យោងតាមការចុះផ្សាយរបស់ក្រសួងព័ត៌មានបានឱ្យដឹងថា ភ្ញៀវទេសចដែលមកទស្សនាកម្សាន្តនៅប្រាសាទ អង្គរវត្ត បានកោតសសើរការ ថែទាំវាលស្មៅ នៅបរិវេណប្រាសាទអង្គរវត្តមានភាពស្រស់ស្អាត មានពណ៌បៃតងខ្ចី ទាំងរដូវប្រាំង និង រដូវវស្សា ដែលអាចបង្កើនសម្រស់របស់ប្រាសាទអង្គរបានកាន់តែស្រស់ស្អាត។ ចាប់ពីឆ្នាំ២០២០មក អាជ្ញា ធរជាតិអប្សរាបានរៀបចំដាំស្មៅឡើងវិញ និងរៀបចំប្រព័ន្ធស្រោចស្រពស្វ័យប្រវត្តិបែបទំនើប ដើម្បីកែលម្អ និងលើក កម្ពស់ភាពបៃតងខ្ចី នៅជុំវិញបរិវេណប្រាសាទអង្គរវត្ត។ លោកប៊ុន ឈីវ ជាអ្នកទេសចរមួយរូបដែលធ្វើដំណើរមកពីខេត្តកំពង់ធំ បានមកទស្សនាប្រាសាទអង្គរវត្ត បានឱ្យដឹងថា លោកពេញចិត្តចំពោះសកម្មភាពថែទាំនិងស្រោច ស្រពវាលស្មៅនៅបរិវេណប្រាសាទអង្គរវត្ត ដោយការធ្វើបែបនេះ បានបង្កើនសម្រស់ស្រស់ស្អាតដល់ប្រាសាទអង្គរមួយកម្រិតទៀត។ជាពិសេសភ្ញៀវទេស ចរមានអាម្មណ៍ស្រស់ស្រាយ និងបានថតរូបភាពយ៉ាងស្រស់ស្អាតជាមួយវាលស្មៅខៀវខ្ចីទាំងនោះ។ សំឡេង៖ពីមុខកន្លែងខ្លះមានស្មៅកន្លែងខ្លះអត់ស្មៅឃើញមានដីមានអីអ៊ីចឹងពេលថតរូបទៅអត់ស្អាត តែឥឡូវនេះវិញ ឃើញមានស្មៅខៀវខ្ចី ពេលយើងថតមានទេសភាពខៀវខ្ចីជាមួយនឹងបា្រសាទ

យោងតាមការចុះផ្សាយរបស់សារព័ត៌មាន CNA បានឱ្យដឹងថា ប្រទេសចិនកាលពីថ្ងៃព្រហស្បតិ៍បានសម្តែងការព្រួយបារម្ភយ៉ាងខ្លាំងទាក់ទងនឹងការហាមប្រាមកម្មវិធីចិនរបស់ឥណ្ឌាជុំវិញហេតុផលសុវត្ថិភាព ដោយបន្ថែមថាខ្លួនសង្ឃឹមថា ឥណ្ឌានឹងប្រព្រឹត្តចំពោះអ្នកវិនិយោគបរទេសទាំងអស់ រួមទាំងក្រុមហ៊ុនចិនក្នុងលក្ខណៈតម្លាភាព យុត្តិធម៌ និងមិនរើសអើង។ លោក Gao Feng អ្នកនាំពាក្យក្រសួងពាណិជ្ជកម្មបានប្រាប់សន្និសីទសារព័ត៌មានថា “យើងសង្ឃឹមថាប្រទេសឥណ្ឌាអាចចាត់វិធានការជាក់ស្តែងដើម្បីរក្សាសន្ទុះនៃការអភិវឌ្ឍន៍ដ៏រឹងមាំនៃកិច្ចសហប្រតិបត្តិការសេដ្ឋកិច្ច និងពាណិជ្ជកម្មទ្វេភាគី” ។ គួរបញ្ជាក់ផងដែរថា ប្រភពរដ្ឋាភិបាលបានប្រាប់រ៉យទ័រថា ប្រទេសឥណ្ឌាបានបិទការចូលប្រើកម្មវិធីទូរស័ព្ទចំនួន ៥៤ ដែលភាគច្រើនជារបស់ចិន៕ អត្ថបទ៖ លីនី ប្រភព៖ channelnewsasia

ក្នុងខែមករា ឆ្នាំ២០២២ ចំណូលពន្ធដែលអគ្គនាយកដ្ឋានពន្ធដារប្រមូលបានមានចំនួន ២៨៨.២៣លានដុល្លារ បើប្រៀបធៀបនឹងខែមករា ឆ្នាំ២០២១ ឃើញថាកើនឡើងប្រមាណជា ៧១.០៣ លានដុល្លារ ស្មើនឹង៣២.៧០%។ តួលេខនេះត្រូវបានបង្ហាញដោយ ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ នៅក្នុងកិច្ចប្រជុំបូកសរុបលទ្ធផលប្រមូលចំណូលពន្ធប្រចាំខែមករា ឆ្នាំ២០២២ ព្រមទាំងទិសដៅសម្រាប់អនុវត្តបន្ត ដែលរៀបចំតាមប្រព័ន្ធអនឡាញ (Zoom Meeting) នៅថ្ងៃទី១៧ ខែកុម្ភៈ ឆ្នាំ២០២២។ បើតាមអគ្គនាយកដ្ឋានពន្ធដារ ក្នុងខែមករា ឆ្នាំ២០២២ ចំណូលពីប្រភេទពន្ធសំខាន់ៗ ៥ ប្រភេទ មានកំណើនឡើងគួរឱ្យកត់សម្គាល់ធៀបនឹងខែមករា ឆ្នាំ២០២១ ក្នុងនោះ ពន្ធលើប្រាក់ចំណូលមានចំនួន

Louis Vuitton ដែលជាម៉ាកសំលៀកបំពាក់កំពូលរបស់ក្រុមហ៊ុន LVMH កាលពីថ្ងៃពុធ ថ្មីៗនេះ បានប្រកាសថា នឹងដំឡើងតម្លៃលើផលិតផលរបស់ខ្លួននៅទូទាំងពិភពលោកដោយសារតែការកើនឡើងនៃថ្លៃដើមផលិតកម្ម និងការដឹកជញ្ជូន នេះបើតាមអ្នកនាំពាក្យរបស់ក្រុមហ៊ុនទំនិញប្រណីតរបស់បារាំងនៅក្នុងប្រទេសចិនបានប្រាប់រ៉យទ័រ។ អ្នកនាំពាក្យបាននិយាយកាលពីថ្ងៃអង្គារថា ការកើនឡើងតម្លៃនឹងប៉ះពាល់ដល់ហាង Louis Vuitton ទូទាំងពិភពលោក និងគ្របដណ្តប់លើទំនិញស្បែក គ្រឿងសំលៀកបំពាក់ និងទឹកអប់។ ប៉ុន្តែទោះយ៉ាងណាក្ដី អ្នកនាំពាក្យមិន​បាន​ផ្តល់​ព័ត៌មាន​លម្អិត​បន្ថែម​ទៀត​អំពី​ទំហំ​នៃ​ការ​កើនឡើង​នេះ​ទេ ក្រៅ​ពី​ការ​និយាយ​ថា​វា​នឹង​ប្រែប្រួល​អាស្រ័យ​លើ​ផលិតផល។ Louis Vuitton ដែលជាម៉ាកយីហោប្រណិតធំបំផុតរបស់ពិភពលោក នឹងក្លាយទៅជាយីហោធំដំបូងគេក្នុងឧស្សាហកម្មនេះ ដែលដំឡើងតម្លៃយ៉ាងទូលំទូលាយនៅឆ្នាំនេះ ដើម្បីការពារការខាតបង់នៅពេលដែលការចំណាយកើនឡើង៕ អត្ថបទ៖ លីនី ប្រភព៖ channelnewsasia

ក្រុមហ៊ុនផលិតគ្រឿងបន្លាស់អេឡិចត្រូនិចរបស់កូរ៉េខាងត្បូង Samsung Electro-Mechanics Co Ltd នឹងវិនិយោគទឹកប្រាក់ ៩២០ លានដុល្លារនៅក្នុងរោងចក្រផលិតនៅភាគខាងជើងប្រទេសវៀតណាម។ រដ្ឋាភិបាលបាននិយាយនៅក្នុងសេចក្តីថ្លែងការណ៍មួយថា ការវិនិយោគនេះនឹងជំរុញការផលិតដែលមានស្រាប់របស់ក្រុមហ៊ុននៅក្នុងខេត្ត Thai Nguyen នៃបន្ទះសៀគ្វីបោះពុម្ព និងគ្រឿងបន្លាស់ទូរស័ព្ទផ្សេងទៀត ហើយនឹងបង្កើនការវិនិយោគសរុបរបស់ក្រុមហ៊ុនចំនួន ២.២៧ ពាន់លានដុល្លារ។ គួរឱ្យដឹងថា វៀតណាម ដែលជាមហាអំណាចផលិតកម្ម បានក្លាយជាផ្នែកដ៏សំខាន់កាន់តែខ្លាំងឡើងនៃខ្សែសង្វាក់ផ្គត់ផ្គង់បច្ចេកវិទ្យាពិភពលោក។ ប្រទេសនេះបានទាក់ទាញចំណាប់អារម្មណ៍ និងការវិនិយោគពីក្រុមហ៊ុនដែលស្វែងរកការធ្វើពិពិធកម្មផលិតកម្មរបស់ពួកគេ និងកាត់បន្ថយការប៉ះពាល់របស់ពួកគេទៅកាន់ប្រទេសចិន និងដោយសារតែភាពជោគជ័យទាក់ទងគ្នាក្នុងការទប់ស្កាត់ការរីករាលដាលនៃមេរោគកូវីដ-១៩ផងដែរ៕ អត្ថបទ៖ លីនី ប្រភព៖ channelnewsasia

មួយរយៈចុងក្រោយនេះ ឃើញថាកម្ពុជាទទួលបានគម្រោងវិនិយោគធំជាច្រើន ជាពិសេស គម្រោងបង្កើតរោងចក្រផ្គុំដំឡើងរថយន្តរបស់ក្រុមហ៊ុនល្បីៗលើពិភពលោក។ ហើយបើយោងតាមការចុះផ្សាយរបស់ក្រុមប្រឹក្សាអភិវឌ្ឍន៍កម្ពុជា (CDC) មុននេះបន្តិចបានឱ្យដឹងថា កម្ពុជានឹងទទួលបានគម្រោងបង្កើតរោងចក្រផ្គុំដំឡើងរថយន្ត អ៊ីស៊ូហ្ស៊ុ (ISUZU) មួយទៀត ដែល (CDC) ទើបបានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុន។ យ៉ាងណាមិញ យោងតាមសេចក្ដីប្រកាសព័ត៌មានរបស់ (CDC) គម្រោងបង្កើតរោងចក្រផ្គុំដំឡើងរថយន្ត អ៊ីស៊ូហ្ស៊ុ (ISUZU) មានទីតាំងវិនិយោគស្ថិតនៅភូមិសង្គ្រោះជាតិ ឃុំត្រពាំងគង ស្រុកសំរោងទង ខេត្តកំពង់ស្ពឺ មានទុនវិនិយោគប្រមាណ ៧,៣លានដុល្លារអាមេរិក និងអាចបង្កើតការងារបានចំនួន ១៦៦កន្លែង។ គួររម្លឹកផងដែរថា កាលពីឆ្នាំទៅ ក្រុមហ៊ុន​ផលិតរថយន្តដ៏ល្បីលំដាប់ពិភពលោក Ford បានប្រកាសនឹងបង្កើតរោងចក្រផលិតរថយន្ត

មួយរយៈចុងក្រោយនេះឃើញថាតម្លៃប្រេងសាំងនៅលើពិភពលោក ក៏ដូចជានៅតាមបណ្ដាប្រទេសនីមួយៗហក់ឡើងខ្លាំងគួរឱ្យកត់សម្គាល់ ដែលធ្វើឱ្យប៉ះពាល់ដល់ការចំណាយរបស់ប្រជាជនយ៉ាងខ្លាំង។ ជាមួយគ្នានេះដែរ ដោយសារតែការឡើងថ្លៃឥតឈប់ឈរនេះ បានធ្វើឱ្យស្ថានីយ៍ប្រេងឥន្ធនៈជាច្រើននៅប៉ែកភាគខាងត្បូងប្រទេសវៀតណាម រួមទាំងទីក្រុងហូជីមិញ បានបិទទ្វារអាជីវកម្មជាបន្តបន្ទាប់។ យោងតាមការចុះផ្សាយរបស់សារព័ត៌មាន vnexpress កាលបីពេលថ្មីៗនេះបានឱ្យដឹងថា ស្ថានីយ៍ប្រេងឥន្ធនៈនៅតែបិទនៅក្នុងតំបន់ភាគខាងត្បូង រួមទាំងទីក្រុងហូជីមិញ ដោយសារការផ្គត់ផ្គង់ខ្វះខាត បើទោះបីជាមានការធានាពីអាជ្ញាធរចំពោះភាពផ្ទុយគ្នាក៏ដោយ។ ជាមួយគ្នានេះគិតត្រឹមរសៀលថ្ងៃព្រហស្បតិ៍ ស្ថានីយ៍ប្រេងចំនួន ៧ក្នុងចំណោមស្ថានីយ៍ប្រេងឥន្ធនៈចំនួន ៥៤៨របស់ទីក្រុងហូជីមិញ មិនមានស្តុកប្រេងសាំងប្រភេទ RON 95 ដ៏ពេញនិយមសម្រាប់លក់នោះទេ នេះបើយោងតាមនាយកដ្ឋានឧស្សាហកម្ម និងពាណិជ្ជកម្មទីក្រុង។ លើសពីនេះនៅខេត្តឡុងអាន ស្ថានីយ៍ប្រេងមួយចំនួននៅតែបិទទ្វារ ខណៈខ្លះទៀតកំណត់ការលក់ ដោយលក់ឱ្យអតិថិជនត្រឹមតែពាក់កណ្តាលនៃចំនួនប្រេងដែលពួកគេបញ្ជាទិញ។ ដោយឡែក ក្នុង​ខេត្ត Vinh Long អាជ្ញាធរ​បាន​រក​ឃើញ​ស្ថានីយ​ប្រេង​មួយ​ចំនួនមិនមានសាំងសម្រាប់លក់ទេ

យោងតាមការចុះផ្សាយរបស់ក្រសួងព័ត៌មានបានឱ្យដឹងថា បន្ទាប់ពីអាជ្ញាធរបានរៀបចំសន្តិសុខ សុវត្ថិភាព សណ្ដាប់ធ្នាប់ របៀបរៀបរយទូទៅ នៅកំពង់ផែទេសចរណ៍ចុងឃ្នៀសរួចមក គ្រឹះស្ថានអង្គរ បានជម្រាប់ជូនសាធារណជនជាតិ អន្តរជាតិ គ្រប់ប្រតិបត្តិករទេសចរណ៍ ព្រមទាំងភ្ញៀវទេសចរទាំងអស់ថា គ្រឹះស្ថាននឹងចាប់ អនុវត្តន៍ការលក់សំបុត្រជិះទូក ទស្សនាតំបន់បឹងទន្លេសាបនៅកំពង់ផែទេសចរណ៍ ចុងឃ្នៀសឡើងវិញ។ ក្រោយបានផ្អាកអស់មួយរយៈ ហើយការលក់សំបុត្រនេះ ចាប់ពីថ្ងៃទី១៥ ខែកុម្ភៈ ឆ្នាំ២០២២នេះតទៅ ដែលមានតម្លៃសំបុត្រ ដូចជា តម្លៃសំបុត្រ ៧ដុល្លារក្នុងភ្ញៀវ ទេសចរមួយ នាក់ (អាយុចាប់ពី១២ឆ្នាំឡើងទៅ រួមទាំងភ្ញៀវ ទេសចរជាតិ និងអន្តរជាតិ)។ ជាមួយគ្នានេះ ទូកតូចចំណុះ៨នាក់ សំបុត្រ៤ឡើងទៅទើបទូកចេញដំណើរ ទូកធំចំណុះ៤៥នាក់