យោងតាមក្រុមហ៊ុនស្រាវជ្រាវឥណទានបានឲ្យដឹងថា អាជីវកម្មជាង ១៣០០ នៅក្នុងប្រទេសជប៉ុន បានក្ស័យធនចាប់តាំងពីខែកុម្ភះឆ្នាំមុនមក ដោយសារតែការរីករាលដាលនៃជំងឺ Covid-19។ Teikoku Databaseank បានបង្ហាញថា បូកសរុបចាប់តាំងពីខែកុម្ភៈ ឆ្នាំមុន មកត្រឹមថ្ងៃច័ន្ទ ចំនួនអាជីវកម្មក្ស័យធនមានចំនួនសរុប ១,៣០១ ដោយតួលេខនេះរួមបញ្ចូលទាំងក្រុមហ៊ុនដែលបានដាក់ពាក្យស្នើសុំក្ស័យធន ឬ ផ្អាកប្រតិបត្តិការដើម្បីចាប់ផ្តើមនីតិវិធីនៃការទូទាត់សំណងស្របច្បាប់។ ប្រភពដដែលបានបន្តថា ក្នុងចំណោមអាជីវកម្មក្ស័យធនជាង ១ពាន់នោះ បារ និងភោជនីយដ្ឋាន ស្ថិតនៅលើគេក្នុងបញ្ជីឧស្សាហកម្មក្ស័យធនដែលមាន ២១៨ ករណី បន្ទាប់មកក្រុមហ៊ុនសំណង់ចំនួន ១១៧ សណ្ឋាគារនិងផ្ទះសំណាក់នៅ ៨៧ ។ ចំនួនទាំងនេះបានកើនឡើងចាប់តាំងពីរលកនៃករណីទីបីបានកើតឡើងកាលពីចុងឆ្នាំមុន។ Teikoku Databank

អាជ្ញាធរអាកាសចរណ៍ស៊ីវិលថៃ (CAAT) បានហាមឃាត់ក្រុមហ៊ុនអាកាសចរណ៍មិនឱ្យបម្រើអាហារ និងភេសជ្ជៈដល់អ្នកដំណើរនៅលើយន្តហោះ ដែលហោះហើរតាមយន្តហោះក្នុងស្រុក លើកលែងតែករណីបន្ទាន់ ដែលនឹងចូលជាធរមានចាប់ពីថ្ងៃទី ១៣ ខែមេសា ក្នុងគោលបំណងទប់ស្កាត់ការរីករាលដាលនៃវីរុស Covid-19។ ការសម្រេចនេះធ្វើឡើងបន្ទាប់ពីមានរលកថ្មីមួយ ត្រូវបានគេរាយការណ៍នៅទីក្រុងបាងកកកាលពីដើមខែនេះ ដែលបានរីករាលដាលយ៉ាងឆាប់រហ័សទៅដល់ខេត្តមួយចំនួនទូទាំងប្រទេស។ ជាមួយគ្នានេះដែរ ក្រៅពីការបម្រើអាហារលើយន្តហោះ (CAAT) ក៏បានហាមឃាត់ការចែកចាយកាសែត ទស្សនាវដ្តី ឬ ខិត្តប័ណ្ណណាមួយដល់អ្នកដំណើរនៅលើជើងហោះហើរ លើកលែងតែឯកសារដែលទាក់ទងនឹងសុវត្ថិភាព ដើម្បីកាត់បន្ថយអ្នកដំណើរដែលប៉ះលើផ្ទៃដែលអាចរាលដាលមេរោគ។ លើសពីនេះការលក់វត្ថុអនុស្សាវរីយ៍ ឬ ទំនិញគ្មានពន្ធ ក្នុងពេលហោះហើរក៏ត្រូវហាមឃាត់ផងដែរ។ ជាងនេះទៅទៀតនោះ វិធានការណ៍ផ្សេងទៀតដែលក្រុមហ៊ុនអាកាសចរណ៍ត្រូវអនុវត្តរួមមាន ការតំឡើងម៉ាស៊ីនស្កែនកំដៅ សម្រាប់អ្នកដំណើរនិងបុគ្គលិក ការអនុវត្តន៍ការពាក់ម៉ាស់គ្រប់ពេលវេលានៅលើយន្តហោះ លើកលែងតែករណីបន្ទាន់ និងការរក្សាគម្លាត។

យោងតាមការចុះផ្សាយរបស់ក្រសួងព័ត៌មាននៅថ្ងៃនេះ បានឲ្យដឹងថា ក្រុមហ៊ុន Kubota ដេញថ្លៃបានគម្រោងសាងសង់រោងចក្រប្រព្រឹត្តិកម្មទឹកកខ្វក់នៅបឹងជើងឯក។ លោក​ សាំ​ ពិសិដ្ឋ​ ប្រធាន​មន្ទីរ​សាធារណការ​ និង​ដឹក​ជញ្ជូន​រាជធានីភ្នំពេញ​បានឱ្យ​ដឹង​ថា​ នៅព្រឹកថ្ងៃទី១២ ខែមេសាឆ្នាំ២០២១ នៅទីក្រុងតូក្យូ ប្រទេសជប៉ុន បានរៀបចំពិធីដាក់ឱ្យដេញថ្លៃ នៃគម្រោងអភិវឌ្ឍន៍ប្រព័ន្ឋទឹកកខ្វក់នៅរាជធានីភ្នំពេញ ជាគម្រោងជំនួយឥតសំណង ។ ប្រធាន​មន្ទីរ​សាធារណការ​ និង​ដឹក​ជញ្ជូន​រាជធានីភ្នំពេញ បាន​បញ្ជាក់​ថា​ ក្រុមហ៊ុន Kubota Metawater Joint Venture បានទទួលជ័យជម្នះ លើការដាក់ឱ្យដេញថ្លៃគម្រោងសាងសង់រោងចក្រប្រព្រឹត្តិកម្មទឹកកខ្វក់នៅបឹងជើងឯក ដែលមានសមត្ថភាពចម្រោះទឹកកខ្វក់ ៥០០០ម៉ែត្រគូបក្នុង១ថ្ងៃ៕ ប្រភព៖ ក្រសួងព័ត៌មាន

យោងតាមការចុះផ្សាយរបស់សារព័ត៌មាន vnexpress កាលពីពេលកន្លងទៅនេះ បានឲ្យដឹងថា ក្រុមហ៊ុនអេឡិចត្រូនិចកូរ៉េខាងត្បូង LG កំពុងប្រកាសស្វែងរកអ្នក​ទិញរោងចក្រដ៏ធំបំផុតរបស់ខ្លួន នៅទីក្រុង Hai Phong ប្រទេសវៀតណាម បន្ទាប់ពីសម្រេចចិត្តដកខ្លួនចេញពីទីផ្សារស្មាតហ្វូន។ របាយការណ៍ធុរកិច្ចកូរ៉េនិយាយថា ក្រុមហ៊ុនអេឡិចត្រូនិចយក្សរបស់កូរ៉េខាងត្បូងបានសម្រេចចិត្តបញ្ឈប់ការផលិតនិងលក់ទូរស័ព្ទចល័ត ដែលគ្មានទីផ្សាររបស់ខ្លួន ហើយកំពុងចាត់វិធានការបិទរោងចក្រផលិត។ ទោះយ៉ាងណាក៏ដោយ LG មិនទាន់អាចរកឃើញអ្នកទិញរោងចក្រ នៅទីក្រុង Hai Phong ដែលផលិតស្មាតហ្វូនប្រហែល ១០លានគ្រឿងជារៀងរាល់ឆ្នាំ និងប្រហែលពាក់កណ្តាលនៃទិន្នផលរបស់ក្រុមហ៊ុនឡើយ។ បើតាមរបាយការណ៍បានបង្ហាញថា ក្រុមហ៊ុនផលិតស្មាតហ្វូនរបស់វៀតណាមមានកន្លែងផ្ទាល់ខ្លួន ហើយក្រុមហ៊ុនក្នុងស្រុកមិនអាចមានលទ្ធភាពចំណាយច្រើនជាង ១០០ ពាន់លានវ៉ុន (៨៩.២ លានដុល្លារ) សម្រាប់រោងចក្ររបស់ក្រុមហ៊ុន LG

នាថ្ងៃទី១២ ខែមេសា ឆ្នាំ២០២១នេះ ធនាគារជាតិនៃកម្ពុជា បានណែនាំចំនួន ៣ចំនុច ដល់គ្រឹះស្ថានធនាគារ និងហិរញ្ញវត្ថុ ត្រូវរក្សាបៀវត្សរ៍ និងអត្ថប្រយោជន៍នានារបស់បុគ្គលិក ជាប់ធ្វើចត្តាឡីស័ក ឬនៅតំបន់បិទខ្ទប់៕ សូមអានខ្លឹមសារទាំងស្រុងដូចខាងក្រោម៖ ប្រភព៖ ក្រសួងព័ត៌មាន

ប្រទេសឥណ្ឌាកាលពីថ្ងៃអាទិត្យទី១១ កន្លងទៅនេះ បានហាមឃាត់ការនាំចេញឱសថប្រឆាំងវីរុស Covid-19 ដែលមានឈ្មោះថា emdesivir និងគ្រឿងផ្សំឱសថសកម្មរបស់ខ្លួន នៅពេលដែលតម្រូវការប្រើប្រាស់នៅក្នុងប្រទេសបានកើនឡើង ដោយសារចំនួនអ្នកឆ្លងវីរុសបានកើនឡើងខ្លាំង ហើយបណ្តាលឱ្យមានការខ្វះខាតផ្នែកជាច្រើន ខណៈប្រទេសឥណ្ឌាត្រូវបានគេស្គាល់ថា ជាប្រទេសផលិតឱសថរបស់ពិភពលោក ហើយប្រទេសនេះបានបញ្ឈប់ការនាំចេញវ៉ាក់សាំង Covid-19 សំខាន់ៗរួចទៅហើយ។ យោងតាមការចុះផ្សាយរបស់សារព័ត៌មាន CNA ក្រសួងសុខាភិបាលឥណ្ឌាបាននិយាយនៅក្នុងសេចក្តីថ្លែងការណ៍មួយថា បន្ថែមលើការហាមឃាត់ Remdesivir “រហូតដល់ស្ថានភាពប្រសើរឡើង” ក្រុមហ៊ុនផលិតត្រូវបានស្នើសុំឱ្យបង្កើនការផ្គត់ផ្គង់បន្ថែមទៀត។ ខណៈក្រុមហ៊ុនឥណ្ឌាចំនួន ៧ បានផ្តល់អាជ្ញាប័ណ្ណថ្នាំពីក្រុមហ៊ុន Gilead Sciences ដែលមានសមត្ថភាពផលិតប្រហែល ៣.៩ លានគ្រាប់ក្នុងមួយខែ សម្រាប់ការប្រើប្រាស់ក្នុងស្រុក និងនាំចេញទៅកាន់ប្រទេសជាង ១០០ ។

យោងតាមការចុះផ្សាយរបស់សារព័ត៌មាន The Nation Thailand បានឲ្យដឹងថា រលក Covid-19 ថ្មីបានធ្វើឲ្យផែនការធ្វើដំណើររបស់ប្រជាជននៅទូទាំងប្រទេសធ្លាក់ចុះក្នុងកំឡុងពេលបុណ្យសង្រ្កាន្ត ជាពិសេសនោះគឺ ទាក់ទងទៅនឹងគោលដៅរបស់អាជ្ញាធរទេសចរណ៍ថៃ (TAT)។ លោក Yuthasak Supasorn អភិបាលនៃ អាជ្ញាធរទេសចរណ៍ថៃ បានមានប្រសាសន៍ថា ផលប៉ះពាល់នៃការផ្ទុះឡើង Covid-19 ថ្មីក្នុងរយៈពេលខ្លីនេះ ត្រូវបានប៉ាន់ស្មានដោយក្រុមអាជ្ញាធររបស់លោក។ ជាក់ស្ដែង អាជ្ញាធរទេសចរណ៍ថៃបានព្យាករណ៍ពីកាលៈទេសៈក្នុងអំឡុងពេលបុណ្យសង្រ្កាន្តថា៖ ប្រជាជនខ្លះនឹងសំរេចចិត្តវិលត្រឡប់ទៅស្រុកកំណើតវិញ បើទោះបីជាវីរុសរាត្បាតជាថ្មីក៏ដោយ ដោយសារការជាប់គាំងកាលពីឆ្នាំមុន ធ្វើឱ្យពួកគេមិនបានទៅផ្ទះ។ ជាមួយគ្នានេះដែរ ប្រជាជននឹងសំរេចចិត្ត ធ្វើដំណើរទៅទីក្រុង ឬ តំបន់ដែលមានសុវត្ថិភាព ដោយពួកគេយកឡានផ្ទាល់ខ្លួនជំនួសការដឹកជញ្ជូនសាធារណៈ។ ខណៈការព្យាករណ៍មួយទៀត

Thai Airways គឺជាក្រុមហ៊ុនអាកាស​ចរណ៍ដ៏ល្បីមួយនៅក្នុងប្រទេសថៃដែលមានភាគហ៊ុនរដ្ឋនៅក្នុងនោះ តែគួរឲ្យសោកស្ដាយដោយសារវិបត្តិហិរញ្ញវត្ថុ និងវិបត្តិកូវីដ-១៩ បានធ្វើឲ្យក្រុមហ៊ុនអាកាសចរណ៍នេះឈាន​ដល់ការប្រកាសក្ស័យធន។ បើទោះបីជាបានដាក់ពាក្យទៅកាន់តុលាក្ស័យធន និងជ្រុះបាត់នាមជាសហគ្រាសរបស់រដ្ឋ Thai Airways ក៏ត្រូវបានរដ្ឋាភិបាលអនុញ្ញាតឲ្យស្ដារនិសម្បទាក្រុមហ៊ុនឡើងវិញផងដែរ។ បន្ទាប់ពីបានដាក់ចេញនៅផែនការស្ដារឡើងវិញ ឃើញថា Thai Airways បានព្យាយាមរិះរកយុទ្ធសាស្រ្ត និងគ្រប់មធ្យោបាយដើម្បីទទួលបានចំណូល និងប្រាក់ចំណេញដើម្បីដោះបំណុល ក្នុងនោះកាលពីខែតុលា ឆ្នាំ២០២០ ក្រុមហ៊ុនអាកាសចរណ៍មួយនេះបានចាប់យកអាជីវកម្មលក់នំចៀន (នំប៉ាតុង) ឬអាចហៅថា នំឆាខ្វៃ។ យោងតាមការចុះផ្សាយរបស់សារព័ត៌មាន Bangkok Post បានឲ្យដឹងថា កាលពីដើមខែតុលា ឆ្នាំមុន Thai Airways គ្រោងនឹងលក់ហ្រ្វេនឆាយលើអាជីវកម្មលក់នំ ឆាខ្វៃ