(ភ្នំពេញ)៖ យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា (CDC) បានឱ្យដឹងថា ប្រទេសកម្ពុជាបានទាក់ទាញការវិនិយោគទ្រព្យសកម្មថេរចំនួន ៣,៥ពាន់លានដុល្លារអាមេរិក ក្នុងអំឡុងខែមករា ដល់ខែតុលា ឆ្នាំ២០២២ កើនឡើង ១,៣ភាគរយ បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមការចុះផ្សាយរបស់ AKP នៅថ្ងៃទី១៦ ខែវិច្ឆិកា ឆ្នាំ២០២២។ កម្ពុជាបានអនុម័តគម្រោងវិនិយោគចំនួន ១៦១ ក្នុងរយៈពេល ១០ខែឆ្នាំ២០២២នេះ កើនឡើង ១៥គម្រោង បើធៀបនឹងរយៈពេលដូចគ្នាកាលពីឆ្នាំមុន។ របាយការណ៍បានចង្អុលបង្ហាញថាការវិនិយោគ វិស័យឧស្សាហកម្ម មានចំនួន ៤១,៥ភាគរយ និងវិស័យហេដ្ឋារចនាសម្ព័ន្ធ មានចំនួន៥១ភាគរយ។ ឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី

(ភ្នំពេញ)៖ ក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី១៥ ខែវិច្ឆិកា ឆ្នាំ២០២២នេះ បានចេញសេចក្ដីប្រកាសព័ត៌មាន អំពីការធ្លាក់ចុះនៃថ្លៃស្រូវនៅខេត្តបាត់ដំបង និងខេត្តបន្ទាយមានជ័យ។ ជាដំណោះស្រាយក្រសួងក៏បានសម្រេចចាត់បញ្ចូនអនុរដ្ឋលេខាធិការ ចំនួន២រូបគឺលោក ឃី កុសល និងលោក ឈុំ ឆុនលី ព្រមទាំងក្រុមការងារនៃអគ្គនាយកដ្ឋានកសិកម្ម ចុះទៅពិនិត្យជាក់ស្ដែង និងរកដំណោះស្រាយក្នុងមូលដ្ឋានខេត្តទាំងពីរតែម្តង។ ក្នុងសេចក្តីប្រកាសព័ត៌មានបានឱ្យដឹងថា ពេញមួយខែវិច្ឆិកា រហូតដល់ពាក់កណ្ដាលខែធ្នូ គឺជាពេលវេលាប្រមូលផលស្រូវរដូវវស្សាជាពិសេសប្រភេទពូជស្រូវផ្ការំដួល ដែលជាហេតុធ្វើឱ្យរោងម៉ាស៊ីនកិនស្រូវកំពុងកកស្ទះ និងជះឥទ្ធិពលដល់ថ្លៃស្រូវដូចកាលពីឆ្នាំកន្លងទៅដែរ។ ឆ្នាំនេះក៏ការប្រមូលផលនៅតែមានច្រើន និងសម្រុកធ្វើឡើងព្រមៗគ្នាចាប់ពីដើមខែវិច្ឆិកាមក។ បើទោះបីជាដំណាំស្រូវត្រូវរងផលប៉ះពាល់ដោយសារទឹកជំនន់ក៏ដោយ។ នៅក្នុងខេត្តបាត់ដំបង និងខេត្តបន្ទាយមានជ័យ រោងម៉ាស៊ីនកិនស្រូវជាច្រើនកំពុងមមាញឹកក្នុងការប្រមូលទិញ សម្ងួត និងកិនស្រូវប្រភេទផ្ការំដួលនេះ

យោងតាមការចុះផ្សាយរបស់ ក្រសួងព័ត៌មាន នៅថ្ងៃទី១៦ ខែវិច្ឆិកា ឆ្នាំ២០២២ បានឱ្យដឹងថា ប្រភពព័ត៌មានពីក្រសួងទេចរណ៍ បានឲ្យដឹងនាព្រឹកថ្ងៃទី១៦ ខែវិច្ឆិកា ឆ្នាំ២០២២នេះថា ក្នុងសប្តាហ៍ទី២ ថ្ងៃទី៧-១៣ ខែវិច្ឆិកា ឆ្នាំ២០២២ ភ្ញៀវទេសចរទូទាំងប្រទេសមានចំនួន២,៧២៤,៤៩១នាក់ ក្នុងនោះភ្ញៀវជាតិ២,៦៦៦,៦៨៤នាក់ និងភ្ញៀវបរទេសផ្ទៃក្នុង៥៧,៨០៧នាក់។ ប្រភពដដែល បានបន្តថា គោលដៅទេសចរណ៍សំខាន់ៗ រួមមាន៖ * ខេត្តព្រះសីហនុ ៦៣២,៤៧៦នាក់ * ខេត្តកំពត ៦១១,៩៩១នាក់ * ខេត្តសៀមរាប ៣៤៥,១៥២នាក់ * ខេត្តកំពង់ស្ពឺ ២៤១,៤៧០នាក់ *

រាជធានីភ្នំពេញ៖ យោងតាមការចុះផ្សាយរបស់ អគ្គនាយកដ្ឋានពន្ធដារ នៅថ្ងៃទី១៥ ខែវិច្ឆិកា ឆ្នាំ២០២២ បានចេញសេចក្ដីណែនាំ ស្តីពី ការដាក់តាំង ឬព្យួរបង្ហាញឯកសារបញ្ជាក់ការចុះបញ្ជីពន្ធដារ នៅទីកន្លែងធ្វើសកម្មភាពសេដ្ឋកិច្ច ។ ដោយអនុលោមតាមច្បាប់និងបទប្បញ្ញត្តិស្តីពីពន្ធដារ មាត្រា ៧ នៃអនុក្រឹត្យលេខ ១១៤ អនក្រ.បក ចុះថ្ងៃទី២៤ ខែធ្នូ ឆ្នាំ១៩៩៩ ស្តីពីអាករលើតម្លៃបន្ថែម និងប្រការ ៧ នៃប្រកាសលេខ ១៩៣ សហវ.ប្រក ចុះថ្ងៃទី២៦ ខែមីនា ឆ្នាំ២០២១ ស្តីពីវិធាននិងនីតិវិធីគ្រប់គ្រងប្រមូលពន្ធប៉ាតង់ និងក្នុងគោលបំណងបញ្ជាក់អំពីសិទ្ធិនិងកាតព្វកិច្ចជាភ្នាក់ងារកាត់ទុក និង ប្រមូលអាករលើតម្លៃបន្ថែម

អាមេរិក៖ ក្រុមហ៊ុនលក់ផលិតផលតាមបណ្តាញអ៊ីនធឺណិតដ៏ធំនៅលើពិភពលោកគឺក្រុមហ៊ុន Amazon គ្រោងនឹងបញ្ឈប់បុគ្គលិកប្រហែល ១០,០០០នាក់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Times នៅព្រឹកថ្ងៃអង្គារ ទី១៥ ខែវិច្ឆិកានេះ។ តាមគម្រោងគឺការបញ្ឈប់បុគ្គលិកក្នុងចំនួនដ៏ច្រើននេះនឹងត្រូ​វធ្វើឡើងនៅក្នុងសប្តាហ៍នេះ ពោលវាគឺជាការសម្រេចដ៏ឆាប់រហ័សបំផុតមួយពីសំណាក់ក្រុមប្រឹក្សាភិបាលនិងគណៈគ្រប់គ្រងរបស់ក្រុមហ៊ុន។ ប្រភពខាងលើបានបន្តថា បុគ្គលិករបស់ក្រុមហ៊ុន Amazon ដែលស្ថិតនៅក្នុងបញ្ជីនៃការបញ្ឈប់នោះគឺភាគច្រើនជាក្រុមបុគ្គលិកស្ថិតនៅក្នុងវិស័យសារជីវកម្មនិងបច្ចេកវិទ្យា។ គួរបញ្ជាក់ជូនថា ក្រុមបុគ្គលិកប្រហែល ១០,០០០នាក់ដែលគ្រោងនឹងត្រូវបញ្ឈប់ពីការងារនោះគឺមានចំនួនស្នើនឹង ៣%នៃបុគ្គលិកសរុបនៅក្នុងវិស័យសារជីវកម្មនិងបច្ចេកវិទ្យា ឬមានចំនួនតិចជាង ១% បើធៀបនឹងតួលេខបុគ្គលិកសរុបនៅជុំវិញពិភពលោកដែលមានចំនួនសរុបប្រហែល ១,៥លាននាក់៕ អត្ថបទ៖ ភក្តី ប្រភព៖ The Strait Times

(ភ្នំពេញ)៖ ក្រុមប្រឹក្សាអភិវឌ្ឍន៍កម្ពុជា (CDC) បាននិយាយនៅក្នុងសេចក្តីប្រកាសព័ត៌មានមួយដែលបានផ្សព្វផ្សាយជាសាធារណៈកាលពីថ្ងៃទី០៤ ខែវិច្ឆិកាថា គម្រោងវិនិយោគចំនួន២បន្ថែមទៀតដែលមានទុនវិនិយោគសរុបគិតជាទឹកប្រាក់ចំនួន ១៤លានដុល្លារអាមេរិក ត្រូវបានផ្តល់ភ្លើងខៀវ។ គម្រោងថ្មីទាំងនេះស្ថិតនៅក្នុងខេត្តកំពង់ស្ពឺ និង ខេត្តកណ្តាល ជារបស់ក្រុមហ៊ុនចំនួន២ផ្សេងគ្នា។ CDC បានចង្អុលបង្ហាញថា ក្រុមហ៊ុនទាំង២នឹងបង្កើតរោងចក្រផលិតកេសកាតុង ថង់ប្លាស្ទិក និងអេប៉ុង និងរោងចក្រផលិតកាបូបគ្រប់ប្រភេទ ប្រភពដដែលបាននិយាយថា គម្រោងដែលបានអនុម័តថ្មីនេះត្រូវបានគេរំពឹងថានឹងបង្កើតការងារប្រហែលបានចំនួន ២១២៨កន្លែង។ ខាងក្រោមនេះជាព័ត៌មានលម្អិត ដែលគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុនដូចខាងក្រោម៖ ១-“NEW SHUI YAT (CAMBODIA) CO., LTD” គម្រោងបង្កើតរោងចក្រផលិតកេសកាតុង ថង់ប្លាស្ទិក និងអេប៉ុង

(រាជធានីភ្នំពេញ)៖ នៅថ្ងៃទី១៤ ខែវិច្ឆិកា ឆ្នាំ២០២២ នៅទីស្តីការក្រសួងពាណិជ្ជកម្ម និងតាមទម្រង់និម្មិត្ត លោកជំទាវ តឹករ៉េត កំរង រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានដឹកនាំកិច្ចពិគ្រោះយោបល់ជាមួយវិស័យឯកជន ស្តីពីការពង្រីកទីផ្សារនាំចេញទៅអេមីរ៉ាតអារ៉ាប់រួម តាមរយៈការចរចាបង្កើតកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងកម្ពុជា-អេមីរ៉ាតអារ៉ាប់រួម (Cambodia-United Arab Emirates Comprehensive Economic Partnership Agreement – “CAM-UAE CEPA”) ដោយមានការចូលរួមពីក្រសួង-ស្ថាប័នពាក់ព័ន្ធ និងវិស័យឯកជន រួមមាន សម័្ពន្ធ សមាគម និងសហគ្រាសផលិត

(ភ្នំពេញ)៖ ក្នុងឆ្នាំ២០២១ ចំនួននៃការធ្វើប្រតិបត្តិការទូទាត់ក្នុងទម្រង់ឌីជីថលមានរហូតដល់ទៅ ៦៩៨,៨លានប្រតិបត្តិការ នេះបើយោងតាម ឯកឧត្តមបណ្ឌិត គង់ ម៉ារី អនុរដ្ឋលេខាធិការនៃក្រសួងសេដ្ឋកិច្ច និង ហិរញ្ញវត្ថុ និងជាអគ្គលេខាធិការ នៃអគ្គលេខាធិការដ្ឋានគណៈកម្មាធិការសេដ្ឋកិច្ចនិងធុរកិច្ចឌីជីថល បានថ្លែងក្នុងសុន្ទរកថាបិទ វេទិកាបច្ចេកវិទ្យាហិរញ្ញវត្ថុនៃពិព័រណ៍បច្ចេកវិទ្យាកម្ពុជា ២០២២។ ឯកឧត្តមបណ្ឌិត គង់ ម៉ារី បានគូសរំលេចបន្ថែមលើចំណុចមួយចំនួន ក្នុងនោះឯកឧត្តមបណ្ឌិត បានលើកឡើងអំពីបច្ចេកវិទ្យាហិរញ្ញវត្ថុក្នុងវិស័យធនាគារនៅកម្ពុជា។ «ជាការកត់សម្គាល់ នៅក្នុងវិស័យហិរញ្ញវត្ថុធនាគារ ការប្រើប្រាស់ប្រព័ន្ធទូទាត់សងប្រាក់តាមប្រព័ន្ធអេឡិចត្រូនិកបាននិងកំពុងបន្តកើនឡើង តាមរយៈកំណើននៃចំនួនគណនីប្រាក់បញ្ញើ, គណនីកាបូបអេឡិចត្រូនិក (E-Wallet) និងបណ្ណទូទាត់ គួបផ្សំនឹងការបន្តធ្វើទំនើបកម្មហេដ្ឋារចនាសម្ព័ន្ធប្រព័ន្ធទូទាត់សងប្រាក់ ដើម្បីធានានូវអន្តរប្រតិបត្តិការទូទាត់ឆ្លងគ្រឹះស្ថានហិរញ្ញវត្ថុឱ្យកាន់តែមានភាពទូលំទូលាយ។ ក្នុងនោះផងដែលជាក់ស្តែង ផ្អែកតាមរបាយការណ៍របស់ធនាគារជាតិនៃកម្ពុជា, ក្នុងឆ្នាំ