តម្លៃ​ប្រេងសាំង​វៀតណាម​បាន​ឡើង​ដល់​កម្រិតខ្ពស់បំផុតមិនធ្លាប់មានកាលពី​ថ្ងៃ​ចន្ទ​ បន្ទាប់ពី​អាជ្ញាធរ​បាន​កែសម្រួល​វា​ឡើង​ជា​លើក​ទី​ប្រាំ​ជាប់ៗ​គ្នា​។ យោងតាមការចុះផ្សាយរបស់សារព័ត៌មាន vnexpress តម្លៃប្រេងសាំងដ៏ពេញនិយម RON 95 បានកើនឡើង ៣.៧៩% ដល់តម្លៃ ២៦,២៨០ ដុង (ប្រមាណ ១.១៥ដុល្លារ) ខណៈដែលប្រេងឥន្ធនៈជីវសាស្ត្រ E5 RON 92 កើនឡើង ៣.៩% ដល់តម្លៃ ២៥,៥៣០ ដុង (ប្រមាណ ១.២ដុល្លារ)។

ប្រភពដដែលបានឱ្យដឹងថា តម្លៃទាំងនេះបានឡើងដល់កំពូល ខ្ពស់ការកើនឡើងក្នុងខែកក្កដា ឆ្នាំ២០១៤ ទៅទៀត ​ដោយនៅថ្ងៃចន្ទម្សិលមិញនេះ គឺជាការកើនឡើងលើកទីប្រាំជាប់ៗគ្នាចាប់តាំងពីថ្ងៃទី១០ ខែធ្នូ ឆ្នាំ២០២១។ ក្រសួងឧស្សាហកម្ម ពាណិជ្ជកម្ម និងក្រសួងហិរញ្ញវត្ថុ ដែលទទួលខុសត្រូវលើការគ្រប់គ្រងតម្លៃឧស្ម័ន បាននិយាយថា តម្លៃនៃសមាសធាតុប្រេងសាំងបានកើនឡើងជិត ៦% ចាប់តាំងពីថ្ងៃទី១១ ខែកុម្ភៈ រហូតមកដល់ពេលនេះ។

គួរបញ្ជាក់ផងដែរថា បើយោងតាមគយវៀតណាម ប្រទេសនេះបាននាំចូលប្រេង និងប្រេងសាំងចំនួន ៦.៩៦ លានតោនកាលពីឆ្នាំមុន ធ្លាក់ចុះ ១៥.៥ ភាគរយធៀបនឹងឆ្នាំ២០២០៕

អត្ថបទ៖ លីនី
ប្រភព៖ vnexpress