យោងតាមការចុះផ្សាយរបស់ ក្រសួងការងារ និងបណ្ដុះបណ្ដាលវិជ្ជាជីវៈ កាលពីថ្ងៃចន្ទ ទី២២ ខែកក្កដា ឆ្នាំ២០២៤ បានឱ្យដឹងថា តម្រូវការកម្លាំងពលកម្មចាប់ពីថ្ងៃទី ២២ ដល់ ២៨ ខែកក្កដា ឆ្នាំ២០២៤នេះ មានចំនួន ៥៧ ៦៣៥កន្លែង នៅតាមបណ្ដារាជធានី-ខេត្ត ក្នុងនោះផ្នែក ឧស្សាហកម្ម មានចំនួន ៤៣ ៧៥៨កន្លែង ផ្នែកសេវាកម្មចំនួន ៤៧៦៧កន្លែង និងផ្នែកកសិកម្ម ៩១១០កន្លែង។

ក្រសួងការងារ ក៏បានគូសបញ្ជាក់ផងដែរថា ប្រភេទមុខរបរដែលកំពុងត្រូវការកម្លាំងពលកម្ម មានដូចជា៖ អ្នកបញ្ជាម៉ាស៊ីនដេរ ,កម្មករចំការដំណាំ ,កម្មករក្នុងផលិតកម្ម ,អ្នកធ្វើការក្នុងកាស៊ីណូ ,មន្រ្តីឥណទាន និងប្រាក់កម្ចី ,អ្នកធ្វើការផ្នែកសិប្បកម្មខាងសម្ភារវាយនភ័ណ្ឌ ធ្វើពីស្បែក ,អ្នកបញ្ជាម៉ាស៊ីនធ្វើស្បែកជើង ,អ្នកបច្ចេកទេសត្រួតពិនិត្យដំណើរការផលិត ,អ្នកលក់ដូរតាមការទំនាក់ទំនង កម្មករវេចខ្ចប់វេចដោយដៃ និងមុខរបរផ្សេងៗ។

ដូច្នេះសំរាប់បងប្អូន យុវជន សិស្ស និស្សិត សូមទាក់ទង ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ តាមរយៈទូរស័ព្ទ 1297 ឬ 1286 ឬ តេលេក្រាម និង CoolApp លេខ 077 23 23 78 ដើម្បីចុះឈ្មោះ និងសម្ភាសភ្លាមៗ៕

អត្ថបទ៖ លីនី