បញ្ហាគ្រោះថ្នាក់ចរាចរណ៍ បានធ្វើឱ្យកម្ពុជាបាត់បង់ថវិកាជាតិ និងឯកជន ប្រមាណ ៣៥០ លានដុល្លារអាមេរិកក្នុងមួយឆ្នាំ ក្នុងនោះជាមធ្យមក្នុងមួយថ្ងៃ មានអ្នកស្លាប់ដោយគ្រោះថ្នាក់ចរាចរណ៍ ចំនួន ៥នាក់ និងរបួសពី ១០ ទៅ ១៥នាក់ នេះដោយយោងតាមការវាយតម្លៃរបស់ធនាគារអភិវឌ្ឍន៍អាស៊ី។ តួលេខនេះត្រូវបានបង្ហាញដោយឯកឧត្តម​ ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន នៅក្នុងពិធីសម្ពោធបើកឱ្យប្រើប្រាស់ជាផ្លូវការ មជ្ឈមណ្ឌលសំបកកង់ និងថែទាំរថយន្តមួយ កាលពីថ្ងៃទី០៥ ខែវិច្ឆិកា ឆ្នាំ២០២០នេះ។ នាឱកាសនោះឯកឧត្តមទេសរដ្ឋមន្រ្តី បានបញ្ជាក់ថា គ្រោះថ្នាក់ចរាចរណ៍ជាង ៩៣% បង្កឡើងដោយកកត្តាមនុស្សដោយសារការមិនគោរពច្បាប់ចរាចរណ៍ ការបើកបរក្នុងពេលស្រវឹង ការប្រើប្រាស់គ្រឿង

យោងតាមការដកស្រង់ចេញពីការចុះផ្សាយរបស់ក្រសួងព័ត៌មាន អគ្គនាយករងនៃសាជីវកម្មវិនិយោគកម្ពុជាក្រៅប្រទេស (OCIC) បានបង្ហើបថា ផ្សាររាត្រី និងផ្លូវថ្មើរជើងនឹងត្រូវសាងសង់នៅតំបន់ជុំវិញកោះពេជ្រ សម្រាប់ប្រជាជនរស់នៅទីក្រុងភ្នំពេញ និងភ្ញៀវទេសចរទាំងក្នុង និងក្រៅប្រទេស។ ​លោក​ទូច​ សំណាង អគ្គនាយករងនៃសាជីវកម្មវិនិយោគកម្ពុជា-ចិនក្រៅប្រទេស (OCIC) បានបង្ហើបនៅក្នុងបទសម្ភាសន៍ជាមួយអ្នកយកព័ត៌មានថា បច្ចុប្បន្នការអភិវឌ្ឍន៍ទីក្រុងពាណិជ្ជកម្មកោះពេជ្រទទួលបានការអភិវឌ្ឍយ៉ាងឆាប់រហ័ស។ ក្រុមហ៊ុនកំពុងរៀបចំសាងសង់ផ្សាររាត្រី និងផ្លូវថ្មើរជើងនៅតំបន់ជុំវិញកោះពេជ្រ ដែលជាផ្នែកសំខាន់បំផុតនៃផែនការអភិវឌ្ឍរួមរបស់កោះនេះ។ សូមជម្រាបថា រហូតមកដល់ពេលនេះតំបន់អភិវឌ្ឍន៍នៃកោះពេជ្រទាំងមូលមានត្រឹមតែ ៥០% នៃផ្ទៃដីសរុប ហើយមជ្ឈមណ្ឌលសន្និបាត និងពិព័រណ៍នៅលើកោះនេះក៏នឹងត្រូវផ្លាស់ទៅទីក្រុងរណប ជ្រោយចង្វារ នាពេលអនាគតផងដែរ។ នាពេលបច្ចុប្បន្នកោះពេជ្រកំពុងបោះជំហានយ៉ាងលឿននៃការអភិវឌ្ឍន៍ តំបន់ជាច្រើនបានចាប់ផ្តើមសាងសង់ផ្លូវដើរ និងភោជនីយដ្ឋានដ៏ទូលំទូលាយដើម្បីបម្រើដល់ប្រជាពលរដ្ឋដែលសម្រាកនិងទស្សនានៅពេលរាត្រី។ ប្រែសម្រួល៖ លីនី ប្រភព៖ ក្រសួងព័ត៌មាន

អ្នកជំនាញនិយាយថា ប្រទេសវៀតណាមនឹងទទួលបានអត្ថប្រយោជន៍ពាណិជ្ជកម្មដោយមិនគិតពីលទ្ធផលនៃការបោះឆ្នោតប្រធានាធិបតីសហរដ្ឋអាមេរិក ប៉ុន្តែគ្រាន់តែការទទួលបានអត្ថប្រយោជន៍គឺខុសគ្នាឆ្ងាយ។ នៅពេលដែលពិភពលោករង់ចាំមើលថាតើគណបក្សសាធារណរដ្ឋលោក Donald Trump នៅតែជាប្រធានាធិបតីសម្រាប់រយៈពេល ៤ ឆ្នាំទៀត ឬប្រគល់តំណែងដល់លោក Joe Biden អតីតអនុប្រធានាធិបតី អ្នកជំនាញវៀតណាមត្រូវបានបែងចែកថាតើសេដ្ឋកិច្ចវៀតណាមនឹងទទួលបានផលប្រយោជន៍យ៉ាងដូចម្តេច។ សេដ្ឋវិទូលោក Le Dang Doanh បានប្រាប់ VnExpress International ថា ជ័យជំនះសម្រាប់លោក Trump នឹងអនុគ្រោះដល់ប្រទេសវៀតណាមនៅពេលដែលពន្ធដែលលោកបានដាក់លើប្រទេសចិនក្នុងរយៈពេលប៉ុន្មានឆ្នាំចុងក្រោយនេះ បានអនុញ្ញាតឱ្យប្រទេសវៀតណាមបង្កើនការនាំចេញទៅកាន់សហរដ្ឋអាមេរិក និងបង្កឱ្យមានរលកនៃប្រទេសចម្រុះប្តូររោងចក្ររបស់ពួកគេទៅប្រទេសវៀតណាម នៅពេលពួកគេធ្វើពិពិធកម្មខ្សែសង្វាក់ផ្គត់ផ្គង់របស់ពួកគេ។ លោកបានបន្ថែមថាប្រសិនបើលោក Trump អាចរក្សាកៅអីរបស់លោកនៅក្នុងសេតវិមាននោះ គោលនយោបាយរឹងមាំទាំងនេះឆ្ពោះទៅប្រទេសចិនទំនងជានឹងត្រូវបានបន្ត ហើយប្រទេសវៀតណាមអាចមើលឃើញអត្ថប្រយោជន៍បន្ថែមទៀតនៅក្នុងទំនាក់ទំនងពាណិជ្ជកម្មរបស់ខ្លួនជាមួយសហរដ្ឋអាមេរិក។ ការផ្លាស់ប្តូរផលិតកម្មពីប្រទេសចិនដែលត្រូវបានគេយល់ថាជាលទ្ធភាពជាច្រើនឆ្នាំកន្លងមកបានក្លាយជាការពិតឥឡូវនេះ។

មន្រ្តីជំនាញកសិកម្មខេត្តតាកែវបានអះអាងថា ឆ្នាំនេះខេត្តអាចនាំស្រូវចេញបានជាង ៨០ម៉ឺនតោន សម្រាប់ផ្គត់ផ្គង់ទីផ្សារ បើទោះបីមានគ្រោះរាំងស្ងួត និងទឹកជំនន់កើតមានក៏ដោយ។ នេះបើយោងតាមការចេញផ្សាយរបស់ក្រសួងព័ត៌មានកាលពីថ្ងៃទី ០៥ ខែវិច្ឆិកា កន្លងទៅថ្មីៗនេះ។ លោក ញិប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តតាកែវ បានប្រាប់វិទ្យុជាតិកម្ពុជាថា រហូតមកដល់ពេលនេះ ផលស្រូវដើមរដូវជាង ៥ម៉ឺនហិកតា ប្រមូលផលបាន ១០០%ហើយ ដោយទទួលបានទិន្នផលជាង ៤តោនក្នុងមួយហិតតា បើគិតជាបរិមាណផលទទួលបាន ២៤៥,៨៣៩តោន ។ លោកប្រធានមន្ទីរបន្ថែមថា ស្រូវដើមរដូវ ឬ ហៅថាស្រូវស្រាល មានដូចជាស្រូវសែនក្រអូប ស្រូវអ៊ីអ៊ែ ជាដើមនោះ

លោក Steve Jobs ស្ថាបនិក្រុមហ៊ុន Apple មិនត្រឹមតែផ្លាស់ប្ដូរមនុស្ស ដោយការបង្កើតបច្ចេកវិទ្យាដ៏ទំនើបនោះទេ ប៉ុន្តែតាមរយៈសម្ដី ក្បួនខ្នាតនៃការដឹកនាំជីវិតរបស់គាត់ក៏បានបង្រៀនមនុស្សជាច្រើនឲ្យផ្លាស់ប្ដូរខ្លួនឯង ដើម្បីឈានទៅការសម្រេចក្ដីសុបិន្ត ឬភាពជោគជ័យដូចរូបគាត់ដែរ​។ រាប់ចាប់ពីការតស៊ូក្នុងជីវិត ការចាប់ផ្ដើមបង្កើតក្រុមហ៊ុន ការបរាជ័យ ភាពជោគជ័យ រហូតដល់ការស្លាប់របស់ស្ថាបនិករូបនេះបានបង្រៀនមនុស្សជាច្រើន។ យ៉ាងណាមិញថ្ងៃ យើងនឹងបង្ហាញច្បាប់មាសចំនួន ៥ ដែលបានដឹកនាំលោក Steve Jobs ទៅរកភាពជោគជ័យក្លាយជាកំពូលអ្នកច្នៃប្រឌិតបច្ចេកវិទ្យា៖ ១.ធ្វើអ្វីដែលអ្នកចូលចិត្ត៖ Jobs ធ្លាប់បាននិយាយថា “មនុស្សដែលមានចំណង់ចំណូលចិត្តអាចផ្លាស់ប្តូរពិភពលោកឱ្យកាន់តែប្រសើរឡើង។ នៅពេលសួរអំពីដំបូន្មានដែលគាត់នឹងផ្តល់ឲ្យអ្នកដែលចង់ក្លាយជាសហគ្រិនគាត់បាននិយាយថា៖ «ខ្ញុំនឹងទទួលបានការងារជាអ្នកបើករថយន្តក្រុង ឬអ្វីផ្សេងរហូតដល់ខ្ញុំបានរកឃើញនូវអ្វីដែលខ្ញុំពិតជាពេញចិត្ត ចំណង់ចំណូលចិត្តគឺជាអ្វីគ្រប់យ៉ាង »។ ២.ភ្ជាប់ទំនាក់ទំនង៖ ភ្ជាប់ទំនាក់ទំនងនៅក្នុងនេះមិនមែនជាទំនាក់ទំនងមិត្តភាពនោះទេ

ពាណិជ្ជកម្មទ្វេភាគីរវាងកម្ពុជា និងសហរដ្ឋអាមេរិកបានកើនឡើងដល់ ៥,០៦០ លានដុល្លារគិតត្រឹមខែកញ្ញាឆ្នាំនេះ ឬ កើនឡើង ១៦% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន ទោះបីមានវិបត្ដិកូវីដ-១៩។ យោងតាមការិយាល័យត្រួតពិនិត្យសហរដ្ឋអាមេរិកក្នុងរយៈពេល ៩ខែនេះ ប្រទេសកម្ពុជាបាននាំចេញផលិតផលមានតម្លៃ ៤,៨២៨ លានដុល្លារទៅកាន់សហរដ្ឋអាមេរិកដែលកើនឡើង ២២%។ មួយវិញទៀតការនាំចូលពីសហរដ្ឋអាមេរិកមកប្រទេសកម្ពុជាមានការថយចុះយ៉ាងខ្លាំងដោយធ្លាក់ចុះ ៧២% ស្មើនឹង ២៣២ លានដុល្លារក្នុងរយៈពេលដូចគ្នា។ ផលិតផលនាំចេញសំខាន់របស់កម្ពុជាទៅកាន់សហរដ្ឋអាមេរិករួមមាន វាយនភណ្ឌស្បែកជើង ទំនិញធ្វើដំណើរ និងផលិតផលកសិកម្ម ខណៈការនាំចូលរបស់អាមេរិករួមមាន យានយន្ត ចំណីសត្វ និងគ្រឿងម៉ាស៊ីន។ សូមជម្រាបផងដែរថា ការនាំចេញពីប្រទេសកម្ពុជាទៅកាន់សហរដ្ឋអាមេរិកបានកើនឡើងគួរឱ្យកត់សម្គាល់ចាប់តាំងពីខែកក្កដាឆ្នាំ២០១៦ នៅពេលដែលព្រះរាជាណាចក្រកម្ពុជាទទួលបានអត្ថប្រយោជន៍មិនគិតពន្ធសម្រាប់ការនាំចេញទំនិញធ្វើដំណើរដូចជាឥវ៉ាន់កាបូបស្ពាយ កាបូបដៃ និងកាបូប នៅក្រោមប្រព័ន្ធអនុគ្រោះពន្ធទូទៅ

ដូចដែលយើងបានដឹងរួចមកហើយថា វីរុស Covid-19 បានវាយប្រហារយ៉ាងខ្លាំងទៅលើសេដ្ឋកិច្ចដែលក្នុងនោះបណ្ដាលឲ្យអាជីវកម្មតូច ធំ លំដាប់ៗ ខាតបង់ចំណូល និងភាគច្រើនឈានដល់ការបិទអាជីវកម្មទាំងស្រុងតែម្ដង។ ប៉ុន្តែទោះជាយ៉ាងនេះក្ដី ក៏នៅមានអាជីវកម្មមួយចំនួននៅតែបន្តប្រតិបត្តិការ ហើយអាជីវកម្មខ្លះក៏ទាញយកប្រយោជន៍បានយ៉ាងច្រើនផងដែរ។ យោងតាមការចុះផ្សាយពីសារព័ត៌មាន The Sun បានឲ្យដឹងថា ខណៈពេលដែលវីរុសបានរាតត្បាតហើយតម្រូវឲ្យរដ្ឋាភិបាលអង់គ្លេសបិទទ្វារប្រទេស ឧស្សាហកម្មភោជនីយដ្ឋានបានរងផលប៉ះពាល់យ៉ាងខ្លាំង។ ហើយដើម្បីជួយដល់ឧស្សាហកម្មនេះឲ្យនូវតែបន្តដំណើរការ កាលពីពេលថ្មីៗនេះ យីហោអាហាររហ័សដ៏ល្បី BURGER King បានធ្វើរឿងដ៏គួរឲ្យគោរពមួយគឺ ជំរុញឲ្យអតិថិជនរបស់ខ្លួន ទៅបញ្ជាទិញនៅ McDonald’s ដើម្បីជួយឧស្សាហកម្មភោជនីយដ្ឋានដោយមិនគិតថាជាគូរប្រកួតប្រជែង ឬ ដើម្បីទទួលបានផលប្រយោជន៍តែឯង។ នៅក្នុងសារទៅកាន់អ្នកគាំទ្រ យីហោ BURGER King បានជំរុញឱ្យអតិថិជនបញ្ជាទិញពីគូប្រជែងរបស់ខ្លួនដើម្បីគាំទ្រដល់

មជ្ឈមណ្ឌលស្រាវជ្រាវ Kasikorn បាននិយាយថា ប្រសិនបើបេក្ខភាពបក្សប្រជាធិបតេយ្យ លោក Joe Biden ឈ្នះឆ្នោតប្រធានាធិបតីអាមេរិកដូចដែលការស្ទង់មតិបានប៉ាន់ប្រមាណ វានឹងក្លាយជាប្រយោជន៍សម្រាប់សេដ្ឋកិច្ចអាមេរិកសកលលោក និងប្រទេសថៃ។ ស្ថាប័នស្រាវជ្រាវបានព្យាករណ៍ថា ជោគជ័យរបស់លោក Biden នឹងនាំឱ្យកំណើនសេដ្ឋកិច្ចរបស់អាមេរិកកើនឡើង ៣% ក្នុងឆ្នាំ ២០២១។ ក្រុមបក្សប្រជាធិបតេយ្យត្រូវបានគេរំពឹងថា នឹងឈ្នះសំឡេងភាគច្រើនដែលអាចធ្វើឱ្យរដ្ឋបាលលោក Biden អនុម័តសេចក្តីព្រាងច្បាប់ថវិកា និងគោលនយោបាយសេដ្ឋកិច្ចយ៉ាងរលូន ហើយក៏ជំរុញសេដ្ឋកិច្ចអាមេរិកផងដែរ។ ទន្ទឹមនឹងនេះហានិភ័យសេដ្ឋកិច្ចសកលក៏នឹងធ្លាក់ចុះក្រោមដោយសារលោក Biden ដែរ ខណៈពេលដែលប្រាក់បាតនៅក្នុងប្រទេសថៃនឹងកើនឡើងពីអត្រាប្រាក់ដុល្លារ ៣១.១៥ បាតក្នុងមួយដុល្លារ។ តាមការស្រាវជ្រាវបានឱ្យដឹងថា « រាល់ ១ ភាគរយនៃកំណើនរបស់អាមេរិកនឹងប្រែទៅជាកំណើនសេដ្ឋកិច្ចថៃកម្រិត

យោងតាមតួលេខពីក្រសួងពាណិជ្ជកម្មបានឱ្យដឹងថា កម្ពុជាបាននាំចេញកង់ជាងជាង ១,៥ លានគ្រឿងទៅកាន់ទីផ្សារបរទេសគិតត្រឹមត្រីមាសទី៣ នៃឆ្នាំនេះ ដោយរកចំណូលបានជិត ៤០០ លានដុល្លារអាមេរិក។ នេះបើយោងតាមកាការចេញផ្សាយដោយក្រសួងព័ត៌មាន។ ប្រភពដដែលបានឲ្យដឹងថា ចាប់ពីខែមករាដល់ខែកញ្ញា នៃឆ្នាំនេះ ប្រទេសកម្ពុជាបាននាំចេញកង់ចំនួនកន្លះលានកង់ទៅទីផ្សារសហរដ្ឋអាមេរិក និង ៣៦០,០០០ ផ្សេងទៀតទៅកាន់ប្រទេសអាឡឺម៉ង់ ខណៈដែល ២៧០,០០០ គ្រឿង និង ១៥០,០០០ គ្រឿងត្រូវបានដឹកជញ្ជូនទៅចក្រភពអង់គ្លេស និងបែលហ្ស៊ិក។ ជាមួយគ្នានេះទីផ្សារសំខាន់ផ្សេងទៀតសម្រាប់កង់នៅប្រទេសកម្ពុជាគឺមាន ប្រទេសហូឡង់ និងអូស្ត្រាលីដែលមាន ៩០,០០០ និង ១០០,០០០ គ្រឿង។ ដោយឡែកនៅឆមាសទីមួយនៃឆ្នាំនេះប្រទេសកម្ពុជាបាននាំចេញកង់ចំនួន ១,១ លានគ្រឿងដែលរកចំណូលបាន ២៤១

ជាការពិតណាស់មនុស្សគ្រប់គ្នាតែងយល់ឃើញថា ការងារជាអ្នកបើកឡានឲ្យមហាសេដ្ឋី ឬ អ្នកជំនួញ មិនអាចរកចំណូលបានច្រើននោះទេ ប៉ុន្តែផ្ទុយទៅវិញអ្នកបើកឡានឲ្យមហាសេដ្ឋីលំដាប់ទី១ នៅហុងកុង សល់ប្រាក់រាប់លានដុល្លារនៅពេលចូលនិវត្តន៍។ លោក លី កាស៊ីង ត្រូវបានគេស្គាល់ថា ជាកំពូលវិនិយោគិននៅអាស៊ី ជាពិសេសខាងវិស័យអចលនទ្រព្យ។ លោក គឺជាបុគ្គលមួយរូបដែលឆ្លាត និងពូកែក្នុងការវិនិយោគមិនថា គ្រប់កន្លែង ឬ ទីតាំងណាក៏ដោយមិនងាយបរាជ័យនោះទេ។ ជាមួយគ្នានេះ គ្រប់ពេលធ្វើដំណើរមិនថាទៅមើលទីតាំងវិនិយោគ ឬទៅធ្វើការនៅក្រុមហ៊ុន មហាសេដ្ឋីរូបនេះមានអ្នកបើកបរផ្ទាល់ខ្លួន។ ក្រោយពេលបើកបរឲ្យលោក លី អស់ជាង ៣០ មក អ្នកបើកបរក៏ត្រៀមចូលនិវត្តន៍ ហើយដោយសារឃើញការខិតខំបំពេញការងារបានយ៉ាងល្អ មហាសេដ្ឋីរូបនេះបានប្រគល់ប្រាក់ចំនួន ២ លានដុល្លារហុងកុង