យោងតាមការចុះផ្សាយរបស់ក្រសួងព័ត៌មានបានឱ្យដឹងថា អាជ្ញាធរខេត្តសៀមរាបបានប្រកាសថា គ្រោងរៀបចំសង្ក្រាន្តសៀមរាបឡើងវិញបង្ហាញ​មោទនភាព​លើ​សមិទ្ធផលថ្មី ដើម្បីទាក់ទាញភ្ញៀវទេសចរផ្ទៃក្នុង និងដកខ្លួនចេញពីវិបត្តិ​កូវីដ-១៩ នាថ្ងៃ​បុណ្យចូលឆ្នាំខ្មែរខាងមុខ។ ឯកឧត្តម ទៀ សីហា អភិបាលខេត្តសៀមរាបបានថ្លែងនៅក្នុងកិច្ចប្រជុំរបស់​គណៈ​បញ្ជាការឯកភាពរដ្ឋបាលខេត្តសៀមរាប នៅព្រឹកថ្ងៃទី១៧ ខែមករា ឆ្នាំ២០២២នេះថា ជាមួយ​នឹងការបើកទំព័រថ្មី នៃសេដ្ឋកិច្ចសង្គមលើគ្រប់វិស័យ វិញ្ញាសាសាកល្បងធំៗ ដើម្បី​ពិសោធន៍លើកម្លាំងរើបម្រះចេញពីវិបត្តិកូវីដ-១៩នោះ គឺពិធីឆ្លងឆ្នាំសកលបានកន្លងផុត និងកំពុងត្រៀមការសាកល្បងបុណ្យចូលឆ្នាំចិន-វៀតណាម នាពេលខាងមុខបន្តទៀត។ ឯកឧត្តមសង្ឃឹមថា យ៉ាងណាក៏ដោយ នៅក្នុងអំឡុងខែកុម្ភៈ ឬ ខែមិនា ឆ្នាំ២០២២​ខាង​មុខនេះ ខេត្តសៀមរាប នឹងអាចឆ្លងកាត់ពិធីកាត់ខ្សែបូរ សម្ភោធដាក់ឱ្យប្រើប្រាស់​ជាផ្លូវ​ការ ហេដ្ឋារចនានាសម្ព័ន្ធផ្លូវ៣៨ខ្សែ ក្រោមវត្តមានដ៏ខ្ពង់ខ្ពស់នៃសម្តេចតេជោ ហ៊ុន សែន ប្រមុខនៃរាជរដ្ឋាភិបាលកម្ពុជា

យោងតាមការចុះផ្សាយរបស់សារព័ត៌មាន The Thaiger បានឱ្យដឹងថា បារ ក្លឹបរាត្រី និងកន្លែងកម្សាន្តជាង ៤១៣កន្លែង នៅក្នុងទីក្រុងបាងកក បានស្នើសុំការអនុញ្ញាតឱ្យបើកឡើងវិញជាភោជនីយដ្ឋាន។ នៅក្នុងទីក្រុងបាងកក និងខេត្តផ្សេងទៀតដែលត្រូវបានចាត់ថ្នាក់ជាតំបន់ “ពណ៌ខៀវ” ការលក់គ្រឿងស្រវឹងនៅភោជនីយដ្ឋានត្រូវបានអនុញ្ញាត ប៉ុន្តែបើកបានត្រឹមម៉ោង 9 យប់ប៉ុណ្ណោះ។ យ៉ាងណាមិញ កន្លែងសរុបចំនួន ៤១៣ បានស្នើសុំការអនុញ្ញាតឱ្យបើកឡើងវិញជាភោជនីយដ្ឋាន ហើយកន្លែងខ្លះនៅតែត្រូវបានវាយតម្លៃដោយមន្ត្រី។ យោងតាមលេខាធិការរបស់ទីក្រុងបាងកក កន្លែងកម្សាន្តដែលចង់បើកឡើងវិញត្រូវអនុវត្តតាមវិធានការ “Covid-19 Free Setting” និងត្រូវបានអនុម័តក្រោមស្តង់ដារកំណត់ដោយរដ្ឋបាលសុវត្ថិភាព និងសុខភាព។ បុគ្គលិកទាំងអស់ត្រូវតែចាក់វ៉ាក់សាំង ហើយអតិថិជនដែលមិនបានចាក់វ៉ាក់សាំង ត្រូវបង្ហាញលទ្ធផលតេស្ត ATK អវិជ្ជមានមុនពេលចូល

បងប្អូនប្រាកដជាបានស្គាល់ហើយសេដ្ឋីកសិកម្ម និងចិត្តធម៌មួយរូបនៅស្រុកខ្មែរ​នោះគឺ ឯកឧត្តមបណ្ឌិត ម៉ុង ឫទ្ធី​ ដែលតែងតែជួយ ក៏ដូចជាខិតខំយ៉ាងខ្លាំងដើម្បីបង្កើតការងារ ឬ ជួយជាជំនួយដល់ប្រជាជនដែលខ្វះខាត។ មិនត្រឹមតែជួយប្រជាពលរដ្ឋឲ្យមានការងារធ្វើប៉ុណ្ណោះទេ ឯកឧត្តមតែងតែបង្ហាញពីគំនិតល្អៗជាច្រើនទាក់ទងទៅនឹងរឿងធ្វើជំនួញ និងវិស័យកសិកម្ម។ ជាក់ស្ដែង មុននេះបន្តិច ឯកឧត្តមបានបង្ហោះសំណេរមួយលើកឡើងពីគំនិតរបស់គាត់ដូច្នេះថា៖ «ថ្ងៃនេះ​ខ្ញុំលេីកយក​ជ្រុងមួយនៃ​គំនិត​របស់ខ្ញុំ​ ដែលបាន​អនុវត្ត​កន្លង​មក​លេីវិស័យ​កសិកម្ម​ កសិឧស្សាហកម្ម​ដាំដុះ​និង​ចិញ្ចឹម​សត្វ​ មកអោយប្រជា​កសិករ​យេីង​ដែលនិយម​ចូលចិត្ត​ ប្រកបមុខ​របររកស៊ី​លេី​វិស័យ​នេះដូចតទៅ​ កសិករ​យេីងដែល​ជាអ្នក​ចិញ្ចឹម​សត្វ​មួយចំនួន​ធំ​ គាត់បាន​ផ្តោត​អារម្មណ៍​ថា​ចិញ្ចឹម​សត្វ​ លក់សត្វយកផល​ចំណេញ​តែម្តង​ ឯចំណែក​ខ្ញុំ​វិញ​ចិញ្ចឹម​សត្វ​យក​លាមក​សត្វ​មកផលិត​ជាហ្គាស់​ ដុត​បញ្ចេញ​ជា​ថាមពល​អគ្គិសនី​បំរេីសេចក្តី​ត្រូវការ​ រីឯចំណែក​កាកសំណល់​របស់វា​យកមក​ផលិតជាជី​ធម្មជាតិ​ ដាក់ដំណាំ​បាន​ជាច្រើន​ប្រភេទ​សិន​ ទេីបបាន​លក់ជ្រូក​យកប្រាក់​ជាក្រោយ​ បេីធ្វេី​ដូចខ្ញុំ​មិន​មាន​ផលប៉ះពាល់​បរិស្ថាន​ ចំណេញ​ប្រាក់ថ្លៃទិញ​អគ្គិសនី​និងថ្លៃទិញជី​ដាក់​ដំណាំ​ផងដែរ​ ដោយសារតែ​បច្ចុប្បន្ន​ជ្រូក​ដេក​ម៉ាស៊ីន​ត្រជាក់​ត្រូវការ​ប្រេីប្រាស់​ថាមពល​អគ្គិសនី​ ជា​មធ្យម​មួយ​លាន​គីឡូ​វ៉ាត់​ម៉ោង​ក្នុង​មួយ​ខែតម្លៃ​ទិញ​អគ្គិសនី​៧៣០៛​ តម្លៃ​ដែល​ខ្ញុំ​ផលិតដោយ​ខ្លួនឯង​ជា​មធ្យម​អស់តែ ១៨០៛ទេ​មួយ​គីឡូ​វ៉ាត់​ម៉ោង​

ជំងឺរាតត្បាតបានធ្វើឱ្យមហាសេដ្ឋីពិភពលោកកើនឡើងទ្រព្យសម្បត្តិច្រើនជាងគេ ប៉ុន្តែបាននាំឱ្យមនុស្សកាន់តែច្រើនធ្លាក់ចូលទៅក្នុងភាពក្រីក្រ នេះបើយោងតាមអង្គការសប្បុរសធម៌ Oxfam ។ របាយការណ៍របស់អង្គការនេះបានអះអាងថា ប្រាក់ចំណូលទាបសម្រាប់អ្នកក្រីក្របំផុតនៅលើពិភពលោក បានកើតឡើងក៏ដោយសារការបាត់បង់ជីវិតរបស់មនុស្ស ២១,០០០ នាក់ក្នុងមួយថ្ងៃ។ Danny Sriskandarajah នាយកប្រតិបត្តិរបស់ Oxfam GB បាននិយាយថា ឆ្នាំ​នេះ​មានមហាសេដ្ឋីថ្មីៗ ត្រូវបានលេចវត្តមានស្ទើរតែរៀងរាល់ថ្ងៃក្នុងអំឡុងពេលជំងឺរាតត្បាតកូវីដ-១៩ ស្របពេលដែល ៩៩% នៃចំនួនប្រជាជនពិភពលោកកាន់ តែជួបស្ថានភាពហិរញ្ញវត្ថុលំបាកទៅៗដោយសារការបិទខ្ទប់ ពាណិជ្ជកម្មអន្តរជាតិទាប ទេសចរណ៍អន្តរជាតិតិចជាងមុន ហើយជាលទ្ធផលមនុស្ស ១៦០លាននាក់ទៀតត្រូវបានរុញច្រានចូលទៅក្នុងភាពក្រីក្រ។ ដោយផ្អែកលើ ទិន្នន័យពីបញ្ជីមហាសេដ្ឋីរបស់ទស្សនាវដ្ដី Forbes និងរបាយការណ៍ប្រចាំឆ្នាំរបស់ Credit Suisse Global Wealth

បើនិយាយពីវិដេអូចម្រៀងកុមារនៅលើយូធូប គ្មានបទណាមួយអាចយកឈ្នះបទចម្រៀង ​Baby Shark របស់ក្រុមហ៊ុន Pinkfong បានឡើយ​។ ជាក់ស្ដែងយោងតាមស្ថិតិ YouTube បទនេះបានបង្កើតប្រវត្តិសាស្ត្រក្នុងសប្តាហ៍នេះ បន្ទាប់ពីក្លាយជាវីដេអូដំបូងក្នុងប្រវត្តិសាស្ត្រ YouTube ដែលមានអ្នកចូលមើលលើសពី១០ ពាន់លានដង។ ក្រៅពីក្លាយជាវីដេអូដែលមានអ្នកមើលច្រើនបំផុតនៅលើ YouTube បទនេះក៏បានចំណាយពេល ២០សប្តាហ៍នៅលើតារាង Billboard Hot 100 ដែលត្រូវបានបញ្ជាក់ RIAA diamond និង BRIT ទទួលបានប្លាទីន 2 ដង។ គួរឱ្យដឹងថា វីដេអូនេះត្រូវបានចេញផ្សាយក្នុងខែមិថុនា ឆ្នាំ២០១៦ ហើយទទួលបានការចូលមើលរាប់លានដងជារៀងរាល់ថ្ងៃ រហូតដល់ថ្ងៃទី១៣

ធនាគារជាតិនៃកម្ពុជា បានដាក់លក់ប្រាក់ដុល្លារអាមេរិកជាង ៥០០លានដុល្លារ ដើម្បីស្រូបយកប្រាក់រៀលពីសេដ្ឋកិច្ច និងរក្សាអត្រាប្តូរប្រាក់ទីផ្សារឱ្យមានស្ថិរភាពក្នុងរង្វង់ ៤.០៩៩ រៀលក្នុងមួយដុល្លារអាមេរិក នេះបើយោងតាមការឱ្យដឹងពីឯកឧត្តម ជា ចាន់តូ​ទេសាភិបាល ធនាគារជាតិនៃកម្ពុជា ក្នុងសន្និបាតបូកសរុបលទ្ធផលការងារប្រចាំឆ្នាំ២០២១ និងទិសដៅការងារឆ្នាំ២០២២។ ថ្លែងក្នុង​ពិធី ឯកឧត្តម ជា ចាន់តូ បានមានប្រសាសន៍ឱ្យដឹងថា ធនាគារជាតិនៃកម្ពុជាបានធ្វើអន្តរាគមន៍លើទីផ្សារប្តូរប្រាក់ តាមរយៈការលក់ប្រាក់ដុល្លារអាមេរិកជាង ៥០០ លាន ដើម្បីស្រូបយកប្រាក់រៀលពីសេដ្ឋកិច្ច និងរក្សាអត្រាប្តូរប្រាក់ទីផ្សារឱ្យមានស្ថិរភាពក្នុងរង្វង់ ៤.០៩៩ រៀលក្នុងមួយដុល្លារអាមេរិក។ ជាមួយគ្នានេះ ធនាគារជាតិនៃកម្ពុជាបានបន្តដាក់ចេញវិធានការបុរេសកម្មនានា ជាពិសេស ការបន្តការបន្ធូរបន្ថយបទប្បញ្ញត្តិ និងការអនុវត្តនយោបាយរូបិយវត្ថុវិត្ថារកម្ម ដែលផ្តល់លទ្ធភាពឱ្យគ្រឹះស្ថានធនាគារនិងហិរញ្ញវត្ថុមានសាច់ប្រាក់គ្រប់គ្រាន់ សម្រាប់ពង្រឹងស្ថានភាពដើមទុន និងលើកកម្ពស់សមត្ថភាពគ្រប់គ្រងហានិភ័យប្រកបដោយប្រសិទ្ធភាព

ក្រសួងពាណិជ្ជកម្មកំពុងស្វែងរកថវិកាបន្ទាន់ចំនួន ១.៤ ពាន់លានបាត ដើម្បីកាត់បន្ថយតម្លៃទំនិញប្រចាំថ្ងៃ ខណៈដែលតម្លៃនៃការរស់នៅកើនឡើងនៅក្នុងប្រទេសថៃ នេះបើយោងតាមការចុះផ្សាយរបស់ក្រសួងព័ត៌មាន។ រដ្ឋមន្ត្រី Jurin Laksanawisit បានប្រកាសពីការផ្លាស់ប្តូរការឧបត្ថម្ភធន បន្ទាប់ពីបានចុះទៅពិនិត្យផ្សារទំនើប Tesco-Lotus ក្នុងតំបន់ Rattanathibet នៃទីក្រុងបាងកក ដើម្បីពិនិត្យតម្លៃ។ គាត់បាននិយាយថា គាត់នឹងស្នើសុំគណៈរដ្ឋមន្ត្រីនៅថ្ងៃអង្គារដើម្បីអនុម័ត ១.៤ ពាន់លានដុល្លារពីមូលនិធិកណ្តាលដើម្បីឧបត្ថម្ភធនលើទំនិញប្រើប្រាស់ឱ្យមានតម្លៃសមរម្យ។ លោក Jurin បានបន្ថែមថា ក្រសួងពាណិជ្ជកម្មក៏កំពុងព្យាយាមបញ្ចុះតម្លៃអាហារសំខាន់ៗ ដោយធ្វើឱ្យមានតុល្យភាពតម្រូវការរបស់កសិករ និងអ្នកប្រើប្រាស់ផងដែរ។ លោក​បាន​បន្ត​ថា គម្រោង​នេះ​នឹង​មាន​រយៈពេល​បី​ខែ ហើយ​នឹង​ធ្វើ​អន្តរាគមន៍​ក្នុង​ទីផ្សារ​ក្នុង​ការ​ដេញ​ថ្លៃ​ដើម្បី​បញ្ចុះ​តម្លៃ។ គួររម្លឹកថាតម្លៃ​សាច់​ជ្រូក​បាន​ហក់​ឡើង​ដល់​ប្រហែល ២៤០ បាត​ក្នុង​មួយ​គីឡូ​ចាប់​តាំង​ពី​ចូល​ឆ្នាំថ្មី ២០២២មក ខណៈ​តម្លៃ​សាច់​មាន់

យោងតាមការចុះផ្សាយរបស់ក្រសួងព័ត៌មានបានឱ្យដឹងថា បន្ទាប់ពីរាជរដ្ឋាភិបាលកម្ពុជាបើកទូលាយ ឱ្យវិស័យឯកជនចូលរួមអភិវឌ្ឍន៍ ជាមួយសង្គម ធនាគារពាណិជ្ជ អាល់ហ្វា បានបោះទុនវិនិយោគចំនួន ១០ លានដុល្លារ លើមូលបត្រ បំណុលរបស់ក្រុមហ៊ុន CAIC ដើម្បីចូលរួមគាំទ្រគម្រោងសាងសង់អាកាសយានដ្ឋាន អន្តរជាតិតេជោ នៅខេត្ដកណ្ដាល។ នៅរសៀលថ្ងៃទី១៤ ខែមករា ឆ្នាំ២០២២ ធនាគារពាណិជ្ជ អាល់ហ្វា បានចុះហត្ថលេខានេះធ្វើឡើង រវាងក្រុមហ៊ុន Cambodia Airport Investm ent Co., Ltd (CAIC) តំណាង ដោយលោកឆារស៍ វ៉ាន់ Charles Vann