ដំណាំមន នៅខេត្តបាត់ដំបងកំពុងមានទីផ្សារខ្ពស់ និងមានអត្ថប្រយោជន៍ច្រើន ខណៈដែលបច្ចុប្បន្នផ្លែមននេះ អាចយកទៅទទួលទានស្រស់ កែច្នៃធ្វើទឹកមន និងការធ្វើជា​ដំណាប់ ដែលជួយថែរក្សាសុខភាពអ្នកបរិភោគ។ លោកស្រី ឡឺ ចាន់នី ស្ថិតនៅក្នុងភូមិអូរពងមាន់ ឃុំតាក្រៀម ស្រុកបាណន់ ខេត្តបាត់ដំបង បានប្រាប់វិទ្យុជាតិកម្ពុជាថា លោកស្រីបានចាប់យកការងារដាំផ្លែមន អស់រយ:ពេល ២ឆ្នាំមក​ហើយ ដើម្បីផ្គត់ផ្គង់ក្នុងស្រុក ខណៈដែលប្រជាពលរដ្ឋមានតម្រូវការទិញច្រើនយកទៅបរិភោគ។ លោកស្រីបានបន្តថា ផ្លែមន គឺជាប្រភេទដំណាំ ដែលមានអត្ថប្រយោជន៏ច្រើនចំពោះសុខភាព ទាំងមនុស្សចាស់និងក្មេង ។ គ្រាន់តែផ្លែ និងស្លឹករបស់វា យកមកដាំទឹកផឹក សម្រាប់ជួយព្យាបាល​ជំងឺក្រពះ ទល់លាមក លើសជាតិស្ករជាដើម។ លោកស្រី

យោងតាមការចុះផ្សាយរបស់សារព័ត៌មាន The Thaiger បានឲ្យដឹងថា គិតមកទល់ពេលនេះ នាវាដឹកទំនិញខា្នតយក្ស Ever Given របស់ក្រុមហ៊ុន Evergreen Marine នៅតែជាប់គាំងនៅឯព្រែកជីកស៊ុយអេ (Suez Canal) ដដែល ដោយការជាប់គាំងនេះបានបង្កឲ្យមានការកកស្ទះចរាចរដឹកទំនិញផ្សេងទៀតយ៉ាងហោចណាស់ ២៤០នាវា។ សារព័ត៌មានដដែលបានឲ្យដឹងថា ការជាប់គាំងនេះ នឹងធ្វើឲ្យថ្លៃដើមនៃប្រេងឥន្ធនៈ ទំនិញ និងអាហារ កើនឡើង ដោយសារតែការពន្យារពេលក្នុងការដឹកជញ្ជូន និងការផ្ទេរទៅកាន់មធ្យោបាយដឹកជញ្ជូនថ្មី។ កប៉ាល់ Ever Given បានជាប់គាំងនៅចំផ្លូវសំខាន់សម្រាប់ដឹកទំនិញចេញចូលរវាងទ្វីបអាស៊ី និងអឺរ៉ុប ដែលតាមធម្មតានៅក្នុងមួយថ្ងៃៗ ផ្លូវទឹកមួយនេះមានកប៉ាល់ដឹកទំនិញប្រមាណជា ៥០គ្រឿងត្រូវបើកឆ្លងកាត់ ហើយបើតាមការវាយតម្លៃគឺការដឹកជញ្ជូនតាមព្រែកជីកមួយនេះមានទំហំស្មើនឹង

ក្រសួងសេដ្ឋកិច្ច និងហិរញ្ញវត្ថុ នៅថ្ងៃច័ន្ទ ទី២៩ ខែមីនា ឆ្នាំ២០២១នេះ បានប្រកាសដាក់ឱ្យដំណើរការ «គម្រោងធានាឥណទាន ដើម្បីស្តារអាជីវកម្ម » របស់សាជីវកម្មធានាឥណទានកម្ពុជាទំហំ ២០០លានដុល្លារ។ បើតាមសេចក្តីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុ គម្រោងធានាឥណទាន ដើម្បីស្តារអាជីវកម្ម មានគោលដៅគាំទ្រអាជីវកម្ម ទាំងអាជីវកម្មខ្នាតមីក្រូ, ខ្នាតតូចនិងមធ្យម, និងអាជីវកម្មខ្នាតធំ ក្នុងការពង្រីកលទ្ធភាពទទួលបានហិរញ្ញប្បទាន ពីគ្រឹះស្ថានហិរញ្ញវត្ថុចូលរួម សម្រាប់ការកៀរគរទុនបង្វិល, វិនិយោគ, និងការពង្រីកអាជីវកម្ម។ (រូបតំណាង) គំនិតផ្តួចផ្តើមនេះ ស្របនឹងគោលនយោបាយរបស់រាជរដ្ឋាភិបាល ក្នុងការគាំទ្រនិរន្តភាព និងការងើបឡើងវិញនៃសេដ្ឋកិច្ច ក្នុងអំឡុងពេលនៃវិបត្តិជំងឺកូវីដ-១៩។ គួរបញ្ជាក់ផងដែរថា សាជីវកម្មធានាឥណទានកម្ពុជា គឺជាក្រុមហ៊ុនធានាឥណទានមុនដំបូងបង្អស់នៅកម្ពុជា

នាចុងរដូវប្រាំងខាងមុខនេះ ស្រះស្រង់អាចនឹងត្រូវរីងស្ងួត ព្រោះកន្លងមកនេះពុំមានការបញ្ចូលទឹកក្នុងស្រះស្រង់ទេដោយមូលហេតុទុកលទ្ធភាពគ្រប់គ្រាន់ឲ្យអ្នកជំនាញធ្វើការជួសជុល និងលើកតម្លៃសោភ័ណភាពឡើងវិញ នៅប្រាសាទកណ្ដាលស្រះស្រង់នេះ។ អ្នកជំនាញលើការគ្រប់គ្រងទឹកបានបញ្ជាក់ថា អាជ្ញាធរជាតិអប្សរាមិនបានបង្ហូរទឹកចូលបន្ថែមក្នុងស្រះស្រង់ទេ ខណ:ដែលក្រុមអ្នកជួសជុលប្រាសាទ បច្ចុប្បន្នកំពុងប្រញាប់រួសរាន់ ក្នុងការងារជួសជុលបង្ហើយប្រាសាទស្រះស្រង់ឲ្យទាន់ពេលវេលា។ ស្ថានភាពបច្ចុប្បន្ន គិតត្រឹមថ្ងៃទី២៧ ខែមីនា ឆ្នាំ២០២១នេះ កម្រិតបរិមាណទឹកក្នុងស្រះស្រង់ ស្ថិតក្នុងកម្រិតទាបបំផុត ហើយកំដៅថ្ងៃនឹងបន្តហួតទឹកដែលនៅសេសសល់បន្ដិចបន្តួចនេះ យ៉ាងឆាប់រហ័យបំផុត បើគិតតាមរយ:អាកាសធាតុសព្វថ្ងៃ។ គួររំលឹកថា កាលពីខែមេសា ឆ្នាំ២០២០ លោកជំទាវឧកញ៉ា អគ្គនាយិកានៃក្រុមហ៊ុនហេងអភិវឌ្ឍន៍ បានប្រកាសថា ខ្លួនបានផ្ដល់ថវិកា ដល់អាជ្ញាធរជាតិអប្សរា ប្រមាណ៣០ម៉ឺនដុល្លារអាមេរិក ដើម្បីជួសជុលប្រាសាទកណ្តាលស្រះស្រង់, ខ្លោងទ្វារចូលបរិវេណក្រុងអង្គរធំ ពីខាងលិច ឬហៅថា ខ្លោងទ្វារតាកាវ និងរហាត់ទឹកបុរាណ

យោងតាមការចុះផ្សាយរបស់សារព័ត៌មាន The Nation thailand បានឲ្យដឹងថា អាជ្ញាធរឈៀងម៉ៃកំពុងទិញស្លឹកងាប់ៗពីអ្នកភូមិ ក្នុងវិធានការណ៍ដើម្បីដោះស្រាយបញ្ហាភ្លើងឆេះ និងការបំពុលបរិស្ថានដែលបណ្តាលមកពីអ្នកស្រុកដុតបន្លែ និងស្លឹកឈឺដែលងាប់នៅក្នុងខេត្តនេះ។ ប្រភពដដែលបានបន្តឲ្យដឹថា ការិយាល័យធនធានធម្មជាតិនិងបរិស្ថានក្នុងតំបន់ បានដាក់ចេញនូវគម្រោងមួយនៅក្នុងភូមិចំនួន ៣៤ ដែលអនុញ្ញាតឱ្យប្រជាជនលក់ស្លឹក និងកាកសំណល់កសិកម្មពីព្រៃឈើ និងកសិដ្ឋានរបស់ពួកគេ ដើម្បីដោះស្រាយបញ្ហាដែលខាងលើ។ ហើយជាក់ស្ដែង គ្រោងការណ៍នេះ បានចាប់ផ្តើមរួចហើយ គឺចាប់តាំងពីថ្ងៃទី ១៥ ខែមីនា ដោយបានប្រមូលស្លឹកឈើងាប់ៗចំនួន ១៦.៦៩ តោនគិតត្រឹមថ្ងៃពុធ និងកំពុងកំណត់គោលដៅសរុបប្រមាណ ៥០ លានតោន។ គួរបញ្ជាក់ផងដែរថា ទីក្រុងឈៀងម៉ៃបានជាប់ចំណាត់ថ្នាក់កំពូលនៃការបំពុលបរិយាកាសពិភពលោកក្នុងខែនេះ ដោយសារការដុតវាលស្មៅនិងព្រៃបានហ៊ុំព័ទ្ធខេត្ត បង្កឲ្យមានអ័ព្ទពុល។ ជាមួយគ្នានេះដែរ

ខណៈលោក Bill Gates បានបញ្ចេញការព្យាករណ៍ផ្សេងៗអំពីអនាគត អ្នកជំនួញ Elon Musk ក៏បានលើកឡើងលើការព្យាករណ៍របស់ខ្លួនផងដែរ។ យោងតាមការចុះផ្សាយរបស់សារព័ត៌មាន entrepreneur មហាសេដ្ឋីបច្ចេកវិទ្យារូបនេះ បានព្យាករណ៍ថា ប្រទេសចិននឹងក្លាយជាប្រទេសមានសេដ្ឋកិច្ចធំជាងគេលើពិភពលោកហើយនឹងក្លាយជាទីផ្សារដ៏សំខាន់របស់ក្រុមហ៊ុន Tesla ទាក់ទងនឹងការផលិត រួមទាំងការលក់។ លើសពីនេះទៅទៀត នាយកប្រតិបត្តិក្រុមហ៊ុន SpaceX ក៏បានព្យាករណ៍ពីអនាគតដ៏ជោគជ័យសម្រាប់ប្រទេសអាស៊ីមួយនេះផងដែរ។ លោក Elon Musk បានប្រាប់ទីភ្នាក់ងារព័ត៌មានចិន Xinhua ថា ” ខ្ញុំសូមផ្តល់នូវគំនិតសុទិដ្ឋិនិយមមួយ ហើយខ្ញុំប្រាកដថាអនាគតនៃប្រទេសចិននឹងមានភាពអស្ចារ្យ ហើយប្រទេសចិនកំពុងក្លាយជាប្រទេសមានសេដ្ឋកិច្ចធំបំផុតនៅលើពិភពលោក” ។ ដោយសំដៅទៅលើលទ្ធភាពដែលប្រទេសចិនផ្តល់ឱ្យ ក្រុមហ៊ុន Tesla

ដំណាំការ៉ុត ស្ពៃបូកគោ និងស្ពៃក្តោប កំពុងមានទីផ្សារល្អប្រចាំខេត្តមណ្ឌលគិរី ខណៈដែលដំណាំទាំងអស់នោះ ត្រូវបាន អ្នកបរិភោគទូទៅវាយតម្លៃថា មានគុណភាពល្អ និងស្រួយឆ្ងាញ់ពិសេស អាចលក់បានថ្លៃ និងមានទីផ្សារនាំទៅកាន់រាជធានីភ្នំពេញ។ លោក សុខ ឃាង ប្រធានមន្ទីរកសិកម្ម រុក្ខាប្រមាញ់និងនេសាទ ខេត្តមណ្ឌលគិរី មានប្រសាសន៍ប្រាប់អ្នកយកព័ត៍មានវិទ្យុជាតិ កម្ពុជាថា ខេត្តមណ្ឌលគិរីមានស្ថានភាពភូមិសាស្រ្តអំណោយផលលើវិស័យកសិកម្ម ដោយសារអាកាសធាតុត្រជាក់គ្រប់រដូវ កាល រួមជាមួយដីមានជីវជាតិដែលធ្វើឱ្យបន្លែគ្រប់ប្រភេទលូតលាស់បានល្អ ពិសេសដំណាំការ៉ុត ស្ពៃបូកគោ និងស្ពៃក្តោប ដែលទទួលបានការពេញនិយម និងមានតម្រូវការខ្ពស់ក្នុងទីផ្សារបន្លែនៅកម្ពុជា ហើយត្រូវបានអ្នកបរិភោគវាយតម្លៃថា វាមានរស់ជាតិឆ្ងាញ់ ប្លែកជាងបន្លែដាំនៅតំបន់ផ្សេងៗ។ លោកបានបន្តថា បើគិតត្រឹមពេលនេះ ខេត្តមណ្ឌលគិរីមានផ្ទៃដីដាំស្ពៃក្ដោប

សេដ្ឋកិច្ចរបស់ប្រទេសមីយ៉ាន់ម៉ានៅឆ្នាំនេះនឹងធ្លាក់ចុះ ១០% ដោយសារប្រទេសនេះត្រូវបានរារាំងដោយការតវ៉ាទូទាំងប្រទេស កូដកម្ម និងទណ្ឌកម្ម បន្ទាប់ពីរដ្ឋប្រហារយោធា កាលពីដើមខែកុម្ភៈ នេះបើយោងតាមការព្យាករណ៍របស់ធនាគារពិភពលោកដែលបានចេញផ្សាយកាលពីថ្ងៃសុក្រ ទី២៦ ម្សិលមិញនេះ។ ប្រភពដដែលបានបន្តថា ការព្យាករណ៍នេះ គឺផ្ទុយស្រឡះពីការធ្វើបច្ចុប្បន្នភាពសេដ្ឋកិច្ចកាលពីលើកមុនរបស់ធនាគារពិភពលោកក្នុងខែតុលា ដែលបានព្យាករណ៍ថា សេដ្ឋកិច្ចរបស់មីយ៉ាន់ម៉ានឹងកើនឡើង ៥.៩% ដែលជាអត្រាមួយខ្ពស់បំផុតនៃការកើនឡើងនៅក្នុងតំបន់។ ធនាគារពិភពលោកបាននិយាយថា ប្រទេសមីយ៉ាន់ម៉ាបានរងប៉ះផលពាល់យ៉ាងខ្លាំងពីការតវ៉ា ការធ្វើកូដកម្មរបស់កម្មករ និងសកម្មភាពយោធា ការថយចុះនៃការចល័ត និងការរំខានជាបន្តបន្ទាប់នៃសេវាកម្មសាធារណៈបន្ថែមលើសេវាកម្មធនាគារ ភ័ស្តុភារនិងអ៊ិនធឺណិត។ គួរបញ្ជាក់ផងដែរថា ក្រុមអ្នកតវ៉ានៅក្នុងប្រទេសមីយ៉ាន់ម៉ា បានកំណត់គោលដៅសេដ្ឋកិច្ចជាផ្នែកមួយនៃយុទ្ធនាការមិនគោរពតាមរដ្ឋប្បវេណីរបស់ពួកគេ ធ្វើឱ្យប្រព័ន្ធធនាគារគាំង និងជំរុញឲ្យវិនិយោគិនបរទេសឱ្យដកខ្លួនចេញ រហូតទាល់តែរដ្ឋាភិបាលដែលបានជ្រើសរើសតាមបែបប្រជាធិបតេយ្យត្រូវបានស្តារឡើងវិញ៕ អត្ថបទ៖ លីនី ប្រភព៖ channelnewsasia