មហាសេដ្ឋី និសេដ្ឋីជាង ១០០នាក់ពីប្រទេសចំនួន ៩ បាននាំគ្នាចុះហត្ថលេខាលើលិខិតមួយតវ៉ាពីការដំឡើងពន្ធទៅលើពួកគេ ហើយបានលើកឡើងថា ការទាមទារដំឡើងពន្ធនេះ ជារឿងអយុត្តិធម៌នៃប្រពន្ធជុំវិញពិភពលោក។ លិខិតនេះ ត្រូវបានបោះពុម្ពផ្សាយក្នុងសប្តាហ៍នេះ ដើម្បីទាក់ទាញចំណាប់អារម្មណ៍របស់ឥស្សរជនពិភពលោក ដែលប្រជុំជាឌីជីថលសម្រាប់វេទិកាសេដ្ឋកិច្ចពិភពលោកនិម្មិតនៅទីក្រុង Davos ប្រទេសស្វីស។ ការតវានេះ បានកើតឡើងបន្ទាប់ពី អង្គការប្រឆាំងនឹងភាពក្រីក្រ និងវិសមភាព Oxfam International កាលពីថ្ងៃច័ន្ទបានអំពាវនាវឱ្យរដ្ឋាភិបាលទាមទារពន្ធ ៩៩% លើមហាសេដ្ឋីពិភពលោក ដែលថ្មីៗនេះ ត្រូវបានលេចលឺដំណឹងថា ទ្រព្យសម្បត្តិកើនឡើងខ្លាំងក្នុងអំឡុងពេលជំងឺរាតត្បាត កូវីដ-១៩។ ការស្នើសុំទារពន្ធនេះ គឺដើម្បីប្រមូលប្រាក់ ផ្តល់មូលនិធិដល់ការចាក់វ៉ាក់សាំងសម្រាប់អ្នកក្រីក្រ ប្រយុទ្ធប្រឆាំងនឹងការប្រែប្រួលអាកាសធាតុ និងកិច្ចខិតខំប្រឹងប្រែងគាំទ្រអំពើហឹង្សាលើយេនឌ័រនៅក្នុងប្រទេសជាង៨០។ ជាមួយគ្នានេះ គម្លាតទ្រព្យសម្បត្តិកាន់តែធំឡើង

ក្រុមហ៊ុនសាជីវកម្ម Samsung C & T Corporation បានបង្ហាញចំណាប់អារម្មណ៍លើការវិនិយោគហេដ្ឋាវិស័យរចនាសម្ព័ន្ធដឹកជញ្ជូននៅកម្ពុជា ដើម្បីចូលរួមចំណែកអភិវឌ្ឍន៍វិស័យនេះឱ្យកាន់តែមានការរីកចម្រើនបន្ថែមទៀត។ ចំណាប់អារម្មណ៍នេះត្រូវបានលើកឡើងនៅក្នុងជំនួបពិភាក្សាការងាររវាងឯកឧត្ដម ឡេង ធនយុទ្ធា រដ្ឋលេខាធិការក្រសួងសាធារណការ និងដឹកជញ្ជូនជាមួយគណៈប្រតិភូក្រុមហ៊ុនសាជីវកម្ម Samsung C & T Corporation ដឹកនាំដោយលោក Han Jung Suk តាមរយៈប្រព័ន្ធដេអូពីចម្ងាយ ដោយមានការចូលរួមពីថ្នាក់ដឹកនាំ និងក្រុមការងារជំនាញពាក់ព័ន្ធ។ ថ្លែងក្នុងជំនួបនាឱកាសនោះ ឯកឧត្តមរដ្ឋលេខាធិការ បានជម្រាបជូនអំពីបច្ចុប្បន្នភាពនៃគម្រោងសម្រេចបាន គម្រោងកំពុងអនុវត្តបន្ត និងគម្រោងនាពេលអនាគតទាក់ទងនឹងការអភិវឌ្ឍហេដ្ឋារចនាសម្ព័ន្ធផ្លូវ ស្ពាន កំពង់ផែ ផ្លូវដែក និងហេដ្ឋារចនាសម្ព័ន្ធរូបវន្តជាច្រើនទៀតនៅកម្ពុជា។

យោងតាមការចុះផ្សាយរបស់សារព័ត៌មាន vnexpress បានឱ្យដឹងថា ក្រុមហ៊ុន Hoang Anh Gia Lai Joint Stock Company កំពុងផ្តោតលើការចិញ្ចឹមជ្រូក និងចេកក្នុងប្រទេសវៀតណាម ឡាវ និងកម្ពុជាសម្រាប់ការនាំចេញ នេះបើតាមប្រធានក្រុមហ៊ុន Doan Nguyen Duc ។ លោកបាននិយាយដូច្នេះ ក្នុងអំឡុងពេល​បើក​បរ​ក្នុង​ចំការ​ចេក​ដែល​លាតសន្ធឹង​លើ​ផ្ទៃដី​រាប់​ពាន់​ហិកតាដោយបន្ថែម​ថា​៖ «​កសិកម្ម​គឺជា​ការងារ​លំបាក។ យ៉ាងណាមិញ គម្រោង​នេះ​នឹង​កែលម្អ​ផ្ទៃដី​ចំនួន ១០,០០០ ហិកតា ដើម្បី​ដាំ​ចេក​បន្ថែម​ទៀត​ក្នុង​ឆ្នាំ​នេះ។ គួរបញ្ជាក់ផងដែរថា អស់រយៈពេល ១០ឆ្នាំក្រុមហ៊ុនរបស់គាត់បានដាំដើមដំណាំគ្រប់ប្រភេទ ចាប់ពីផ្លែល្ហុងរហូតដល់ក្រូចថ្លុង ប៉ុន្តែទីបំផុតបានរកឃើញដំណាំដែលល្អបំផុតសម្រាប់ការដាំនោះគឺ ចេក។

មហាសេដ្ឋីរុស្ស៉ី Alisher Usmanov ជឿជាក់លើលោហៈធាតុមួយប្រភេទ នឹងក្លាយជាមាសទី២ ហើយមានតម្រូវការខ្លាំងនាពេលអនាគត នេះបើយោងតាមការចុះផ្សាយរបស់សារព័ត៌មាន euroweeklynews។ មហាសេដ្ឋីជនជាតិរុស្ស៉ីដែលមានដើមកំណើតនៅ Uzbek រូបនេះ បានចេញផ្សាយអត្ថបទនៅលើគេហទំព័រនៃវេទិកាសេដ្ឋកិច្ចពិភពលោកថា លោហៈធាតុ ទង់ដែង នឹងក្លាយជាមាសថ្មីដោយសារតែការកើនឡើងនៃតម្រូវការសកល។ លោក Alisher Usmanov ជឿថាទង់ដែង គឺជា “លោហៈនៃអនាគត” និងជា “មាសថ្មី” ។ យោងតាមមហាសេដ្ឋីរូបនេះ មានអតុល្យភាពរវាងការផ្តល់ជូន និងតម្រូវការទង់ដែងនៅលើទីផ្សារក្នុងរយៈពេលប៉ុន្មានឆ្នាំចុងក្រោយនេះ។ បន្ទាប់ពីមានការប្រែប្រួលជាច្រើន តម្លៃទង់ដែងមានស្ថិរភាពនៅចន្លោះខែឧសភា និងខែតុលា ឆ្នាំ២០២១ ក្នុងតម្លៃប្រហែល ១១,០០០ ដុល្លារក្នុងមួយតោន។

នាពេលបច្ចុប្បន្ននេះ ឃើញថាមនុស្សជាច្រើនអាចរកចំណូលបានពីបច្ចេកវិទ្យាទំនើបថ្មីៗ ហើយខ្លះទៀតអាចអាប់ឌែតអាជីវកម្មដែល មានក្នុងដៃឱ្យកាន់តែរកប្រាក់ចេញ កើតជាសេដ្ឋីពាន់លានដុល្លារក៏មានដែរ។ ជាក់ស្ដែង ស្រ្តីវ័យ ២៩ឆ្នាំមួយរូប បានចាប់ផ្ដើមអាជីវកម្មមួយដើម្បីលលើកស្ទួយសិល្បករជនជាតិស្បែកខ្មៅ ជាប្រភេទរូប NFT រយៈពេលតែ ១០ខែប៉ុណ្ណោះអាចទាញចំណូលបាន ១៤០,០០០ដុល្លារ។ នៅដើមឆ្នាំ២០២១ នារីឈ្មោះ Iris Nevins ដែលជាប្រមូលរូបគំនូរជាយូរមកហើយបានបោះបង់ការងាររបស់នាងចោល ដើម្បីលើកស្ទួយសិល្បៈគំនូរ។ ដើមឡើយនាងមានគម្រោងបង្កើតហាងអនឡាញមួយសម្រាប់គូរគំនូរ ដើម្បីលក់រូបរបស់នាងជាមួយនឹងសហស្ថាបនិករបស់នាងគឺ Omar Desire។ ប៉ុន្តែនៅពេលដែលនាងបានរៀនអំពី NFTs “Non Fungible Token” ក្នុងឆ្នាំ២០២០ នាងបានសម្រេចចិត្តថា បច្ចេកវិទ្យានេះនឹងក្លាយជា វិធីដ៏អស្ចារ្យបន្ថែមទៀតដើម្បីជួយសិល្បៈគូររូប និងវិចិត្រករ។

យោងតាមការបង្ហោះរបស់ឯកឧត្តមបណ្ឌិត ម៉ុង ឫទ្ធី កាលពីថ្ងៃទី២២ ខែមករា ឆ្នាំ២០២២ កន្លងទៅថ្មីៗនេះបានឱ្យដឹងថា អ្នកវិនិយោគទុនជប៉ុន ៣រូប មាន​ចំណាប់​អារម្មណ៍​ចង់បោះទុន​វិនិយោគ​ សាងសង់​ភូមិឋាន​បែប​បូរាណ​ជប៉ុន​ដេីម្បី​បង្ហាញ​វប្បធម៌​ជប៉ុន​ និងមាន​ភោជនីយដ្ឋាន​បូរាណ​ជប៉ុន​នៅលេីទឹកដី​នៃ​ព្រះរាជាណាចក្រ​កម្ពុជា។ បើតាមសំណេររៀបរាប់របស់ឯកឧត្តម នាព្រឹកទី​២២​ ខែមករា​ ឆ្នាំ​២០២២​ ឯកឧត្តមបានទទួល​ជួបជាមួយ​អ្ន​វិនិយោគទុនមកពី​ប្រទេស​ជប៉ុន​បីរូប​ ទី១.លោក ​ISHIKAWA MASASHIKO បានមក​រស់នៅប្រកប​អាជីវកម្ម​នៅកម្ពុជា​យេីង​ អស់រយៈពេល​​8ឆ្នាំ​កន្លងទៅហេីយ​ ​ជា​ម្ចាស់​ក្រុមហ៊ុន​បញ្ជូន​ពលករ​ខ្មែរ​ទៅ​ធ្វើការ​នៅ​ជប៉ុន​ និង​ ជា​ម្ចាស់​ក្រុមហ៊ុន​ប្រឹក្សា​យោបល់​អំពី​អចលនទ្រព្យ​ ទី២​.លោក​ DOI TADASHI ម្ចាស់​ភោជនីយដ្ឋាន​ ហីបាឈិ​ នៅ​ភ្នំពេញ​ បានមក​រស់នៅ​ក្នុង​ព្រះរាជាណាចក្រ​កម្ពុជា​យេីង៨​ឆ្នាំ​ហើយ​ដែរ​ ទី​៣​.លោក​ UETA

យោងតាមការចុះផ្សាយរបស់ព័ត៌មានបានឱ្យដឹងថា ក្រសួងពាណិជ្ជកម្មបានរៀបចំពិធីចុះហត្ថលេខាលើអនុស្សរណៈនៃការយោគយល់គ្នាជាមួយក្រុមហ៊ុនភីធីធី (ខេមបូឌា) ស្តីពីកិច្ចសហការជំរុញ និងបង្កើនការលក់ផលិតផលខ្មែរ នៅតាម​ស្ថានីយប្រេងឥន្ធនៈភីធីធី ក្នុង០៥រាជធានី-ខេត្ត។ ក្នុងពិធីចុះហត្ថលេខានេះ​បានធ្វើឡើង កាលពីររសៀលថ្ងៃទី២១ ខែមករា ឆ្នាំ២០២២ រវាងឯកឧត្តម សុខ សុភ័ក្រ្ត រដ្ឋលេខាធិការ​ក្រសួង​​ពាណិជ្ជកម្ម និងលោក Nuttapong Kaewtrakulpong អភិបាលក្រុមហ៊ុនភីធីធី (ខេមបូឌា) និងដោយមានការអញ្ជើញចូលរួមជាអធិបតីពី ឯកឧត្តម ប៉ាន សូរស័ក្តិ រដ្ឋមន្រ្តី​ក្រសួង​ពាណិជ្ជកម្ម។ សម្រាប់គោលបំណងនៃអនុស្សរណៈនេះគឺ ជួយជ្រោមជ្រែងលើកកម្ពស់ផលិត​ផល​ខ្មែរ​លើទីផ្សារក្នុងស្រុក អភិវឌ្ឍវិស័យពាណិជ្ជកម្មកម្ពុជា នៅលើមូលដ្ឋាននៃតម្លាភាព និងផល​ប្រយោជន៍សហគមន៍ ជំរុញការប្រើប្រាស់ផលិតផលក្នុងស្រុក បង្កើននិងកសាងសមត្ថភាព​សហគ្រិន ក៏ដូចជាបង្កើតឱកាសធុរកិច្ចសម្រាប់ចូលរួមអភិវឌ្ឍន៍វិស័យពាណិជ្ជកម្ម និងលើក​ស្ទួយ​សេដ្ឋកិច្ច-សង្គមកម្ពុជាប្រកប

យោងតាមការចុះផ្សាយរបស់ក្រសួងព័ត៌មានបានឱ្យដឹងថា កសិករជោគជ័យមួយរូបរស់នៅក្នុងខេត្តព្រះវិហារ អាចរកប្រាក់ចំណូលបានប្រមាណ ១០លានរៀល ពីការដាំដុះបន្លែ សរីរាង្គ ធ្វើឱ្យជីវភាពគ្រួសារល្អប្រសើរពីមួយថ្ងៃទៅមួយថ្ងៃ។ លោក ចន គឹមស្រស់ កសិកររស់នៅភូមិពោធិទាប ឃុំម្លូព្រៃមួយ ស្រុកឆែប ខេត្តព្រះវិហារ បានប្រាប់អ្នកយកព័ត៌មានវិទ្យុជាតិកម្ពុជាថា លោកចាប់ផ្តើមមុខរបរដាំដុះបន្លែចម្រុះរយៈពេលជាង១០មកហើយ ដោយបច្ចុប្បន្នលោកមានដាំដុះបន្លែសរីរាង្គវិលជុំជាច្រើនមុខ ដូចជា ស្ពៃក្តោប ស្លឹកខ្លឹម និងស្បៃក្រញាញ់ជាដើម នៅលើផ្ទៃដីប្រមាណ១ហិកតា។ លោកបន្តថា ក្នុងមួយខែ ប្រាក់ចំណូលទទួលបានមកពីការដាំដុះ ដំណាំបន្លែចម្រុះ បានប្រមាណ ១០លានរៀល ដើម្បីយកមកផ្គត់ផ្គង់ជីវភាពគ្រួសារ ឱ្យបានល្អប្រសើរពីមួយថ្ងៃទៅមួយថ្ងៃ។ លោកបានឱ្យដឹងទៀតថា ដើមឡើយលោកមិនទាន់មានជំនាញបច្ចេកទេស ក្នុងការដាំដំណាំច្បាស់លាស់នោះទេ តែក្រោយមក