្ធរស់នៅក្នុងជប៉ុនត្រូវបានអនុញ្ញាតឱ្យចូលប្រទេសវិញ ហើយជនបរទេសដែលមានហេតុផលពិសេសដូចជា មកពិធីបុណ្យសពរបស់សាច់ញាតិ ឬការសម្រាលកូនក៏ត្រូវបានអនុញ្ញាតផងដែរ។ អ្នកទាំងនោះត្រូវសន្យាថា នឹងស្នាក់នៅផ្ទះ ឬកន្លែងស្នាក់នៅរយៈពេល ១៤

សហគមន៍កសិកម្មសំរោងឫស្សី នៅស្រុកថ្មគោលខេត្តបាត់ដំបង ចុះកិច្ចសន្យាជាមួយក្រុមហ៊ុនជប៉ុនផលិតបន្លែសរីរាង្គ ដើម្បីលក់ទៅកាន់ផ្សារទំនើបអ៊ីអនភ្នំពេញ ដែលនេះជាការលើកទឹកចិត្តឱ្យកសិករផលិតបានកាន់តែច្រើន។ លោក ប៉ុញ ឧត្តម អនុប្រធានមន្ទីរកសិកម្មរុក្ខាប្រមាញ់ និងនេសាទខេត្តបាត់ដំបង បានឱ្យដឹងថា តាមរយៈការធ្វើកិច្ចសន្យាកសិកម្មរវាងសហគមន៍ដាំបន្លែ និងក្រុមហ៊ុនជប៉ុននេះ គឺបានធ្វើឱ្យសហគមន៍ទទួលបានផលប្រយោជន៍ច្រើន ក្នុងការផលិតបន្លែសរីរាង្គ មានដូចជា បន្លែស្លឹក និងបន្លែយកមើម ដើម្បីឆ្លើយតបទៅនឹងតម្រូវការចង់បានរបស់ក្រុមហ៊ុន ហើយរក្សាតម្លៃថែមទៀតផង ។ លោកបានបន្តថា ការចុះកិច្ចសន្យារវាងសហគមន៍ និងក្រុមហ៊ុននេះ គឺជាជំហានមួយក្នុងការផលិតបន្លែសរីរាង្គ ដោយមិនប្រើប្រាស់គីមី ហើយប្រជាកសិករ ទទួលបានតម្លៃទីផ្សារខ្ពស់ ដោយមិនបារម្ភថា ខ្លាចផលិតបានហើយគ្មានទីផ្សារនោះទេ ហើយពួកគាត់នឹងទទួលបានប្រាក់ចំណូលច្រើន ។ លោកបានបន្ថែមថា ខាងមន្ទីរក៏បានជំរុញតំណាងសហគម