រដ្ឋបាលខេត្តបាត់ដំបងបានសម្រេចបើកឡើងវិញមូលដ្ឋានអាជីវកម្មរបស់ក្រុមហ៊ុនវីរៈប៊ុនថាំ អិចហ្វ្រេសទេសចរណ៍ ដែលបាន​​បិទបណ្តោះ​អាសន្នកាលពីថ្ងៃទី០២ខែឧសភា បន្ទាប់ពីររកឃើញតៃកុងឡានម្នាក់មានវិជ្ជមានកូវីដ១៩នោះ។ សេចក្តីសម្រេចរបស់រដ្ឋបាលខេត្តបាត់ដំបងនាថ្ងៃទី០៥ខែឧសភា ឲ្យបើកដំណើរការសាខាក្រុមហ៊ុនខាងលើ បីទីតាំង នៅស្រុកកំរៀង ភ្នំព្រឹក និងសំពៅលូនឡើងវិញ បន្ទាប់ពីទីតាំងបួនកន្លែងនៅក្រុងបាត់ដំបង បានបើកដំណើរការឡើងវិញកាលពីថ្ងៃទី០៣ ខែឧសភា ។ ការប្រកាសឲ្យដំណើរការ ឡើងវិញនេះ បុគ្គលិកដែលបម្រើការខាងលើដែលបានផ្តល់វត្ថុសំណាក ពិនិត្យឃើញអវិជ្ជមានកូវីដ១៩នោះ ត្រូវបន្តធ្វើចត្តាឡីស័កនៅលំនៅឋានរបស់ខ្លួន ឬ ទីតាំងក្រុមហ៊ុន នឹងអនុវត្តតាមវិធាននានាដែលបានណែនាំក្នុង​​អំឡុងពេលធ្វើ​​ចត្តាឡីស័ក។ ក្នុងករណីសុខភាពមានការ ប្រែប្រួលត្រូវរាយការណ៍មកអាជ្ញាធរមានសមត្ថកិច្ច និង គ្រូពេទ្យដើម្បីយកវត្ថុសំណាកទៅវិភាគរកមេរោគ​កូវីដ-១៩ម្តងទៀត ។ លោក សឿម ប៊ុនរិទ្ធអភិបាលរងខេត្តបាត់ដំបងនិងជាអ្នកនាំពាក្យរដ្ឋបាលខេត្តបានឲ្យដឹងថា ការបើកឲ្យដំណើរការឡើងវិញនេះ​​ក្រោយពិនិត្យ​​សំណាកលើកទីពីរក្រោយ៤៨ម៉ោង លើតៃកុងឡានក្រុមហ៊ុនខាងលើនៅមន្ទីរពេទ្យបង្អែកខេត្តបាត់ដំបង ឃើញលទ្ធផល​​អវិជ្ជមានកូវីដ១៩ ដដែល

ធនាគារអភិវឌ្ឍន៍អាស៊ី ហៅកាត់ ADB អះអាងថា កំពុងជួយកម្ពុជា ដើម្បីឆ្លើយតបទៅនឹងបញ្​ហាប្រឈមនានា​ដែលបណ្តាល​មកពីកូវីដ-១៩ ហើយក៏កំពុងគាំទ្រវឌ្ឍនភាពនៃគោលដៅអភិវឌ្ឍន៍រយៈពេលវែងរបស់កម្ពុជាផងដែរ។ តាមរយៈព្រឹត្តិបត្រព័ត៌មាន ដែល បង្ហោះនៅលើផេកហ្វេសប៊ុកផ្លូវការរបស់ខ្លួននៅថ្ងៃទី៥ ខែឧសភា ឆ្នាំ២០២១នេះ បាន បញ្ជាក់ថា ADB កំពុងធ្វើសកម្មភាពនានា ដើម្បីស្វែងរកថវិកា គាំទ្រការឆ្លើយតបនឹងកូវីដ-១៩ និងការងើបឡើងវិញរបស់កម្ពុជា។ ក្នុងឆ្នាំ២០២០ ADB បានអនុម័តផ្តល់ប្រាក់កម្ចី និងជំនួយឥតសំណងចំនួន៤៧៧,២ លានដុល្លារ ហើយបានកៀរគរ ថវិកាបន្ថែមចំនួន២៨១,៣លានដុល្លារ តាមរយៈសហហិរញ្ញប្បទាន សម្រាប់ប្រទេសកម្ពុជា។ ចំនួននេះរួមបញ្ចូលប្រាក់កម្ចីសម្បទានចំនួន២៥០លានដុល្លារ និងសហហិរញ្ញប្បទាន២៤១,៦ លានដុល្លារ សម្រាប់កម្មវិធីគាំទ្រការចំណាយ និងឆ្លើយតប ទៅនឹងជំងឺកូវីដ-១៩របស់

គម្រោងរៀបចំកម្រាលថ្មស្ពានហាល មុខប្រាសាទអង្គរវត្ត នឹងបញ្ចប់ជាស្ថាពរនៅក្នុងឆ្នាំ២០២១នេះ ដើម្បីជួយលើក កម្ពស់សោភ័ណភាពអង្គរឲ្យកាន់តែស្រស់ស្អាតបន្ថែមទៀត។ អ្នកយកព័ត៌មានយើងប្រចាំខេត្តសៀមរាបធ្វើសេចក្តីរាយការណ៍ឲ្យដឹងថា ស្ពានហាលនេះ គឺជាផ្លូវចេញចូលដ៏សំខាន់នៃប្រាសាទអង្គរវត្ត ដែលជាប្រាសាទមួយប្រកបដោយអត្ថន័យយ៉ាងជ្រាលជ្រៅសម្រាប់ប្រជាជាតិខ្មែរ ព្រោះជានិមិត្តរូបជាតិ ជាស្នាដៃស្ថាបត្យកម្ម និងវិស្វកម្ម ដ៏កំពូលរបស់បុព្វបុរសខ្មែរនាសម័យនោះ។ គម្រោងរៀបចំកម្រាលថ្មស្ពានហាល មុខប្រាសាទអង្គរវត្តមានប្រវែង ៩០ម៉ែត្រ ដែលជាស្រទាប់ខាងលើនៃស្ពានហាល ប្រាសាទអង្គរវត្ត នឹងរៀបរួចរាល់នាពេលខាងមុខដ៏ខ្លី ដើម្បីឲ្យភ្ញៀវទេសចរអាចធ្វើដំណើរដើរឆ្លងកាត់ឡើងវិញ។ លោក សយ ច័ន្ទនោឫទ្ធិ ស្ថាបត្យករនៃគម្រោងជួសជុលស្ពានហាលខាងមុខប្រាសាទអង្គរវត្ត បានឲ្យដឹងថា ទោះបីជាបច្ចុប្បន្ននេះកម្ពុជា បានរងផលប៉ះពាល់ដោយសារជំងឺកូវីដ-១៩ តែក្រុមការងារនៅតែបន្តសកម្មភាពជួសជុលស្ពានហាលខាងមុខប្រាសាទអង្គរវត្តដើម្បីការងារ អភិរក្ស និងធានាសុវត្តិភាពភ្ញៀវទេសចរដែលមកទស្សនាប្រាសាទអង្គរវត្ត។ លោកបន្តថា ចំពោះការងារពង្រឹងគ្រឺះរបស់ស្ពាន សម្រេចបាន ជិត១០០ភាគរយហើយ

ប្រទេសវៀតណាមបានវ៉ាដាច់ប្រទេសចិន ក្នុងនាមជាអ្នកនាំចេញគ្រឿងសង្ហារឹមធំជាងគេទៅកាន់សហរដ្ឋអាមេរិក ខណៈដោយសារពន្ធនាំឱ្យអ្នកផលិតចាកចេញពីប្រទេសដែលមានសេដ្ឋកិច្ចធំទី ២ លើពិភពលោក។ យោងតាមការចុះផ្សាយរបស់ vnexpress ប្រទេសវៀតណាមបាននាំចេញគ្រឿងសង្ហារឹមដែលមានតម្លៃ ៧.៤ ពាន់លានដុល្លារទៅសហរដ្ឋអាមេរិកកាលពីឆ្នាំមុន បើប្រៀបធៀបទៅនឹងប្រទេសចិនដែលមានចំនួន ៧.៣ ពាន់លានដុល្លារ នេះបើតាមទិន្នន័យពីទស្សនាវដ្តីគ្រឿងសង្ហារឹមអាមេរិក។ ចំនួននេះបានកើនឡើង ៣១% ពីមួយឆ្នាំទៅមួយឆ្នាំ សម្រាប់ប្រទេសវៀតណាម ខណៈដែលប្រទេសចិនបានធ្លាក់ចុះ ២៥%។ ប្រភពដដែលបានបន្តឱ្យដឹងថា ការផ្លាស់ប្តូរនេះបានកើតឡើងក្នុងរយៈពេលពីរឆ្នាំកន្លះជាមួយសហរដ្ឋអាមេរិក ដែលបានដាក់ពន្ធគយខ្ពស់ដល់ទៅ ២៥% លើគ្រឿងសង្ហារឹមស្ទើរតែទាំងអស់មកពីប្រទេសចិន ដែលជំរុញឱ្យក្រុមហ៊ុនផលិតចិនត្រូវដើរចេញ។ គួរបញ្ជាក់ផងដែរថាសហរដ្ឋអាមេរិក គឺជាទីផ្សារនាំចេញធំបំផុតរបស់វៀតណាមក្នុងរយៈពេល ៤ ខែដំបូងក្នុងតម្លៃ ៣០.៣ ពាន់លានដុល្លារ កើនឡើង ៥០%

បើទោះបីជាប្រទេសកម្ពុជាកំពុងត្រូវបាន​វាយលុកដោយវីរុសកូវីដ-១៩ ដែលបង្កផលប៉ះពាល់យ៉ាងខ្លាំងដល់វិស័យសំខាន់ៗនៅក្នុងប្រទេសដូចជា សេដ្ឋកិច្ចជាដើមក៏ដោយក្ដី ក៏កម្ពុជានៅតែទទួលបានគម្រោងវិនិយោគពីក្រុមហ៊ុនបរទេសឥតឈប់ឈរ។ ជាក់ស្ដែង យោងតាមផេកផ្លូវការរបស់ក្រុមប្រឹក្សាអភិវឌ្ឍន៍កម្ពុជា ហៅកាត់ថា (CDC) មុននេះបន្តិចបានឲ្យដឹងថា តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនប័ត្រចុះបញ្ជីជាស្ថាពរ ជូនដល់ក្រុមហ៊ុនចំនួន ៦ ដែលមានទុនវិនិយោគសរុប ១០៦.៣ លានដុល្លារ និងបង្កើតការងារដល់ប្រជាពលរដ្ឋក្នុងប្រទេសចំនួន ១,៨៥២ កន្លែង ដូចខាងក្រោម៖ ១-YIANKANG BIOLOGICAL TECHNOLOGY CO., LTD : គម្រោងបង្កើតរោងចក្រកែច្នៃម្ហូបអាហារ ដែលមានទីតាំងវិនិយោគស្ថិតនៅភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ មានទុនវិនិយោគប្រមាណ ២,៩លានដុល្លារអាមេរិក

យោងតាមការចុះផ្សាយរបស់ក្រសួងព័ត៌មាន កាលពីថ្ងៃទី០៤ ខែឧសភា នេះ បានឱ្យដឹងថា​ យ៉ាងហោចណាស់ រោងចក្រនិងសហគ្រាសចំនួន ៩៥ បានចាប់ផ្តើមផលិតកម្មរបស់ខ្លួនឡើងវិញ បន្ទាប់ពីរាជធានីភ្នំពេញ និងទីប្រជុំជនតាខ្មៅ ខេត្តកណ្តាល ត្រូវបានបែងចែកទៅជាតំបន់ក្រហម លឿងទុំ និងលឿង។ លោក ហេង សួរ រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា រោងចក្រដែលកំពុងបើកដំណើរការឡើងវិញគឺស្ថិតនៅក្នុងតំបន់លឿង ក្នុងនោះកម្មករចំនួន ១៥,០០០ នាក់បានបន្តការងាររបស់ពួកគេវិញហើយ។ លោកក៏បានបន្ថែមថា ការបន្តខ្សែសង្វាក់ផលិតកម្មនៅក្នុងរោងចក្រនិងសហគ្រាស គឺជាសញ្ញាដ៏ល្អមួយនៅក្នុងវិស័យផលិតកម្ម ទោះបីជាការរីករាលដាលនៃជំងឺឆ្លង Covid-19 មិនទាន់ចប់នៅឡើយក្ដី។ ទន្ទឹមនឹងនោះ អ្នកនាំពាក្យក្រសួងការងាររូបនេះបានបញ្ជាក់ផងដែរថា

ប្រធានាធិបតីអាមេរិក Joe Biden បានមានប្រសាសន៍ថា គាត់ចង់ឱ្យមនុស្សពេញវ័យនៅអាមេរិកចំនួន ៧០% ត្រូវបានទទួលការចាក់វ៉ាក់សាំងបង្ការជំងឺ Covid-19 យ៉ាងហោចណាស់បានដូសទី១ នៅថ្ងៃទី៤ ខែកក្កដា ឆ្នាំ២០២១នេះ។ យោងតាមតាមការចុះផ្សាយរបស់សារព័ត៌មានជប៉ុន NHK​ បានឱ្យដឹងថា លោក Biden បានបង្ហាញគោលដៅនៅថ្ងៃអង្គារ ម្សិលមិញនេះ រួមជាមួយគោលបំណងដើម្បីទទួលបានការចាក់វ៉ាក់សាំងការពារមនុស្សពេញវ័យចំនួន ១៦០ លាននាក់នៅថ្ងៃតែមួយ ដែលជាថ្ងៃឈប់សម្រាកថ្ងៃបុណ្យឯករាជ្យជាតិ។ ជាមួយគ្នានោះដែរ លោកប្រធានាធិបតី ក៏បានប្រកាសពីការខិតខំ ដើម្បីបង្កើនចំនួនកន្លែងសម្រាប់ការចាក់វ៉ាក់សាំង ក៏ដូចជាការជំរុញគ្លីនិក និងអង្គភាពចល័តនៅតាមតំបន់ជនបទ។ ខណៈលោក កំពុងព្យាយាមបញ្ចុះបញ្ចូលជនជាតិអាមេរិកឱ្យចាក់វ៉ាក់សាំងបន្ថែមទៀត ដោយលើកឡើងថា ការចាក់វ៉ាក់សាំងជាជម្រើសនៃជីវិត និងការស្លាប់។

ឯកឧត្តម ឃួង ស្រេង អភិបាលរាជធានីភ្នំពេញ នៅក្នុងកិច្ចប្រជុំគណៈបញ្ជាការឯកភាពរដ្ឋបាលរាជធានីភ្នំពេញ តាមរយៈប្រព័ន្ធវីឌេអូ នៅព្រឹកថ្ងៃទី០៣ ឧសភានេះនៅសាលារាជធានីភ្នំពេញ បានថ្លែងថា ថ្ងៃទី០៥ ខែឧសភាឆ្នាំ២០២១ គឺជាថ្ងៃដែល រាជរដ្ឋាភិបាល បញ្ចប់ការបិទខ្ទប់រាជធានីភ្នំពេញ ដូចជាបញ្ចប់ការបិទខ្ទប់ច្រកចេញចូលតាមបណ្តាខេត្តនានានៅ ទូទាំងព្រះរាជាណាចក្រ កម្ពុជាឡើងវិញផងដែរ។ ក្រោយបញ្ចប់ការបិទខ្ទប់នៅថ្ងៃទី០៥ ឧសភា រដ្ឋបាលរាជធានីភ្នំពេញ ក៏នៅតែរក្សាតំបន់៣ដដែល នោះគឺ​តំបន់លឿង តំបន់លឿងទុំនិងតំបន់ក្រហម ដើម្បីបង្ការ ទប់ស្កាត់នូវជំងឺកូវីដ-១៩ គ្រាន់តែបង្រួមតំបន់តំបន់លឿងទុំ និងតំបន់ក្រហមមក នៅតូចជាងមុនប៉ុណ្ណោះ។ ឯកឧត្តម ឃួង ស្រេង បានមានប្រសាសន៍ទៀតថា រាជរដ្ឋាភិបាលនឹងបើកឱ្យធ្វើចរាចរណ៍ឡើងវិញនៅទូទាំងប្រទេស ពីតំបន់មួយ