ភ្នំពេញ៖ របាយការណ៍ផ្លូវការរបស់គ្រឹះស្ថានអង្គរ ដែលចេញផ្សាយនៅថ្ងៃទី០១ ខែកក្កដា ឆ្នាំ២០១៩នេះ បានបញ្ជាក់ថា នៅឆមាសទី១ ឆ្នាំ២០១៩នេះ រមណីយដ្ឋានអង្គរ រកចំណូលចូលថវិកាជាតិបាន ៥៥,៧២៩,៥៦១ដុល្លារ ធ្លាក់ចុះចំនួន៩.៣៤ភាគរយ បើធៀបនឹងរយៈពេលដូចគ្នាឆ្នាំ២០១៨។ សម្រាប់ភ្ញៀវទេសចរបរទេស ដែលបានទិញសំបុត្រចូលទស្សនាអង្គរវិញ នៅរយៈពេល៦ខែមកនេះ មានចំនួន១,២៤៤,៤៤៣នាក់ ធ្លាក់ចុះ៨.២៩ភាគរយ។ របាយការណ៍ដដែលបាឲ្យដឹងទៀតថា ថវិកាបានពីការលក់សំបុត្រចូលទស្សនាតំបន់អង្គរ នៅរយៈពេល៦ខែនេះ ត្រូវបានឧបត្ថម្ភចូលមូលនិធិគន្ធបុប្ផាកម្ពុជាចំនួន ២,៤៨៨,៨៨៦ដុល្លារ។ ដោយឡែកគិតតែក្នុងខែមិថុនា ឆ្នាំ២០១៩ មានភ្ញៀវទេសចរចំនួន១២៦,៦០២នាក់ បានទិញសំបុត្រទស្សនាអង្គរ ទទួលបានចំណូល ៥,៤១៦,៧១៤ដុល្លារនិងបានឧបត្ថម្ភមូលនិធិគន្ធបុប្ផាជាង២៥ម៉ឺនដុល្លារអាម៉េរិក៕ អត្ថបទ៖ សុផល

ផ្សារទំនើបថ្មីមួយទៀតហើយ ដែលបានបើកដំណើរការជាផ្លូវការ មានឈ្មោះ MidTOWN MALL ដែលស្ថិតនៅលើផ្លូវ ២០០៤ សង្កាត់ទឹកថ្លា ខណ្ឌសែនសុខ។ ផ្សារទំនើបដែលបានសាងសង់នៅលើផ្ទៃដីសរុប ៨,៨៨១ ម៉ែត្រការ៉េ ក្រោមការវិនិយោគដោយក្រុមហ៊ុន Kao Cheng International Enterprise Co., Ltd ដែលជាក្រុមហ៊ុនល្បីឈ្មោះមួយនៅប្រទេសតៃវ៉ាន់ និងមានបទពិសោធន៍ ២៥ឆ្នាំ លើ​ផ្នែក​អភិវឌ្ឍន៍​, ការកសាង​, ការជួសជុល និង​ការបម្រើ​សេវាកម្ម​អតិថិជន​។ ផ្សារទំនើបដែលទើបនឹងបើកដំណើរការនេះដែរ បានផ្តល់សិទ្ធិទៅអោយក្រុមហ៊ុន CBRE Cambodia ធ្វើជាភ្នាក់ងារជួលផ្តាច់មុខ និងជាអ្នកគ្រប់គ្រងផ្សារ ដែលមានតូបសរុបចំនួន ៣២

កំណើនសេដ្ឋកិច្ចនៅកម្ពុជា កាន់តែមានសន្ទុះខ្លាំងឡើងៗ ស្របពេលដែលវិស័យអចលទ្រព្យកំពុងរីកដូចផ្សិត មិនថានៅទីក្រុងភ្នំពេញ រឺតាមបណ្តាខេត្តនានានោះទេ។ អាគារធំៗខ្ពស់ៗជាច្រើនកំពុងបង្អួតរាងនៅតាមតំបន់សេដ្ឋកិច្ចនានា ហើយក្នុងនោះដែរតម្រូវការស៊ីម៉ងត៍ ដែលជាផ្នែកមួយដ៏សំខាន់សម្រាប់ការងារសាងសង់អាគារពាណិជ្ជកម្ម ខុនដូ និងលំនៅដ្ឋានផ្សេងៗក៏កាន់តែខ្ពស់ឡើងៗគួរអោយកត់សំគាល់។ ទោះបីជាតម្រូវការបញ្ជាទិញស៊ីម៉ង់ត៍ កាន់តែមានច្រើនឡើងៗក្តី ប៉ុន្តែកម្ពុជាយើងបានកាត់បន្ថយការនាំចូលស៊ីម៉ង់ត៍ពីបរទេសបានប្រមាណ ១.៧លានតោនក្នុងមួយឆ្នាំ ដោយសារតែកម្ពុជា មានរោងចក្រផលិតស៊ីម៉ង់ត៍ដោយខ្លួនឯងបាន។ ក្នុងបទសម្ភាសន៍ជាមួយអ្នកសារព័ត៌មាន លោកឧកញ៉ា លាង ម៉េង ប្រធានក្រុមប្រឹក្សាភិបាលនៃក្រុមហ៊ុនជីប ម៉ុង អ៊ិនស៊ី ស៊ីមេន បានមានប្រសាសន៍ឱ្យដឹងថា៖ “ក្រោយការបង្កើតរោងចក្រនៅទូកមាស ខេត្តកំពត កម្ពុជាអាចកាត់បន្ថយការនាំចូលស៊ីម៉ង់ត៍ពីក្រៅប្រទេសប្រមាណ១.៧ លានតោនក្នុងមួយឆ្នាំហើយផលិតផលស៊ីម៉ង់ត៍អូដ្ឋកំពុងគ្រប់គ្រងចំណែកទីផ្សារ៣០ភាគរយ។” លោកឧកញ៉ា លាង ម៉េង គួរបញ្ជាក់ផងដែរថា រោងចក្រផលិតស៊ីម៉ងត៍

ភ្នំពេញៈ រដ្ឋសភាបានអនុម័តយល់ព្រម អនុញ្ញាតឱ្យក្រុមហ៊ុនអេសភីអេចភី (ខេមបូឌា)ឯ.ក ធ្វើការវិនិយោគគម្រោងវារីអគ្គិសនី ពោធិ៍សាត់១ លើកម្លាំងទំហំ៨០មេហ្គាវ៉ាត់ ដែលនឹងដាក់ឱ្យដំណើរការនៅឆ្នាំ២០២៣។ គម្រោងវិនិយោគនេះ មានទំហំទឹកប្រាក់ប្រមាណជាង២៣០លានដុល្លារអាមេរិក។ សេចក្តីព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រឱ្យក្រុមហ៊ុន អេសភីអេចភី(ខេមបូឌា) ឯ.ក បានត្រូវអង្គសភាអនុម័តកាលពីព្រឹកថ្ងៃទី០១ ខែមិថុនា ឆ្នាំ២០១៩ ដោយសម្លេងគាំទ្រ១១២សម្លេង។ ឯកឧត្ដម ជាម យៀប ប្រធានគណៈកម្មការសេដ្ឋកិច្ចហិរញ្ញវត្ថុ និងសាវនកម្មនៃររដ្ឋ សភាបានលើកឡើងថា សេចក្តីព្រាងច្បាប់នេះធ្វើឡើង ស្របពេលដែលប្រទេសជាតិមានសុខ សន្តិភាព និងស្ថិរភាពនយោបាយ ធ្វើឱ្យជាតិមានការអភិវឌ្ឍលើគ្រប់វិស័យ និងបានលើកកម្រិតជីវភាពប្រជាពលរដ្ឋឱ្យកាន់តែប្រសើរឡើងជាលំដាប់។ ឯកឧត្ដមបានបន្ដថា សេចក្តីព្រាងច្បាប់នេះក៏បង្ហាញពីការយកចិត្តទុកដាក់របស់រាជរដ្ឋាភិបាលក្នុងការជំរុញការអភិវឌ្ឍវិស័យថាមពល ទាំងប្រភពថាមពល និងបណ្តាញបញ្ជូនអគ្គិសនី ដើម្បីធានាការផ្គត់ផ្គង់អគ្គិសនីឱ្យបានគ្រប់គ្រាន់

ភ្នំពេញ៖ ឱកាសពិសេសផ្តល់ជូនពី ជីប ម៉ុង លែន ជាមួយការបញ្ចុះតម្លៃរហូតដល់ 7% ទៅលើគ្រប់គម្រោងលំនៅឋានរបស់ខ្លួនជូនទៅកាន់អតិថិជនចាប់ពីថ្ងៃទី 01 ខែ កក្កដា ឆ្នាំ 2019 តទៅ។ ក្រុមហ៊ុន ជីប ម៉ុង លែន ដែលជាក្រុមហ៊ុនអភិវឌ្ឍន៏អចលនទ្រព្យដ៏ធំ និង ល្បីល្បាញមួយនៅក្នុងប្រទេសកម្ពុជា ដែលមានគម្រោងអភិវឌ្ឍន៏លំនៅឋានប្រណិតធំៗចំនួន 8 គឺ លែនម៉ាក 271, លែនម៉ាក 60M, ផាក លែន 598, ផាក លែន ធីខេ,

ភ្នំពេញ៖ ដោយមើលឃើញពីសក្តានុពលវិស័យកែសម្ផស្សនៅកម្ពុជា អ្នកវិនិយោគទុនសាធារណរដ្ឋកូរ៉េ ចង់បង្កើតមជ្ឈមណ្ឌលបណ្តុះបណ្តាលជំនាញកែសម្ផស្សស្របតាមស្តង់ដារប្រទេសកូរ៉េនៅរាជធានីភ្នំពេញ។ ក្នុងជំនួបពិភាក្សាការងារជាមួយលោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈនាព្រឹកថ្ងៃទី០១ ខែកក្កដា ឆ្នាំ២០១៩ លោក Lee Sung Yeob តំណាងសមាគមអន្តរជាតិអប់រំក្នុងវិស័យសម្ផស្សរបស់ប្រទេសកូរ៉េខាងត្បូងបានមានប្រសាសន៍ថា៖ វិនិយោគិនសាធារណរដ្ឋកូរ៉េចង់វិនិយោគលើការបង្កើតមជ្ឈមណ្ឌលស្ដង់ដារជាតិផ្នែកវិទ្យាសាស្ត្រសម្ផស្សនៅកម្ពុជា ដើម្បីផ្ដល់ការអប់រំបណ្ដុះបណ្ដាលជំនាញកែសម្ផស្សដល់យុវជនប្រកបដោយគុណភាពប្រសិទ្ធភាព ពិសេសគឺសុវត្ថិភាពដល់អតិថិជននៅកម្ពុជា និងក្នុងតំបន់ផងដែរ។ លោកបានលើកឡើងថា គម្រោងចង់មកវិនិយោគនៅកម្ពុជានេះ ដោយមើលឃើញពីសក្ដានុពលលើវិស័យសម្ផស្សនៅកម្ពុជា កំពុងមានភាពផុសផុល ដែលអាចបង្កើតនូវកិច្ចសហប្រតិបត្តិការជាលក្ខណៈអន្តរជាតិលើវិស័យនេះ។ លោក អ៊ិត សំហេង បានបង្ហាញការស្វាគមន៍ និងគាំទ្រគម្រោង នៃការបង្កើតមជ្ឈមណ្ឌលនេះ តាមរយៈធានាផ្ដល់អាជ្ញាបណ្ណមួយជូនមជ្ឈមណ្ឌលដើម្បីប្រតិបត្តិការការងារដោយស្របច្បាប់នៅកម្ពុជា។ លោកបានបន្ថែមថា ការបើកដំណើរការមជ្ឈមណ្ឌលស្ដង់ដារជាតិផ្នែកវិទ្យាសាស្ត្រសម្ផស្សនៅកម្ពុជានឹងឆ្លើយតបនឹងតម្រូវការទីផ្សារសេវាកម្មកែសម្ផស្សនាពេលបច្ចុប្បន្ន

ថៃ៖ ថ្មីៗនេះផ្ទុះការភ្ញាក់ផ្អើលពេញបណ្តាញសង្គមថៃ ដោយបុរសម្នាក់បានកែច្នៃធុងសាំង និងធុងប្រេង ឲ្យក្លាយជាគ្រឿងសង្ហារឹមយ៉ាងស្រស់ស្អាត។ បុរសម្នាក់ដែលមានឈ្មោះថា ភូមិផាត់ កែវតា ដែលមានឈ្មោះហៅក្រៅថា បមបេម អាយុ ៣៦ ឆ្នាំ ជាអ្នកផ្តួចផ្តើមគំនិត ដោយគំនិតនេះបានកើតចេញក្រោយពេលដែលមិត្តភក្តិរបស់លោកមកលេងផ្ទះ តែលោកពុំមានកៅអីអង្គុយគ្រប់គ្រាន់សម្រាប់ទទួលភ្ញៀវនោះឡើយ។ លោក ភូមិផាត់ បានប្រាប់ឲ្យដឹងថា «កាលពីឆ្នាំ២០១៨ ដែលជាឆ្នាំដំបូងលោកចាប់ផ្តើមធ្វើកៅអីសាឡុងចេញពីធុងសាំងនេះ គឺលោកធ្វើឡើងដោយពុំមានបំណងលក់រកប្រាក់ចំណូលអ្វីនោះឡើយ។ លោកគ្រាន់ច្នៃវាដើម្បីទុកសម្រាប់ទទួលភ្ញៀវសាច់ញាតិបងប្អូនដែលចូលមកកម្សាន្តលេងនៅផ្ទះលោកប៉ុណ្ណោះ។ តែមិត្តភក្តិរបស់លោកចេះតែទទូចសុំទិញ ព្រោះថាវាស្អាតខ្លាំង ហើយពួកគាត់បានជំរុញឲ្យលោកធ្វើអាជីវកម្មគ្រឿងសង្ហារឹមដែលច្នៃពីធុងសាំងនេះ។ ដំបូងលោកគិតថាអាចគ្មានអ្នកចាប់អារម្មណ៍នោះទេ ប៉ុន្តែពេលដែលមិត្តភក្តិលោកបង្ហោះរូបនៅក្នុងបណ្តាញសង្គម និងប្រាប់ទីតាំងរបស់លោក ក៏មានមនុស្សជាច្រើនមកទាក់ទងទិញវាពីលោក»។ លោកបានបញ្ជាក់បន្ថែមថា «មុខរបរមួយនេះបានរកប្រាក់ចំណូលឲ្យលោកជាច្រើន ដោយមួយខែអាចបានចន្លោះពី ៨

យោងតាមសារព័ត៌មាន Bangkok Post របស់ប្រទេសថៃបានឲ្យដឹងថា កាលពីពេលថ្មីៗនេះ ក្រុមហ៊ុនចិនមួយនឹងធ្វើការវិនិយោគដើម្បីអភិវឌ្ឍន៍ទីក្រុងថ្មីមួយនៅក្នុងតំបន់ ថ្មាដា ដែលជាភូមិព្រំដែនមួយក្នុងស្រុកវាលវែង ខេត្តពោធិសាត់ ហើយជាគម្រោងមួយដែលត្រូវបានគេរំពឹងថា នឹងផ្លាស់ប្ដូរសក្ដានុពលនៃពាណិជ្ជកម្ម និង ទេសចរណ៍តាមបណ្ដោយព្រំដែនកម្ពុជា – ថៃផងដែរ។ បន្ថែមពីនេះទៅទៀតរដ្ឋាភិបាលថៃ និងកម្ពុជា នឹងមានគម្រោងសាងសង់ច្រកព្រំដែនថ្មីមួយនៅទីនោះ ដោយសារតែតំបន់ ថ្មាដា ស្ថិតនៅជាប់នឹង តំបន់លោកប៉ាថាន់ ក្នុងស្រុកមោង ខេត្តត្រាត ប្រទេសថៃ នេះបើតាមការបញ្ជាក់ពីលោក Wiman Singphan ជាអនុប្រធាននៃសមាគមពាណិជ្ជកម្មព្រំដែនថៃ – កម្ពុជា នៅខេត្តត្រាត។ ប្រភពដដែលបានឲ្យដឹងថា គំរោងនេះត្រូវបានផ្ដួចផ្ដើមឡើងតាំងពី

មហាសេដ្ឋីជំនួញចិន និងស្ថាបនិកក្រុមហ៊ុន Alibaba លោក Jack Ma បានចែករំលែកប្រវត្តិសាស្រ្តយូរអង្វែងនៃការបរាជ័យផ្ទាល់ខ្លួនរបស់គាត់ ហើយជម្រុញឲ្យមនុស្សរៀនពីកំហុសរបស់ពួកគេ និងមិនបោះបង់ដើម្បីធ្វើការផ្លាស់ប្ដូរខ្លួនឯងឈានទៅរកភាពជោគជ័យ។ យោងទៅតាមបទពិសោធន៍របស់លោកកន្លងមក ទម្រាំមានថ្ងៃនេះ លោកត្រូវបានគេបដិសេធ និងជួបរឿងបរាជ័យជាច្រើននៅក្នុងជីវិតមិនថាការសិក្សា ការងារ និងការកស៊ី ប៉ុន្តែលោកនៅតែមិនបោះបង់ និងរៀនសូត្រពីការបរាជ័យទាំងនោះ។ លោក Jack Ma ធ្លាប់បរាជ័យក្នុងការធ្វើតេស្តបឋមសិក្សាពីរដង និងបីដងសម្រាប់មធ្យមសិក្សា ធ្លាប់ត្រូវបានគេបដិសេធការងារចំនួន ៣០ដង និងត្រូវបានគេបដិសេធចំពោះដាក់ពាក្យសុំទៅសាកលវិទ្យាល័យ Harvard ដប់ដងផងដែរ។ ដូច្នេះអ្វីដែលលោកបានជួបប្រទះ លោកតែងតែប្រើប្រាស់វា​ ដើម្បីផ្លាស់ប្ដូរខ្លួនឯង មិនបោះបង់ត្រូវប្រយុទ្ធ និងតស៊ូដូច Forrest Gump

រាជធានីភ្នំពេញ ថ្ងៃទី២៩, មិថុនា, ២០១៩៖ ក្រុមហ៊ុនជីប ម៉ុង អ៊ីនស៊ីស៊ីមេន ខបភើរេសិន (CMIC) ដែលជាក្រុមហ៊ុនវិនិយោគរោងចក្រផលិតស៊ីម៉ង់ត៍ដ៏ធំ និង បំពាក់ដោយបច្ចេកវិទ្យាឈានមុខគេនៅប្រទេសកម្ពុជា មានសេចក្តីសោមនស្សរីករាយ និង មោទនភាព បញ្ចេញនូវផលិតផលស៊ីម៉ង់ត៍ម៉ាកថ្មី «អូដ្ឋរឹងមាំ» ក្រោមពាក្យស្លោក «សាងសង់កាន់តែរឹងមាំ សាងសង់ដោយមោទនភាព» និង សម្ពោធដាក់ឲ្យដំណើរការចែកចាយនៅលើទីផ្សារជាផ្លូវការចាប់ពីខែកក្កដាតទៅ។ ក្រោយសម្ពោធដំណើរការរោងចក្រផលិតស៊ីម៉ង់ត៍ជាង១ឆ្នាំ ក្រុមហ៊ុនជីប ម៉ុង អ៊ិនស៊ី បាននិងកំពុងអភិវឌ្ឍយ៉ាងឆាប់រហ័សលើការពង្រឹងគុណភាពនិងបង្កើតផលិតផលថ្មីប្រកបដោយការច្នៃប្រឌិត និងមានការទទួលស្គាល់ពីថ្នាក់តំបន់ ចំពោះសមត្ថភាពដំណើរការរោងចក្រដ៏ទំនើបនិងធំជាងគេនៅក្នុងតំបន់។ លោក Nicolas GEORGE នាយកប្រតិបត្តិក្រុមហ៊ុនជីបម៉ុង អ៊ិស៊ី