អស្ចារ្យពេកហើយ មិនអស់អីផងគ្រាន់តែតេចូលក៏បានឈ្នះលុយសុទ្ធដែរ។ អបអរសាទរអ្នកតេឈ្នះលុយជាច្រើននាក់ដែលបានតេចូលហើយបានឈ្នះលុយជាច្រើនពីកម្មវិធីប៊ូសស្រ្តងតេឈ្នះលុយ។ កំពូលកម្មវិធីមហាសំណាងនេះ មានផ្សាយផ្ទាល់រៀងរាល់ថ្ងៃសៅរ៍ ចាប់ពីម៉ោង11ព្រឹក រហូតដល់ម៉ោង12:30ថ្ងៃត្រង់ នៅលើស្ថានីយទូរទស្សន៍ CTN។ កាលពីសប្តាហ៍មុនមានអ្នកតេចូលហើយបានឈ្នះលុយរហូតទៅដល់៥នាក់និងបានទទួលលុយសុទ្ធក្នុងសប្តាហ៍នេះមានដូចជា ធុន ចន័្ទកញ្ញា មកពីខេត្តកំពង់ចាម បានឈ្នះ៨០ម៉ឺនរៀល, តឹក វ៉ាន់នី មកពីខេត្តកំពង់ចាម បានឈ្នះ ៨០ម៉ឺនរៀល, អ៊ុត សុក្រ មេសា ជាអ្នកភ្នំពេញ បានឈ្នះ៤០ម៉ឺនល, ឈុន សុផាន់ មកពីខេត្តតាកែវ បានឈ្នះ ៨០ម៉ឺនរៀល, វ៉ៃ លីន មកពីសៀមរាប បានឈ្នះ៨០ម៉ឺនរៀល។ កំពូលកម្មវិធីដ៏អស្ចារ្យនេះឲ្យតែតេចូល

រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទ បានឱ្យដឹងថា ពូជប៉េងប៉ោះ OPV (Open Pollinated Variety) បានដើរតួនាទីយ៉ាងសំខាន់ក្នុងផលិតកម្មដំណាំបន្លែ ជាពិសេសចំពោះកសិករក្រីក្រ ឬ កសិករខ្នាតតូចដែលដាំដុះ សម្រាប់ បរិភោគក្នុងគ្រួសារ ព្រោះវាផ្តល់ទិន្នផលខ្ពស់ ហើយធន់ទ្រាំនឹងលក្ខខណ្ឌអាកាសធាតុនៅកម្ពុជាទៀតផង។ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទបានឱ្យដឹងថា ពូជគឺជាកត្តាសំខាន់ដំបូង ដែលកសិករ ត្រូវគិតគូរពិចារណាឱ្យបានល្អិតល្អន់ មុនសម្រេចចិត្តដាំបន្លែប៉េងប៉ោះ ហើយជាបច្ចេកទេស ការប្រើប្រាស់គ្រាប់ពូជបន្លែ ដែលមានគុណភាពល្អ មានលក្ខណៈធន់ទ្រាំទៅនឹងការបំផ្លាញពីសត្វល្អិត ជំងឺ និងអាកាសធាតុ រួមជាមួយការមើលថែទាំឱ្យ បានដិតដល់ គឺជាកត្តាសំខាន់ដែលធ្វើឱ្យកសិករទទួលបានទិន្នផលខ្ពស់

(ភ្នំពេញ)៖ ក្រសួងសុខាភិបាល បានចេញសេចក្តីប្រកាសព័ត៌មាន ដោយបញ្ជាក់ថា ព្រះរាជាណាចក្រកម្ពុជា ស្ថិតនៅក្នុងចំណោមប្រទេសដំបូងគេដែលទទួលបានវ៉ាក់សាំងកូវីដ-១៩ AstraZeneca/SII ពីអង្កការ Covax៕ សូមអានខ្លឹមសារទាំស្រុងដូចខាងក្រោម៖

យោងតាមរបាយការណ៍របស់អគ្គនាយកដ្ឋានកសិកម្មដោយផ្អែកលើប្រព័ន្ធទិន្នន័យគ្រឺះភូតគាមអនាម័យ បានឲ្យដឹងថា ការនាំចេញផលិតផលកសិកម្មក្រៅពីអង្ករ ក្នុងរយៈពេល២ខែ ដើមឆ្នាំ២០២១ នេះ មានចំនួន ១ ៥៩៩ ៩២២,៣៧ តោន មានការកើនឡើងចំនួន ៥៦៩ ៤៩៣,៨៨ តោន ស្មើនឹង ៥៥.២៧% បើធៀបទៅនឹងឆ្នាំ២០២០ ដែលបាននាំចេញទៅកាន់គោលដៅចំនួន ២៥ប្រទេស។ ប្រភពដដែលបានឲ្យដឹងថា ក្នុងចំណោមផលិតផលដែលបាននាំចេញទាំងអស់ មានផលិតផលមួយចំនួនបានទទួលបញ្ជាទិញបានច្រើនជាងគេ ដូចជា៖ ដំឡូងមីក្រៀមមានចំនួន ៨០២ ៤៥១,៥៦ តោន, ដំឡូងមីស្រាស់មានចំនួន ១៥៤ ៧៥០,០០ តោន , ស្រូវចំនួន

យោងតាមការចុះផ្សាយរបស់ទូរទស្សន៍ជាតិកម្ពុជា នាថ្ងៃទី០២ ខែមីនា ឆ្នាំ២០២១ នេះ បានឲ្យដឹងថា រហូតមកដល់បច្ចុប្បន្ននេះ ស្ពានឆ្លងទន្លេភ្ជាប់ស្រុកស្ទឹងត្រង់ខេត្តកំពង់ចាម និងស្រុកក្រូចឆ្មារខេត្តត្បូងឃ្មុំសម្រេចបាន៩៦% ហើយ ដោយគ្រោងនឹងដាក់ឱ្យប្រើប្រាស់មុនពិធីបុណ្យចូលឆ្នាំប្រពៃណីខ្មែរនាពេលខាងមុខ។ ប្រភពដដែលបានឲ្យដឹងថា ស្ពានឆ្លងទន្លេភ្ជាប់ស្រុកស្ទឹងត្រង់ខេត្តកំពង់ចាម និងស្រុកក្រូចឆ្មារខេត្តត្បូងឃ្មុំ ដែលជាគម្រោងជំនួយឥតសំណងរបស់រដ្ឋាភិបាលចិនជូនចំពោះភាគីកម្ពុជា ហើយនេះ គឺជាស្ពានទី៨ ដែលជាគម្រោងជំនួយរបស់ភាគីចិនជូនចំពោះភាគីកម្ពុជាផងដែរ។ សូមជម្រាបថា ស្ពានស្ទឹងត្រង់-ក្រូចឆ្មារមានប្រវែង សរុប១.១៣១ម៉ែត្រ និងទទឹង ១៣,៥០ម៉ែត្រ ជាប្រភេទស្ពានបេតុងសរសៃដែក ហើយត្រូវបានបើកការដ្ឋាន សាងសង់កាលពីថ្ងៃទី៩ ខែកុម្ភៈ ឆ្នាំ២០១៨ គ្រោងចំណាយថវិកាចំនួន៥៦,៩៩៨ លានដុល្លារ នឹងប្រើប្រាស់រយៈពេលសាងសង់ចំនួន៤២ខែ។ ក្រោយពេលសាងសង់រួចស្ពាននេះ នឹងចូលរួមចំណែកយ៉ាងសំខាន់ ដើម្បីតភ្ជាប់ទំនាក់ទំនង

ក្រសួងសុខាភិបាលជប៉ុន បាននិយាយកាលពីថ្ងៃច័ន្ទទី០១ ខែមីនាថា វ៉ាក់សាំងការពារជំងឺ Covid-19 ជាង ១,០០០ដូស បានខូចនៅប្រទេសជប៉ុន បន្ទាប់ពីសីតុណ្ហភាពផ្ទុកខុសពីកម្រិតដែលវ៉ាក់សាំងត្រូវការ ដោយសារការបង្កកដោយប្រព័ន្ធបង្កកដំណើរការខុសប្រក្រតី។ យោងតាមការចុះផ្សាយរបស់សារព័ត៌មាន CNA បានឲ្យដឹងថា ប្រទេសជប៉ុនបានក្លាយជាសមាជិកចុងក្រោយនៃប្រទេសឧស្សាហកម្មឈានមុខគេនៃក្រុមចំនួន ៧ ក្នុងការចាប់ផ្តើមចាក់វ៉ាក់សាំងការពារខ្លួនប្រឆាំងនឹងវីរុស Covid-19 នៅថ្ងៃទី ១៧ ខែកុម្ភៈ។ ហើយរហូតមកដល់ពេលនេះ ជប៉ុនទទួលបានការបញ្ជូនវ៉ាក់សាំងចំនួន ៣ដង ដែលបង្កើតឡើងដោយ Pfizer និង BioNTech មានចំនួនប្រហែល ១.៤ លានដូស។ គួរឲ្យដឹងថា​ វ៉ាក់សាំងដែលត្រូវបាន​បង្កើតឡើងដោយក្រុមហ៊ុន Pfizer /

យោងតាមក្រសួងកសិកម្ម និងអភិវឌ្ឍន៍ជនបទវៀតណាម បានឲ្យដឹងថា តម្លៃនាំចេញ-នាំចូលផលិតផលកសិ-រុក្ខកម្ម និងជលផល បានកើនឡើងក្នុងរយៈពេលពីរខែដំបូងនៃឆ្នាំ២០២១ នេះ ដែលធ្វើឲ្យមានអតិរេកពាណិជ្ជកម្ម ១.៣៧ ពាន់លានដុល្លារ កើនឡើង ២៨.៤% ពីមួយឆ្នាំទៅមួយឆ្នាំ។ ក្រសួងបានបន្តឲ្យដឹងថា ការកើនឡើងពីមួយឆ្នាំទៅមួយឆ្នាំត្រូវបានកត់សំគាល់ក្នុងតម្លៃនាំចេញផលិតផលជាច្រើនដូចជា កៅស៊ូ តែ ស្វាយចន្ទី បន្លែ ផ្លែឈើ និងផលិតផលព្រៃឈើ។ ជាក់ស្ដែង សមាគមនាំចេញផលិតផលជលផលវៀតណាម (VASEP) បានឱ្យដឹងថា ការនាំចេញផលិតផលជលផលបានកើនឡើងដល់ ៤០៥ លានដុល្លារក្នុងខែកុម្ ភៈដែលជំរុញឱ្យតួលេខក្នុងរយៈពេលពីរខែដំបូងនៃឆ្នាំ២០២១ កើនឡើងដល់ជាង ១ពាន់លានដុល្លារ ពោលគឺកើនឡើង ២.២% ក្នុងរយៈពេលដូចគ្នាកាលពីឆ្នាំមុន។

ក្នុងរយៈពេល ២ខែដំបូងនៃឆ្នាំ២០២១ នេះ រម្មណីយដ្ឋានអង្គរទទួលស្វាគមន៍ភ្ញៀវទេសចរបរទេសចំនួន ៤,១៩៤ នាក់ ដោយរកចំណូលបានពីការលក់ប័ណ្ណចូលទស្សនាចំនួន ១៧២,៨២៣ ដុល្លារ នេះបើយោងតាមការចុះផ្សាយរបស់ក្រសួងព័ត៌មាន។ បើតាមប្រភពពីក្រសួងដដែល តួលេខនេះត្រូវបានចែករំលែកដោយគ្រឹះស្ថានអង្គរ ដែលជាស្ថាប័នគ្រប់គ្រងដោយរដ្ឋទទួលបន្ទុកគ្រប់គ្រងចំណូលអង្គរ ក្នុងសេចក្តីប្រកាសព័ត៌មានកាលពីម្សិលមិញ។ ជាមួយគ្នានេះសេចក្ដីប្រកាសព័ត៌មានក៏បានបង្ហាញថា ចំនួនភ្ញៀវទេសចរបរទេសធ្លាក់ចុះប្រហែល ៩៨% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។ ទន្ទឹមនឹងនេះ គិតត្រឹម​តែក្នុងខែកុម្ភៈ ឆ្នាំ២០២១ សំបុត្រចូលទស្សនាអង្គរត្រូវបានលក់ទៅឱ្យភ្ញៀវទេសចរបរទេសចំនួន ២,៩៨១ នាក់ ធ្លាក់ចុះ ៩៧,៤៩% និងរកចំណូលបាន ១២២,៣៥៧ដុល្លារ ធ្លាក់ចុះ ៩៧.៨៤%។ គួរបញ្ជាក់ផងដែរថា ដោយសារវីរុស COVID-19 បានធ្វើឲ្យវិស័យទេសចរណ៍ទូទាំងពិភពលោកជួបនូវវិបត្តិ