យោងតាមការចុះផ្សាយរបស់ក្រសួងព័ត៌មានបានឱ្យដឹងថា ស្ថានទូតសហរដ្ឋអាមេរិកប្រចាំកម្ពុជាបានប្រកាសនូវការរួមចំណែកយ៉ាងសំខាន់មួយជំហានទៀត ក្នុងការជួយអភិរក្សាការពារនូវទីតាំងសម្បត្តិបេតិកភណ្ឌពិភពលោកគឺប្រាសាទព្រះវិហារ ដែលបានផ្ដល់ជំនួយបន្ថែមនូវទឹកប្រាក់ចំនួន ៨៦ ៦៦៤ ដុល្លារអាមេរិក សម្រាប់គម្រោងដំណាក់កាលទី៣ នៃការអភិរក្ស និងជួសជុលជណ្តើរខាងជើងប្រាសាទព្រះវិហារ។ ក្រសួងការបរទេសអាមេរិក ដែលមានកម្មវិធីមូលនិធិឯកអគ្គរដ្ឋទូតសម្រាប់ការអភិរក្សវប្បធម៌បានផ្តល់ជំនួយក្នុងទឹកប្រាក់ ៨៦ ៦៦៤ ដុល្លារអាម៉េរិកដល់ការអភិរក្សជួសជុលនូវជណ្តើរភាគខាងជើងនៃប្រាសាទព្រះវិហារ ដែលបានកសាងឡើងក្នុងសតវត្សរ៍ទី ១១។ នេះជាជំនួយលើកទី ៣ ដែលនឹងជួយគម្រោងអភិរក្ស និងជួសជុលជណ្តើរបុរាណខាងជើង ប្រាសាទព្រះវិហារ ជណ្តើរថ្នាក់ទី ៦ និងថ្នាក់ទី ៧ និងជួសជុលចម្លាក់តោចំនួន ២។ គម្រោងលើកទី ១ និងទី ២ ដែលបានធ្វើចាប់ពីឆ្នាំ ២០១៨

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ខេត្តសៀមរាបកំពុងវិលត្រលប់មកសភាពកាន់តែប្រសើរឡើងដូចកាលពីពេលមុនវិញហើយ ខណៈផ្នែកសេវាកម្មស្នាក់នៅ និងអាហារដ្ឋាននានា នៅក្នុងខេត្តសៀមរាប បានចាប់ផ្តើមបើកដំណើរការទទួលស្វាគមន៍ភ្ញៀវឡើងវិញ បន្ទាប់ពីការផ្អាកដំណើរការមួយរយៈពេល ដោយការឆ្លងរាលដាលជំងឺកូវីដ១៩។ មានប្រសាសន៍ក្នុងកិច្ចសម្ភាសន៍ជាមួយអ្នកសារព័ត៌មាន នៅព្រឹកថ្ងៃទី០៩ ខែធ្នូ ឆ្នាំ២០២១ លោកង៉ូវ សេងកាក់ ប្រធាន មន្ទីរទេសចរណ៍ខេត្តសៀម រាប បានឱ្យដឹងថា ក្រោយ ពេលរាជរដ្ឋាភិបាលប្រកាសបើកដំណើរការតំបន់ទេសចរណ៍ឡើងវិញ និងស្ថានភាពនៃដំណើរការស្ថាបនាផ្លូវថ្នល់ទាំង៣៨ខ្សែ ជិតរាល់ផ្លូវការផងនោះ បច្ចុប្បន្ននេះក្រុមអាជីវករផ្នែក សេវាកម្មផ្នែកអាហារដ្ឋាន ភោជនីយដ្ឋាននានា និងសេវាកម្មស្នាក់នៅផ្សេងៗ នៅក្នុងក្រុងសៀមរាប បានចាប់កម្រើកឡើងវិញ។ លោកបន្តទៀតថា នៅពេលជំងឺកូវីដ១៩បានចូលមកដល់ខេត្តសៀមរាប ធ្វើឱ្យបុគ្គលិកដែលបម្រើការងារ ជាពិសេសស្ត្រី ក្នុងវិស័យសេវាកម្មស្នាក់នៅ អាហារដ្ឋាន

យោងតាមការចុះផ្សាយរបស់ក្រសួងព័ត៌មានបានឱ្យដឹងថា លោកបូរ៉ាម្ចាស់ចម្ការទំពាំងបាយជូរ មួយកន្លែងក្នុងខេត្តកំពង់ស្ពឺ បានទទួលជោគជ័យក្នុងការដាំដំណាំប្រភេទនេះ ដោយទទួលបានទិន្នផលល្អ ជាពិសេស គឺអាចទាក់ទាញចិត្តភ្ញៀវទេសចរឱ្យចូលទៅលេងកម្សាន្តជារៀងរាល់ថ្ងៃ ខណៈដែលបច្ចុប្បនុ្ន ដំណាំទំពាំងបាយជូរ កំពុងមានតម្រូវការទីផ្សារសម្រាប់អ្នកបរិភោគនិងលក់បន្ត។ លោក បូរ៉ា ម្ចាស់ចម្ការទំពាំងបាយជូរ រ៉ានីតា ស្ថិតនៅក្នុងភូមិទឹកល្អក់ ស្រុកភ្នំស្រួច ខេត្តកំពង់ស្ពឺ បានប្រាប់វិទ្យុជាតិកម្ពុជាថា លោកបានចាប់ យករបរដាំផ្លែទំពាំងបាយជូរ អស់រយៈពេលជាង ៧ឆ្នាំមកហើយ ដើម្បីបំពេញតម្រូវការផ្គត់ផ្គង់ក្នុងខេត្ត និងនាំចេញទៅលក់នៅតាម រាជធានី និង ខេត្តផ្សេងៗទៀត ។ លោកបន្តថា សម្រាប់ចម្ការទំពាំងបាយជូរ រ៉ានីតានេះគឺ មានភ្ញៀវទេសចរជាច្រើនបានចូលទៅលេងកម្សាន្តជាហូរហែ ដើម្បីទៅទស្សនា ក៏ដូចជាថតរូបលេងកម្សាន្ត

យោងតាមការចុះផ្សាយរបស់ក្រសួងព័ត៌មាន សម្ដេចអគ្គមហាសេនាបតី តេជោ ហ៊ុន សែន នាយករដ្ឋមន្រ្តីនៃកម្ពុជាបានបញ្ជាក់ថា ការចាំបាច់សាងសង់អាកាសយានដ្ឋាន អន្តរជាតិថ្មី ដោយស្ថានភាពទេសចរកើនពីមួយដំណាក់ទៅមួយដំណាក់ ដែលតម្រូវសាងសង់អាកាសយានដ្ឋានអន្តរជាតិភ្នំពេញថ្មី និងសៀមរាប ដែលអាចមានសមត្ថភាពខ្ពស់សម្រាប់ទទួលយន្តហោះធំៗ ដើម្បីឆ្លើយតបនឹងកំណើន នៃការធ្វើដំណើរអ្នកទេសចរអន្តរជាតិ ហោះហើរមកកាន់កម្ពុជា ។ ក្នុងឱកាសចុះត្រួតពិនិត្យវឌ្ឍនភាពនៃគម្រោងសាងសង់អាកាសយាន្តដ្ឋានអន្តរជាតិភ្នំពេញថ្មី ខេត្តកណ្តាល នៅព្រឹកថ្ងៃទី០៩ ខែធ្នូ ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា ការកសាង ព្រលានយន្តហោះចំនួន២កន្លែង គឺ នៅរាជធានីភ្នំពេញនិងនៅខេត្តសៀមរាបជាអាកាសយានដ្ឋានធំៗលំដាប់អន្តរជាតិ ដើម្បីធានាបាន ការចុះចតប្រភេទយន្តហោះ អែលបើស(Airbus)៣៤០ យន្តហោះអែលបើស៣៥០

Samsung គឺជាក្រុមហ៊ុនអេឡិចត្រូនិកយក្សមួយរបស់កូរ៉េខាងត្បូង និងនៅលើពិភពលោក ហើយក្នុងរយៈពេល ២៤ឆ្នាំចុងក្រោយនេះ Samsung បានវិនិយោគ ១៧.៧៤ ពាន់លានដុល្លារក្នុងប្រទេសវៀតណាម នេះបើយោងតាមការចុះផ្សាយរបស់សារព័ត៌មាន vnexpress។ ការវិនិយោគក្នុងចំនួនដ៏ច្រើននេះ គឺស្មើនឹង ២៩% នៃក្រុមហ៊ុនក្នុងរយៈពេល ៥ឆ្នាំចុងក្រោយនេះ។ នៅក្នុងកិច្ចប្រជុំកាលពីថ្ងៃច័ន្ទ ជាមួយ ឧបនាយករដ្ឋមន្ត្រីវៀតណាម នាយកប្រតិបត្តិក្រុមហ៊ុន Samsung វៀតណាម លោក Choi Joo បានឱ្យដឹងថា ជាមួយនឹងរោងចក្រផលិត និងស្រាវជ្រាវចំនួន ៨នៅក្នុងប្រទេស ក្រុមហ៊ុនអេឡិចត្រូនិកយក្សរបស់កូរ៉េខាងត្បូងសម្រេចបានប្រាក់ចំណូលជិត ៦០.៥ ពាន់លានដុល្លារក្នុងរយៈពេល ១០ខែដំបូងនៃឆ្នាំនេះ។ លោកបានបន្ថែមថា

យោងតាមការចុះផ្សាយរបស់ឯកឧត្តម វេង សាខុន រដ្ឋមន្រ្តីក្រសួងកសិកម្មរុក្ខប្រមាញ់ និងនេសាទបានឱ្យដឹងថា នៅ ថ្ងៃទី៨ ខែធ្នូ ឆ្នាំ២០២១ ឯកឧត្តម បានអនុញ្ញាតឲ្យលោក Paul Kambur នាយកក្រុមហ៊ុន បាយអូថេរ៉ា ឃែភីថល ឯ.ក (មកពីសហរដ្ឋអាមេរិក) និងសហការី ចូលជួបដើម្បីសម្តែងការគួរសម និងពិភាក្សាការងារ។ ក្នុងជំនួបនោះដែរ លោកនាយកក្រុមហ៊ុន បានជម្រាបជូនឯកឧត្តមរដ្ឋមន្ត្រីអំពីគោលបំណងនៃជំនួបនាពេលនេះគឺដើម្បីស្វែងរកឱកាសវិនិយោគដាំឈើប្រេងខ្យល់ និងអាកាស្យា ធ្វើការកែច្នៃ ផ្គត់ផ្គង់ ទីផ្សារក្នុងស្រុក និងនាំចេញទៅសហរដ្ឋអាមេរិក និងទីផ្សារអន្តរជាតិ។ ទាក់ទងនឹងការវិនិយោគនេះ លោកនាយកក្រុមហ៊ុនបានស្នើសុំការណែនាំពីឯកឧត្តមរដ្ឋមន្រ្តីអំពីដំណើរការនៃការវិនិយោគលើឧស្សាហកម្មព្រៃឈើ ការដាំឈើឡើងវិញ ការកែច្នៃ

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ប្រធានមន្ទីរទេសចរណ៍ខេត្តសៀមរាប លោក ង៉ូវ សេងកាក់ បានឱ្យដឹងថា សម្រាប់ខេត្តសៀមរាប មានសណ្ឋាគារប្រមាណជិត ២ម៉ឺនបន្ទប់ និងផ្ទះសំណាក់ចំនួន ៨,០០០បន្ទប់ បានបើកដំណើរការជាផ្លូវការនៅថ្ងៃទី០៨ ខែធ្នូ ឆ្នាំ២០២១នេះ។ លោកបន្តថា បានឱ្យដឹងថា ការបើកដំណើរការឡើងវិញនូវផ្ទះសំណាក់ និងសណ្ឋាគារនេះ ដោយសារភ្ញៀវទេសចរនឹងចាប់ផ្តើមធ្វើដំណើរមកកម្សាន្តនៅខេត្តនេះជាបណ្តើរៗហើយ ។ លោកថា នៅថ្ងៃចុងសប្តាហ៍ ឬថ្ងៃបុណ្យជាតិ មានភ្ញៀវទេសចរមកម្សាន្ត នៅខេត្តដ៏មានសក្កានុពលមួយនេះប្រមាណ ៦,០០០នាក់ ជារៀងរាល់សប្តាហ៍។ លោកបានបញ្ជាក់ថា នៅក្នុងវិបត្តិកូវីដ-១៩ វិស័យទេសចរណ៍នៅក្នុងខេត្តសៀមរាប រងគ្រោះធ្ងន់ធ្ងរជាងគេ ដែលក្នុងនោះវិស័យសណ្ឋាគារ និងផ្ទះសំណាក់ បានបិទដំណើរការពី

យោងតាមការចុះផ្សាយរបស់ក្រសួងព័ត៌មាន បានឱ្យដឹងថា ធនាគារអភិវឌ្ឍន៍អាស៊ី(ADB) និងក្រសួងសេដ្ឋកិច្ចនិងហិរញ្ញវត្ថុកម្ពុជាបានចុះហត្ថលេខាលើ កញ្ចប់ហិរញ្ញប្បទាន៣៣២,០៥លានដុល្លារដើម្បីគាំទ្រដល់ការឆ្លើយតបរបស់កម្ពុជាទៅនឹង ជំងឺកូវីដ១៩ អភិវឌ្ឍន៍វិស័យហិរញ្ញវត្ថុ កសាងហេដ្ឋារចនាសម្ព័ន្ធទីក្រុង និងជួយកែលម្អបណ្តាញផ្លូវ។ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងនាយកស្តីទីប្រចាំប្រទេសកម្ពុជា នៃធនាគារអភិវឌ្ឍន៍អាស៊ីលោក Anthony Gill នាព្រឹកថ្ងៃទី០៨ ខែធ្នូ ឆ្នាំ២០២១បានចុះហត្ថលេខាលើកិច្ចព្រមព្រៀងកម្ចី និងហិរញ្ញប្បទានឥតសំណង សម្រាប់គម្រោងសន្តិសុខ សុខភាពមហាអនុតំបន់មេគង្គ(GMS) ចំនួន៣០លានដុល្លារ គម្រោងវិនិយោគទីក្រុងដែលអាចរស់នៅបាន១៨០លានដុល្លារ គម្រោងកែលម្អបណ្តាញ ផ្លូវថ្នល់(ដំណាក់កាលទី២) ៨២,០៥លានដុល្លារ និងកម្មវិធីអភិវឌ្ឍន៍វិស័យហិរញ្ញវត្ថុប្រកបដោយបរិយាប័ន្ន៤០ លានដុល្លារ។ នេះបើយោងតាមសេចក្ដីប្រកាសព័ត៌មានរបស់ ADB។ លោក