ក្រុមហ៊ុនធំមួយ មានបំណងមកបង្កើតរោងចក្រកាត់ដេរ នៅខេត្តតាកែវ ដែលការបង្កើតរោងចក្រនេះ នឹងបង្កើតឱកាសការងារដល់បងប្អូនប្រជាពលរដ្ឋចំនួនចន្លោះពី ៣០០០-៤០០០ កន្លែង។ បើយោងតាមការចុះផ្សាយនៅលើផេកឯកឧត្តម វ៉ី សំណាង កាលពីថ្ងៃទី២៣ ខែកក្កដា ឆ្នាំ២០២៤ បានឱ្យដឹងថា ក្រុមហ៊ុនខាងលើមានឈ្មោះថា Di Seta (Cambodia) Co., Ltd. មានបំណងមកបង្កើតរោងចក្រកាត់ដេរ មួក ស្រោមដៃ ស្រោមជើង និង អាវចាក់ នាពេលខាងមុខនេះ៕ អត្ថបទ៖ លីនី

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ជាមួយរូបភាពជាង២០សន្លឹក នៅថ្ងៃទី២៣ ខែកក្កដា ឆ្នាំ២០២៤ លោកកើត ឆែ អភិបាលរងរាជធានីភ្នំពេញ បានបង្ហាញនូវវឌ្ឍនភាព នៃការដ្ឋានស្ថាបនាស្ពានឆ្លងទន្លេបាសាក់ ចាក់អង្រែក្រោម-ព្រែកប្រា ដែលពេលនេះលេចចេញជារូបរាងកាន់តែច្បាស់ឡើងៗ។ លើបណ្តាញសង្គមហ្វេសប៊ុកផ្លូវការលោកកើត ឆែ​ បានបង្ហាញក្តីរំពឹងថា ក្រោយពេលស្ពាននេះសាងសង់ និងដាក់ឱ្យដំណើរការនោះ​នឹងរួមចំណែកកាត់បន្ថយការកកស្ទះចរាចរណ៍ពីចំណុចស្ពានព្រះមុនីវង្សឆ្លងកាត់ទន្លេបាសាក់ ភ្ជាប់ផ្លូវជាតិលេខ១ នៅខណ្ឌច្បារអំពៅ។ សមិទ្ធផលនេះ នឹងពង្រឹងដល់ទំនាក់ទំនងសេដ្ឋកិច្ចសង្គម រវាងតំបន់ប៉ែកខាងត្បូងរាជធានីភ្នំពេញ, អាកាសយានដ្ឋានអន្តរជាតិតេជោក្រុងតាខ្មៅ ជាពិសេសធ្វើឱ្យប្រសើរឡើងដល់ប្រសិទ្ធភាពនៃការដឹកជញ្ជូន និងភស្តុភារកម្មនៅក្នុងតំបន់រាជធានីភ្នំពេញ។ គួររម្លឹកថាកាលពីថ្ងៃទី១៩ ខែកុម្ភៈ ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី

យោងតាមការចុះផ្សាយរបស់ ក្រសួងការងារ និងបណ្ដុះបណ្ដាលវិជ្ជាជីវៈ កាលពីថ្ងៃចន្ទ ទី២២ ខែកក្កដា ឆ្នាំ២០២៤ បានឱ្យដឹងថា តម្រូវការកម្លាំងពលកម្មចាប់ពីថ្ងៃទី ២២ ដល់ ២៨ ខែកក្កដា ឆ្នាំ២០២៤នេះ មានចំនួន ៥៧ ៦៣៥កន្លែង នៅតាមបណ្ដារាជធានី-ខេត្ត ក្នុងនោះផ្នែក ឧស្សាហកម្ម មានចំនួន ៤៣ ៧៥៨កន្លែង ផ្នែកសេវាកម្មចំនួន ៤៧៦៧កន្លែង និងផ្នែកកសិកម្ម ៩១១០កន្លែង។ ក្រសួងការងារ ក៏បានគូសបញ្ជាក់ផងដែរថា ប្រភេទមុខរបរដែលកំពុងត្រូវការកម្លាំងពលកម្ម មានដូចជា៖ អ្នកបញ្ជាម៉ាស៊ីនដេរ ,កម្មករចំការដំណាំ ,កម្មករក្នុងផលិតកម្ម

ថ្ងៃទី ២៣ ខែកក្កដា ឆ្នាំ ២០២៤ – គណៈប្រតិភូដែលដឹកនាំដោយលោក John Lee នាយកប្រតិបត្តិនៃតំបន់រដ្ឋបាលពិសេសហុងកុង (HKSAR) នឹងមកបំពេញទស្សនកិច្ចនៅទីក្រុងភ្នំពេញ ប្រទេសកម្ពុជា នៅថ្ងៃទី ៣០-៣១ ខែកក្កដា ឆ្នាំ ២០២៤។ រៀបចំឡើងដោយក្រុមប្រឹក្សាអភិវឌ្ឍន៍ពាណិជ្ជកម្មហុងកុង (HKTDC) គណៈប្រតិភូនឹងរួមដំណើរដោយមន្ត្រីសំខាន់ៗរបស់រដ្ឋាភិបាល HKSAR និងមេដឹកនាំមួយចំនួននៃសហគ្រាសអន្តរជាតិ ចិន និងហុងកុង និងក្រុមហ៊ុនធំៗចំនួន ៣០ ដែលប្រតិបត្តិការផ្នែកហិរញ្ញវត្ថុ និងធានារ៉ាប់រង នវានុវត្តន៍និងបច្ចេកវិទ្យា សេវាកម្មវិជ្ជាជីវៈ ហេដ្ឋារចនាសម្ព័ន្ធ ដឹកជញ្ជូន និងភស្តុភារ

ប្រវត្តិសាស្រ្តបាល់ទាត់ខ្មែរ ដែលមានរង្វាន់ឡានថ្មីខ្លាញ់គោ ម៉ូតូថ្មីជាច្រើនគ្រឿងដំបូងគេដែលប៊ូសស្រ្តងរៀបចំ ពេលនេះបានរកឃើញជ័យលាភីហើយ ឆ្លងកាត់ ១០ប្រកួត ក្នុងចំណោម ៥១២ក្រុម ដើម្បីឈានដល់ក្លាយជាម្ចាស់ឡានថ្មីខ្លាញ់គោ ក្នុងមហាព្រឹត្តិការណ៍ “ប៊ូសស្រ្តងប៉េណាល់ទីឈ្នះឡាន រដូវកាលទី១” កាលពីថ្ងៃទី២១ ខែកក្កដា ឆ្នាំ២០២៤ នៅមុខមហោស្រពទីក្រុងកោះពេជ្រ រាជធានីភ្នំពេញ។ ប៊ូសស្រ្តងជួយបាល់ទាត់ខ្មែរ អ្នកខ្លាំងពូកែ ប៊ូសស្រ្តងឱ្យឡាន មានតែក្រុមហ៊ុនភេសជ្ជៈប៉ូវកម្លាំងប៊ូសស្រ្តងតែប៉ុណ្ណោះ ដែលហ៊ានបង្កើតមហាព្រឹត្តិការណ៍ចារជាប្រវត្តិសាស្រ្តបាល់ទាត់ខ្មែរ មានរង្វាន់ឡានថ្មីខ្លាញ់គោ ម៉ូតូថ្មីជាច្រើនគ្រឿង និងទឹកប្រាក់ជាច្រើនទៀត។ មិនតែប៉ុណ្ណោះ កន្លងមក ប៊ូសស្រ្តងក៏ជួយគុនខ្មែរ ដាក់រង្វាន់ឡានថ្មីខ្លាញ់គោចារជាប្រវត្តិសាស្រ្តគុនខ្មែរ និងចូលរួមលើកកម្ពស់ឱ្យតម្លៃស្រ្តី រហូតដល់ជាប់កំណត់ត្រាពិភពលោក Guinness World Record

រាជរដ្ឋាភិបាលជប៉ុន បានផ្តល់ជំនួយឥតសំណង និងកម្ចីដល់កម្ពុជាប្រមាណជា ៥៧លានដុល្លារបន្តទៀត សម្រាប់គម្រោងអាហារូបករណ៍អភិវឌ្ឍន៍ធនធានមនុស្ស (JDS) និងគម្រោងធ្វើឱ្យប្រសើរឡើងនូវកំណាត់ផ្លូវជាតិលេខ៥ ជំហានទី៣។ នេះបើយោងតាមសេចក្តីប្រកាសព័ត៌មានរបស់ ក្រសួងសេដ្ឋកិច្ច កាលពីថ្ងៃទី១៩ ខែកក្កដា ឆ្នាំ២០២៤ កន្លងទៅថ្មីៗនេះ។ សេចក្ដីប្រកាសព័ត៌មាន បានគូសបញ្ជាក់ថា ជំនួយឥតសំណង និងកម្ចីខាងលើនេះ ត្រូវបានចុះហត្ថលេខា ដោយឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ដែលបានទទួលបុព្វសិទ្ធិ ដ៏ខ្ពង់ខ្ពស់ពី សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ជាមួយឯកឧត្តម Sanui

សហគមន៍ស្វាយចន្ទី ២ទៀត បានឈានដល់ដំណាក់កាលរៀបចំ «មហាសន្និបាតកំណើតដំបូង» របស់ខ្លួនក្នុងថ្ងៃតែមួយ ដើម្បីរៀបចំប្រែក្លាយខ្លួនជាសហគមន៍កសិកម្មទំនើប។ នេះបើយោងតាមការចុះផ្សាយនៅលើផេកផ្លូវការរបស់ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យនៃក្រសួងកសិកម្ម រុក្ខាប្រមាញ់ និងនេសាទ។ តាមរយៈការបង្ហោះនៅលើផេកផ្លូវការរបស់ឯកឧត្តមកាលពីថ្ងៃទី២១ ខែកក្កដា ឆ្នាំ២០២៤ ថ្មីៗនេះ បានបញ្ជាក់ឱ្យដឹងថា ខេត្តកំពង់ធំនឹងមានសហគមន៍កសិកម្មទំនើបចំនួន៣ក្នុងពេលដំណាលគ្នា ក្នុងរួមមាន ៖ សហគមន៍កសិកម្មទំនើបកំពង់ធំសាលាវិស័យ៖ មានសមាជិក ៨៨គ្រួសារ និងផ្ទៃដីកំពុងដាំដុះស្វាយចន្ទី ២០៤ហិកតា ,សហគមន៍កសិកម្មទំនើបប្រាសាទសំបូរ៖ មានសមាជិក ៩៧គ្រួសារ និងផ្ទៃដីកំពុងដាំដុះស្វាយចន្ទី ៥០៩ហិកតា និងសហគមន៍កសិកម្មទំនើបទំរីងកំពង់ធំ៖ មានសមាជិក ៧៦គ្រួសារ

យោងតាមការចុះផ្សាយរបស់ ទីភ្នាក់ងារជាតិ និងមុខរបរ នៃក្រសួងការងារ និងបណ្ដុះបណ្ដាលវិជ្ជា បានឱ្យដឹងថា ក្រុមហ៊ុនធំៗ ១៧ នឹងផ្តល់ឱកាសការងារថ្មីបន្ថែមទៀតចំនួន ១៤៥០ កន្លែង សម្រាប់យុវជន សិស្ស/និស្សិត និងអ្នកស្វែងរកការងារនៅក្នុងវេទិកាការងារ និងឱកាសកម្មសិក្សាការងារ នាថ្ងៃព្រហស្បតិ៍ ទី២៥ ខែកក្កដា ឆ្នាំ២០២៤ ខាងមុខនេះ ចាប់ពីម៉ោង ៨ព្រឹក ដល់ ៥ល្ងាច នៅក្នុងបរិវេណសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE)។ វេទិការងារ និងឱកាសកម្មសិក្សាការងារនេះ ត្រូវបានរៀបចំឡើងដោយទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ធនាគារជាតិនៃកម្ពុជា នាថ្ងៃទី២១ ខែកក្កដា ឆ្នាំ២០២៤នេះ បានចេញសេចក្តីប្រកាស ពាក់ព័ន្ធការសម្របសម្រួលចរាចរណ៍ ក្រដាសប្រាក់ដុល្លារអាមេរិក នៅខេត្តសៀមរាប ដោយសម្រេចមានយន្តការបន្ទាន់ចំនួន៤។ សេចក្តីប្រកាសរបស់ធនាគារជាតិ បានបញ្ជាក់ថា លោកស្រី ជា សិរី ទេសាភិបាល ធនាគារជាតិនៃកម្ពុជា បានអញ្ជើញដឹកនាំកិច្ចប្រជុំ ពិភាក្សាលើការសម្របសម្រួលចរាចរណ៍ក្រដាសប្រាក់ដុល្លារអាមេរិក នៅខេត្តសៀមរាប ជាមួយគ្រឹះស្ថានធនាគារនិងហិរញ្ញវត្ថុ។ យោងតាមអនុសាសន៍ដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កាលពីថ្ងៃព្រហស្បតិ៍ ទី១៨ ខែកក្កដា ឆ្នាំ២០២៤ ពាក់ព័ន្ធយន្តការបន្ទាន់ ដែលត្រូវអនុវត្តនៅខេត្តសៀមរាប

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា បញ្ហាលំបាកពាក់ព័ន្ធនឹងការចាយវាយក្រដាសប្រាក់ដុល្លារអាមេរិកដែលមានសភាពចាស់ ប្រឡាក់ ឬខូចខាតខ្លះ បានបង្កការលំបាកសម្រាប់ការលក់ដូររបស់ប្រជាពលរដ្ឋនៅក្នុងខេត្ត ដែលបញ្ហានេះ ត្រូវបានបងប្អូនអ្នកលក់ដូរប្រាប់សម្តេចធិបតីផ្ទាល់ ពេលដែលសម្តេចចុះទៅ Pub Street កាលពីយប់ថ្ងៃទី ១៧ កក្កដា ២០២៤ កន្លងទៅនេះ។ នាព្រឹកថ្ងៃទី២២ ខែកក្កដា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអំពាវនាវដល់សាខាធនាគារជាតិនៃកម្ពុជាខេត្តសៀមរាប បណ្ដាធនាគារឯកជនទាំងអស់នៅក្នុងខេត្តសៀមរាប ក៏ដូចជាបណ្ដាអាជីវកម្មឯកជន និងប្រជាពលរដ្ឋអ្នកលក់ដូរទាំងអស់នៅក្នុងខេត្ត ចូលរួមអនុវត្តនូវគោលការណ៍ថ្មីរបស់ធនាគារជាតិនៃកម្ពុជាឱ្យបានស្រុះគ្នា ដើម្បីកុំឱ្យមានបញ្ហាពាក់ព័ន្ធនឹងការចាយក្រដាសប្រាក់ដុល្លារ ដែលមានសភាពចាស់ ឬប្រឡាក់បន្តទៀត។ សូមបញ្ជាក់ជូនថា យោងតាមអនុសាសន៍ដ៏ខ្ពង់ខ្ពស់របស់