រដ្ឋាភិបាលឡាវបានប្រកាសថា ខ្លួននឹងគ្រប់គ្រង រួមទាំងដោះស្រាយបំណុលសាធារណៈតាមវិធីផ្សេងៗ ខណៈដែលខ្លួនព្យាយាមបន្ធូរបន្ថយភាពតានតឹងផ្នែកហិរញ្ញវត្ថុរបស់ប្រទេស។ កាសែតភាសាអង់គ្លេស Vientiane Times បានរាយការណ៍ថា លោកនាយករដ្ឋមន្រ្តី Thongloun Sisoulith បានប្រាប់រដ្ឋសភានៅសប្តាហ៍មុនថា រដ្ឋាភិបាលនឹងមិនទទួលយកប្រាក់កម្ចីពីបរទេសទៀតនោះទេ ដើម្បីជាមធ្យោបាយមួយក្នុងការដោះស្រាយឱនភាពសារពើពន្ធ។ ឧបនាយករដ្ឋមន្រ្តី និងជារដ្ឋមន្រ្តីក្រសួងហិរញ្ញវត្ថុលោក Somdy Duangdy បានប្រាប់សភាថា រដ្ឋាភិបាលនឹងគ្រប់គ្រងបំណុលសាធារណៈស្របតាមច្បាប់ ខណៈពេលដែលកំពុងព្យាយាមកាត់បន្ថយឱនភាពសារពើពន្ធ។ រដ្ឋាភិបាលក៏នឹងពិនិត្យមើលមធ្យោបាយផ្សេងទៀតដើម្បីកាត់បន្ថយបន្ទុកបំណុលដូចជា ប្តូរបំណុលទៅជាដើមទុន លក់ទ្រព្យសម្បត្តិរដ្ឋ និងលក់ភាគហ៊ុននៅក្នុងសហគ្រាសរដ្ឋ ដោយសង្ឃឹមថាអាចដោះស្រាយបានគ្រប់គ្រាន់នូវបំណុល និងកាតព្វកិច្ចរបស់ប្រទេសនៅចុងឆ្នាំនេះ។ លោកបានបន្តថា សកម្មភាពទាំងនេះមានគោលបំណងលើកស្ទួយកេរ្តិ៍ឈ្មោះរបស់ប្រទេស និងកសាងទំនុកចិត្តក្នុងចំណោមវិនិយោគិនបរទេស និងម្ចាស់ជំនួយ។ ទាក់ទងនឹងបំណុលដែលរដ្ឋាភិបាលជំពាក់ក្រុមហ៊ុនឯកជន ដែលបានអនុវត្ត និងផ្តល់ហិរញ្ញប្បទានដល់គម្រោងអភិវឌ្ឍន៍ហេដ្ឋារចនាសម្ព័ន្ធរបស់រដ្ឋ

យោងតាមប្រធានាធិបតីអាមេរិក Donald Trump នៅក្នុងសេចក្តីប្រកាសមួយកាលពីចុងខែតុលា បានឱ្យដឹងថា ឯកសិទ្ធិពន្ធរបស់ថៃសម្រាប់ ៨១៧ លានដុល្លារក្នុងការនាំចេញជាមួយសហរដ្ឋអាមេរិកនឹងត្រូវដកហូតវិញនៅចុងឆ្នាំនេះ។ លោកប្រធានាធិបតីបានស្តីបន្ទោសលើកង្វះការរីកចម្រើនក្នុងការបើកទីផ្សារថៃទៅកាន់ផលិតផលសាច់ជ្រូករបស់សហរដ្ឋអាមេរិក។ លិខិតរបស់លោក Trump បានប្រកាសធ្វើឡើងបន្ទាប់ពីមានការគំរាមកំហែង និងចរចាជាង ២ ឆ្នាំជាមួយមន្រ្តីថៃ ជុំវិញបញ្ហារាប់ចាប់ពីការចូលទៅកាន់ទីផ្សាររបស់ថៃសម្រាប់ទំនិញអាមេរិក និងឯកសារដែលបានចងក្រងជាឯកសារសិទ្ធិការងារមិនគ្រប់គ្រាន់នៅក្នុងប្រទេសអាស៊ីអាគ្នេយ៍មួយនេះ។ ហើយជាលទ្ធផលបច្ចុប្បន្ននេះទីក្រុងវ៉ាស៊ីនតោន នឹងលុបចោលអត្ថប្រយោជន៍ពន្ធមួយចំនួនសម្រាប់ប្រទេសថៃ ដោយចោទប្រកាន់ប្រទេសនេះថា មិនបានអនុញ្ញាតឱ្យនាំចូលសាច់ជ្រូកពីអ្នកផលិតអាមេរិក។ ការផ្អាកការប្រើប្រាស់ប្រព័ន្ធអនុគ្រោះពន្ធទូទៅបានធ្វើឡើងបន្ទាប់ពីមានការផ្អាកកាលពីដើមឆ្នាំនេះលើការនាំចូលមានតម្លៃប្រមាណ ១.៣ ពាន់លានដុល្លារពីប្រទេសថៃ ដែលធ្លាប់មានឯកសិទ្ធិបែបនេះសម្រាប់ការនាំចេញទៅសហរដ្ឋអាមេរិកក្នុងតម្លៃប្រហែល ៤.៤ ពាន់លានដុល្លារ។ សរសេរទៅកាន់ប្រធានសភាលោក Nancy Pelosi ប្រធានាធិបតី Trump បានមានប្រសាសន៍ថា៖ «

នាយកដ្ឋានពាណិជ្ជកម្មបរទេសបាននិយាយថា អ្នកនាំចេញអង្ករថៃនឹងទទួលបានអត្ថប្រយោជន៍ពីការសម្រេចចិត្តរបស់រដ្ឋាភិបាលប្រេស៊ីលចាប់តាំងពីខែកញ្ញា ដើម្បីកាត់បន្ថយពន្ធនាំចូលលើស្រូវ និងអង្ករដល់សូន្យ។ នេះបើយោងតាមការចុះផ្សាយរបស់សារព័ត៌មាន The Natio Thailand កាលពីពេលថ្មីៗនេះ។ លោក Kirati Ratchano អគ្គនាយកនៃអគ្គនាយកដ្ឋាននេះបានពន្យល់ថា ក្រុមប្រឹក្សាសភាពាណិជ្ជកម្មបរទេសបានប្រកាសចាប់តាំងពីចុងខែកញ្ញាថា ពន្ធសូន្យនឹងត្រូវអនុវត្តលើស្រូវ និងអង្ករចាប់ពីថ្ងៃទី ១១ ខែកញ្ញាដល់ថ្ងៃទី ៣១ ខែធ្នូ។ លោកបានបន្ថែមថា វិធានការណ៍នេះគឺដើម្បីធានាស្ថិរភាពស្បៀងអាហារនៅក្នុងប្រទេសប្រេស៊ីលចំពេលមានវិបត្តិ Covid-19 ។ ជាលទ្ធផលជាក់ស្ដែងនៅក្នុងខែកញ្ញា និងខែតុលា ការនាំចេញអង្កររបស់ថៃទៅកាន់ប្រទេសប្រេស៊ីលមានចំនួនសរុប ២៨,១៦៣ តោន ពោលគឺច្រើនជាង ៤៣៣ តោនដែលបាននាំចេញក្នុងឆ្នាំ២០១៩ ដែលមានតម្លៃ ១២,៥៥

យោងតាមសេចក្ដីប្រកាសព័ត៌មានរបស់គ្រឹះស្ថានអង្គរ ​ជាស្ថាប័នគ្រប់គ្រងដោយរដ្ឋ​ទទួលបន្ទុកគ្រប់គ្រងចំណូលអង្គរដែលបានចេញផ្សាយកាលពីថ្ងៃទី០១ ខែវិច្ឆិកា បានបង្ហាញថា ក្នុងរយៈពេល ១០ខែ នៃឆ្នាំ២០២០នេះ រមណីយដ្ឋានអង្គរ​រកចំណូលបានត្រឹមតែ ១៨,៥៤៩,៩០៥ ដុល្លារអាមេរិកពីការលក់សំបុត្រ ធ្លាក់ចុះ ៧៧% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។ ប្រភពដដែលបានបន្តឲ្យដឹងថា សំបុត្រនោះត្រូវបានលក់ទៅឱ្យភ្ញៀវទេសចរបរទេសចំនួន ៣៩៨,៤៨៥ នាក់ ដែលបង្ហាញពីការធ្លាក់ចុះ ៧៧.៩១% ធៀបនឹងរយៈពេលពីមួយឆ្នាំទៅមួយឆ្នាំ។ ដោយឡែកក្នុងខែតុលាតែមួយ មានភ្ញៀវទេសចរបរទេសតែ ២,២៤៤ នាក់ប៉ុណ្ណោះ បានមកទស្សនារមណីដ្ឋានអង្គរ ធ្លាក់ចុះ ៩៨.៤១% ដោយរកចំណូលបាន ៩៣,៥៩៨ ដុល្លារ ធ្លាក់ចុះ ៩៨.៥៣%។ គួរបញ្ជាក់ផងដែរថា វិស័យទេសចរណ៍របស់ប្រទេសកម្ពុជា

វីរុស Covid-19 ក្នុងពេលបច្ចុប្បន្នហាក់ដូចជាកើនឡើងយ៉ាងឆាប់រហ័ស ពោលគឺគិតមកទល់ពេលនេះចំនួនអ្នកឆ្លងលើពិភពលោកកើនដល់ជាង ៤៦.៧លានករណី ហើយគិតត្រឹម ២៤ម៉ោង មានករណីថ្មីជាង៤០ ម៉ឺននាក់។ ជាមួយការឆ្លងរាលដាលដ៏ឆាប់រហ័សនេះ បណ្ដាប្រទេស អង្គការ និងក្រុមហ៊ុនផលិតឱសថធំៗនានាលើពិភពលោក ក៏កំពុងដុតដៃដុតជើងក្នុងការផលិតវ៉ាក់សាំងផងដែរ ដោយកាលពីពាក់កណ្ដាលនៃឆ្នាំនេះប្រទេសរុស្ស៊ីបានទទួលជោគជ័យលើវ៉ាក់សាំង Covid-19 ដំបូងគេបង្អស់។ ទោះបីជាយ៉ាងនេះ​ក្ដី លោក Bill Gates ស្ថាបនិកក្រុមហ៊ុន Microsoft បានប្រាប់ទៅកាន់ប្រធាននិពន្ធនាយក Yahoo! Finance ថា៖ « វ៉ាក់សាំងការពារវីរុស Covid-19 ដំបូង ប្រហែលមិនល្អឥតខ្ចោះនោះទេ ខណៈនៅមានផ្លូវវែងឆ្ងាយទៀតទម្រាំពិភពលោកត្រលប់ទៅរកសភាពដូចដើមវិញ »។

វៀតណាមនឹងនាំចេញ ស្លាប ភ្លៅ និងទ្រូងមាន់ ទៅកាន់ទីផ្សារក្នុងប្រទេសសិង្ហបុរី និងហុងកុងនាពេលខាងមុខនេះ តាមរយៈក្រុមហ៊ុន Koyu & Unitek Co., Ltd ដែលមានមូលដ្ឋាននៅក្នុងឧទ្យាន​ឧស្សាហកម្ម Long Binh ក្នុងខេត្ត Dong Nai។ យោងតាមអគ្គនាយកក្រុមហ៊ុនលោក Jame Hieu បានឲ្យដឹងថា ផលិតផលរបស់ក្រុមហ៊ុនបានអនុវត្តតាមស្តង់ដារយ៉ាងតឹងរឹងរួមមាន សុវត្ថិភាពចំណីអាហារ បសុបក្សីដែលគ្មានជំងឺ និងសាច់មាន់ដែលគ្មានផ្ទុកវ៉ាក់សាំងការពារផ្ដាសាយបក្សី ក៏ដូចជានីតិវិធច្បាប់នៅក្នុងទីផ្សារទាំងពីរ​។ ប្រភពដដែលបានឲ្យដឹងថា ផលិតផលសាច់មាន់រាប់រយតោន នឹងត្រូវបានលក់នៅក្នុងទីផ្សារទាំងពីរក្នុងតម្លៃខ្ពស់ជាងផលិតផលក្នុងស្រុកប្រហែល ៣០% ។ ក្រៅពីនេះក្រុមហ៊ុននឹងស្វែងរកអតិថិជនថ្មី ហើយនឹងពង្រីកការដឹកជញ្ជូនទៅកាន់ប្រទេសអាស៊ី

ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូនបានលើកឡើងថា៖ « ហេដ្ឋារចនាសម្ព័ន្ធផ្លូវថ្នល់ទាំង ៣៨ខ្សែ ក្នុងខេត្តសៀមរាប នឹងត្រូវសាងសង់ឡើងដោយអង្គភាពចំនួនប្រាំមួយ ផ្ដោតជាសំខាន់លើគុណភាព ប្រសិទ្ធភាព និងបញ្ចប់គម្រោងបានទាន់ពេលវេលាតាមការគ្រោងទុក។ ប្រសិនបើអង្គភាពសាងសង់ណាមួយត្រូវបានរកឃើញថា ហេដ្ឋារចនាសម្ព័ន្ធសំណង់របស់ខ្លួន មិនបានអនុវត្តត្រឹមត្រូវតាមបទដ្ឋានបច្ចេកទេស ឬសៀវភៅបន្ទុក អង្គភាពនោះនឹងមិនទទួលបានការទូទាត់ប្រាក់ជាដាច់ខាត »។ ឯកឧត្ដមទេសរដ្ឋមន្ត្រីបានលើកឡើងដូច្នេះនៅក្នុងកិច្ចប្រជុំពិភាក្សាលើការងារស្ថាបនាហេដ្ឋារចនាសម្ព័ន្ធផ្លូវថ្នល់នៅក្រុងសៀមរាប ខេត្តសៀមរាប ដោយមានការចូលរួមពីសំណាក់មន្ត្រីជាន់ខ្ពស់ មន្ត្រីបច្ចេកទេសក្រោមឱវាទក្រសួង និងភាគីពាក់ព័ន្ធផងដែរ។ កិច្ចប្រជុំនេះបានធ្វើឡើងនៅថ្ងៃទីទី២៨ ខែតុលា ឆ្នាំ២០២០ ដើម្បីពិភាក្សាឱ្យបានយល់កាន់តែច្បាស់អំពីតម្រូវការ គោលជំហរ និងគោលការណ៍ នៃការស្ថាបនាហេដ្ឋារចនាសម្ព័ន្ធផ្លូវថ្នល់ឱ្យមានគុណភាពរឹងមាំ ក៏ដូចជានីតិវិធីនៃការផ្គត់ផ្គង់ ការទូទាត់ថ្លៃ

ប្រទេសសិង្ហបុរីអនុញ្ញាតឲ្យអ្នកដំណើរទាំងអស់មកពីប្រទេសចិនដីគោក និងរដ្ឋវិចតូរីយ៉ារបស់អូស្រ្តាលីចូលទៅក្នុងប្រទេសសិង្ហបុរី ដោយមិនចាំបាច់ធ្វើចត្តាឡីស័កចាប់ពីថ្ងៃទី០៦ ខែវិច្ឆិកាតទៅ ប្រសិនបើពួកគេឆ្លងកាត់ការធ្វើតេស្តវីរុស Covid-19 នៅពេលមកដល់។ ជាមួយគ្នានេះដែរចំពោះពលរដ្ឋសិង្ហបុរី អ្នកស្នាក់នៅអចិន្រ្តៃយ៍ និងអ្នកកាន់លិខិតឆ្លងដែនរយៈពេលវែងដែលត្រឡប់មកពីតំបន់ទាំងពីរនេះ ក៏អនុវត្តដូចគ្នាដែរ។ អាជ្ញាធរអាកាសចរណ៍ស៊ីវិលសិង្ហបុរី (CAAS) បាននិយាយនៅថ្ងៃទី ២៩ ខែតុលាថា ចិនដីគោក និងរដ្ឋវិចតូរីយ៉ា ត្រូវបានបញ្ចូលក្នុងបញ្ជីនេះ ដោយសារពួកគេមានប្រព័ន្ធឃ្លាំមើលសុខភាពសាធារណៈគ្រប់ជ្រុងជ្រោយ និងបានគ្រប់គ្រងការរីករាលដាលនៃវីរុស Covid-19 បានល្អ។ អ្នកទេសចរមកពីតំបន់ទាំងពីរនឹងអាចដាក់ពាក្យសុំលិខិតឆ្លងដែនផ្លូវអាកាស ដើម្បីចូលប្រទេសសិង្ហបុរីចាប់ពីថ្ងៃទី៣០ ខែតុលារហូតដល់ថ្ងៃចូលថ្ងៃទី ៦ ខែវិច្ឆិកា។ ប៉ុន្តែទោះជយ៉ាងនេះក្ដី បេក្ខជនត្រូវស្នាក់នៅប្រទេសចិន ឬ អូស្ត្រាលីក្នុងរយៈពេល ១៤ ថ្ងៃជាប់គ្នាមុនពេលចូលប្រទេសសិង្ហបុរី។

សហភាពអឺរ៉ុប (EU) កំពុងផ្តល់ប្រាក់ចំនួន ៤០០,០០០ អឺរ៉ូ (៤៧០,០០០ ដុល្លារអាមេរិក) ដើម្បីផ្តល់ជំនួយមនុស្សធម៌ដ៏សំខាន់ដល់ក្រុមគ្រួសាររងគ្រោះដោយទឹកជំនន់ធ្ងន់ធ្ងរដែលបានបង្កការបំផ្លិចបំផ្លាញនៅទូទាំងប្រទេសកម្ពុជា ចាប់តាំងពីដើមខែតុលាកន្លងមកនេះ។ យោងតាមគណៈកម្មការអឺរ៉ុប ជំនួយនឹងផ្ដោតលើការដោះសា្រយតម្រូវការ បន្ទាន់របស់ប្រជាជនដែលរងផលប៉ះពាល់ខ្លាំងបំផុតនៅក្នុងខេត្តដែលរងគ្រោះខ្លាំងបំផុតនៅភាគពាយព្យនៃប្រទេស។ យោងតាមគណៈកម្មការអឺរ៉ុប ជំនួយនឹងផ្តោតលើការដោះស្រាយតម្រូវការបន្ទាន់របស់ប្រជាជនដែលរងផលប៉ះពាល់ខ្លាំងបំផុតនៅក្នុងខេត្តដែលរងគ្រោះខ្លាំងបំផុតនៅភាគពាយព្យនៃប្រទេស។ លោក Olivier Brouant ដែលឃ្លាំមើលការឆ្លើយតបផ្នែកមនុស្សធម៌របស់សហគមន៍អ៊ឺរ៉ុបនៅតំបន់មេគង្គត្រូវបានមានប្រសាសន៍ថា៖ « ការចូលរួមវិភាគទាននេះបង្ហាញពីសាមគ្គីភាពរបស់យើងជាមួយប្រជាជនកម្ពុជា ដែលពួកគេភាគច្រើនបានបាត់បង់ផ្ទះសម្បែង ជីវភាព និងទ្រព្យសម្បត្តិនៅពេលមានទឹកជំនន់បំផ្លិចបំផ្លាញ »។ ថវិកាដែលជាផ្នែកមួយនៃឧបករណ៍ឆ្លើយតបបន្ទាន់របស់សហភាពអឺរ៉ុប (EU) នឹងគាំទ្រដល់អង្គការ Save the Children និងអង្គការទស្សនៈពិភពលោកក្នុងការផ្តល់ជំនួយដែលត្រូវការចាំបាច់ដល់អ្នកដែលត្រូវការបំផុត។ នេះរួមបញ្ចូលទាំងការចែកចាយទឹកស្អាត ឧបករណ៍អនាម័យ និងសម្ភារៈជំនួយចាំបាច់ផ្សេងៗទៀត

​លោក ង៉ូ​វ សេង​កាក់ ប្រធាន​មន្ទីរ​ទេសចរណ៍​ខេត្តសៀមរាប បានឱ្យដឹងថា សម្រាប់​ថ្ងៃ​សម្រាក​ក្នុង​ព្រះរាជ​ពិធីបុណ្យ​អុំទូក បណ្តែតប្រទីប និង​សំពះ​ព្រះ​ខែ អកអំបុក​ឆ្នាំ​២០២០​នេះ ខេត្តសៀមរាប​ទទួលភ្ញៀវ​ទេសចរ ដែល​មកពី​រាជធានី ខេត្ត ក្រុង ស្រុក សរុប​ប្រមាណ​ជា ១៤៧,០៧១​នាក់ ក្នុងនោះ​ភ្ញៀវ​ទេចរ​បរទេស ចំនួន​១,០៧១​នាក់ បាន​ថយចុះ​ ៩៣.៣៦% បើ​ប្រៀបធៀប​រយៈពេល​ដូចគ្នា​ឆ្នាំ​២០១៩ មាន​ចំនួន ១៦,១៣៨​នាក់ ហើយចំពោះ​ភ្ញៀវ​ជាតិមាន​ប្រមាណ​ជា ១៤៦,០០០​នាក់។ ប្រធាន​មន្ទីរ​ទេសចរណ៍ បាន​បន្តថា ភ្ញៀវទេសចរ​ទាំងនេះបាន​ទៅ​ទស្សនា​ប្រាសាទបុរាណ​នានា​នៅក្នុង​រមណីយដ្ឋាន​អង្គរ និង​តាម​តំបន់​រមណីយដ្ឋាន តាម​សហគមន៍​នានា​ក្នុង​ខេត្តសៀមរាប មានដូចជា ឧទ្យាន​ជាតិ​ភ្នំ​គូលែន​, សហគមន៍​ព្រៃ​ទឹក​ជប់​ខ្នារ​ពោធិ៍​, សហគមន៍​ទេសចរណ៍​បាគង​ភូមិ​ខ្ញុំ​,