ផ្សារទំនើបថ្មីមួយទៀតរបស់អ្នកឧកញ៉ា ពុង ឃាវសែ ដែលមានតំលៃ ៨០លានដុល្លារសហរដ្ឋអាមេរិក បានបើកដំណើរការសាកល្បងរបស់ខ្លួននៅព្រឹកថ្ងៃទី២២ ខែមិថុនា ឆ្នាំ២០១៩ នេះក្រោយការសាងសង់ចាប់ផ្តើមក្នុងអំឡុងឆ្នាំ២០១៥។ ថ្វីត្បិតថាផ្សារទំនើបសុវណ្ណា ដែលធ្លាប់មានឈ្មោះល្បីអស់រយៈពេលប្រមាណជាង១០ឆ្នាំ ត្រៀមនឹងផ្អាកដំណើរការដើម្បីធ្វើការជួសជុលកែលំអថ្មី ហើយផ្សារទំនើបសុរិយា ទើបនឹងបញ្ចប់គំរោងរចនាឡើងវិញនោះ ក្រុមហ៊ុន OCIC របស់អ្នកឧកញ៉ា ពុង ឃាវសែ បានពង្រីកវិសាលភាពរបស់ខ្លួនជាបន្តបន្ទាប់ ដោយបើកដំណើរការសាកល្បងផ្សារទំនើប ឌឹអូឡាំព្យាម៉ល នេះឯង។ តាមការចុះផ្សាយនៅលើគេហទំព័រ OCIC បានអោយដឹងថា ផ្សារទំនើប ឌឹអូឡាំព្យាម៉ល នេះមានចំនុចពិសេសជាច្រើនដូចជា៖ – ទីតាំងចំកណ្តាលទីក្រុងភ្នំពេញ ដែលហ៊ុមព័ទ្ធ​ដោយ អគារ ស្នាក់នៅ

យោងតាមទីភ្នាក់ងារព័ត៌មានរបស់ប្រទេសថៃបានឲ្យដឹងថា ក្រុមហ៊ុន GULF នៅតែបន្តវិនិយោគលើរោងចក្រថាមពលកែច្នៃពីធម្មជាតិនៅវៀតណាម ដោយបើកកន្លែងផលិតថាមពលពន្លឺព្រះអាទិត្យពីរកន្លែង ដែលអាចផលិតថាមពលបាន ៤៥៨ មេហ្កាវ៉ាត់ ឬ បន្ថែមពីលើ ១០០ មេហ្កាវ៉ាត់។ ជាមួយគ្នានេះដែរ កាលពីម្សិលមិញនេះក្រុមហ៊ុន Gulf Energy Development Public Company Limited (GULF) ជាមួយក្រុមហ៊ុន TTC Group វៀតណាមបានបើកពិធីសម្ពោធរោងចក្រថាមពលពន្លឺព្រះអាទិត្យ TTCIZ-០១ និង TTCIZ-០២ នៅខេត្តទៀនញី ក្នុងប្រទេសវៀតណាមជាផ្លូវការ បន្ទាប់ពីទទួលបានការផ្តល់សិទ្ធិពីប្រព័ន្ធអគ្គីសនីវៀតណាម (EVN) កាលពីខែមីនា និងមេសា។

កាលពីព្រឹកថ្ងៃទី២២ ខែមិថុនា ឆ្នាំ២០១៩ នេះស្ពានអាកាសថ្មើរជើងដំបូងបំផុតនៅកម្ពុជា ដែលបានបំពាក់ជណ្តើរយន្ត និងចំណាយថវិការប្រមាណ៣លានដុល្លារសហរដ្ឋអាមេរិក ក្នុងការសាងសង់ នៅលើចំណុចរង្វង់មូលនាងគង្ហីង ខណ្ឌ៧មករា រាជធានីភ្នំពេញ។ ស្ពានអាកាសមួយនេះដែរត្រូវបានសាងសង់ឡើងដោយក្រុមហ៊ុនឯកជនឈ្មោះថា OCIC របស់អ្នកឧកញ៉ា ពុង ឃាវសែ ដែលមានការតភ្ជាប់ពីអាគារផ្សារទំនើប ឌឹអូឡាំព្យាម៉ល។ សូមបញ្ជាក់ថា ស្ពានអាកាសថ្មើរជើងនៅស្តុបនាងគង្ហីង ត្រូវបានចាប់ផ្តើមដំណើរការសាងសង់កាលពីអំឡុងខែតុលា ឆ្នាំ២០១៧មកម្ល៉េះ ក្រោមកិច្ចសហប្រតិបត្តិការ រវាងសាលារាជធានីភ្នំពេញ និងក្រុមហ៊ុន OCIC ជាមួយការចំណាយថវិការសរុបប្រមាណ ៣លានដុល្លារសហរដ្ឋអាមេរិក។ ស្ពានអាកាសដែលបានបំពាក់ជណ្តើរយន្តនេះដែរត្រូវបានសង់ឡើងដោយចាក់សសរស្ពានចំនួន ៦កន្លែងនៅជុំវិញរង្វង់មូល ហើយវាក៏ជួយកាត់បន្ថយការកកស្ទះចរាចរណ៍ ក៏ដូចជាបង្កើនសុវត្ថិភាពដល់អ្នកធ្វើដំណើរថ្មើរជើងនៅក្នុងចំណុចនេះផងដែរ៕

យោងតាមក្រសួងពាណិជ្ជកម្មរបស់ប្រទេសថៃបានឲ្យដឹងថា ការនាំចេញរបស់ខ្លួនបានធ្លាក់ចុះ ៥.៨% នៅខែឧសភា ឆ្នាំ ២០១៩នេះ ដែលតម្លៃនៃការនាំចេញមានត្រឹមតែ ៦៤៨ ពាន់លានបាត។ បន្ថែមពីនេះទៅទៀតគេក៏បានឲ្យដឹងផងដែរថា ការធ្លាក់ចុះនៃការនាំចេញនេះបណ្ដាលមកពីការកត្តាសកលលោក រួមទាំងភាពតានតឹងពាណិជ្ជកម្មដែលកំពុងតែបន្តរវាងសហរដ្ឋអាមេរិក និងប្រទេសចិន។ ជាពិសេសលក្ខខណ្ឌហិរញ្ញវត្ថុសកលកាន់តែតឹងតែង កត្តាជាក់លាក់នៃប្រទេស និងតំបន់ ភាពមិនច្បាស់លាស់ផ្នែកនយោបាយនៅក្នុងសហភាពអឺរ៉ុប និង Brexit នៅចក្រភពអង់គ្លេសដែលមិនអាចដោះស្រាយបាន។ ប៉ុន្តែទោះជាយ៉ាងណាក៏ដោយ ផលប៉ះពាល់លើការនាំចេញរបស់ថៃមានចំនួនតិចតួចជាងគេ បើប្រៀបធៀបនៅបណ្តាប្រទេសអាស៊ីផ្សេងទៀត ហើយការនាំចេញរបស់ថៃនៅតែមានដំណើរការយ៉ាងរឹងមាំនៅក្នុងទីផ្សារសំខាន់ៗ ដូចជាសហរដ្ឋអាមេរិក និងឥណ្ឌា ជាពិសេសបានពង្រីកនៅតាមទីផ្សារកំពុងកើនឡើងដូចជាប្រទេសកាណាដារុស្ស៊ី និង CIS ៕ អត្ថបទ៖ លីនី

លោក Mohandas Karamchand Gandhi គឺជាមេធាវីជនជាតិឥណ្ឌា ដែលបានក្លាយជាមេដឹកនាំសំខាន់នៃចលនាឯករាជ្យរបស់ឥណ្ឌា លោកត្រូវបានគេស្គាល់ថា Mahatma Gandhi ដែលមិនត្រឹមតែដឹកនាំប្រទេសឥណ្ឌាឲ្យទទួលបានឯករាជ្យពីការគ្រប់គ្រងរបស់ចក្រភពអង់គ្លេសប៉ុណ្ណោះទេ ប៉ុន្តែថែមទាំងជំរុញចលនាសម្រាប់សិទិ្ធ និងសេរីភាពស៊ីវិលនៅទូទាំងពិភពលោកនៅក្នុងប្រទេសជាច្រើន រហូតក្លាយជាបុគ្គលគំរូ និងមានភាពល្បីល្បាញយ៉ាងខ្លាំងសម្រាប់មនុស្សជំនាន់ក្រោយជាមួយនឹងពាក្យសំដីបំផុសគំនិតរបស់លោក។ ទោះបីជាយ៉ាងណាក្ដី ក៏នៅមានរឿងមួយចំនួនដែលមនុស្សគ្រប់គ្នា ពុំបានដឹងអំពីលោក Mahatma Gandhi ដែលរឿងទាំងនោះមានដូចជា៖ ១. លោក Mahatma Gandhi ត្រូវបានគេតែងតាំងសម្រាប់ពានរង្វាន់សន្តិភាពណូបែល រហូតដល់ ៥ដង ហើយគណៈកម្មការសោកស្ដាយយ៉ាងខ្លាំងដែលមិនបានប្រគល់ពានរង្វាន់ឲ្យគាត់នៅពេលបច្ចុប្បន្ននេះ។ ២. លោក​ជឿថាការដើរ គឺជាលំហាត់ប្រាណដ៏ល្អបំផុត ហើយជារៀងរាល់ថ្ងៃលោកដើរបានប្រហែល​ ១៨គីឡូម៉ែត្រ អស់រយៈពេល

បើនិយាយពីរឿងពុះដីឡូត៍លក់វិញនោះ ខេត្តកណ្តាល និង ខេត្តកំពង់ស្ពឺ កំពុងក្លាយជាផ្ទាំងស៊ីបសម្រាប់ឈ្មួញនិងមហាជន ដោយសារតែខេត្តទាំង២នេះ វាស្ថិតនៅជាប់រាជធានីភ្នំពេញ និងផ្លូវជាតិលេខ៤ តភ្ជាប់ពីភ្នំពេញទៅខេត្តព្រះសីហនុ ដែលជាទឹកដីមានកំពង់ផែ សេដ្ឋកិច្ច ដ៏អស្ចារ្យ និងស្របពេលដែលរោងចក្រនានាត្រូវបានរើចេញពីក្រុងភ្នំពេញ មកបោះទីតាំងនៅតំបន់នេះ។ ការរីកចំរើននៃវិស័យអចលនទ្រព្យត្រូវបានគេមើលឃើញថា វាល្អសម្រាប់ឈ្មួញដែលរកស៊ីពុះដីឡូត៍ តែវាក៏ជាហានិភ័យមួយផងដែរ សម្រាប់អតិថិជន ដែលយកលុយទៅទិញដីឡូត៍ដើម្បីទុកចំណេញ តែប៉ះអ្នករកស៊ីបោកប្រាស់ លក់ដីខ្យល់។ ផ្លូវ ៥១ ឆ្លងទៅផ្លូវជាតិលេខ៤ ទៅផ្លូវជាតិលេខ៥ និងជាព្រុំប្រទល់ម្ខាងម្នាក់រវាងខេត្តកណ្តាល និងកំពង់ស្ពឺ បើតាមការបង្ហើបអោយដឹងពីអ្នកជំនាញអចលនទ្រព្យ បានរៀបរាប់ថាស្រុកអង្គស្នួល ខេត្តកណ្តាល និង ខេត្តកំពង់ស្ពឺ មានការរកស៊ីពុះដីឡូត៍ រីកដូចផ្សិត

ទីក្រុងហាណូយក្នុងរយៈពេលត្រឹមតែ ៦ខែ ដំបូងនៃឆ្នាំ ២០១៩ បានស្វាគមន៍ភ្ញៀវទេសចរអន្តរជាតិចំនួន ៣.៣ លាននាក់ ដែលវាជាការកើនឡើង ១០.៦% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។ ហើយទីក្រុងនេះក៏បានទទួលភ្ញៀវទេសចរទាំងជាតិ និងអន្តរជាតិ ចំនួន ១៤.៤ លាននាក់ នៅក្នុងឆមាសទី ១ នេះ ដែលស្មើនឹងការកើនឡើង ៩.៥% ធៀបនឹងឆ្នាំមុន។ ចំណែកប្រាក់ចំណូលសរុបពីសកម្មភាពទេសចរណ៍រយៈពេល ៦ខែ ដំបូងនេះ បានកើនឡើងរហូតដល់ ៥០.២៤ ពាន់លានដុង (២.២លានដុល្លារ) ដែលស្មើនឹងការកើនឡើង ៣០% ធៀបនឹងឆ្នាំមុន។ នាយកដ្ឋានទេសចរណ៍រំពឹងថា នឹងស្វាគមន៍ភ្ញៀវទេសចរចំនួន ២៨.៥៨

សង្រ្គាមពាណិជ្ជកម្មរវាងសហរដ្ឋអាមេរិក និងចិន ធ្វើឲ្យប្រទេសវៀតណាម និងកោះតៃវ៉ាន់ ជាអ្នកទទួលផលចំណេញធំជាងគេ ក្រៅពីនោះប្រទេសកម្ពុជាយើងក៏កំពុងទទួលបានការចាប់អារម្មណ៍ច្រើនពីក្រុមហ៊ុនចិន ដែលកំពុងព្យាយាមផ្លាស់ប្តូរប្រតិបត្តិការរបស់ខ្លួន ដើម្បីទទួលបានយោគយល់ពន្ធគយលើទំនិញអាមេរិក។ ជាមួយគ្នានេះដែររោងចក្រថ្មីមួយកំពុងលេចឡើងនៅលើផ្ទៃដីទំហំ ៥០ ហិកតានៅក្នុងរាជធានីភ្នំពេញ ដែលជាផ្នែកមួយនៃផែនការផ្លាស់ប្តូរការផលិតកង់រាប់លានគ្រឿងរបស់ក្រុមហ៊ុន Shanghai General Sports ពីប្រទេសចិនមកកាន់ប្រទេសកម្ពុជា ដោយសារតែការនាំចេញពីកម្ពុជាទៅកាន់សហរដ្ឋអាមេរិក និងសហភាពអុឺរ៉ុបមិនត្រូវបានគិតពន្ធ។ យោងទៅតាមការត្រួតពិនិត្យរបស់ក្រសួងពាណិជ្ជកម្មនៃប្រទេសកម្ពុជាបានរកឃើញថា យ៉ាងហោចណាស់ក្រុមហ៊ុនផលិតកង់ចំនួនពីរកន្លែង ដែលគ្រប់គ្រងដោយចិនបានបង្កើតឡើងកាលពីពេលថ្មីៗនេះ ដោយកាលពីឆ្នាំមុនរោងចក្រក្នុងតំបន់សេដ្ឋកិច្ចពិសេសរបស់កម្ពុជាបានផលិតកង់ចំនួន ១.៤ លានគ្រឿង ដែលមានតម្លៃ ២៨៧ លានដុល្លារដោយការនាំចេញកង់ ៦៤% សម្រាប់សហភាពអឺរ៉ុប និង ៧.៣% នៃការនាំចេញកង់របស់កាណាដាត្រូវបានកំណត់សម្រាប់សហរដ្ឋអាមេរិក។ គួរបញ្ជាក់ផងដែរថា កង់ភាគច្រើនដែលផលិតដោយក្រុមហ៊ុន

កាលពីពេលថ្មីៗនេះក្រុមហ៊ុន Tesco ដែលជាក្រុមហ៊ុនលក់រាយធំបំផុតរបស់ចក្រភពអង់គ្លេសបានប្រកាសថាខ្លួននឹងអាចពង្រីកអាជីវកម្មនៅក្នុងប្រទេសថៃតាមរយៈការបើកហាងថ្មីចំនួន ៧៥០ កន្លែងបន្ថែម ស្របពេលដែលបច្ចុប្បន្ន Tesco មានដល់ ១,៥៨៣ សាខា នៅក្នុងប្រទេសថៃ។ ជាមួយគ្នានេះដែរ​ ការធ្លាក់ចុះវិនិយោគទុននៅតំបន់អាស៊ីរបស់ក្រុមហ៊ុន Tesco ទំនងជាកំណត់ទិសដៅទីផ្សារចិន និងកូរ៉េខាងត្បូងផងដែរ។ គួរឲ្យដឹងផងដែរថា ក្រុមហ៊ុនបុត្រសម្ព័ន្ធថៃ Tesco Lotus គឺជាផ្សារទំនើបបែបអុឺរ៉ុបដំបូងបង្អស់ ដែលបានបង្កើតឡើងនៅក្នុងប្រទេសថៃកាលពី ១២ ឆ្នាំមុន។ ដោយឡែកមិនមែនជារឿងចម្លែកនោះទេសម្រាប់ជនជាតិអុឺរ៉ុប ចំពោះ Tesco Lotus តែអ្វីដែលប្លែកនោះគឺការលក់ផ្លែទុរេន ផ្លែស្រកានាគ និងផ្លែត្របែក ជំនួសឲ្យផ្លែស្រ្តបឺរី និងផ្លែព្រូននៅ Tescos

ទម្លាប់ និងរបៀបក្នុងការរស់នៅ គឺមានឥទ្ធិពលខ្លាំងណាស់សម្រាប់មនុស្សគ្រប់គ្នា​ ក្នុងការជួយបង្កើនទំហំខួរក្បាល និងដោះស្រាយរាល់ការសម្រេចចិត្តរាប់មិនអស់ ប៉ុន្តែមិនមែនទម្លាប់គ្រប់យ៉ាងគឺ ល្អនោះទេ ហើយការមិនបោះបង់ទម្លាប់ទាំងនោះធ្វើឲ្យអ្នកទទួលបានជោគជ័យដែរ។ ដូច្នេះប្រសិនបើអ្នកកំពុងតស៊ូដើម្បីយកឈ្នះលើទម្លាប់អាក្រក់ពិតប្រាកដ សូមយកការបំផុសគំនិតខ្លះៗពីលោក Bill Gates Elon Musk និង Mark Cuban ។ មហាសេដ្ឋីទាំងបីនាក់នេះបានទទួលជោគជ័យ ប៉ុន្តែពួកគេត្រូវតែបោះបង់ទម្លាប់មិនល្អជាទូទៅលើការងាររបស់ពួកគេដូចជា៖ ១. លោក Bill Gates ៖ មុនពេលដែលលោកក្លាយជាបុគ្គលជោគជ័យ និងជាស្ថាបនិកសហស្ថាបនិកក្រុមហ៊ុន Microsoft លោកមានទម្លាប់មិនល្អមួយ មិនឲ្យតម្លៃទៅលើពេលវេលា និងពន្យារពេលក្នុងការធ្វើរឿងជាច្រើន នៅក្នុងជីវិតរបស់លោក ដោយតែងតែបញ្ចប់កិច្ចការរបស់លោកនៅវេលាចុងក្រោយបង្អស់ ជាហេតុមិនមាននរណាម្នាក់ពេញចិត្ត