(ភ្នំពេញ)៖ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅថ្ងៃទី២៤ ខែវិច្ឆិកា ឆ្នាំ២០២២ បានអនុញ្ញាតឱ្យក្រុមហ៊ុន BYD Auto Industry ដែលដឹកនាំដោយលោក Henry Yip ជានាយកថ្នាក់តំបន់ ជួបពិភាក្សាការងារដើម្បីរិះរកវិធានការ និងវិធីសាស្ត្រផ្សេងៗជំរុញការប្រើប្រាស់យានយន្តអគ្គិសនីក្នុងប្រទេសកម្ពុជា។ ជាកិច្ចចាប់ផ្ដើម ឯកឧត្តមទេសរដ្ឋមន្ត្រី បានលើកឡើងពីវឌ្ឍនភាពនៃការប្រើប្រាស់យានយន្តអគ្គិសនីនៅកម្ពុជា និងកិច្ចសហការរបស់ក្រសួងសាធារណការ និងដឹកជញ្ជូនជាមួយដៃគូអភិវឌ្ឍន៍នានាដូចមាន កម្មវិធីអភិវឌ្ឍន៍សហប្រជាជាតិ (UNDP) ដែលបានដាក់ចេញរួមគ្នានូវ ផែនទីផ្លូវថ្នល់ (Road Map) និងការផ្ដល់ជូននូវបញ្ចូលថាមពលយានយន្តអគ្គិសនីចំនួន ៤ស្ថានីយ ក្នុងគោលដៅកសាងទំនុកចិត្តប្រជាពលរដ្ឋលើការប្រើប្រាស់យានយន្តអគ្គិសនី និងពង្រីកការដំឡើងស្ថានីយបញ្ចូលថាមពលយានយន្តអគ្គិសនីក្នុងប្រទេសកម្ពុជា។

(ព្រះសីហនុ) ៖ គម្រោងសាងសង់ និងអាជីវកម្មសណ្ឋាគារថ្នាក់ផ្កាយ៥ថ្មី ក្រោមទុនវិនិយោគចំនួន១៦៨លានដុល្លារអាម៉េរិក នឹងបង្ហាញវត្តមាននៅខេត្តព្រះសីហនុ។ នេះបើយោងតាមគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី២៤ ខែវិច្ឆិកា ឆ្នាំ២០២២។ គម្រោងវិនិយោគសាងសង់ និងអាជីវកម្មសណ្ឋាគារថ្នាក់ផ្កាយ៥ ចំនួន ៩៥៧បន្ទប់ ដែលមានទីតាំងវិនិយោគស្ថិតនៅភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ ក្នុងទុនវិនិយោគចំនួន ១៦៨លានដុល្លារអាម៉េរិក និងអាចបង្កើតការងារបានចំនួន ៩៥៥កន្លែង។ ខាងក្រោមនេះជាគម្រោងវិនិយោគរបស់ក្រុមហ៊ុននានា ដែលបង្កើតការងារថ្មីបានរាប់ពាន់កន្លែង៖ ១-“HUAN HAI BO LAI INTERNATIONAL INVESTMENT CO., LTD” គម្រោងវិនិយោគសាងសង់ និងអាជីវកម្មសណ្ឋាគារថ្នាក់ផ្កាយ៥

(ភ្នំពេញ)៖ នាព្រឹកថ្ងៃទី២៤ ខែវិច្ឆិកា ឆ្នាំ២០២២ នៅទីស្តីការក្រសួងពាណិជ្ជកម្ម ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានអញ្ជើញចូលរួមជាអធិបតីក្នុងពិធីបើកសិក្ខាសាលាផ្សព្វផ្សាយ ស្តីពីការអនុវត្តកិច្ចព្រមព្រៀងពាណិជ្ជកម្មសេរីកម្ពុជា-សាធារណរដ្ឋកូរ៉េ (CKFTA) សម្រាប់ការនាំចេញ។ សិក្ខាសាលាផ្សព្វផ្សាយនេះ មានការអញ្ជើញចូលរួម ពីឯកឧត្តម-លោកជំទាវថ្នាក់ដឹកនាំក្រសួងពាណិជ្ជកម្ម, លោក Lee Hyuk-Sang លេខាទី១ តំណាង ឯកឧត្តម Park Heung-kyeong ឯកអគ្គរដ្ឋទូតវិសាមញ្ញនិងពេញសមត្ថភាព នៃសាធារណរដ្ឋកូរ៉េ ប្រចាំព្រះរាជាណាចក្រកម្ពុជា, លោកស្រី Johwan Choi អគ្គនាយក នៃទីភ្នាក់ងារជំរុញពាណិជ្ជកម្ម-វិនិយោគកូរ៉េ ប្រចាំកម្ពុជា (KOTRA)

(ភ្នំពេញ)៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅថ្ងៃទី២៤ ខែវិច្ឆិកា ឆ្នាំ២០២២ បានអញ្ជើញទទួលជួបពិភាក្សាការងារជាមួយឯកឧត្តម Rachid Talbi El Alami ប្រធានរដ្ឋសភាម៉ារ៉ុក នៅក្នុងឱកាសដែលឯកឧត្តមបានអញ្ជើញចូលរួមក្នុងកិច្ចប្រជុំអន្តរសភា (IPA)នៅក្នុងប្រទេសកម្ពុជា។ ឯកឧត្តម Rachid បានសម្ដែងនូវការគោរពវាយតម្លៃខ្ពស់ ជាមួយការអបអរសាទរជូនចំពោះសម្ដេចតេជោ ហ៊ុន សែន ដែលបានអភិវឌ្ឍន៍កម្ពុជាឱ្យមានហេដ្ឋារចនាសម្ព័ន្ធល្អ ទីក្រុងស្រស់បំព្រង និងបានធ្វើការទទួលបានជោគជ័យយ៉ាងច្រើនសម្រាប់តំបន់ ។ ឯកឧត្តម Rachid ក៏បានសម្ដែងសេចក្ដីរីករាយ ដែលបានចូលរួមក្នុងកិច្ចប្រជុំអាយប៉ា ក្នុងឋានៈជាអ្នកសង្កេតការណ៍ ហើយបានបង្ហាញនូវបំណងចង់ពង្រីក ពង្រឹងទំនាក់ទំនង

(អន្តរជាតិ)៖ ក្រៅពី Amazon, Meta ឬ Cisco ក្រុមហ៊ុនផលិតកុំព្យូទ័រ HP បន្តបញ្ឈប់បុគ្គលិកមួយចំនួនធំនៅទូទាំងពិភពលោក ដោយសារតែមានការព្រួយបារម្ភអំពីវិបត្តិសេដ្ឋកិច្ច។ ក្រុមហ៊ុន HP គ្រោងនឹងកាត់បន្ថយការងាររហូតដល់ ៦០០០ ឬ ១២% នៃកម្លាំងពលកម្មទូទាំងពិភពលោករបស់ខ្លួន ចន្លោះពេលនេះដល់ចុងសារពើពន្ធឆ្នាំ២០២៥នេះ បើយោងតាម cnbc ។ ការសម្រេចចិត្តនេះត្រូវបានធ្វើឡើងនៅក្នុងបរិបទនៃការលក់កុំព្យូទ័ររបស់ក្រុមហ៊ុនត្រូវបានកាត់បន្ថយដោយសារតែអ្នកប្រើប្រាស់រឹតបន្តឹងថវិកាចំណាយរបស់ពួកគេ។ នៅថ្ងៃទី២១ ខែវិច្ឆិកា ក្រុមហ៊ុន HP បានប្រកាសថា ប្រាក់ចំណូលនៅត្រីមាសទី៤ របស់ខ្លួនបានធ្លាក់ចុះ ១១% មកនៅត្រឹម ១៤.៨ពាន់លានដុល្លារ ។ សូម្បីតែនៅក្នុងត្រីមាសទី១

(ភ្នំពេញ)៖ យោងតាមការចុះផ្សាយរបស់ក្រសួងព័ត៌មាន អង្គការមូលនិធិស្ត្រីដើម្បីស្ត្រី បានផ្តល់ឱកាសការងារដល់ស្ត្រីពិការជាច្រើន តាមរយៈការផលិត វត្ថុអនុស្សវរីយ៍ ដើម្បីធ្វើយ៉ាងណាជួយទៅដល់ស្ត្រីពិការនិងស្ត្រីដែលគ្មានការងារធ្វើ អាចរកប្រាក់ ចំណូលបន្ថែមសម្រាប់ផ្គត់ផ្គង់គ្រួសារបានមួយកម្រិតទៀត ។ លោកស្រី ញាន ចាន់វាសនា អនុប្រធានប្រតិបត្តិអង្គការមូលនិធិស្ត្រីដើម្បីស្ត្រី ( Women For Women Foundation ) បានមានប្រសាសន៍ប្រាប់វិទ្យុជាតិកម្ពុជាថា ចាប់តាំងពីបង្កើតអង្គការមូលនិធិស្ត្រីដើម្បីស្ត្រី គឺមានរយៈពេលជិត២០ឆ្នាំមកហើយ ដោយមិនដែលមានបំណងបោះបង់ឬទុកចោលនោះទេ ដោយសារតែ ការអាណិត ស្រឡាញ់ និងពេញចិត្ត បើទោះបីជាមានឧបសគ្គយ៉ាងច្រើនរាប់មិនអស់ត្រូវឆ្លងកាត់ក៏ដោយ ប៉ុន្តែនៅតែព្យាយាមពុះពារធ្វើជាបន្តទៀត ដោយផ្ដោតសំខាន់ទៅលើការផ្តល់ឱកាសដល់ស្ត្រីពិការ ឱ្យមាន ជំនាញមួយច្បាស់លាស់ និងមានការងារធ្វើ

(ភ្នំពេញ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទ កាលពីថ្ងៃទី២១ ខែវិច្ឆិកា ឆ្នាំ២០២២ បានអញ្ជើញចុះពិនិត្យ និងជួបសំណេះសំណាលជាមួយបងប្អូនប្រជាពលរដ្ឋដែលជាអ្នកប្រកបអាជីវកម្មភ្ញាស់ពងទាកូន និងចិញ្ចឹមទា នៅភូមិសាមគ្គី ឃុំស្រែរនោង ស្រុកត្រាំកក់ ខេត្តតាកែវ។ ឯកឧត្តម បានកោតសរសើរបងប្អូនប្រជាកសិករជាច្រើនគ្រួសារដែលផលិតពងទាកូន នៅឃុំស្រែរនោង​ ស្រុកត្រាំកក់​ ខេត្តតាកែវ​ ប្រកបដោយឱជារស ដោយចាត់ទុកថាអាចជួយបង្កើនប្រាក់ចំណូល ក្នុងជីវភាពគ្រួសាររបស់ពួកគាត់បានយ៉ាងល្អប្រសើរ។ ក្នុងនោះផងដែរ ឯកឧត្តម បានសរសេររៀបរាប់ថា៖ «កាលណានិយាយអំពី “ពងទាកូនឆ្ងាញ់”​ អ្នកណាក៏នឹកដល់​ “ពងទាកូនស្រែរនោង” នៅខេត្តតាកែវយេីងដែរ។​ សូមកោតសរសើរបងប្អូនប្រជាពលរដ្ឋនៅឃុំស្រែរនោង​

(អន្តរជាតិ)៖ ប្រទេសចិនបានបន្តបង្កើនការនាំចូលថាមពលពីប្រទេសរុស្ស៊ីកាលពីខែមុន ដែលនាំឱ្យតម្លៃសរុបដល់ទៅជិត ៦០ពាន់លានដុល្លារអាមេរិកចាប់តាំងពីសង្គ្រាមនៅអ៊ុយក្រែនបានចាប់ផ្តើម។ យោងតាម សារព័ត៌មាន Bloomberg បានឱ្យដឹងថា កាលពីមួយឆ្នាំមុន ប្រទេសចិនបានចំណាយត្រឹមតែ ៣៥ពាន់លានដុល្លារប៉ុណ្ណោះ ដើម្បីនាំចូលថាមពលពីប្រទេសរុស្ស៊ី។ យោងតាមទិន្នន័យពីនាយកដ្ឋានគយរបស់ប្រទេសចិន ការនាំចូលប្រេងពីប្រទេសរុស្ស៊ីបានកើនឡើង ១៦% ការនាំចូលធ្យូងថ្ម បានកើនឡើង ២៦ភាគរយ។ ការកើនឡើងនេះកើតឡើងនៅពេលដែលក្រុមហ៊ុនចម្រាញ់ប្រេងនៅក្នុងប្រទេសចិនចង់ឱ្យទីក្រុងប៉េកាំងរក្សាលំហូរនៃទំនិញពីប្រទេសរុស្ស៊ី នៅពេលដែលការដាក់ទណ្ឌកម្មថ្មីនឹងត្រូវដាក់នៅដើមខែក្រោយ៕ ប្រភព៖ bloomberg